Gjykata Kushtetuese: Te pezullohet zbatimi i Ligjit të Dosjeve aprovuar nga Kuvendi

[artur]

Ne te vertet ky ligj i djeg me shume te "majtes" qe ben sikur e denon te kaluaren tone komuniste"diktatoriale" por e di mire qe aty e ka shpirtin akoma...............


Le te hapen dosjet....s'do jete pune perfekte...po eshte nje fillim ne rrugen e te vertetes....


S'ka njeri inat me ata qe kane qene komuniste......po s'durohen fare ata qe s'pranojne se ç'menxyra i pruri Shqiperise ajo e kaluar....nese ka kaluar?!!

[SERAFIM DILO]

Shumica miraton ligjin e dosjeve, opozita nuk merr pjese


Kuvendi i Shqipërisë miratoi pa pranine e socialisteve ligjin "Për pastërtinë e figurave të zyrtarëve të lartë të administratës dhe të zgjedhurve", ose ndryshe i quajtur ligji i dosjeve.
Me 29 nene, ligji, ka për qëllim të kontrollojë pastërtinë e figurës së çdo funksionari publik të zgjedhur apo të emëruar, lidhur me pjesëmarrjen e tyre në strukturat politikëbërëse dhe zbatuese të dhunës së diktaturës së proletariatit, si edhe në strukturat e ish-Sigurimit të Shtetit, për periudhën 29 nëntor 1944 deri në 8 Dhjetor 1990.
Ndër figurat e funksionarëve publikë përfshihen presidenti i Republikës, deputetët e Kuvendit, ministrat dhe zy/ministrat, funksionarë të lartë politikë e administrativë, dhe sistemi i drejtësisë.
Për zbatimin e këtij ligji, krijohet Autoriteti i Kontrollit të Figurave me përfaqësues nga Parlamenti.
Në ligj sanksionet e drejta e çdo shtetasi shqiptar për t'u njohur me të dhëna personale në lidhje me atë që përmbajnë dosjet e sigurimit të shtetit, sipas përcaktimeve të këtij ligji.

PO LIGJIN,PER TE ZBATUAR KETE LIGJ,KUR DO E BEJNE?
SE PO E BENE LIGJIN E ZBATIMIT,ATEHERE MUND TE PRESIM QE TE BEJNE EHE LIGJIN E ZBATIMIT TE ZBATIMIT TE LIGJIT.
E MBAS LIGJIT TE TRETE,DO BEJNE TE KATERTIN,KU THOTE:
KY LIGJ APROVON LIGJIN E PARE E HEDH POSHTE LIGJIN E DYTE E TE TRETE,
PO QE TE ZBATOHET KY LIGJ,DUHET NJE LIGJ TJETER.

[juanito02]

Tamam ska mendere Berisha per ta bere kete ligj. Ajo qe votoi eshte nje gje koti fare qe ska per ta pasur asnje efekt.
E di mire Berisha kur e kruan me amerikanet, e beri ligjin per ti treguar kokebosheve qe ja e denuam komunizmin. Njelloj si me kafet e Nexhmijes e ka bere.
U nis te bente nje p... te madhe Berisha po i doli nje perce qe as vete se degjoi kur doli.

[Conquistador]

