Gjykata Kushtetuese: Te pezullohet zbatimi i Ligjit të Dosjeve aprovuar nga Kuvendi

[drague]

A nuk mund te jepni mendimin tuj?
na cmenet mer jahu me copypaste.

[Duaje Siveten]

nji nga nj po i bijne salikes ato pendet e maskimit punist - ndaj i eshte ngjizur si m*ti kepuces mbajtjes se pushtetit, sepse e di qe pastaj lakuriqesia e tij do te behet objekt i drejtesise ...

silli ca sozi ketu qe te plotesojne numrin, ndryshe salikja do te beje namin, o i shkrete ...

[Brari]

shqiptaret apo.. mafia qe keto dite eshte terbuar nga dosjet.. do te na "dhuroje" nje 97 tjeter.. te pergjakshme ..ashtu sikurse di ajo ti bejë..

shenjat i kan dhene.. se po e pergatisin nje hata te tillë..

te shohim a do dije Partia demokratike qe ti ndale kanibalet edvino veli-istë gjinusho metoist.. nga realizimi i nje revolucioni barbar.. qe do ta conte vendin ne humnerê..


???

[Duaje Siveten]

...
krejt rucizmi e enverizmi po te del per hundesh si fije makaronesh..

u bere boz ..

mos ngaterro saliken me ndonje tjeter, ere brarka, po bien te gjitha maskat per te fshehur punizmin qe kuterbon ...

[Brari]

