Gjykata Kushtetuese: Te pezullohet zbatimi i Ligjit të Dosjeve aprovuar nga Kuvendi

[Maars]

Ku po i qelin ? na e trego edhe ne te tjereve te veme ti shohim kush jane ata qe na kane persekutuar prinderit.

[ai_shoku]

Nuk i hap xhaxhi dosjet se eshte dhe vet aty brenda prandaj mos u trembni.
Por e ka te prokuroret e Gerdecit te gjith ai se mos i nxjerin Shkelzenin, do ti heqi ata dhe te ve te tijet, sic beri me Lulin qe e nxori te pa fajshem, po kush e nxori, vet gjykatsia gruaja e te ndierit Azem Hajdari, po pse cprisni ju se do thoshte tjeter ajo.
Kushedi sa milion euro i dha Luli eee...!?

[Brari]

sa enveriste paska mor aman..
na duhen dhe nja 3 .. 3 korrika tju fshijme juve.. nga politika..e te ec ky vend atje ku duhet e si duhet..

lavdi 3 korrikasve..

[IL__SANTO]

Brari te admiroj per urrejtjen qe ke kunder Komunistave apo Socialistave.Po keshtu shume i papune dukesh qe ke kohe per tu shfryre kaq shume ne forum.

[Duaje Siveten]

Metropol

“Pas 18 vjetësh Shqipëria nën drejtimin e një komunisti”

12/02/2009 Rama në Shkodër me vullnetarët, akuza Kryeministrit

Kryetari i PS Edi Rama zhvilloi një tjetër takim me rrjetin e vulnetarëve, kësaj radhe në qytetin e Shkodrës. Gjatë fjalës së tij në këtë takim kreu socialist nuk ka kursyer kritikat ndaj Kryeministrit Berisha dhe qeverisë së drejtuar prej tij. Sipas Ramës, ka 18 vjet që politikanët e vjetër e tregojnë varfërinë si shënjestrën e luftës së tyre, por sot të gjithë shqiptarët pa përjashtim moshe ndihen më shumë të varfër. “Sot Shqipëria është më e varfër se 4 vjet më parë, pasi prej 4 vjetësh qeveria e Berishës nuk mbajti asnjë premtim”, - u shpreh Rama.

Duke shtuar dozën e kritikave, kryetari i PS-së vuri në dukje se “askush s’mund ta parafytyronte në ditët e paharrueshme të përmbysjes së komunizmit se 18 vjet më pas shumica e papushtetshme, që ndryshoi rrjedhën e historisë duke dalë në rrugë për të kërkuar Shqipërinë si gjithë Europa, do të ishte ende në kërkim të rrugës për të mbërritur në Europë. Askush nuk mund ta imagjionte që edhe pas 18 vjetësh Shqipëria do të ishte nën drejtimin e një komunisti”. Sipas tij, asnjëherë korrupsioni dhe kryeministri i këtij vendi nuk kanë qenë më të lidhur me njëri-tjetrin sesa sot.

Por vizita e kryesocialistit Edi Rama në ambientet e ish-burgut të degës së brendshme të Shkodrës dhe fjala e tij para vullnetarëve të PS-së ka sjellë jo vetëm reagimin e shoqatës së të përndjekurve politikë, por edhe atë të kryetarit të degës së PD-së për Shkodrën, deputetit Astrit Bushati. Gjatë një deklarate për shtyp Bushati e vlerësoi fjalimin e Ramës të ngjashëm me atë të Enver Hoxhës që i bënte elozhe socializmit dhe shante kapitalizmin duke i qarë hallin proletariatit në Francë.

[dritek7]

hej po kur te hapen dosjet do shikojn Salin duke laret kembet e Enverit apo jo...me sa di un ai ka qen doktorri i Enverit ..

[dritek7]

Doruntina dakort, por vetem me thuaj si duhet t'ju drejtohemi ketyre njerezve qe behen servile e punojne per Xhaxhet qe kane 60 vjet qe po fitojne miliona e miliarda duke na e shkateruar atdheun.
Keta na kane genjyer, na kane vjedhe na kane percare edhe na kane vrare ndonjehere e vazhdojne te lozin akoma me historia dosjesh qe kurre s'kane per ti hapur e me lufte kunder korrupsionit qe kurre s'kane per ta luftuar se s'kane sesi te luftojne veten e vet. Jane te njejtit komuniste te djeshem qe vazhdojne te pijne gjakun tone, ne te njejtin kohe kur ish te persekutuarit po vdesin me tapite e pronave ne duar te cilat kurre s'kane per ti marre.

shif se ka dhe njerez qe e kan kuptuar lojen e komunisteve..