Ashtu siç kishte paralajmëruar, opozita nuk ka marrë pjesë në seancën e djeshme parlamentare, duke mos u bërë pjesë e asnjë votimi, derisa në Kuvend të paraqitet për votim Kodi i ri Zgjedhor. Në sallën e Parlamentit, dje ka qenë për pak minuta vetëm nënkryetari i grupit të PS-së, Erjon Braçe, i cili ka bërë publik
qëndrimin e opozitës, duke akuzuar Kryeministrin Berisha se po mbyll dosjet, në përpjekje për të mbrojtur dhe shpëtuar diktaturën e korrupsionit. Gjatë fjalës së tij, nënkryetari i grupit të PS-së është shprehur se “Berisha i trembet votës sot, njësoj si oborrtari i korruptuar. Përkundër gjithë nevojave që kanë njerëzit, Berisha ka shkuar larg në të kaluarën e tij komuniste, pasi ligji ka vetëm qëllim të godasë institucionet e drejtësisë”. Braçe ka akuzuar Berishën se po imiton Partinë Komuniste, ndaj i ka dhuruar atij një fotografi, ku Berisha kishte
dalë së bashku me ish-zyrtarin e lartë të PPSH-së, Simon Stefanin, si dhe një dekoratë të kohës së komunizmit. Sipas deputetit socialit, “ligji i dosjeve mbron e shpëton diktaturën e korrupsionit dhe përpiqet të godasë rëndë deri në paralizë institucionet kushtetuese”. Gjithashtu, ai i ka kujtuar edhe njëherë kreut të qeverisë se ligji i dosjeve është kundërshtuar hapur nga ndërkombëtarët dhe sipas ndërkombëtarëve kërcënon disa nene kushtetuese, ndaj duhet ekspertizë
e gjerë dhe kujdes në këtë ligj. Ky ligj, ka theksuar në fjalën e tij Braçe, është antikushtetues. Për më keq është i pazbatueshëm. “Ta konstatonim vetëm ne këtë do të ishte vërtet pak. Por, në më pak se 10 ditë, shoqata prokurorësh e gjykatësish, ligjbërës e ligjnjohës çfarëdo, por me eksperiencë të gjatë në njohje e zbatim të ligjit, mbi të gjitha qeveri partnere kanë konstatuar ekzaktësisht këtë”, është shprehur Braçe. Duke vijuar fjalimin e tij të gjatë, ku nuk mungonin akuzat ndaj Kryeministrit,Braçe ka theksuar se “Sali Berisha është varrmihësi ‘VIP’ në një ceremoni luksi, për gjykatës e prokurorë që ai i do të nënshtruar, pa sy, pa gojë, pa mendje të lirë juridike, pse jo dhe të vrarë, por që duhet dhe kanë detyrimin kushtetues të bëjnë drejtësi mbi korrupsionin e qeverisë së tij”. Provat
që tregojnë Berishën në krim mbi drejtësinë dhe qëllimet e tij janë shumë. Berisha gënjeu këtu në Parlament, kur tha që ligji i tij ishte binjak me atë çek. Berisha gënjeu këtu në Parlament kur tha se pastrimi i drejtësisë prej gjykatësve e prokurorëve që kanë bërë gjyqe politike ka qenë qëndrimi i tij i hershëm, ndërkohë që faktet tregojnë qartazi të kundërtën.

[Brari]

sa i padurushem je or josif.. dujsivi..

nga terbimi i shkunde tere pendet e palloit.. e dolle sorre e selise se zeze me nick "rozë"..

[Maars]