55

--

OPINION

Nostalgjikët e diktaturës kërkuan gishtin, morën krahun
17-12-2008 /

Nga Kostaq Xoxa


Të entuziazmuar nga fitorja zgjedhore plebishitare e vitit 1992, mbase edhe për mungesë përvoje, opozita e asaj kohe u pa me një sy tepër mirëdashës nga Qeveria e demokratëve, e cila mbajti edhe një qëndrim lëshues ndaj pakicës së asaj kohe. Kuptohet se opozita u trajtua pa asnjë ndjenjë hakmarrjeje, por koha tregoi koha se ajo e kishte nën lëkurë prirjen për ta rimarrë pushtetin, qoftë edhe me dhunë. Veçse ishte koha kur doli e telendisur nga ato zgjedhje dhe sfidat i kishte lënë për më vonë, kur t’i vinte ujët në mulli. Fituesit zgjedhorë, nga ana e tyre, nuk kërkonin një opozitë të shpërpjesëtuar; mjaft më me një parti të vetme, kurse tjetra sa për formë, si puna e Frontit Demokratik, që ishte vetëm levë!
Kjo neveri për atë fjalën përbuzëse monizëm, ka gjasa që të ishte njëri nga shkaqet për të pasur një opozitë efektive, konstruktive, jo inekzistente. Natyrisht lëshimet nuk mund të shkonin gjer aty sa të hapej oreksi deri në legalizimin e një partie komuniste. Por prapamendimet e të mirëtrajtuarve e jetësuan edhe këtë qëllim, kur u erdhi vakti, pasi u forcuan hap pas hapi dhe iu përveshën pa pengesa afarizmit të kuq. E, kur gjendeshin edhe në kushte të fuqishme ekonomike, tashmë, provokuan atë gjëmën e 1997-s, duke qenë të implikuar gjer në grykë në firmat huamarrëse, me kryetarë nga të tyret dhe me administratorë majtistë, në shumicën dërrmuese.
Si pasojë, pas këtij viti të mbrapshtë, kur opozita e atëhershme mori fuqinë, - ashtu si e mori, - u miratua, në kundërshtim me kriteret kushtetuese në dispozicion të ministrisë së Drejtësisë për krijimin e partive, jo vetëm PKSH-ja, por u promovua edhe figura mizore dhe antikombëtare e E. Hoxhës, açik - në muret e institucioneve zyrtare (siç ishte M. Jashtme me titullar P. Milon). Kontingjentet e krimit, të ruajtura nga PS-ja emërndërruar, ish-sigurimsat, gjyqtarët që kishin marrë pjesë në tortura gjer në shkallën sa t’u mbeteshin të pandehurit në dorë, prokurorët më të zellshëm për të dënuar të pafajshmit, arritën të krenoheshin ndërmjet shokësh, tani, se kishin ndihmuar diktaturën e proletariatit për të mbjellë terror e fatkeqësi të papara. Madje të marrin edhe dekorime në demokraci, paçka se ç’qëndrim kishin mbajtur në kohën e diktaturës. Harbutëria politike arriti gjer në orgjitë, me të mitur e të mitura, përveç pleqve mëkatarë, në lëndinat e Pezës, nën patronazhin e Edvin Ramës. Ovacionet për të ringritur figurën e Enverit ishin në programin rehabilitues të E. Ramës, duke mos e përfillur aspak Rezolutën e Asamblesë Parlamentare të KE-së të 25 janarit të vitit 2006, për dënimin e krimeve të komunizmit e të nazizmit.
Tani që erdhi koha të hapen dosjet, majtistët tanë po e shkelin sërish me këmbë atë Rezolutë që cekëm pak më sipër. Opozita është vërtet nën kompleksin e trashëgimisë kriminale të PPSH-së: Duhen ruajtur me çdo kusht kontingjentet! Prokurorët, duke filluar nga blofi i aksidentit Trebicka ( që nuk dashka të ishte aksident por vrasje!), gjë që u përgënjeshtrua nga faktet (por jo nga propaganda enveriste “fol, fol se do të mbetet diçka, - por ja që s’mbeti asgjë në këtë rast, kur dëshira për ta quajtur aksidentin vrasje(!) nuk u realizua...), prokurorët, po thoshim, do të ishin ata që po zbulohen si bashkëpunëtorë të ligjshmërisë së Andrei Vishinskit. Dhe po të nxjerrësh një të dhënë në biografinë e tyre, na del se na shkelen parimet kushtetuese! Na thuhet edhe se duam të bëjmë hakmarrje! Dhe këtë e thonë ata që përfituan nga lëshimet, ata që janë personifikimi i hakmarrjes! Mirë që s’na vënë edhe Arianit Çelën, prokuror. Dhe, po të jetë i papranueshëm, do të ankohen sërish pranë faktorit ndërkombëtar se qeverisja e tanishme na qenka hakmarrëse!
Por a e dinë këta të përkëdhelur se ç’është bërë në Darmstadt të Gjermanisë për të zhdukur mendësitë naziste? A mund të imagjinojnë këta se në Gjermani jo vetëm që nuk mund të bëhet kurrsesi ajo që bëri Rama në Pezë, por edhe një shkrim i thjeshtë të ketë vetëm një fjalë pozitive për Hitlerin, shkruesi përballet me ligjin? Vetëm këtu te né dalin në ekrane herë Nexhmija, herë Ramizi për të “përligjur” të mirat e komunizmit! Lexojmë se një analist i majtë paska thënë se hetuesit mund të largohen, por jo në këtë moment! Kjo do të thotë që të dënohen njerëz të pafajshëm, pastaj le të largohen, s’ka rëndësi! Ky dënim njerëzish të pafajshëm iu është futur thellësisht në gene, që në kohën e diktaturës njerëzve shërbestarë të organeve “të drejtësisë” të asaj kohe, që na mbetën edhe neve peshqesh! Janë mësuar me kritere të tilla, që kur paranojaku E. Hoxha vriste edhe pa gjyq; por edhe kur i dënonte me vdekje, u bënte një torturë të fundit, para se viktimat e tij të ekzekutoheshin! Dokumenti me firmën e tij kundër Ll. Fundos është njëra nga provat. Por edhe këpucëve të viktimave u vinin thumba nga brenda, që të dënuarit prej atyre që sot mbrohen me zjarr, të mos kishin forcë të thoshin as “Rroftë Shqipëria” në vakt të xhanit! Këto tmerre të kujtojnë një rast të bujshëm të fundit të shekullit XIX, në Francë. E kemi fjalën për oficerin e forcave franceze, Alfred Dreifysin, që u dënua i pafajshëm. Por u ngrit kundër dënimit Emil Zolai me pamfletin e famshëm ”J’accuse” (unë akuzoj) dhe me prova të njëpasnjëshme dëshmoi pafajësinë e Drejfysit, édhe kur ky kishte kaluar 5 vjet në Ishullin e Djallit në Gyijanën franceze, pas fillimit të kalvarit, më 5 janar 1895. Atëherë dënime të të pafajshmëve ishin të rralla, edhe në një shtet të madh, si Franca. Tani kërkojnë të jetë domosdoshmërisht i cenueshëm Lulzim Basha, pikërisht se është nga ministrat më të suksesshëm të qeverisjes së sotme. Veçse po përsërisin versionin e aksidentit në vend të vrasjes, paçka se mbetën gojëmbyllur tanimë, duke na lënë vetëm shijen e keqe të tendenciozitetit të tyre të pafré! Kështu do të mbeten gojëmbyllur edhe për akuzat që përmëndëm, për të justifikuar prokurorët e tyre, kontingjente të krimet diktatorial, të përlyer në prapësitë enveriste! Nga intervista në “Klan” me Blendi Fevziun, - ndonëse intervistuesi ishte përgatitur thellësisht si një hetues i paanshëm, - i intervistuari nuk mbeti në asnjë çast në pozitë të vështirë, duke i dhënë përgjigjet me argumente të incizuara në kujtesë, me argumente, fakta dhe data. Dhe kjo jo vetëm për hir të elokuencës së ministrit, por edhe falë pafajësisë së tij.

