Gjykata Kushtetuese: Te pezullohet zbatimi i Ligjit të Dosjeve aprovuar nga Kuvendi

[Duaje Siveten]

ni tjeter "fitorje" per te prodhuar artificialisht sherr per nje problem tejet te vonuar qellimisht prej punistit salik, terheq vemendjen nga pislleqet dhe pa-aftesite drejtuese te qeverise, me ne krye salikun ...

_________

Agjencia e Lajmeve SOT

Ligji “ fitore” që po e humb sërish Shqipërinë, nga bota demokratike.

Nga Besi Bekteshi

Nuk ishte e dyshueshme që ditën e nesërme të miratimit të ligjit, do të reagonin ashpër dhe me shqetësim, përfaqësuesit më të rëndësishëm ndërkombëtarë, që në fakt kanë 18-të vite që ndjekin veprimtaritë politike dhe demokratike në Shqipëri. Ato paralajmëruan që Berisha dhe maxhoranca që udhëhiqet nga ai, të mos nguten, të konsultohen, të pyesin dhe të prodhojnë ligj që ka standarde demokratike. Ka ndodhur edhe dikur. Por tashmë jemi në kohë të ndryshme dhe në distancë prej 12-të vitesh nga paralajmërimet e asaj kohe, dhe ndryshon vetëm çështja kurse deliri qeverisës dhe largimi nga bota është po i njëjtë. Berisha në inspektimin e rrugës së kombit e ka quajtur “fitore historike” ligjin që me 74 vota të një shumice e cila ka frikë tashmë se nuk del me si e tillë edhe si bashkësi dhe sidomos si individë, e ka katranosur akoma më shumë problemin me ndërkombëtarët. Ky është edhe një mësim shumë i madh për to. Një popull i stërlodhur nga të tillë megalomanë bolshevikë që kalojnë edhe në histeri primitive e cila shquhet qartë sidomos kur e kanë më shumë gabim, nuk reagon nga që ka shikuar se nuk është e thjeshtë të ndryshojë koncepti ideologjik dhe moral i atyre militantëve të indoktrinuar në stalinizëm, por që fatkeqësisht ju është dhënë e drejta të luajnë rolin e “antikomunistëve dhe të demokratëve të thekur”.Ambasada e SHBA-së shprehet se është shumë e shqetësuar nga miratimi i ligjit. Por ajo vërteton se dhe të tjerë partnerë janë me të njëjtin qëndrim. Ligji thonë ato, ngre pikëpyetje serioze ligjore, qeverisëse dhe kushtetuese në partnerët ndërkombëtarë dhe përfshirë SHBA-në.

Në fakt është deklarata e tretë e dalë nga institucioni që përfaqëson jo thjeshtë qeverinë e SHBA-së, por demokracinë amerikane. Zëdhënësi Biks Aliu ka deklaruar në mënyrë të qartë se: Ligji ngre pikëpyetje të parimit e ndarjes së pushteteve, për pavarësinë e gjyqësorit dhe po ashtu për të drejtat personave të akuzuar. Ai vazhdon të përmend edhe OSBE-në dhe Britaninë e Madhe që janë në një linjë por...

Në fakt është Terry Devis Sekretari i Përgjithshëm i KE-së që menjëherë ka deklaruar: Ligji i ri i dosjeve është kaluar në parlamentin shqiptar me nxitim. Vetëm faktori kohë (dy dekada) krijon terren për tu shqetësuar se ligji do të shkaktojë më shumë padrejtësi, se sa do të korrigjojë padrejtësitë e bëra atë kohë. Faktori ndërkombëtar dhe sidomos SHBA-ja, Britania dhe OSBE dhe KE, janë në unison se “Berisha me të tijët” kësaj radhe e kanë shkelur.

Por nga Kalimashi, vjen thirrja e Berishës se ligji “është një fitore historike”!!?
Duket sikur amerikanët dhe europianët “gati nuk kuptojnë” krimet që kanë bërë sigurimi dhe sekretarët e partisë, apo edhe xhelatët e tjerë në Shqipëri!! “Gati gati nuk kuptojnë” se çdo të thotë diktaturë. E për këtë, kanë nevojë që t’ju a tregojmë ne...në fakt qeverisja e Berishës, se si korrigjohet gjëma e madhe që komunistët në radhët e të cilëve janë edhe “partizanët” e ligjit ( ato lart) mund të korrigjohet??! Tani e ka radhën raporti që do të kemi me ato që jo vetëm dinë mirë krimet e komunizmit, por edhe dinë më saktë se si vazhdojnë po komunistët të bëjnë ligje për “pastrimin” e figurës apo më mirë të themi “Lustracionit” që të gjitha vendet e Europës Lindore e kanë bërë përpara 20-të viteve dhe ne e bëjmë tani, mbasi i kemi mbajtur ato spiunë dhe kriminelë shpesh herë mbi shpinë, edhe në demokraci. Ky raport që prishet gjithmonë nga i njëjti pushtet, po tolerohet shumë gjatë nga pikërisht ndërkombëtarët, që tregohen klementë me elementë të theksuar të anti-demokracisë.