vota e 75te


• HENRI ÇILI

Që demokracia të funksionojë... duhet që maxhoranca të ushtrojë vullnetin e saj politik në formën bazë: votimin e ligjeve në Parlament. Në këtë kuptim mund të përligjet votimi në kushte “in extremis” ajo që shumica e djathtë në pushtet bëri dje me ligjit për dosjet ...ose siç njihet ndryshe “Ligj për pastërtinë e figurave të zgjedhura dhe të emëruara”. Të gjitha të tjerat janë më pak të rëndësishme se sa kjo në një demokraci. Shumica që qeveris sot vendin ka marrë përgjegjësinë e votimit të këtij ligji kundër shumëçkje, e cila i thoshte asaj jo: që nga kundërshtimi i opozitës, ai i një pjese dërrmuese të medias, shoqërisë civile dhe deri tek ambasadori amerikan Withers, që bëri thirrje për konsensus dhe diskutim më të gjerë. Deri këtu shumica ishte në të drejtën e saj të shkonte bashkë me përgjegjësinë për këtë akt. Jemi në kushte tejet demokratike, maxhoranca ka një vizion, një projekt, qoftë edhe interesa ta kalojë tani dhe kështu këtë ligj. Demokracia shqiptare nuk përfundon këtu. Ajo i ka të gjitha mjetet në dispozicion për të parandaluar efektet perverse të këtij ligji, për të mbrojtur institucionet, për të mbrojtur liritë dhe të drejtat themelore të njeriut: është dekretimi i ligjit nga Presidenti, është Gjykata Kushtetuese, janë përpara zgjedhjet parlamentare ku mund të konkurrojnë alternativa dhe vizione politike, të cilat janë të ndryshme apo të kundërta me këto që shumica votoi dje në ligj. Rruli demokratik vetëm sa ka nisur dje në rastin e ligjit për dosjet.
Dosjet, e kaluara e figurave të larta apo kyçe në jetën shoqërore, është një debat që nuk mund të gjejë konsensus në shoqërinë shqiptare, apo në asnjë shoqëri post-komuniste, post totalitare. Larmia e ideve, pikëpamjeve dhe interesave, qasjeve apo interpretimeve është e pafundme. Asnjë ligj nuk është i përsosur, asnjë ligj nuk zgjidh gjithçka. Edhe për liritë dhe të drejtat themelore të njeriut ka një debat të pambarimtë, jo më për elementë të privimit të pjesshëm apo të përkohshëm të tyre. Pas një debati të gjatë, ndoshta ndër debatet e vetme që është bërë me themel në Shqipëri, ku të gjithë i kanë shfaqur pozicionet e tyre, është e qartë më në fund se duhet të arrihet në një vendim. Shumica aktuale, kështu e gjykoi, kështu i interesoi, kështu e votoi këtë ligj. Tanimë ky ligj ka jetën e vet. Do të hidhet poshtë, do të zbatohet, do të amendohet, do të shfuqizohet apo përmirësohet nesër. Ky nuk është veçse një etapë e procesit politik, nuk është finishi.
Eshtë moralisht e vështirë të hedhësh poshtë këtë ligj, frymën e tij duke thënë gjithaq defektet tejet të rënda dhe komprometimin e madh, që interesat aktuale të shumicës dhe të kryeministrit Berisha i kanë bërë këtij ligji në formën që u votua dje. Është krejtësisht e pajustifikuar spërdredhja që ka ligji lidhur me disa kategori të nomenklaturës komuniste, të cilat kanë qenë faktorë kyç në sistemin e diktaturës komuniste: komiteti qendror i partisë, me anëtarët dhe kandidatët e tij, sekretarët e parë të rretheve të cilët shpëtojnë për shkak të disa emrave konkretë që ka parasysh kryeministri Berisha nga radhët e maxhorancës dhe opozitës aktuale. Në përgjithësi është e papranueshme se si në tërësi aparati i partisë së punës, me këtë ligj del relativisht pa lagur, kur pjesë të tjera të sistemit komunist apo të superstrukturës nuk ishin veçse derivate të asaj çfarë dilte nga partia. Kjo pjesë e ka kompromentuar rëndë frymën e ligjit edhe për shkak të faktit që Sali Berisha vetë vjen nga radhët e Partisë së Punës.
Nga ana tjetër konteksti aktual i marrëdhënieve të Berishës me sistemin e drejtësisë ka kompromentuar rëndë pjesën për drejtësinë, edhe pse në parim nuk ka arsye që sistemi i dhënies së drejtësisë sot në Shqipëri i varur nga kuadro të drejtësisë socialiste. Këto janë dy defektet bazë të këtij ligji.
Disa kontekste dhe pjesë të tjera të tekstit të këtij ligji mund të jenë të diskutueshme, mund të jenë gabuara, joprincipiale etj., si këto. Por a është nuk çdo ligj kështu, pa pretenduar të jetë një tekst i shenjtë. Një kritikë “kontekstualiste” mund të bëhet ndaj çdo gjëje, ndaj çdo akti, ndaj çdo figure. Por a nuk është çdo gjë, çdo akt, çdo figurë një tërësi kontekstesh, përfshi këtu dhe profetët. Çdo kontekst ka një kundër-kontekst.
Mbi të gjitha kritikat ky ligj dhe akti i kalimit të tij nuk mund të rrëzohen në parim. Përballë pyetjes: a duhet të pastrohet e tashmja dhe ardhmja nga e kaluara, sido që të vijë puna nuk mund t’i përgjigjesh në vitin 2008: JO. Edhe pse për të kaluarën do të mjaftonte, për një pikëpamje liberale vetëm transparenca e asaj që ka ndodhur që nga zyrat e komitetit qendror e deri tek sekretet e sigurimit të shtetit, sikur të isha dje deputet në sallën e Kuvendit të Shqipërisë vota ime do të ishte vota e 75-të.

