Gjykata Kushtetuese: Te pezullohet zbatimi i Ligjit të Dosjeve aprovuar nga Kuvendi

[koli20]

koli20, pak me avash dhe mos riprodho ato qe thone politikanet neper media, pasi jane trillime elektorale e asgje me shume.

Ne radhe te pare, po na thua se eshte preteks per te hequr prokuroret e Fazlliç, Basha etj, shume mire, nese ato prokurore e gjykates te ketyre çeshtjeve kane bere krime duke pushkatuar e varur njerez padrejtesisht ne kohen e xhahxit, ti mendon se do gjykojne drejt keto çeshtje qe kane tani perpara? Kurre!

E dyta, ajo kushtetute, eshte aq e mire, sa brenda 8 viteve eshte ndryshuar 8 here. Ajo nuk eshte kushtetute e formuluar ne menyren e duhur, ajo eshte bazuar ne kushtetuten e vitit 1976 qe beri xhaxhi Enver, e si e tille eshte e papershtatshme qe te perdoret tani nga ne, dhe te jesh i sigurt qe do pesoje prape ndryshime te tjera, sepse eshte shume shume e nevojshme qe te ndryshohet, pasi ne te jane lene me mijera shtegje abuzimi. Rasti me konkret ishte i prokurorit te pergjithshem. Pa me thuaj nje vend ne bote ku Presidenti ka mandat, ndersa Kryeprokurori jo. Kjo eshte absurde dhe e papranueshme. Kjo kushtetute i jep te drejta e liri pakufizim disa zyrtareve te larte dhe kjo eshte prape e papranueshme. Prandaj do te pesoje serish ndryshime te tjera.

Dhe se çfare thote Ambasadori Amerikan e dime mire ne, sepse ky Ambasador eshte nje nder te akuzuarit per Gerdecin dhe eshte thirrur ne USA per tu mare ne pyetje ne Senat, apo e harron ti kete? Ja se ta kujtoj une.

Ky ligj i perbalt njerezit e paskrupullt te sistemit monist, dhe kjo eshte me e pakta qe mund te bejme per keto vampire e fantazma. Ndoshta juve nuk keni qene familje e perndjekur nga regjimi, por po te ishit do flisnim ndryshe bashke tani.

Une e perserita qe nuk jam kunder hapjeve te dosjeve, por te jesh i bundur qe tani nuk ka me dosje, shumica e tyre jane azgjesuar.
A nund te me thuash ti pse kjo ceshtja e dosjeve hapet sa here qe vine zgjedhjet, kuptohet cdo gje behet per politike dhe ti mos kujto se po behet per te larguar bashkpuntoret e vertet te komunizimit se i bie te largohet dhe sala vete. Lidhur me prokuroret e permendur ata jane figura konkrete dhe duhet pare e shkuara e tyre, me sa di une nuk jane te asaj kategorie qe "akuzohen" (ne mos u gabofsha).
Sa per kushtetuten nuk jam fare dakort me ju,me keta politikane qe kane jane ne pushtet dhe te tjeret qw kane qwnw eshte ndryshuar pak here. Nuk eshte nje kushtetute e persosur por jo dhe aq e keqe. Ka nevoje te ndryshohet por gjithmone ne kahun e duhur, ne kahun e zhvillimit te shoqerise.
Po te pyes ty cfare mendimi keni ju per nenet e ndryshuar :
Neni 104
1. Kryeministri ka të drejtë t’i paraqesë Kuvendit mocion besimi ndaj Këshillit të Ministrave. Në rast se mocioni i besimit votohet nga më pak se gjysma e të gjithë anëtarëve të Kuvendit, Kryeministri, brenda 48 orëve nga votimi i mocionit, i kërkon Presidentit të Republikës shpërndarjen e Kuvendit.
2. Presidenti shpërndan Kuvendin brenda 10 ditëve nga marrja e kërkesës.
Kërkesa për mocion besimi nuk mund të paraqitet gjatë periudhës së shqyrtimit të mocionit të mosbesimit, sipas nenit 105.
3. Votimi i mocionit nuk mund të bëhet pa kaluar tri ditë nga paraqitja e tij.
Neni 105
1. Një e pesta e deputetëve ka të drejtë të paraqesë për votim në Kuvend një mocion mosbesimi ndaj Kryeministrit në detyrë, duke propozuar një Kryeministër të ri.
2. Kuvendi mund të votojë një mocion mosbesimi ndaj Kryeministrit vetëm duke zgjedhur me votat e më shumë se gjysmës së të gjithë anëtarëve të tij një Kryeministër të ri.
3. Presidenti i Republikës dekreton shkarkimin e Kryeministrit në detyrë dhe emërimin e Kryeministrit të zgjedhur jo më vonë se 10 ditë nga votimi i mocionit në Kuvend.
Une jam kunder, ky eshte shteg per abuzim, nese di te tjera ti mund te mi thuash.
Po menyra e zgjedhjes se presidentit si te duket, a lejon ajo nje konsensus te gjere, sic kerkon figura e tij.
Sa per ambasadorin amerikan, besoj se ne nuk duhet te merremi me figuren e tij, por me ate cfare ai perfajson, dhe ai perfajson vete SHBA, me figuren e tij merret vete shteti amerikan, se si kujton ti nqs ata do te gjenin prova qe e implikonon ate ne ceshtjen gerdeci nuk do ta shkarkonin.