Kush e ka ndjekur qartë veprimtarinë politike të këtij kallëpi, me origjinë komunistoide e kupton se janë po të njëjtit individë që marrin rrëshqanë edhe turmën në drejtim të kundërt, me botën e demokratizuar, dhe sidomos të shteteve që vërtetësisht e kanë me sinqeritet me ne. Sot ka pasur edhe mendime që jemi “sovranë” dhe se ligjet i bëjmë vetë. Po, ne jemi “sovranë”, por jemi sovranë për ti ngrënë kokën njëri tjetrit si në diktaturë dhe kemi dëshirë që këtë punë ta bëjmë edhe në demokraci. Asgjë nuk ka që edhe me vonesë, të bëjmë një ligj të tillë, por nuk mund të bëhet asnjëherë jashtë atyre që sistemin demokratik e kanë shpikur dhe që me njeriun nuk sillen si dikur “komunistët me popullin e tyre” dhe me njeriun vetë. Janë po këto që në fillimet e tyre nxirrnin monstruozitete të tilla si “bashkëvuajtës dhe bashkëfajtorë” kur ishte rasti që fajtorët të nxirreshin përpara drejtësisë dhe të mos kapardiseshin edhe për një kohë të gjatë në zyra. Është po i njëjti delir pushteti që kur i erren sytë nga “fitorjeeet”, nuk pyet edhe për ato që në fakt e mbajnë këtë vend me aspirina demokracie, sepse as që bëhet fjalë se mund ta quash demokraci këtë që kemi. Më turp është akoma kundrejt asaj shtrese të persekutuar me origjinë jo kumuniste dhe komuniste, që ka përjetuar ferrin e një ideologjie që dhe sot nuk ka mbaruar, dhe shohin se edhe kur duhet një ligj sa do ti vogël drejtësie, ky ligj bëhet për arsye të tjera jashtë asaj madhores që është “Lustracioni”. Jo më tepër, të pretendosh të qëndrojnë të qetë dhe të sigurtë, se më në fund, janë pjesë botës demokratike.

Ndërkohë që ajo bën thirrje për kontroll, arsyetim dhe kushtetutshmëri. Bën thirrje të veprohet si në demokraci, dhe jo si në atë kohë kur njeriu ishte një hiç, dhe shteti në dorë të diktatorëve.

Tani duhet të mbajmë mbi shpinë edhe shqetësimin e të huajve dhe devijimin ligjor tonin që është një kapak “floriri” për vdekjen klinike të demokracisë. Megjithatë, ky është me sa duket mësimi i radhës për shqiptarët dhe do zoti edhe i fundit për ndërkombëtarët, që nuk kanë pse merren me shoqërinë shqiptare kaq shumë. Në fakt shqiptarët kanë një dallim të madh me një pjesë të politikës, sepse me Amerikën dhe Europën kanë lidhje të sinqerta dhe të forta, por politikanë dhe “sqimatarë” të pushtetit, këtë lidhje e kanë krejtësisht të pa sinqertë dhe përfituese.

Me të tillë individë duhet bërë edhe dallimi dhe po ashtu edhe “Lustracioni”, sepse edhe ky është tepër i vonuar.

[Edvin83]

Nuk me intereson a kapet rama a dreqi, mua personalisht me intereson se kush ishin ata qe burgosen familjare te mi dhe na diskriminuan me dekada, kjo me intereson. Dhe kjo duhet t'u interesoje te gjithe shqiptareve. Nuk jeni kurioze te dini se ndoshta nje shef i jot apo nje firme ku t'i blen mallra kane qene ata qe te kane rrasur ne burg pa te drejte/?

[Duaje Siveten]

Nuk me intereson a kapet rama a dreqi, mua personalisht me intereson se kush ishin ata qe burgosen familjare te mi dhe na diskriminuan me dekada, kjo me intereson. Dhe kjo duhet t'u interesoje te gjithe shqiptareve. Nuk jeni kurioze te dini se ndoshta nje shef i jot apo nje firme ku t'i blen mallra kane qene ata qe te kane rrasur ne burg pa te drejte?

te intereson ty, por nuk u intereson "atyre" ...

dhe "ata" kane angazhuar garden e tyre post-komuniste roze e blu, plus te inkriminuarit, per tu "kujdesur" qe te mos e marresh vesh as ti e as publiku i gjere, me qellim qe "ata" si dikur, te shijne lemen edhe tani, edhe ne t'ardhmen ...

skenar i pergatitur mire, ka gjetur zbatues haxhiqamilist si saliko, ashtu edhe elegante si tosi, edi etj ...

[koli20]

Ore koli20, ato ndryshime eshte shume mire qe jane bere. Po pse mor si thua ti, te te beje presion Nard Ndoka e Vangjel Dulja se ne te shembim qeverine? Kjo eshte e papranueshme dhe eshte bere shume mire ai ndryshim. Apo sa here tu ngrihet morrave te parlamentit te shembin qeverite e te fusin vendin ne kriza institucionale sipas teje. Ore demokracia nuk do te thote te kesh liri te shfrenuara, por liri te kontrolluara, mesoje mire kete, se ju punistet e enveristet i merni te gjitha çeshtjet ne ekstremitete. Thellou pak me shume ne koncepte dhe mendoji pak me mire gjerat para se ti thuash. E per shkak te atyre neneve idiote qe jane ne ate kushtetute, na ngrihet dhe nje Vasilis Bollanis e na kerkon autonomine e te ashtuquajturit sipas tij "Vorio Epiri"

Sa per ligjin, te denigrohen e te perbalten totalisht ato qe kane duart e lyera me gjakun e te pafajshemve, eshte e papranueshme qe ne kuvend kemi nje deputete e cila ka firmosur pushkatimin e 3 poeteve nga lushnja, e gjithashtu pasurine e zyrtareve ta kontrolloje nje bushter qe pushkatoi Havzi Nelen me akuza te pabaza e te paqena.

Nuk eshte kjo zgjidhja, nqs i analizon nenet e ndryshuar ato kane nje nonsens juridik. parlamenti yne ka figura te tilla si ndoka, paturri qe rreh arbitrin dhe i kerkon presidentit (qe nuk ka lidhje fare) te bej nje ligj te ri per sportin apo t.ndoshi qw nuk ka diplome jo per faktin se ka difekt kushtetuta po per arsyen se politika ketu te ne eshte kthyer ne biznes. Dhe do te jete brezi i ri ai qe do ta ktheje politiken ne POLITIKE, jo sala me shoke per te cilet ti ben tifozllik, se te gjithe ata jane brujnjtur me frymen komuniste dhe ne komunizem nuk behet politike. un nuk jam komunist por shoh se kjo klase politike nuk vjen ndryshimi.

dhe perseri nuk e ka fajin kushtetuta qe ekziston omonia e vasil bollano me shoke, po ne shqiptaret qe nuk jemi aspak patriote, se po te kalosh ne gjirokaste e sarande degjon me shume te flitet greqisht se sa shqip a nuk eshte e vertete kjo. dhe mos e perdor fare termin"Vorio Epiri" se ai nuk ekziston

sa per ligjin e dosjeve ai u miratua, koha do te tregoje do nxjerri gje ne drite apo jo. shpresoj te jete sic thua ti edhe pse nuk e besoj.