...

[Brari]

Edi Rama dhe urrejtja ndaj komunizmit
» Vendosur: 17/12/2008 - 10:24



• Redi Gjuzi

Sa herë që diskutohet për ligjin e dosjeve, aq herë gjenden artifica për t’i devijuar, zbutur, mbuluar dhe nganjëherë edhe justifikuar krimet e komunizmit. Në Shqipërinë e 18 viteve pluralizëm gjithçka është normale, për sa kohë në tavolinat e Kuvendit ulen edhe firmëtarët e vrasjeve, edhe ata që kanë dalë nga burgu komunist. Janë gjetur me dhjetëra justifikime për të mos patur një shpëlarje kombëtare nga komunizmi dhe ata që e kryen komunizmin në popull. Janë shpikur edhe përplasje juridike, mbrojtje e të drejtave të njeriut, apo paradokse të tjera të kësaj natyre, vetëm e vetëm që ky ligj (jo vetëm ai që propozohet nga maxhoranca) të mos pranohet, të shtyhet, të mos jetë kurrë efektiv. Në të gjitha këto shpikje, që kanë lënë për 18 vite rrotull politikës dhe brenda saj (të majtë e të djathtë), komunistë dhe persekutorë gjakatarë, nuk është përmendur kurrë frika e prekjes së moralit të këtyre të fundit. Asnjëherë nuk është përmendur, as nga ata vetë, apo përfaqësuesit e tyre, alibia, se miratimi i një ligji të tillë do të prekte ndjenjat e sigurimsave, spiunëve apo pushtetarëve komunistë. Se morali i këtyre njerëzve ka vdekur ditën që ata urdhëruan, firmosën apo ekzekutuan politikisht një tjetër shqiptar në emër të komunizmit. Por dje, në mes të ditës, fatmirësisht pa diell, kreu i partisë më të madhe të opozitës, përmendi pikërisht moralin dhe frikën e persekutorëve si një arsye madhore për të mos votuar një ligj kundër spiunëve.
Duke iu referuar diskutimeve të të djathtëve, apo atyre që hiqen si të tillë, para dy ditëve në Kuvend, Edi Rama, mbrojti moralisht familjen e tij dhe të atij lloj soji para derës së selisë së PS-së. "Nuk jam unë i pari që duhet të përjetoj shijen e hidhur të kësaj politike të ndyrë urrejtjeje dhe që duhet të qetësoj nënën e djalin tim", u shpreh dje Rama. Një ditë më parë, një gazetë e pozicionuar qartë djathtas, botoi një dokument të firmosur nga Kristaq Rama, babai në atë kohë i Edvin Ramës. Në këtë dokument, anëtari i Presidiumit të Kuvendit Popullor të Partisë së Punës, bashkë me pak deputetë të tjerë, kishin firmosur ekzekutimin e një të riu. Firma datonte në vitin 1988, vetëm pak kohë para rënies së komunizmit me arsyetimin e qartë politik: "Armik i betuar i pushtetit popullor". Mbi firmën për ekzekutimin e tij ishte edhe kërkesa e prindërve, ku kërkohej falja e jetës. Firmëtarët vendosën të kundërtën, vdekje. Në rast se ky dokument është i vërtetë, atëherë Edi Rama nuk ka asnjë moral të kërkojë sot qetësi për familjen e tij. Nuk ka fjalë që ta qetësojnë nënën e djalit, babai i të cilit ka qenë një firmëtar vdekjeje. Nuk ka fjalë, sot, që të mund ta justifikojnë moralisht atë veprim. Moralisht, firma që të çon nën dhe si "armik i pushtetit popullor", nuk mund të mbrohet, as me thirrje poetike, se po mbillet urrejtje. E kundërta do të ishte fatkeqësi, në rast se njerëz të tillë nuk urrehen. Në rast se njerëzve të tillë nuk iu thuhet përditë e përditë, derisa të plotësohen të gjitha ditët e ndërprera të jetës, të mbyllura në internime apo të shkatërruara politikisht, që veprimet e tyre ishin të urryeshme. Por fjalimi i djeshëm i Ramës nuk ishte