lidhur me te perndjekurit Ti mendon se ky sistem po ju jep venditi qe iu takon, ja ta them une qe po i perndjek per se dyti.

[MaDaBeR]

Ore koli20, ato ndryshime eshte shume mire qe jane bere. Po pse mor si thua ti, te te beje presion Nard Ndoka e Vangjel Dulja se ne te shembim qeverine? Kjo eshte e papranueshme dhe eshte bere shume mire ai ndryshim. Apo sa here tu ngrihet morrave te parlamentit te shembin qeverite e te fusin vendin ne kriza institucionale sipas teje. Ore demokracia nuk do te thote te kesh liri te shfrenuara, por liri te kontrolluara, mesoje mire kete, se ju punistet e enveristet i merni te gjitha çeshtjet ne ekstremitete. Thellou pak me shume ne koncepte dhe mendoji pak me mire gjerat para se ti thuash. E per shkak te atyre neneve idiote qe jane ne ate kushtetute, na ngrihet dhe nje Vasilis Bollanis e na kerkon autonomine e te ashtuquajturit sipas tij "Vorio Epiri"

Sa per ligjin, te denigrohen e te perbalten totalisht ato qe kane duart e lyera me gjakun e te pafajshemve, eshte e papranueshme qe ne kuvend kemi nje deputete e cila ka firmosur pushkatimin e 3 poeteve nga lushnja, e gjithashtu pasurine e zyrtareve ta kontrolloje nje bushter qe pushkatoi Havzi Nelen me akuza te pabaza e te paqena.

[Albmaster]

Pak orë përpara miratimit të dosjeve, Kryeministri Berisha dhe ambasadori amerikan në Tiranë, Xhon Uithers, patën një shkëmbim replikash në distancë.


Ndërsa Berisha mbronte me fanatizëm ligjin në mbledhjen e grupit, Uidhersi po fliste para një takimi me fëmijët për një fabul kuptimplotë

TIRANË- Pak orë përpara miratimit të dosjeve, Kryeministri Berisha dhe ambasadori amerikan në Tiranë, Xhon Uithers, patën një shkëmbim replikash në distancë. Njëri ndodhej në sallën e Kuvendit dhe bënte mbledhje me anëtarët e Grupit Parlamentar të PD-së, ndërsa tjetri në një kopsht ku fliste për fëmijët. Teksa Kryeministri Berisha sulmonte me tone të ashpra këdo që ishte kundër ligjit të tij, ambasadori Uithers u tregonte fëmijëve të një shkolle një fabul shumë kuptimplotë për situatën aktuale.

“Jemi një vend i lirë, vend demokratik dhe ne nuk bëjmë asnjë hap jashtë standardeve, në mënyrë kategorike. Për fatin tonë të madh, ekziston në Gjykatën e të Drejtave të Njeriut në Strasburg, këtij institucioni suprem i Europës për liritë dhe të drejtat, një praktikë dhe një teori aq e gjerë, saqë nuk lë asnjë shkas për mungesë transparence.

Edhe njëherë dua t’ju informoj se kjo Gjykatë, tempull i drejtësisë për liritë e njeriut, nuk ka pranuar, në asnjë rast, të shqyrtojë në thelb ligjet e lustracionit, sepse i ka quajtur legjitime. Shoqëria duhet të bëjë lustracionin. Ky është morali i së drejtës, morali i shoqërisë së lirë”,- tha Berisha. Në anën tjetër, Uithers u përgjigj: “Një të diel, sapo dielli lindi, doli edhe një krimb i vogël shumë i uritur. Ai hëngri të hënën një mollë, por nuk u ngop. Të martën hëngri dy dardha, por prapë nuk u ngop.