[Duaje Siveten]

Krizaxhiu sali

TemA

Berisha shpreson te ndarja mes Evropës dhe SHBA

Nga Mero Baze

Kryeministri, Sali Berisha, u përpoq të bënte dje diferencën mes drejtësisë evropiane dhe asaj amerikane, gjatë fjalës së tij për të bindur deputetët të votonin ligjin e dosjeve dhe pastrimin e figurave. Thelbi i fjalës së kryeministrit ishte fakti që drejtësia evropiane dhe Asambleja e Këshillit të Evropës ishte shumë më e ndërgjegjshme se administrata amerikane lidhur me krimet e komunizmit dhe mënyrën se si duhen dënuar ato. Retorika e tij ishte një përgjigje e tërthortë për debatin e tij me ndihmës/sekretarin e Shtetit për Çështje të Jashtme, Daniel Fried, i cili i ka telefonuar zotit Berisha ditën e shtunë dhe i ka kërkuar ta fusë në kornizë kushtetuese projektligjin për dosjet dhe pastërtinë e figurave. Berisha u përpoq ta mbajë sekret debatin e vështirë me të, por u detyrua ta pohonte, pasi ambasada e SHBA e përgënjeshtroi vetë zotin Berisha pas konferencës së tij për shtyp. Dje në seancën plenare në Kuvend, ai u përpoq ta justifikonte debatin me SHBA, me një ide tejet origjinale, me faktin që SHBA nuk e kanë provuar komunizmin dhe nuk dinë ç’pasoja lë ai në jetën e një vendi. Këtë e tha dhe stërtha përmes shumë fjalive të tërthorta, duke iu referuar atyre përtej Atlantikut si të paditur për krimet e komunizmit dhe Evropës së përgjegjshme apo duke theksuar se ne që e kishim provuar ishim fatkëqij, por ishte koha për t’u ndarë prej tij.

Përpjekja për të bërë një diferencë mes Evropës dhe SHBA në rast krize, me SHBA është një histori, e cila duhet të marrë fund. Qëndrimi ndaj komunizmit dhe kundër komunizmit nuk është qëndrim që buron nga gjeografia, por doktrina e demokracisë dhe Perëndimi e ka dënuar dhe e dënon njësoj komunizmin. Përpjekja për të bërë arsyetime sempliste dhe diferenca mes tyre, me qëllim që të mbulojë çarjen e re që ka prodhuar mes qeverisë shqiptare dhe administratës amerikane, është një acarim më shumë për administratën amerikane. Dhe acarimi kryesor vjen nga fakti se nuk është e vërtetë që ka diferencë mes SHBA dhe Evropës për qëndrimin ndaj komunizmit dhe as diferencë mes Evropës dhe SHBA në qëndrimin ndaj Berishës. Të dyja palët, si Evropa dhe SHBA, e dënojnë njëlloj komunizmin dhe po ashtu kanë të njëjtat rezerva për Berishën. Përpjekja e Berishës për të bërë Evropën pro tij dhe kundër komunizmit dhe SHBA pro komunizmit dhe kundër Berishës është qesharake, dhe nervangritëse, si për SHBA, dhe për Evropën. Është e tillë, pasi ata janë në të njëjtin zë dhe në të njëjtin qëndrim. Njësoj si SHBA foli dhe OSBE, dhe ambasadori anglez. Nuk di se ku e gjen qëndrimin ndryshe të Evropës zoti Berisha veçse te citimet e tij spekulative për ligje dhe rezoluta që nuk janë ashtu si i citon ai.