[MaDaBeR]

Te gjithe juve qe jeni kundra ketij ligji, lexoni me vemendje kete "Leter te Hapur" te derguar nga nje ish i burgosur politik, qe ka provuar te gjitha torturat çnjerzore ne kurriz te tij dhe familjes se tij, drejtuar ambasadorit Amerikan Withers.
Letra vijon si me poshte:

Gëzim Peshkëpia

I nderuar zoti Ambasador Withers, marr guximin t’Ju shkruaj si detyrim ndaj dhjetëra miqve të mi që nuk jetojnë më, e që jetën, rininë, familjet e tyre i shuan në burgjet e diktaturës komuniste, në kërkim të lirisë dhe demokracisë, me adhurim për fjalën dhe mendimin e lirë.
Por mbi të gjitha, Ju shkruaj nën peshën që sjell borxhi që kam ndaj fëmijëve të mi dhe moshatarëve të tyre, të cilët patën fatin e lumtur të jetojnë në liri, por njëkohësisht janë të rrezikuar të pësojnë me naivitet diktaturën nga mosdija e mosvlerësimi i së djeshmes.
Nuk jam i sigurt nëse do të jem në lartësinë e duhur për këtë mision, por di t’Ju them me siguri, se nëse në vendin tim do të kishte qenë Patër Meshkalla, Xhelal Koprencka, Genc Leka, Vilson Blloshmi, Havzi Nela, Pjetër Arbnori, Osman Kazazi etj., do të kishin arritur t’Ju heqin çdo lloj dyshimi se e keqja ende vazhdon të jetë gjallë e që nuk do të kishte krim më të madh se sa mohimi, tolerimi apo ca më keq akoma, se sa iluzioni se në bashkëpunim me të do të mund të ndërtohej një demokraci.
Të them të drejtën, nuk u besova syve kur pashë në media titrat që lajmëronin se ambasada e SHBA nuk është dakord me ligjin e miratuar nga Kuvendi i Shqipërisë për “Pastrimin e Figurave”.
Së pari, mendova se bëhej fjalë për një lajthitje apo keqpërdorim mediatik, siç ndodh rëndom në Shqipëri, por ende nuk arrij të besoj se përfaqësuesin e vendit në emër të të cilit mbijetuam shpirtërisht për mbi 45 vjet, me ëndrrën për të cilin ndërtonim në mendjet tona, në qelitë e burgut Shqipërinë e ndaluar, nuk e kemi në krah, por përballë, si Zamir Shtyllën, Kosta Gazelin, Nasho Gjinopullin, Fehmi Abdiun, Skënder Brecën, Aranit Çelën e shumë e shumë të tjerë.
Ajo që Ju sot e quani “ngutje”, në fakt është një vonesë e pafalshme, jo ndaj meje dhe miqve të mi, por ndaj brezave që po përpiqen të projektojnë jetën e tyre në një Shqipëri demokratike e jo më të ndaluar.
Kjo gjë nuk do të mund të ndodhte kurrë në Shtetet e Bashkuara të Amerikës, ku respekti për dinjitetin njerëzor, lirinë e mendimit dhe të fjalës, janë më shumë se një nen në Kushtetutë.
Kriminelë të tillë nuk do të mund të fshiheshin pas dokumentit më të shenjtë për ju dhe çdo idhtar të lirisë e demokracisë: “Kushtetutës”.
Kam ëndërruar dhe ëndërroj një Shqipëri, në të cilën figura e prokurorit, gjyqtarit e çdo punonjësi të drejtësisë, kalon në sita tejet të imëta përpara se të marrë detyrën.
Ëndërroj një Shqipëri ku si në SHBA, organi më i lartë legjislativ të hetojë në çdo skutë, në çdo ditë të jetës, në çdo thënie e deklarim për cilëndo çështje, të atyre që pretendojnë të japin drejtësi.
Në fakt jemi vonë dhe unë sigurisht nuk do të mund të arrij ditën kur si në SHBA, karriera e gjyqtarit, qoftë edhe perfekt në detyrë, varet edhe nga një deklarim pro apo kundër abortit, qoftë ky i bërë edhe në kohën kur ishte adoleshent.
Por unë nuk mund të mos të shoh të realizuar që sot, që tani, një Prokurori të çliruar nga krimbat që na torturuan, një Gjyqësor të çliruar nga krimbat që na vranë, e që një pjesë tonën e lanë edhe pa varr!
Këtë unë duhet ta kem sot, jo thjesht si një satisfaksion moral për vuajtjet e kaluara, por si një pasuri, si një garanci që ua le fëmijëve të mi, që gjaku i gjyshit të tyre, burgu i babait, internimi i familjes së tyre nuk shkuan kot, por shërbeu që ata kurrë më të mos jetojnë me frikën, se krimbat si Zamir Shtylla, Fehmi Abdiu, Skënder Breca do të mund t’u tregojnë se si duhet të mendojnë.
Asnjë prej tyre nuk i ka duart e pastra për të hapur librin e predikimeve, e aq më tepër për të dhënë pretencë “Në Emër të Popullit”.
Pretenca ime, në emër të atyre që vdiqën për ajrin e pastër të lirisë, për përkëdheljen e demokracisë, për dinjitetin e mendimit e fjalës së lirë, i akuzon.
Varret e tyre pa emër, eshtrat e tyre të shqetësuara kërkojnë drejtësi, jo shpagim.
Për t’u shpjeguar të vërtetën time miqve të mi në Gjermani, ku dhe jetoj prej shumë vitesh, rëndom përdor shembuj nga historia e tyre nën diktaturën hitleriane apo komuniste, si Gestapo, STASI, SS etj., por t’Ju them të drejtën, thellë brenda meje e di se për fat të keq, krahasimi as me këto struktura simbol të anti-humanes nuk mund të bëhet.
Të paktën në këto struktura ka tek-tuk ka edhe raste të shprehjes së pendesës, si ai i nobelistit Gunter Grass, katarsisi i të cilit shtoi një dimension shumë më aktual në pendesën kolektive të gjermanëve. Tek ne, asnjë oficer i Sigurimit të Shtetit, asnjë hetues, asnjë prokuror apo gjykatës nuk ka marrë mundimin të kërkojë falje. Përkundrazi, në këmbim kanë marrë dekorata mirënjohjeje, pozicione kushtetuese e nderime të tjera nga … shteti demokratik.
I nderuar zoti Ambasador Withers,
Tek Ju shkruaja këto radhë, në mendje më rrinte porosia e mikut tim At Zef Pllumi: “Rrno për me tregue”.
Me thjeshtësi, përulësi e përvuajtje françeskane ai na e la këtë si amanet, ne bashkëvuajtësve të tij; si dëshmi, fëmijëve tanë dhe brezave që vijnë; si detyrim kujtdo që në këtë vend përpiqet për demokraci e dinjitet njerëzor.
Nëse ky ligj i miratuar më parë në vitin ’95 e i abroguar në vitin ’97, nuk do të ishte miratuar dje nga Kuvendi i Shqipërisë, do të më vinte turp prej fëmijëve të mi, që edhe sot pas 18 vitesh, ky shtet ruan të njëjtën armiqësi ndaj meje dhe kujtimit të heronjve të lirisë. Borxhi ndaj tyre nuk mund të jetë thjesht financiar, për më tepër që ky i fundit kushtëzohet nga mundësitë e kufizuara të shtetit shqiptar. Por çfarë justifikimi mund të gjendet për të argumentuar kufizimet që paska për të pastruar sistemin e drejtësisë nga krimbat e diktaturës?
Antidoti i diktaturës, Kushtetuta e një vendi demokratik nuk mund të jetë kurrë pengesë!
Nuk e di se sa ia arrita t’Ju përcjell, mençurinë e Patër Meshkallës, mirësinë e At Zefit, tolerancën e Pjetër Arbnorit e të Osman Kazazit, shpirtin e lirë të Genc Lekës e Vilson Blloshmit, trimërinë dhe koshiencën e Xhelal Koprenckës, por jam i bindur se kam folur me të njëjtën gjuhë, me të cilën çdo ithtar i Abraham Lincoln, Thomas Jefferson etj., çdo ithtar i lirisë do të më kuptonte fare mirë.
Në këtë ditë vendimtare për demokracinë në vendin tim ata do të ishin përkrah meje në këtë betejë të jetës time! Shpresoj që edhe Ju gjithashtu!
Me respekt,
Gëzim Peshkëpia
Ish i burgosur i ndërgjegjes.