vetëm për familjen e tij. Kjo do të kishte qenë e keqja më e vogël. (Gjithkujt do t'i vinte keq për gabimet e babait të tij, edhe pse para 18 vitesh, ishin fëmijët që denonconin prindërit apo e kundërta dhe i çonin të afërmit drejt litarit, në emër të pushtetit popullor). Ai nënvizoi dje se janë me miliona ata që kanë frikë nga urrejtja e një ligji kundër sigurimsave. "Unë jam këtu sepse kjo politikë që hyn çdo mbrëmje në shtëpitë e shqiptarëve për të mbjellë urrejtje, për të trazuar mendje e zemra prindërish e fëmijësh me egërsinë e saj, për të rënduar shpirtërisht e moralisht miliona njerëz që duan shpresë, zgjidhje për hallet e tyre, perspektivë për fëmijët e tyre, duhet të marrë fund". Llogaria e djeshme e Ramës ishte e gabuar. Nuk janë milionat ata që rëndohen shpirtërisht nga deklaratat kundër komunizmit dhe kriminelëve që e mbollën atë. Janë shumë pak. Janë miliona ata që vuajtën dhe këta të fundit nuk kanë frikë nga dosjet. Shqipëria nuk ka patur kurrë ndonjë "hall më të madh" se sa komunizmi dhe nuk ka për të patur derisa soji i atyre që mbrojnë krimet e 50 viteve me gjithçka mënyrash, ta lejë të qetë këtë vend. Fjalia e djeshme me shumë shifra e Ramës është tipike e postkomunistëve: "Në atë kohë të gjithë ishin spiunë". Dhe kjo propagandë duhet urryer. Sot kombi shqiptar është i lirë të urrejë dhe të pëlqejë kë të dojë. Por nuk do të jetë kurrë i lirë të zgjedhë, në rast se nuk i tregohet se kush ishin individët, apo ata dhjetëra individë që e morën peng për 50 vite. Dhe këta, pavarësisht se do i "trazohet shpirti", duhet të urrehen, bashkë me ata që sot përpiqen të gjejnë artifica për t'i shmangur emrat e përveçëm të tyre.
Frika e Ramës për hakmarrje, sot 18 vite pas rënies së diktaturës është qesharake. Nga 1990 e deri në vitin 2008 asnjë i përndjekur nuk ka kryer hakmarrje. Sepse të përndjekurit nuk kanë luftë klasash, nuk kanë armiq pushteti, por opozitarë. Ky është dallimi. Janë soj tjetër nga gjakatarët e 50 viteve të shkuara. Por, njeriu analizon dhe mendon si do kish vepruar vetë dhe, kjo ndoshta është një arsye për kreun e PS-së, që të mendojë se do të ketë hakmarrje. Sidoqoftë, sot pas 18 vitesh ka një fakt, më domethënësi nga të gjithë në rastin e kreut të PS-së, që vërteton se të përndjekurit nuk hakmerren. Në rast se do të kishte hakmarrje, sot ju Edi Rama dhe shumë të tjerë si ti, si djali i një ish-anëtari të Presidiumit të Kuvendit Popullor, duhet të ishit duke lyer fasadat e Tiranën, dhe jo duke i urdhëruar të tjerët ta ngjyrosin me ngjyra plot jetë arkitekturën e komunizmit. Dhe ndoshta ky është fati më i keq që i ka ardhur shqiptarëve nga pasuesit e komunizmit. Njerëzit njihen kur kanë pushtet. Të gjithë para se ta marrin pushtetin janë të mirë dhe patetikë. Ti dje zgjodhe. Dhe zgjodhe anën e paraardhësve të tu. Ty të erdhi keq për moralin e familjeve të ish-persekutorëve. Një shprehje e vjetër thotë: nëse sheh një të keqe, mundohu ta ndreqësh me dorë, në rast se nuk e ndreq dot me dorë, mundohu ta ndreqësh me fjalë, në rast se nuk e ndreq dot me fjalë mundohu ta ndreqësh me zemër. Por dje, edhe zemrën e peshove në duart e atyre që kanë shkrehur plumbat, që kanë tërhequr këmbëzën e armëve, apo kanë firmosur që këto t'i ndodhin ish të përndjekurve.