Ligji për dosjet dhe për pastërtinë e figurave duhet të jetë i rreptë, i thellë dhe i zbatueshëm. Zoti Berisha gënjen, kur citon ligjin çek, pasi ligji çek përjashton dhe sekretarët e partive në rrethe ose rangjet e ngjashme dhe nuk është identik me ligjin tonë. Ai ishte një ligj i zbatueshëm dhe si i tillë u bë i suksesshëm. Ligji i zotit Berisha nuk është çek, pasi çekët kanë dy ligje, një për dosjet dhe një për pastërtinë e figurave, nuk është gjerman, nuk është perëndimor dhe në finale nuk është antikomunist. Ai është amalgamë inatesh personale që projektojnë dëshirën e tij për t’u bllokuar nga Gjykata Kushtetuese dhe për të mos u zbatuar, me qëllim që ai të ketë të drejtë të akuzojë pa dënuar njeri dhe të mbrojë të dënuarit e vet për korrupsion duke akuzuar. Ajo që ai ka tri ditë që bën duke u futur në krizë me SHBA për disa rekomandime kushtetuese, nuk janë gjeste prej antikomunisti dhe as prej lideri perëndimor. Përpjekja e tij për t’i mbushur mendjen qeverisë amerikane se nuk e kupton këtë punën e komunizmit, po ashtu është vulgare dhe tregon se ai është i qartë në planin e tij.

Zoti Berisha po e çon vendin në krizë me vetëdije, se është i sigurt se vetëm kriza është mjeti me të cilin ai mund të mbijetojë tashmë politikisht. Në çdo situatë ai del i humbur, pasi ka një bilanc tragjik me korrupsionin. Në vitin e tij të tretë si kryeministër, ai ka në prokurori dhe vajzën, dhe djalin, dhe Lulin. Nga kjo situatë ai nuk mund të dalë veçse me krizë. Dhe krizën po e provokon çdo ditë me të gjitha mënyrat, me qëllim që palët të hidhen në luftë ose me atë, ose kundër atij. Ashtu ai do të mbijetojë politikisht si heroi i pakicës dhe do shmangë legjitimitetin e humbjes së tij. Gabojnë opozitarët kur mendojnë se ai do të dënojë eksponentët e regjimit. Ata duhen dënuar një orë e më parë, pa patur nostalgji për humbjen e karrierës së tyre. Mjafton që të bëjmë një ligj të zbatueshëm dhe efektiv për spastrimin e figurave të komunizmit. Por zoti Berisha nuk kërkon këtë. Ai kërkon të prodhojë krizë me një arsyetim formal antikomunist, duke shpresuar se kështu do të rigënjejë viktimat e komunizmit që i ka lënë rrugëve pa lekë dhe pa dëmshpërblim financiar. Aq lekë sa është diferenca mes çmimit real dhe atij formal për rrugën Durrës- Kukës, do të mjaftonin të qetësoheshin mijëra shpirtra të lënduar nga komunizmi që janë ende rrugëve pa shtëpi dhe pa perspektivë.

Aq pará sa ndërmjetësonte djali i tij në Gërdec dhe Rinas, mund të mjaftonin për të rehabilituar qindra familje të persekutuara, nëse do t’u jepej shansi i biznesit të ndershëm, në vend që atë ta bënin ish- mafiozë komunistë. Problemi i Berishës tani është si të përdoret ky ligj për të ndarë Shqipërinë pro dhe kundër tij, dhe për të vazhduar idenë e tij donkishoteske për të ndarë dhe Perëndimin pro dhe kundër tij. Kam shpresë se kjo nuk do të funksionojë. Kam shpresë se nuk do të na fusë dot në krizë, pasi nuk e meritojmë t’i rikthehemi një historie të rëndë për shqiptarët, tashmë për shkak të djalit, vajzës dhe Lulit.