[Llapi]

Hajde flasim për komunistët
Ligji çek për Dosjet u ndalon gjithë ish-drejtuesve komunistë, në poste të larta, bartjen e posteve publike në Çekinë post-komuniste! Si do të dukej Kosova me një Ligj të tillë?
Nga Ilir Mirena më 24.12.2008 21:09 CET

Pas një debati trevjeçar, të hënën Kuvendi i Shqipërisë miratoi të ashtuquajturin Ligj të Hapjes së Dosjeve të Spiunëve. Këtë informacion e mora në mbrëmje, në lajmet e TV Klan. Ligji u kritikua nga shumëkush në Shqipëri, se po përcillet me fjalë të bukura, por me qëllim të keq - eliminimin apo shantazhimin e kundërshtarëve të Berishës. Sido që të jetë, mirë që ky ligj është miratuar. Mirë, ngase herdokur dikush do ta zbatojë atë për një qëllim të mirë. Me këtë, Shqipëria përmbushi edhe një detyrim si secili shtet euro-lindor që ka ndaj Europës.

Po të njëjtën mbrëmje, duke hallakatur nëpër programe televizive, e zura fillimin e një emisioni në Radio Televizionin e Kosovës kushtuar ish-gazetarit, shkrimtarit dhe përfaqësuesit të ish-Jugosllavisë në cilësi të Ambasadorit në disa vende të Amerikës Latine dhe Spanjë, Rexhai Surroit.

I koincenduar me Ligjin e Dosjeve në Shqipëri, dokumentari glorifikues për protagonistin e saj të ndjerë, shkund një periudhë kohore me të cilën këndej as që ka pasur kohë të merret dikush, ndërsa në Shqipëri disi po i vnohet një kapak.

Për dallim prej vendeve të tjera të bllokut komunist, në të cilat pas kolapsit të sistemit filloi edhe ballafaqimi më të kaluarën e afërt, në Kosovë zëvendësimi i komunizmit jugosllav me një model të fashizmit serb, nuk kishte lënë kohë e as hapësirë të mendohet për disa nga përgjigjet në shumë pyetje që shtroheshin në vendet e lindjes.

A duhet hakmarrë ndaj ish-pushtetarëve, a duhet të ketë secili qasje të papenguar në dosjet sekrete, a duhet pastruar të gjitha postet publike nga nomenklatura e kaluar, apo të përmbyllet në heshtje një periudhe gjysmë shekullore pa asnjë debat, janë dilemat që në Kosovë nuk janë shtruar kurrë. Për këtë komunistët dhe bashkëpunëtorët e Shërbimit Sekret Jugosllav nga ish-Krahina e Kosovës ishin më me fat prej gjithë homologëve të vendeve tjera ish-komuniste.

Kurrë, askush nuk u mor me ta!