Të mërkurën hëngri tre kumbulla, por prapë nuk u ngop. Të enjten katër luleshtrydhe, por prapë nuk u ngop. Të premten krimbi hëngri pesë portokalle, por sërish ishte shumë i uritur”. Si për ironi të fatit, në dy vende të ndryshme, të dy këta njerëz vazhduan “dialogun” e tyre. “Nga ana tjetër, Gjykata ka pranuar kufizimin e përkohshëm të disa të drejtave dhe mund të themi se ligjet e lustracionit, nga pikëpamja ligjore, kanë pikërisht këtë sjellje.

Ju mund të thoni se përse e ka pranuar këtë gjë, për hakmarrje? Kurrën e kurrës! E ka pranuar për antikomunizëm, për ideologji? Jo. Ajo e ka pranuar për një kriter tjetër themelor, për kodin moral dhe etik të atij që punon”, - deklaroi Berisha. Ndërsa përgjigja amerikane ishte: “Të shtunën, ai krimbi hëngri, më dëgjoni me shumë kujdes: Një copë kek me çokollatë, një akullore, një copë djathë, një copë sallam, një lëpirëse dhe një tortë me luleshtrydhe.

Hëngri shumë. Atë natë ai kishte dhimbje stomaku”. “Të nderuar zotërinj opozitarë, urdhëroni dhe votoni ligjin që u jep mundësi juve të faktoni çdo akuzë që keni bërë gjatë këtyre 3 vjetëve. Keni sulmuar në mënyrën më të rëndë, por mos harroni se këta njerëz janë njerëz publikë, kanë përgjegjësi, kanë familjarë, kanë një të shkuar dhe ju i keni lënduar në mënyrë shumë të pandershme. Sa herë më keni kërkuar mua në Parlament për këtë çështje dhe më keni thënë se, përse nuk e hap dosjen, përse po e shtyja ligjin, kërkonit të rrëzohej qeveria.

Ndërsa unë, me qëllimin më të mirë, e shtyja, në mënyrë që të mund ta bënim bashkërisht këtë ligj. Por, në fund të fundit, këto ligje nuk janë bërë bashkërisht. Kjo është historia, tha Kryeministri. Por historia që u tregohej fëmijëve kishte një tjetër fund. “Ditën tjetër, ishte sërish e diel dhe krimbi hëngri vetëm një gjethe të gjelbër dhe u ndje shumë më mirë.

Por tani ai nuk ishte më një krimb i vogël, por një krimb i shëndoshë. Ai ndërtoi një shtëpi të vogël rreth vetes, ku qëndroi dy javë. Ai gërvishti mbulesën përreth vetes dhe doli që krimbi ishte shndërruar në një flutur shumë të bukur”, - tregonte ambasadori Uithers, duke i dhënë një mesazh politikës shqiptare, që të shtrijë këmbët sa ka jorganin.



Shekulli

[Qyfyre]

Ky ligj nuk i djeg asnjerit. Mbase ndonje budallai qe nuk e ka zhdukur dosjen e vet kur ka pasur rastin. Te gjithe te PS kishin 8 vjet per ti pastruar. Keta te PD po ashtu kishin rastin me pare dhe tani 4 vjet per ti rregulluar sipas qefit.

Megjithate ka nje te mire ky ligj. Do kenaqet populli me humor. Komunistet do kene prova per te akuzuar komunistet e tjere si ish-komuniste.

[drenicaku]

Bravo berishes
Keshtu duhet veprua,te gjitha te tjerat jan te dikutushme ama pas votimit sepse neokomunistet e edvinit e braqes mjaf u munduan te shantazhojn por berisha si berisha jau hodhi.

[juanito02]

Ja hodhi vetes o qyqar se si hodhi gje as edvinit as kujt.
Hodhi nje budalla(Sali Ram Berisha) nje gur ne pus e 100 te mencur spo e nxjerrin dot as OSBE as Amerika as EU askush tjeter.
Po ku ke pare ti o budalle qe te flase per te departamenti shetit Amerikan per bemat e Sali palles.
As kaq gje nuk shikon o truthare?
Ja kaloi dhe Haxhi Qamilit berisha me kete ligj shterpe.
Thuaj Londres ta mbylle gojen i tha Haxhi Qamili te derguarve britanike se kur pushova Shijakun per nje dite juve sju kam problem fare.
Rekordi gines i pushtetarit budalla u zu nga Berisha

[Conquistador]