panorama

[Conquistador]

Te dyja palet bojn lojna koti. Asnjona s'ka ne men me hap dosjet. Te dyja jane dy nenndarje ose me mire e thene, fraksione te PKSH.

[white-knight]

Dosjet, si u ndryshua ligji

“Na del se ne menyren me te pafytyre e te papranueshme, se ligjin, thone zedhenesat e Edi Rames, po e bejme per 5 prokuroret apo gjyqtaret qe po hetojne disa ceshtje. Ligji nuk ka asnje lidhje, ai eshte derguar ne Kuvend pa pasur asnje kerkese”.

Pas kesaj deklarate te zotit Berisha, ne fillim te javes ne mbledhjen e grupit te PD, Top Channel arriti te siguroje draftin e pare te PD te dorezuar ne Kuvend te ligjit per pastertine e figures, ne daten 25 tetor 2006 dhe qe mban firmen e kryetarit te grupit te asaj kohe, zotit Bamir Topi, e qe pas largimit te tij drejt presidences ne korrik te vitit te kaluar, ky draft eshte rikonfirmuar me firmen edhe te kryetarit te ri te grupit parlamentar te demokrateve, Astrit Patozi.

Top Channel zoteron edhe draftin aktual qe u miratua nga komisioni i ligjeve ne dhjetor te ketij viti. Dy projektet kane ndryshime te dukshme ne kontrollin e pastertise se figures ne sistemin e drejtesise, por edhe ne postet qe nuk duhet te kene patur ata qe verifikohen.

Ne draftin e vitit 2006, tek subjektet qe verifikohen nuk eshte parashikuar KLD, nje institucion qe eshte perfshire tek subjektet qe verifikohen ne draftin e vitit 2008, neni 3 ligji 2006, po ashtu ne nenin 4 te ketij drafti, pra te atij te 2006-es ne piken e papajtueshmerise se funksioneve, thuhet se zyrtaret qe verifikohen nuk duhet te kene qene mes disa funksioneve te tjera edhe hetues, prokuror, gjyqtar apo ndihmes gjyqtar ne proceset politike speciale.

Procese politike speciale quheshin gjyqet ndaj anetareve te byrose kur shpalleshin armiq, si rasti i Kadri Azbiut, Beqir Ballukut, apo nje proces special politik ka qene dhe gjyqi famekeq i deputeteve ne vitet 45-46. Trupat gjyqesore ishin speciale me persona te sigurimit dhe hetuesise dhe rezulton pergjithesisht se vendimin e jepte hetuesia dhe gjykata e zbatonte.

Ky eshte nje shpjegim per termin “special”, sepse kjo pike e ligjit te 2006-es ndryshon ne kete forme ne draftin e PD ne vitin 2008, hiqet fjala “speciale”. Dhe zyrtaret e sotem qe verifikohen nuk duhet te kene qene hetues, prokuror ose ndihmesprokuror, gjyqtar apo ndihmesgjyqtar ne proceset politike.