Është e vërtetë se procesi i lustracionit apo purifikimi i shoqërisë përmes diskualifikimit masovik të atyre që ishin përfshirë në abuzimin e shtetasve në regjimet e mëparshme në Kosovë është shumë më kompleks se në secilin vend postkomunist. Kompleks, ngase këtu për dallim prej vendeve të tjera komuniste, kemi dy kategori të cilave ndonjëherë do të duhej t’u zbardhej veprimtaria. Kemi shërbyesit e komunizmit jugosllav dhe bashkëpunëtorët e regjimit të Millosheviqit.

Sidoqoftë, ky kompleksitet nuk duhet të jetë pengesë që edhe ne të kalojmë nëpër ingranazhet e purifikimit.

Duke sqaruar përvojën gjermane të lustracionit, ditë më parë drejtoresha e Zyrës për Qasje në Arkiva te Fshehta pranë kancelares gjermane, Angela Markel, tha se ‘qoftë i rrezikshëm apo jo, ky proces duhet të kryhet, ashtu siç duhet të kryhet një operim shëndetësor që i imponohet njeriut’.

Prandaj, as për ne nuk është vonë që të imponohet ky proces. Nëse në Poloni, edhe pas 18 vjet të përmbysjes së komunizmit, kapitulli i dosjeve është aktual, duke prekur edhe në dosjen e liderit legjendar anti-komunist Leh Valencës, pse në Kosovë të mos ketë hulumtim të dosjeve – edhe pse ato ndodhen në Serbi. Secili duhet të ballafaqohet me rolin që kishte gjatë kohës së komunizmit, duke i shtuar kësaj, në Kosovë, edhe periudhën e Millosheviqit.

Kjo nuk duhet shikuar si një proces as për penalizëm e as linçim të askujt. Thjesht, ajo kastë njerëzish që i kanë shërbyer regjimeve të mëparshme duhet të largohet nga të gjitha postet drejtuese. Justifikimet e llojit se është zbatuar vetëm ligji dhe Kushtetuta e asaj kohe, siç kishte bërë një prokuror në një debat televiziv, janë banale. Njësoj mund të arsyetohet edhe një roje në Auschwizt, edhe pse krahasimi është tejet brutal.

Ne mund të kopjojmë Ligjin e Shqipërisë, i cila është kopjuar nga Ligji i Çekisë për Dosjet e Spiunëve. Pas miratimit të ligjit, Çekia kishte krijuar listat me të gjithë ata që ishin involvuar në punët e ndyra të regjimit komunist.

Për këtë, gjithë ish-drejtuesve komunistë në poste të larta në Çeki - shërbime civile, gjyqësi, shërbimit sekret, posteve në armatë, posteve menaxheriale në kompanitë shtetërore, bankës qendrore, hekurudhës, pozitat e larta akademike, dhe postet menaxheriale në media elektronike - u ndalohet bartja e posteve publike në Çekinë post komuniste!

Si do të dukej Kosova me një ligj të tillë?

Sigurisht që më një ligj të tillë nuk do të ishte e mundur që drejtues i Gjykatës Supreme të ishte Rexhep Haxhimusa. As Kryeprokuror i vendit nuk do të mund të ishte Hilmi Zhitija. As Azem Vllasi nuk do të kishte mundësi që sërish të jetë Këshilltar i Kryeministrit të vendit, siç kishte qenë në Qeverinë e Bajram Kosumit (ky i fundit i burgosur kur Vllasi ishte në maja të pushtetit!). Me një ligj të tillë edhe Radio Televizioni i Kosovës nuk do të kishte për drejtor Agim Zatriqin. Edhe në Policinë e Kosovës shumëkush do të mbetej jashtë saj, përfshirë edhe drejtorin e sapozgjedhur Sheremet Ahmetin. Këta mund të jenë vetëm disa prej shembujve që më shkojnë nëpër mend, pa përmendur këtu gjithë ata nëpunës tjerë të shpërndarë nëpër institucione të ndryshme. Kërkoj ndjesë për të gjithë ata që nuk mund t’i përmend me emra!

Një ligj sipas modelit çek, do të ishte mburojë për qytetarin që të mos mbes përjetësisht i manipuluar për figurat e historisë dhe politikës, qoftë për të mirë ose për të keq.

Prandaj, nuk dua të paragjykojë për cilësitë njerëzore të Rexhai Surroit, ngase nuk di për të asgjë më shumë se sa ajo që është thënë e shkruar publikisht. Por, fjalët në superlativ, deri në krahasimin që i bëri një mocanik i tij, se vdekja aksidentale e Surroit ishte e nivelit të vrasjes që UDB’ja kishte organizuar kundër Jusuf Gërvallës, më la një shije të hidhur të përpjekjes së retushimit të historisë. Jo përpjekje për lustracion, por për lustër të historisë.

A do të ishte e mundur në Çeki një dokumentar në Televizionin Publik për një ish-ambasador të Republikës Komuniste të Çekosllovakisë? Rasti i muajve të fundit me shkrimtarin Milan Kundera, e ilustron më së miri ndjeshmërinë që ka opinioni çek ndaj të kaluarës së dhimbshme komuniste.

Dekomunstizimi dhe deudbizimi patjetër që edhe tek ne një ditë do të aktualizohet. Jo me dëshirën tonë, por do të jemi të detyruar, ngase është njëra nga pritjet e Këshillit të Evropës për vendet e reja që duan të anëtarësohen në BE.
Edhe pse komunistët nuk dorëzohen!

[loni-loni]

Po ti kishte hap Berisha dosjet ne 92 nuk ka pas me ekzistue demokracia n,Shqipni as 24 ore

Pushtet mbajtesit komunist e sigurimsat kishin me ba kasaphane per me u mbrojt e me rujt pozitat, cdo gja e mire do kohen e vendin e vet

Tash pse kakarisin socialistopunistet e enverit , cka i djeg?