Nga Besi BEKTESHI

Si të aprovohet dhe si të mos aprovohet ligji që PD-ja ka propozuar për të “dënuar krimet e komunizmit”ose për të “hapur dosjet e sigurimit” dhe si të kundërshtojë apo bojkotojë opozita e sotme sidomos ajo socialiste, ajo që tashmë ka dalë qartë është se “si komunistët dhe neo-komunistët” nuk bëjnë dot ligj që të largojë njëherë e përgjithmonë ish ideologjinë e tyre.
Po pse them “ish ideologjinë”? Po e them me shpresën se e kanë pasur, por duhet të jenë të qartë se nuk duhet ta kenë më. Kam shpresën, por gjithashtu kam edhe bindjen se me këtë lloj forme dhe përmbajtje që sajojnë ligjet e demokracisë, nuk e kanë “ish” ideologjinë, por vazhdojnë ta përdorin në një sistem që nuk ka në bazë ideologjitë dhe aq më pak ato që në praktikë kanë sjellë deformim dhe dhunë ndaj njerëzve si në moral dhe në jetë. I ngritur me sajesën e “dhënies fund të shërbëtorëve të diktaturës dhe dosjexhinjëve” por edhe të largimit të njerëzve që deri sot janë në gjykata dhe prokurori, ky ligj ka sajuar edhe “demokracinë”e socialistëve të sotëm që mbrojnë pikërisht këtë kauzë të tipizimit të ligjit kundër “kriminelëve të diktaturës siç i quan Berisha disa prokurorë dhe gjykatës që në fakt po merren me dosjen e sotme të qeverisë dhe Berishës vetë.
Tipike manovra të neo-komunizmit shqiptar, të dalë nga thellësia e madhe e punizmit enverist!!! Nuk ka këtu as ku të kapësh për brirësh dhe as për bishti, sepse kjo gjë është pa formë, pa përmbajtje dhe nuk ka lidhje fare me demokracinë. Jo vetëm për kontradiktat e mëdha me kushtetutën, jo vetëm me komisionet dypalëshe PD dhe PS më pas që do të shohin së bashku dosjet, por kryesisht për instalimin e një “komunisto-demokratizimi” që lidershipet përkatëse kërkojnë të instalojnë në vendin tonë. Është fatkeqësi që mentaliteti komunist me përfaqësuesit e e tij “ligjorë” të prodhojë akoma një destabilitet edhe për gjëra kaq të rëndësishme siç është edhe “dekomunistizimi” i shoqërisë.
Në një anë ligji nga demokratët ndërtohet jo për sinqeritet ndaj kësaj periudhe të poshtër të vendit, dhe largim real të njerëzve që nuk meritojnë më të jenë pjesë e shtetit shqiptar, dhe në anën tjetër nga një e majtë që ka frikë të ndërtojë tabanin e saj jo mbi krimin e partisë nga ka dalë, duke mos thënë asnjëherë: Që po, duhet të jenë të gjithë “aut” ato që kanë bërë krim, apo kanë përfaqësuar lart dhe me forcë regjimin sidomos në hallkat e tij të dhunës dhe diktaturës.
Nuk mund të prodhosh ligj me “target” të sotëm si përfitim, sepse këtu patjetër që je njësoj si ato dje. Por, po ashtu, nuk mund të kundërshtosh sot një ligj, sepse ke kuptuar pikërisht këtë gjë. Në fakt si Berisha dhe Rama janë në një përrua dhe i thonë njëri tjetrit “po më ndyn ujin pse pi ujë më lart”. Në fakt është përroi ku ato pinë ujë, i ndytë prej fillimi e deri në fund. Ndërkohë amerikanët, OSBE-ja dhe ndërkombëtarët në përgjithësi, japin një leksion dhe ai është përputhjet në demokraci të ligjeve me kushtetutën. Asgjë më tepër.
Por këtu te ne bërtasin më tepër për kushtetutën ato që nuk e kanë votuar atë si demokratët. Pastaj ka nga ato që e kërkojnë kushtetutën të zbatohet, kur i kanë rënë në qafë asaj disa herë me ndryshim, si socialistët. Edhe kjo është tipike si në “komunizëm”, sepse në atë kohë kushtetutë dhe mbi kushtetutë ishin vendimet që merreshin nga Enveri dhe partia, apo ato që e pasuan më vonë.
Pra edhe sot, po kështu bëhet. Jo të krijohen ligje në standarde, dhe që dënojnë realisht dhe në mënyrë të qartë krimin e komunizmit, por bëhet ligj si të dënohen apo nxirren jashtë njerëz të bezdisshëm tani për tani, duke i rënë ndesh ligjeve disa herë dhe pushteteve me njerëz që aprovojnë ligje të cilat duhet ti sillen kundra vetes.