[Duaje Siveten]

Agjencia e Lajmeve Sot

...

Zoti Patozi e di mirë se kush është "Lapsi blu" në media, Zoti Paloka e di kush është "Lotimi" në media. Prandaj unë kam kërkuar që njerëzit në media të verifikohen, dhe publiku të dijë që ky kryeredaktor del me dosje nga verifikimi le të vazhdojë të jetë kryeredaktor, po mos të na bëj moral nëpër media dhe gazeta si njeriu më i ndershëm i këtij vendi"

...

[Duaje Siveten]

Panorama 23/12/2008

Ngjela: Punistët kundër SHBA

"Fakti që s'pranohet nga politika amerikane, nga institucionet ndërkombëtare, kuptohet që nuk ka lidhje me perëndimin, me demokracinë. Ne jemi inerci puniste, akoma nuk ka ardhur koha, që punistët të mësojnë Amerikën se ç'është demokracia. Punistët do mësojnë nga Amerika se ç'është demokracia. Kjo është esenca e këtij ligji. Të gjitha të tjerat pastaj janë dëshirë për të dominuar skakierën e pushtetit, por nuk do t'ia dalin. Është shkelje kushtetute".

[Brari]

ruaj more siv josifi ndonje pupel palloi..
po si more te ka terbuar kaq shume ty ..mendimi se mos po u del horrliku.. mafies socialiste enveriste.. se mos po meson mileti bëmat e xhelatve te enverit..
kaq i impilkuar je more me ate koh te flliqur..
po cpun paske bere more ahere.. o palloi fallco ekstra djathtoist.. anti punisto sigurimso me 7 pal thonjza anash..
lol

po i ngrati mero c'hall ka..
i ka ryre me themel i gjori studimit te ligjeve te de-stalinoizimit qe paskan bere cekosllavakat e gjermano lindoret.. e per se.. me gjet "jasteqe ajri" per rekrutuesin moz ruc e sojin e tyre xhelato kanibalo 97 tsh..
tmerr.. ku perfundojn disa..

trimi bedri spahiu ktu e 20 vjet me pare beri burrerine.. cfaqi pendesen..
e kam qelbur tha.. u kerkoj falje tha atyre qe i denova.. dhe iku e vdiq.. duke na dhene nje shembull te njeriut qe.. e kish diku ne karakter..nje fije trimeri e krenari e dinjitet.. edhe se i beri mbi 40 vjet vete ne biruco gulaget enveriste..

20 vjet koh kishin xhelatet te pendohen por nuk e bene kurre.. e jo vetem nuk u penduan por u terbuan qe humben pak kohe kolltuqet e zyrave enveroiste.. pas 91 tes.. dhe shperthyen ne 96-97.. duke djegur e percelluar nje vend te tere e duke perlyer turinjte ne gjak te nepunsave te shtetit demokratik te sapo nisur drejt nje udhe me drite..

eja oj amerik bertasin .. na ndihmo.. se po na dalin pislleqet..
eja moj amerik.. qe degjuesve te radios tende ne 50 vjet u dhame birucat staliniste si peshqesh per dashurin ndaj teje.. qe nxenesave te amerikanit tuaj fullc u dhame plumb e litar.. nje per nje.. e deri ne rranxe.. u a genociduam fise e familje..
eja oj amerik na ndihmo se.. ska aeroplan mbajtese e ska magaze te mbaje tonelata zp koleksione te mbushura me sharje e shpifje per ty moj imperialiste e dashur shume..
lol..

kulmi i hipokrizise.. e i komedise..