A durohet ai RUCI cka i thone, qe ka qene minister i mrencem ne kohen e diktatures te ngrifet si gjeli n,plena e te jete deputet!!!!!!! shqipnia (administrata) duhet te pastrohet nga keta pisa

[SERAFIM DILO]

un e salikja nuk kemi qene kamunista ... jemi marr me marrjen e urines te hysniut, simon stefanit, enverit, mbase edhe ramizit ... per ta çuar tek laboratori pol miliez, megjithe veprat e shokit enver ne valixhe ...

ju gjithe te tjeret keni qene komunista, edhe burracake ...

mos me nxeni se do ti emertoj kamunista edhe ata pertej oqeanit ...

Prandaj do nxjerin ligjin,qe te gjejne komunistat,qe jane pertej OQEANIT.
Prit sa te hapin dosjet,e pastaj ta shofesh ti:
hysniu nexmia simoni ,sala,tosi,ETJ,do dalin socjalista,o socjalista te djadhte.
E varet se cfar dosje do hapin,se ka dhe dosje,ku dalin vetem te djadhte.

[Albmaster]

Ende pa u miratuar ligji në Kuvend, shumica qeverisëse ka bërë gati formularët që do të lëshojë Autoriteti i Kontrollit të Figurave për subjektet që do të verifikohen

Si politikan, Topi shprehet i hapur. Por, si President, ai do të flasë përmes dekretit


TIRANË- Presidenti i Republikës ka vendosur që të flasë përmes dekretit lidhur me draftin “Për pastërtinë e figurës”. I pyetur pikërisht për këtë çështje, kreu i shtetit i ka kujtuar medias që të kthehet në kohë dhe të shikoje qëndrimin e tij për dosjet. Me sa duket, Topi i referohej firmës që ai ka hedhur për draftin e PD-së në vitin 2006, teksa edhe dje, ka sqaruar se si politikan, ai është i hapur për dosjet.

“Unë në natyrën time, nuk bëj koment mbi komente, por duke qenë gjithmonë në një pozicion respekti ndaj medias dhe transparencës publike, do të bëja thirrje që t’i ktheheni arshivës. Secila nga mediat ka arkivën e vet, dhe aty do të gjeni të gjitha deklaratat e mia, për sa i përket çështjes së dosjeve.

Në rast se do të më pyesnit si politikan, gjithmonë kam qenë i hapur për ta parë këtë çështje sa më shpejt, në mënyrë sa më profesionale, në mënyrë sa më të gjerë, sa më komplekse, dhe natyrisht që, ai që kërkon të bëjë karrierë, natyrisht që ka disa detyrime parësore dhe kjo në radhë të parë ka të bëjë me pastërtinë morale”, - tha ai. Por, duke kujtuar se ai mban një pozicion tjetër tashmë, atë të Presidentit, Topi ka deklaruar se do të flasë nëpërmjet dekretit, duke lënë të hapur të gjitha mundësitë, qoftë edhe të kthimit mbrapsht të ligjit.

Ndryshimi i variantit Topi-Patozi

Presidenti i Republikës rekomandoi dje që media të shihte pas në qëndrimet e tij për dosjet, ku përfshihet edhe firma e tij në draftin e 2006-s. Por sa ndryshon ky draft nga ai aktuali dhe sa do të ndikojnë këto ndryshime në vendimin që Topi do të marrë, nën cilësinë e Presidentit të Republikës.

Në draftin e vitit2006, në nenin që bën fjalë për subjektet që verifikohen, nuk është parashikuar KLD-ja, ndërkohe që është përfshire në draftin e vitit 2008. “Subjekt i verifikimit janë të gjithë funksionarët publikë të zgjedhur apo të emëruar, të cilët aktualisht ushtrojnë ose do të ushtrojnë funksionin e anëtarit të Këshillit të Lartë të Drejtësisë”, - thuhet në një nga pikat e nenit 3 të draftit aktual.

Gjithashtu, në nenin 4 të draftit të vitit 2006, që bën fjalë pikërisht për papajtueshmërinë e funksioneve, thuhet se pastërtia e figurës morale të funksionarit publik është e papajtueshme me mbajtjen prej tij, edhe të atyre të cilët kanë qenë hetues, prokurorë, gjyqtarë apo ndihmësgjyqtarë në proceset politike “speciale”.

Procese politike “speciale” quheshin gjyqet ndaj anëtarëve të Byrosë kur shpalleshin armiq, si rasti i Kadri Azbiut apo Beqir Ballukut. Ndërsa në draftin e PD-së në vitin 2008, hiqet fjala “speciale”, duke zgjeruar ndjeshëm rrethin e gjyqtarëve dhe prokurorëve të periudhës komuniste.


Autoriteti i Kontrollit të Figurave ka gati formularët, edhe pse ligji ende nuk ka vajtur tek Presidenti

PD-ja lëshon formularët tip, ende pa u miratuar ligji

TIRANË- Ende pa u miratuar ligji në Kuvend, shumica qeverisëse ka bërë gati formularët që do të lëshojë Autoriteti i Kontrollit të Figurave për subjektet që do të verifikohen. Dje në mesditë, ndërsa OSBE/ODHIR-i po bënte përpjekjen e fundit që drafti për spiunët të mos kalonte, mazhoranca i kishte marrë të gjitha masat që kjo çështje të merrte fund pikërisht mbrëmë.

Formularët tip të bërë gati për Autoritetin e Kontrollit të Figurave (që ende nuk është ngritur) tregojnë pikërisht këtë fakt. Në një nga formularët e përgatitur thuhet se, “Autoriteti i Kontrollit në mbështetje të ligjit për pastërtinë e figurave, pasi zhvilloi procedurën e verifikimit të pastërtisë së figurës, deklaroi se zoti ose zonja që ka funksion të papajtueshëm me funksionet e përcaktuara në nenin 4 të këtij ligji, ka të drejtë që të njihet me aktet e përfshira në dosjen e tij dhe të paraqesë pretendime brenda 10 ditëve nga marrja e njoftimit”,- thuhet me pak fjalë në një nga formularët e përgatitur. Në një tjetër formular tip thuhet se pas procedurës së verifikimit, subjekti i verifikuar ka të drejtë që të bëjë ankimim kundër kësaj dëshmie në Gjykatën e Apelit.