[juanito02]

per vite te tera degjonim kopuket e PS-se duke mjaullitur.. te hapen dosjet..te hapen dosjet..

mir tha berisha.. pa ndonje deshir ne fakt.. meqe doni .. eja ti hapim..

mirpo cpo ndodh..
jan leshuar kanibalet e ps-se dhe halete-anekse te saje si te terbuar e spo len obam e widhers e bruksel e paris e rrom e londer ..duke uleritur.. amani demani o shpija jon e bardhe qe sa shum te kemi dashur.. o bruksel i jon i shtrenjte .. nxitoni.. .. mo e lini berishen te hape dosjet..

nga vjen ky tmerr..pse valle..

c'qenka kjo ps-ja qe hiqet moderne qe paska kaq frike nga cfletimet e letrave qe ata vet i kan bere..

???

dini gje juve mo..

??

Ha ha ha
O brar se i di mire punet e dosjeve ti
Mos ja fut si kau peles
Hapje dosjesh dmth te iki Sala i pari i dyti ti.
Se Sala eshte ai qe si jepte doren askujt se ja kishte dhene Dulles
Kurse ti dihesh kush je e spo e zgjas me.

[D&G Feminine]

Ne fakt eshte e cuditshme nderhyrja e BE per mos hapjen e dosjeve per arsye teknike. Ku cenohet kushtetuta per hapjen e dosjeve dhe cfare e pengon nje ndryshim ne kushtetute per kete hap kaq te vonuar.

Po sjell nje artikull nga gazeta Shqip.

"Dosjet", Shqipëria drejt diktaturës

Ambasadori britanik, leksione Berishës nga Shkodra. Wilson: Ligji bie ndesh me Kushtetutën. Nëse zbatohet, kjo nuk është aspak një shenjë e mirë

Ardi Hoti, Dardan Malaj

"Ligji i lustracionit bie në kundërshtim me Kushtetutën. Nëse në një vend kemi zbatim të ligjeve që bien në kundërshtim me Kushtetutën nga qeveria e këtij vendi, atëherë vendi parimisht shkon drejt diktaturës". Këtë deklaratë e bëri dje në Shkodër ambasadori i Britanisë së Madhe në Tiranë, Fraser Willson. Diplomati britanik ishte dje në Universitetin "Luigj Gurakuqi" të Shkodrës, së bashku me shefin e politikave ekonomike të Delegacionit Evropian në Tiranë, Thomas von Handel, në një takim të organizuar nga Lëvizja Evropiane e Shqipërisë (EMA). Ambasadori Willson mbajti një leksion me temën "Shteti i së drejtës dhe integrimi evropian i Shqipërisë", ku një vend të veçantë zinte edhe ligji i shumëpërfolur për pastërtinë e figurës së zyrtarit, apo siç njihet ndryshe, "ligji i lustracionit". Në fjalën e tij, diplomati britanik komentoi me nota negative mënyrën e ligjbërjes pa një konsultim paraprak, duke marrë si shembull tipik ligjin për ndalimin e duhanit në ambiente publike, ndërkohë që nuk kurseu kritikat për procesin e përgatitjes së zgjedhjeve, luftën kundër korrupsionit dhe luftën kundër krimit të organizuar.

Gjithsesi, diskutimi mbi të gjitha temat e tjera nuk e kishte rëndësinë e komenteve mbi ligjin e lustracionit, për më tepër që këto komente bëheshin në Shkodër, një ndër qytetet më antikomuniste të Shqipërisë, ku ky ligj dhe çdo formë e dënimit të krimeve të komunizmit mbështeten me fanatizëm.

Megjithëse leksioni i ambasadorit Willson u përmbahej "kornizave" diplomatike edhe për sa i përket qëndrimit ndaj ligjit të dosjeve, kritikat e tij të matura ndeshën në reagime nga auditori që përbëhej prej pedagogëve dhe studentëve të Universitetit të Shkodrës. Në lidhje me këtë ligj të shumëkontestuar, ambasadori tha fillimisht se "shumë - duke përfshirë edhe Bashkimin Evropian - kanë shprehur shqetësime për kushtetutshmërinë e ligjit dhe ligji është apeluar në Gjykatën Kushtetuese. Fatkeqësisht, deri tani qeveria nuk duket të ketë pasur në vëmendje shqetësimet e BE-së dhe të tjerëve, vendas dhe ndërkombëtarë, për ligjin për pastërtinë e figurave. Pasojat e kësaj çështjeje për integrimin e mëtejshëm të Shqipërisë në BE janë shqetësuese kur qeveria ka shpallur synimin e saj për të aplikuar për statusin e vendit kandidat. Mbetet për t‘u parë nëse zbatimi i ligjit do të pezullohet, deri sa Gjykata Kushtetuese të shprehet për ligjin". Kjo deklaratë u pasua nga një sërë pyetjesh e komentesh prej auditorit:


Pyetje: Jeni në Shkodër, në qytetin kur në vitin 1946 kishte 16 burgje, për më pak se 50 mijë banorë. Gjatë 50 viteve, persekutimi ishte jashtëzakonisht i madh. Për një moment mendoni se ju jeni pjesë e këtij realiteti, mendoni sikur e keni përjetuar këtë persekutim! Cili do të ishte mendimi juaj për ligjin e pastrimit të figurave?