Heqja e fjales “speciale” ne menyre direkte zgjeron ndjeshem rrethin e gjyqtareve dhe prokuroreve te kohes se diktatures, tashme ne fokus te lustrimit sepse gjyqet politike ne ate kohe, ne baze te nenit famekeq 55 per agjitacion dhe propagande mbushen burgjet e regjimit me te eger komunist ne Europe.

Ne kete menyre figurat qe sot do verifikohen kryesisht nga rradhet e drejtesise jane me shume te prekur nga heqja e fjales “speciale”, pasi keto ishin gjyqe te zakonshme dhe zhvilloheshin ne gjykatat e rrethit dhe ato te larta.

Pervec ketij ndryshimi nga drafti i PD ne vitin 2006 dhe atij te vitit 2008 ka dhe disa ndryshime te tjera por dallimi i lartpermendur eshte nje prej te cilave, qe hedh poshte deklaraten e shefit te qeverise, se ligji eshte depozituar rreth tre vjet me pare, kur nuk kishte procese hetimore, pra behet fjale ndaj ministrit te tij Basha, apo per ngjarjen tragjike te Gerdecit dhe kur Bamir Topi ishte ende ne PD dhe Ina Ramen nuk e njihte askush.

Heqja e fjales “speciale” nga gjyqe politike shton gamen e prokuroreve qe ne kohen e diktatures mund te kene patur ceshtje politike, por nga ana tjeter detyron te lene detyren disa prokurore qe sot kane ne hetim ministra te qeverise, ngjarjen e Gerdecit apo dhe ceshtjen “Fazllic”.

T-CH

[white-knight]

Berisha harron “dosjet”, merret me te majtet

Nje dite pas dushit te ftohte amerikan qe mazhoranca mori per ligjin e dosjeve, kryeministri Sali Berisha, ka tentuar te largoje vemendjen duke bere diversionin e radhes ne krahun e te majteve. (UPDATE)

Kryeministri ka zgjedhur serish foltoren e preferuar te diversionit politik, mbledhjen e qeverise per t’i kerkuar kreut socialist, Edi Rama, te mos behet perjashtues me Levizjen Socialiste per Integrim si force e trete politike ne vend.

"Ftoj Ramen te deshmoje sens kompromisi me forcen politike qe ka 8-10 perqind te elektoratit. Nuk eshte ne interes shmangia e kesaj force politike", u shpreh Berisha.

Duke pranuar si rrallehere te kete gabuar kryeministri theksoi se egzistojne te gjitha mundesite per nje proces gjitheperfshires pavaresisht konsensusit me Partine Socialiste.

"Eshte mundesia per nje reflektim. Ne e pranojme se kemi nje konsensus me PS-ne, por nese e zgjerojme do te ishte me mire", u shpreh Berisha.

Meta: Jemi per gjithperfshirje


Kryetari, Ilir Meta, ritheksoi se kodi i ri duhet te jete gjithperfshires dhe hodhi poshte cdo mundesi per te bashkuar votat me kryeministrit ne menyre te njeanshme duke lene jashte ketij procesi socialistet, i beri. Ne baze te ketij kodi te ri theksoi Meta duhet te jete gjitheperfshirja.

"Jemi per gjithperfshirje, nuk dua ta besoj se PS nuk do te reflektoje dhe do te kembengule qe kodi te kaloje me cene serioze dhe ndeshkuese per zgjedhjet e ardhshme", u shpreh Meta.

Kreu i LSI-se, shprehu sigurine se socialistet do te reflektojne per te mos u bere pergjegjes te miratimit te nje kodi qe nuk do te garantonte sipas tij standartet e duhura te kerkuara nga nderkombetaret.

"Une nuk kam asnje arsye qe te paragjykoj ne menyre perjashtuese cdo njeri, cdo force politike qe reflekton", u shpreh Meta.

Kreu i LSI theksoi se eshte ende ne pritje te nje pergjigje zyrtare nga Partia Socialiste per takimin e kerkuar me kryetarin e saj, Edi Rama.