Pra, më pak fjalë, ose më saktë, lidershipi me i lartë i PD-së e kishte vendosur prej kohësh kalimin e këtij drafti, pavarësisht thirrjeve të vazhdueshme të opozitës apo ndërkombëtarëve. PD-ja i ka marrë parasysh të gjitha. Edhe mungesën e dy anëtarëve të opozitës në Autoritetin e Kontrollit të Figurave. “Ka edhe një nen në ligj, që autorizon shoqërinë civile të propozojë anëtarë, në rast se njëra nga partitë politike nuk mbush vendin”,- tha Berisha, dy ditë më parë.

Shekulli

[Albmaster]

Besoj që duke respektuar pozicionin që kam, dua të jem mjaft i kujdesshëm për të mos paragjykuar asgjë nga ana e ndërtimit ligjor. Deri në këto momente ligji ende nuk ka ardhur në zyrën e presidentit.

Presidenti i Republikës flet për ligjin e dosjeve, dekorimin e përfolur, marrëdhëniet me Berishën, dhe jetën e tij jashtë punës

"Gjithmonë ka pasur tentativa për t'i hapur dhe për t'i mbyllur, por dua të them se kemi qenë dhe jemi të vonuar”

Besoj që duke respektuar pozicionin që kam, dua të jem mjaft i kujdesshëm për të mos paragjykuar asgjë nga ana e ndërtimit ligjor. Deri në këto momente ligji ende nuk ka ardhur në zyrën e presidentit. Por natyrisht që qysh nga ditët e para të vendosjes së demokracisë unë jam shprehur për domosdoshmërinë e hapjes së dosjeve. Kam qenë i parimit që njerëzit që aspirojnë të marrin poste publike dhe pozicione që influencojnë në vendimmarrje dhe bërjes së opinioneve natyrisht duhet të kenë një biografi të pastër.

Ju propozuat një draft, por atij i janë bërë disa ndryshime të vogla. Ju si autor të atij drafti të mëparshëm si i shikoni këto ndryshime?

Unë nuk mund të vendosem në një pozicion të dyfishtë. Unë flas si president. Ai dokument ka qenë ndërtuar shumë mirë, dhe unë shpreha vullnetin e grupit parlamentar të PD-së. Natyrisht i qëndroj atij varianti përderisa e kam nënshkruar. Ndërsa sot, në këtë pozicion, më lejoni të marr kohën e duhur për të ushtruar detyrat e mia kushtetuese. Ju siguroj se mbi bazën e një konsultimi të thellë dhe të plotë me ligjin dhe kushtetutën do të marr pastaj vendimin që më të takon të marr.

Si i shihni akuzat që janë bërë nga ndërkombëtarët se, ky ligj për dosjet shihet dhe si një nga përpjekjet për të spostuar edhe prokurorët që sot po hetojnë dosjet e korrupsionit?

Unë personalisht preferoj të mos ndërhyj në këtë debat. Natyrisht, unë kam pozicionin tim dhe bindjet e mia rreth të gjitha çështjeve. Por ndryshe nga periudha kur kam qenë marrë me politikë aktive, ju siguroj kam pasur më shumë hapësira për të diskutuar. Ndërsa sot, unë jam i kufizuar nga konturet e pozicionit që kam për të mbajtur një qëndrim të matur dhe për të mos u shprehur para kohe.

Ndërkombëtarët kanë qenë shumë të qartë pasi e kanë prekur ligjin për tre nivele, në nivel politik, ligjor dhe kushtetues, ku kanë gjetur shkelje. Ju si gardian i Kushtetutës çfarë do të bëni?

Ligji ende nuk ka ardhur. Të mos paragjykojmë. Unë do të marr ligjin. Do bëj konsultimet dhe studimin e ligjit. Por gjithmonë kam qenë vlerësues për të gjithë ndihmën që partnerët ndërkombëtar i kanë dhënë proceseve demokratike në Shqipëri, qoftë për Këshillin e Europës, qoftë për partnerët e BE-së, por në mënyrë të veçantë për SHBA-në të cilat gjithmonë kanë qenë aleatë dhe mbeten aleatët kryesorë në të gjitha betejat për demokracinë.

Unë mendoj se kjo është një çështje që do të diskutohet në sensin e duhur për të mos marrë keqkuptimet, por për të arritur në standardet e nevojshme për demokracinë e re. Dua ta theksoj se çështja e hapjes së dosjeve ndoshta është edhe e vonuar. Gjithmonë ka pasur tentativa për ti hapur dhe për ti mbyllur, por dua të them se kemi qenë dhe jemi të vonuar.

Pse jemi vonuar?

Jemi vonuar sepse pas 18 viteve diskutohet prapë nëse duhen hapur ose jo. Duhet të ishin hapur. Kjo është një shoqëri e hapur dhe patjetër që njerëzit duhet ta kuptojnë se ata që kanë pasur probleme të kësaj natyre nuk ka pse sot të qëndrojnë ende. Ne jemi një vend i lirë dhe ka mjaft hapësira për profesione të ndryshme. Le ta bëjnë karrierën ato që nuk kanë probleme të tilla.

Ju deklaruat se do të bëni konsultim. Kjo do të jetë si konsultimet e kandidaturave të Gjykatës së Lartë?

Këto janë çështje të karakterit metodik që zgjedh Presidenti. Nuk është e thënë që të ndiqet e njëra praktikë. Kjo është një praktikë pune e imja dhe në pozicionin tim nuk mund të ketë emocion.

Kryetari i PD-së ju referua dekorimit nga ana juaj të një prokurori në pension Skënder Brecit. A keni ju një koment për të?

Pa dyshim ndjej keqardhje. Bëhet fjalë për një personazh që unë se kam njohur ndonjëherë. Padyshim, procedura e dekorimeve që realizohet nga institucioni i presidentit ndjek një rrugë të caktuar institucionale. Për fat të keq qoftë në momentin e propozimit, qoftë në atë të filtrimit ka pasur një handikap dhe me bindje them se është një vendim, një procedurë për tu rivendosur, për tu rigjeneruar.