Përgjigje: Nuk jam kundër ligjit për pastrimin e figurave. Ai është zbatuar në shumë vende dhe kemi qenë dakord me të. Ne nuk jemi kundër ligjit. Problemi qëndron në faktin që ky ligj bie në kundërshtim me Kushtetutën e këtij vendi. Nëse në një vend kemi zbatim të ligjeve që bien në kundërshtim me Kushtetutën nga qeveria e këtij vendi, atëherë vendi parimisht shkon drejt diktaturës.


Pyetje: A mund të na e bëni të qartë se ku bie ndesh ky ligj me Kushtetutën shqiptare?

Përgjigje: Ka shumë pika të tilla, ku ligji bie në kundërshtim me Kushtetutën. Duhet të shikoni si ligjin, si Kushtetutën dhe do të gjeni kundërshtitë. Unë nuk jam jurist i së drejtës kushtetuese dhe megjithatë kam arritur që ta shoh qartë këtë problem. Sigurisht që specialistët gjejnë edhe më shumë.


Pyetje: A mund të lihet pa u zbatuar një ligj, nëse nuk përputhet me Kushtetutën, kur dihet shumë mirë se kushtetutat mund të ndryshojnë?

Përgjigje: Nuk po shprehem as për ligjin, as për Kushtetutën. E rëndësishme është të zbatohet ligji i së drejtës, të sundojë ai. Mund të them se njëra prej tyre nuk shkon. Atëherë ndryshojini! Nëse njëra prej tyre është gabim, atëherë rregullojeni! E pranoj idenë e ndryshimit të Kushtetutës. Çdo popull ka të drejtë ta bëjë këtë ndryshim, nëse situata politike ndryshon. Por, aktualisht, kemi një Kushtetutë që është pranuar nga të gjitha palët, ndaj duhet të respektohet, ne presim që të respektohet. Një nga kërkesat bazë të BE-së për anëtarësim është zbatimi i Kushtetutës. BE, nëse sheh që nuk zbatohet ligji i së drejtës, mund t‘ju thotë: Nuk jeni vend demokratik, nuk do të hyni në BE. Por ne nuk po e bëjmë këtë. Ne po ju bëjmë të ditur atë çfarë kërkojmë. Ne jemi miq të Shqipërisë dhe si të tillë po jua bëjmë të qartë. Kjo është e drejta jonë dhe detyra jonë.


Pyetje: Nëse nisemi me idenë se Kushtetuta nuk duhet të ndryshojë, atëherë Shqipëria duhet të ishte ende në diktaturë, pasi me Kushtetutën e vitit 1974 ishim përcaktuar si vend monist. Sot nuk do të kishim pluralizëm, por do të ishim akoma në socializëm dhe do të kishim një monizëm, pasi ligjet e pas vitit 1990 dhe iniciativat kushtetuese i binin ndesh Kushtetutës në fuqi, asaj të vitit 1974. A duhet që një popull t‘i nënshtrohet Kushtetutës? (Gaspër Kokaj, pedagog i së drejtës kushtetuese)

Përgjigje: Nuk do ta diskutoj Kushtetutën me një ekspert të Kushtetutës. Nuk jam kundër lustracionit. Unë them se, nëse ligji i lustracionit është në të mirë të popullit, atëherë ai duhet të zbatohet. E nëse është e nevojshme, të bëhen ndryshimet edhe në atë ligj që e pengon këtë. Nëse ky ligj duhet të bëhet, atëherë le të zbatohet përgjithmonë nëse është në të mirën e të gjithëve. Ligji që është në të mirë të një vendi nuk ka pse të rrezikohet nga një tjetër ligj.


Pyetje: Ju mendoni se duhet ta japë Gjykata Kushtetuese vendimin e saj, por Kushtetuta nuk thotë që në gjykata të ketë njerëz të inkriminuar, njerëz që kanë bërë krime. Çfarë mund të thoni për këtë?

Përgjigje: Nëse keni ndonjë pastrim figurash duhet të bëhet. E di se janë kryer gjëra të tmerrshme. Jam dakord që duhet të zbatohet ligji i së drejtës.


Pyetje: A ju duket i vonuar si ligj?