T-CH

[Duaje Siveten]

Gazeta Metropol 17/12/2008

Kryesocialisti Rama: Sali Berisha ka nxitur luftën e klasave

OLI XHILAGA

Ligji i dosjeve, vijojnë akuzat dhe kundërakuzat mes kreut të PD-së dhe PS-së

“Shqiptarët patën rastin të shohin sekretarin e djeshëm të partisë së Enver Hoxhës dhe kryeministrin e sotëm të vendit, pra komunistin e vjetër dhe demokratin e flaktë Sali Berisha, në njërën prej shfaqjeve më të shëmtuara të politikës së vjetër të dyfytyrësisë”, - kështu u është kundërpërgjigjur kreu i Ps-së Edi Rama kritikave dhe akuzave të ardhura në adresë të tij dy ditë më parë nga kreu i mazhorancës Sali Berisha. Gjatë ditëve të fundit të dy drejtuesi nuk kanë reshtur se shkëmbyeri në distancë akuza dhe kritika ndaj njëri-tjetrit dhe shkak për këtë është bërë pikërisht ligji i PD-së për pastërtinë e figurës. Kështu, pas deklaratave të lëshuara në seancën parlamentare, ku u diskutua një projektligj i tillë nga Kryeministri Berisha, reagoi kreu socialist Rama.

Në një konferencë të posaçme për shtyp Rama nuk kurseu gjuhën e ashpër ndaj kreut të ekzekutivit, duke shkuar deri aty sa e akuzoi atë si nxitës të luftës së klasave. “Sali Berishës duhet ti vijë turp nga shfaqja e shëmtuar e dyfytyrësisë që dha në Kuvend, sepse ndërkohë që mallkonte një regjim çnjerëzor si ai komunist, të cilit i ka shërbyer gjatë si nxitës i zellshëm i luftës së klasave pikërisht kundër atyre që sot bën sikur i mbron, është kryeministri që për të tretin vit me radhë djeg fondet që gjoja u vë në dispozicion çdo fillimviti për dëmshpërblim viktimave të luftës së klasave”, - u shpreh Rama në fjalën e tij.

Njëkohësisht, duke pasur si kryefjalë të konferencës së tij pikërisht epitetin e “dyfytyrësisë” së Kryeministrit Berisha, kryetari i PS-së i theksoi se “Sali Berishës duhet ti vijë turp nga shfaqja e shëmtuar e dyfytyrësisë që dha mbrëmë, sepse teksa fliste për plagët e komunizmit, e kishte mendjen te lulet e korrupsionit; teksa ngrinte zërin për krimet politike të partisë së tij të vjetër, e kishte hallin te krimet ekonomike të partisë së tij të re; teksa akuzonte duke ngritur gishtin shokët e tij të dikurshëm në shërbim të diktaturës së proletariatit, e kishte merakun te gishti i ngritur nga organi i sotëm i akuzës në adresë të qeverisë së tij”. Sipas tij, qëllimi i Kryeministrit Berisha nuk ishte dënimi i diktaturës së komunizmit, por mbrojtja e diktaturës së korrupsionit, ndaj dhe kërkohet miratimi i ligjit për dosjet.

Partia Demokratike

Partia Demokratike, nëpërmjet zëdhënësit të saj, Gerti Bogdani, i kërkoi kryetarit të PS-së të japë shpjegime për firmën ekzekutuese të të atit, mos të mbrojë të shkuarën e tij dhe të miratojë ligjin e dosjeve. "Kryeministri fton zotin Rama të gjejë kurajë dhe të shkëputet nga mbrojtja e lidhjeve të tija të vjetra, sepse kjo do ta ndihmojë të shikojë përpara”, thuhet në deklaratën e PD-së. Sipas saj, Rama pasi tërhoqi grupin parlamentar nga debati për ligjin e pastërtisë së figurave, doli përpara shqiptarëve për të bërë sulmin e radhës ndaj Kryeministrit.

Berisha e akuzoi Ramën se po pengon Partinë Socialiste dhe po e rendit atë krahas Partisë Socialiste Serbe dhe Partisë Radikale Serbe, si tre parti që nuk e pranojnë lustracionin.