Nga hulumtimet që kam bërë rreth kësaj procedure stafi që e ka asistuar është mjaftuar në referenca shumë sipërfaqësore. Ka marrë parasysh që ky person ka punuar në institucione të rëndësishme në vitet e demokracisë dhe ka mjaftuar për të thënë se gjithçka është e pastër. Ndiej keqardhje dhe padyshim që gjithçka do të rivendoset në moralin e vet.

Ju thatë se drejtësia duhet të jetë larg politikës. Duke iu referuar procesit hetimor të rrugës Durrës-Kukës mendoni se prokuroria duke lënë afatet e hetimit deri në ditë të fundit la shteg të interpretohej se po ndikohej nga politika?

Nuk mund të futem në çështjet e perceptimit të punës së prokurorisë, sepse qysh nga dita e parë e në vazhdimësi kam qenë i parimit se institucionet e pavarura duhet të jenë të pavarura. Kjo është një çështje ekskluzive e këtyre institucioneve.

Kthimi i Kodit hapi një spirale të fortë në debatin politik, ndërkohë që LSI po kërkon dhe korrigjime të tjera. Si i shihni?

Kjo është një çështje që ka të bëjë me vullnetin e partive parlamentare dhe me vendimmarrjen parlamentare. Në këtë fazë që jemi është një moment i tejkaluar, qoftë për atë vendimin që ka marrë presidenti, ashtu edhe për vendimmarrjen që ka bërë komisioni i reformës zgjedhore. I takon seancës plenare për tu pozicionuar në mënyrë definitive por mendoj se kjo është tendenca e shprehur dhe një tendencë që duket se do të shkojë në këtë drejtim.

Pra që duhet respektuar vendimi i Komisionit të Reformës Zgjedhore?

Unë nuk mund të them asgjë tjetër sepse e kam kthyer për një motiv që e shpreha dhe nuk e kam kthyer për motive të tjera.

Duket se kanalet e komunikimit me drejtuesit e mazhorancës janë ngushtuar pak. A është e vërtetë?

Unë do doja që ta linim këtë në aksesin e perceptimit të medias. Për mua është shumë e rëndësishme që të ketë raporte njerëzore. Të konsolidohen raportet njerëzore. Dhe raportet njerëzore në marrëdhëniet institucionale duhet të jenë në funksion të respektimit të pozicionit të gjithësecilit.

Gjithçka bëhet fjalë jo për debate të karakterit personal. Kush e percepton kështu gabohet. Këtu diskutohet për çështje mjaft parimore që kanë të bëjnë me funksionimin e shtetit, me strukturat e saj, me marrëdhëniet ndërinstitucionale.

Po a jeni i sigurt se edhe pala tjetër e percepton në këtë mënyrë?

Unë nuk bëj analizë për të tjerët.

Kur kanë qenë komunikimet tuaj të fundit me zonjën Topalli dhe zotin Berisha?

Janë marrëdhënie të karakterit institucional.

A ka diçka edhe të karakterit personal në to?

Unë besoj se prevalon marrëdhënia institucionale.

Znj.Topi, si ka ndryshuar jeta juaj pas Topit President?

Unë vazhdoj punën atje ku kam qenë, pra në Ministrinë e Bujqësisë. Punoj në një sektor që më pëlqen. Kam po të njëjtat shoqe. Më janë gjendur shumë pranë. Jam munduar të kem po të njëjtat shoqe dhe mikesha të miat për të njëjtat arsye, sepse njerëzit që të afrohen në këto kohë janë shumë më tepër.

Pra i afrohen më shumë pushtetit sesa individit?

Prandaj jam munduar të mbaj të njëjtat njerëz afër meje në mënyrë që mendimet e tyre të jenë po të njëjta sepse njerëzit e rinj vijnë me marrëdhënie dhe interesa të reja.

Për dosjet

Unë mendoj se kjo është një çështje që do të diskutohet në sensin e duhur për të mos marrë keqkuptimet, por për të arritur në standardet e nevojshme për demokracinë e re. Dua ta theksoj se çështja e hapjes së dosjeve ndoshta është edhe e vonuar. Gjithmonë ka pasur tentativa për ti hapur dhe për ti mbyllur, por dua të them se kemi qenë dhe jemi të vonuar.

Për dekorimin e Skënder Brecit

Pa dyshim ndjej keqardhje. Bëhet fjalë për një personazh që unë se kam njohur ndonjëherë. Padyshim, procedura e dekorimeve që realizohet nga institucioni i presidentit ndjek një rrugë të caktuar institucionale. Për fat të keq qoftë në momentin e propozimit, qoftë në atë të filtrimit ka pasur një handikap dhe me bindje them se është një vendim, një procedurë për tu rivendosur, për tu rigjeneruar.

Për ligjin

Ligji ende nuk ka ardhur. Të mos paragjykojmë. Unë do të marr ligjin. Do bëj konsultimet dhe studimin e ligjit. Por gjithmonë kam qenë vlerësues për të gjithë ndihmën që partnerët ndërkombëtar i kanë dhënë proceseve demokratike në Shqipëri, qoftë për Këshillin e Europës, qoftë për partnerët e BE-së, por në mënyrë të veçantë për SHBA-në të cilat gjithmonë kanë qenë aleatë dhe mbeten aleatët kryesorë në të gjitha betejat për demokracinë.

Për Kodin Zgjedhor

Kjo është një çështje që ka të bëjë me vullnetin e partive parlamentare dhe me vendimmarrjen parlamentare. Në këtë fazë që jemi është një moment i tejkaluar, qoftë për atë vendimin që ka marrë presidenti, ashtu edhe për vendimmarrjen që ka bërë komisioni i reformës zgjedhore. I takon seancës plenare për tu pozicionuar në mënyrë definitive por mendoj se kjo është tendenca e shprehur dhe një tendencë që duket se do të shkojë në këtë drejtim.



Top Story

Top Channel