Përgjigje: Shumë nga vendet që e kanë aplikuar këtë e kanë zbatuar shpejt. Te ju kanë kaluar 17 vjet dhe 17 vjet janë shumë.


Presidenca e BE


Ambasadorja e Çekisë: Ligji

bie ndesh me Kushtetutën


Ligji i lustracionit ka marrë një tjetër goditje dje nga ambasadorja e Çekisë në Tiranë. Paqartësitë kushtetuese janë konsideruar nga vendi që mban presidencën e radhës së Bashkimit Evropian si pika më e kontestueshme e këtij ligji. Në vlerësimin e kreut të diplomacisë çeke në Tiranë, Marketa Fialkova, Çekia do të mirëpresë ndryshimet në ligjin për pastrimin e figurave politike. Sipas saj, ligji ka nevojë për ndryshime, pasi në të ka paqartësi të theksuara kushtetuese. Ambasadorja, në prononcimin e saj për mediat, mbrojti gjithsesi nevojën e hartimit të një ligji të tillë për hapjen e dosjeve, pasi Shqipërisë, tha ajo, si një nga vendet ish-komuniste, i nevojitet një i tillë. Fialkova kërkoi nga qeveria shqiptare që të marrë parasysh paqartësitë kushtetuese të ligjit dhe të bëjë ndryshimet e nevojshme. Diplomatja çeke insistoi se, pavarësisht kundërshtive që ka shprehur Bashkimi Evropian për ligjin, kjo nuk do të ndikojë në integrimin e vendit në BE. Vetëm pak kohë më parë ishin diplomatët çekë ata që kritikuan ashpër nismën e mazhorancës për ligjin e lustracionit. Pavarësisht këtyre sinjaleve, ekzekutivi ende nuk ka ndërmarrë një reagim, duke kthyer ligjin mbrapsht për ridiskutim.

Këshilli i Evropës


"Rrezikohet një përplasje

politike para zgjedhjeve"


Një ditë pas vizitës së të dërguarve të saj në Shqipëri ka reaguar edhe Asambleja e Këshillit të Evropës. Në faqen zyrtare të internetit thuhet se qeveria shqiptare nuk duhet ta nisë zbatimin e ligjit të lustracionit pa u shprehur Gjykata Kushtetuese. Bashkëraportuesit e Komitetit të Monitorimit të Asamblesë Parlamentare të Këshillit të Evropës për Shqipërinë kanë bërë të qartë se ekziston mundësia për një përplasje të madhe partiake-politike mbi ligjin e ri shqiptar të lustracionit para zgjedhjeve të qershorit dhe nxitën të gjitha palët që të bëjnë ç‘është e mundur për ta shmangur këtë. Jaako Laakso (Finlandë, UEL) dhe David Wilshire (Mbretëria e Bashkuar, EDG) kaluan dy ditë në Tiranë duke diskutuar ligjin e ri dhe mënyrën sesi u morën vendimet mbi delegacionin e Shqipërisë në APKE. Ata nxitën Gjykatën Kushtetuese dhe qeverinë që të dërgojnë ligjin tashmë të miratuar të lustracionit në Komisionin e Venecias të Këshillit të Evropës për të siguruar që ai është plotësisht në përputhje me detyrimet e Shqipërisë si shtet anëtar i Këshillit të Evropës. Sipas raportuesve, një rrugë për të shmangur krijimin e një krize, mund të ishte vonesa e implementimit të ligjit të lustracionit, derisa Gjykata Kushtetuese ta ketë shqyrtuar dhe Komisioni i Venecias ta ketë marrë në konsideratë atë.

[Maars]

Ne fakt eshte e cuditshme nderhyrja e BE per mos hapjen e dosjeve per arsye teknike. Ku cenohet kushtetuta per hapjen e dosjeve dhe cfare e pengon nje ndryshim ne kushtetute per kete hap kaq te vonuar.

.

NUK ESHTE PRA LIGJI PER "HAPJEN E DOSJEVE", eshte nje ligj qe ka te beje me moslejimin e punesimit ne shtet a te zgjedhurit ne parlament te disa profile njerezish qe kane pase lidhje me Partine e Punes, hetuesine etj, ( pervec atyre qe kane qene sekretare partie, sidomos ata te spitalit). Kushtetuta nuk e lejon qe nje prokuror a gjykates te pushohet nga puna per keto arsye, ndaj ka edhe nje fare konflikti.
Po te jete puna per hapjen e dosjeve nuk ka nevoje fare as per ligje,as per debate, as per kushtetute etj etj. Duhet vetem vullnet, ti marresh e ti hedhesh ne internet s'i kane bere ne vendet e tjere, KU KOMUNISTET NUK JANE ME NE PUSHTET