Hajde merre vesh logjikën e atyre që nga komunistë dhe soj e sorollop komunistësh që nuk marrin kurajën jo vetëm të dënojnë militimin e tyre në parti dhe forume, por as veprimtari të baballarëve dhe të asaj kohe e cila ka prodhuar edhe monstrat e sotme qeverisëse dhe opozituese. Për më tepër të tregojnë edhe ligje nga jashtë. Po, ato që janë lidershipi i ndarjes nga të tilla praktika komuniste janë gjermanët që me ligjin e tyre i ndaluan jo vetëm spiunët, por edhe bashkëpunëtorët dhe krerët e lartë partiakë moralisht të mos hynin në rangje politike dhe qeverisëse, sepse ju funksionoi liria e hapjes së dosjeve. Por, jo ligjet që ndalojnë njeriun. Ligje që ndalojnë njeriun, bëjnë vetëm fashistët dhe komunistët. Askush tjetër. Nuk ka pasur shanse një gjermanolindor ish “stazi” të komandojë më, sepse dosjen ja kapën dhe ja treguan e për më tepër nuk ja fshehën dhe nuk e “ripërdorën” si kundër pushtetet në Shqipëri kanë bërë me dhjetëra dhe qindra raste, edhe sot e kësaj dite. Tani kujtohen të bëjnë “drejtësi” dhe dënim të krimit demokratët dhe socialistët ( që tani po bëhen si më opozitarë) mbasi kaluan 18-të vite dhe mbasi lulëzuan gjithfarë bandillësh në ministritë, kryeministritë dhe parlament!! Në komisione dhe në zyra të larta të pushtetit gjyqësor dhe prokurori. Neo-komunistët bëjnë ligje duke pasur parasysh personat që ju shërbejnë dhe ato që janë kundërshtarë dhe krijojnë një “data-base” mbi të cilin pastaj ndërtohet ligji që prek edhe pastruesen e zyrave të sigurimit dhe nuk prek ministra që ofiqarë të lartë të partisë, që sigurimin e kishin nën vete. E bëjnë kështu edhe pse marrin me mënd që për tu zbatuar ai do të ketë dhjetëra dhe qindra gjyqe nga që kopsitja e tij në përputhje me kushtetutën është banale, dhe e kollajtë të apelohet. Kështu që si gjithmonë sidomos në maxhorancat demokrate “fasada” ka rëndësi, po pastaj për brendësinë nuk pyet njeri ose pyet vetëm aty ku i djeg atyre, ose të “madhit fare”. Po të bëhej ligji normal dhe të shihesh “në brendësi” në fakt, gjerësia e tij do të jepte mundësi të mëdha pastrimi. Por ai bëhet me “target” shpëtimi të një pjese aktive të politikës që është komunistoide dhe ka “mizën nën kësulë”.
Nuk ka nevojë ta largosh nga puna ose të mos e lësh të bëhet me ligj ministër. Ka rëndësi që ai të merret vesh se ka qenë një ingranazh i diktaturës.
Pastaj moralisht të ishte “aut” vetvetiu. Në ligjet e “lustracionit” kërkohet konsulencë normale dhe të fortë nga shtetet që kanë kaluar të tilla norma të larta ndjeshmëria politike dhe morale. Po këtu nuk kuptojnë, se jemi në demokraci. Këtu kuptojnë dhe veprojnë sikur “demokracia” është një post komunizëm që justifikon pastaj ligjësinë e tillë, vetëm e vetëm, se mban në dorë parulla dhe bërtet me forcë “do të shporrim” spiunët dhe kriminelët e dikurshëm.
Tanimë ambasadori Uidhërs tregon edhe fabula me kuptimin e tyre të “pushtetit” të zmadhuar dhe përpara dy ditësh kërkonte haptas ai dhe më lart se ai, që ligji të rikontrollohej. Po ashtu në disa orë përpara votimit OSBE-ja dhe ODHIR-i me anën e Bosch, kërkojnë të rimendohet dhe konsultohet ligji dhe të merret praktika e botës për “Lustracionet”. Po ashtu garantohet edhe ndihma nëqoftëse kërkohet ajo. Po ashtu forcat politike në përgjithësi, kuptojnë se jo vetëm është një ligj “cung” dhe me target të dyshimtë e të paragjykuar keqas, por është edhe komunist në thelb, sepse ka pikërisht target dhe mendohet që nuk do të shërbejë jo vetëm pastrimit të shoqërisë, por edhe pastrimit të vetë politikës nga që është i cekët dhe kundërshtues i kushtetutës.
Nga ana tjetër “formularët” e pastrimit ishin para -shtypur dhe kapur nga media, përpara se ligji të aprovohej. Kurse Berisha në mbledhjen e grupit të tij parlamentar thotë se “ligji” është standardizuar si europian. Por edhe nga presidenti Topi vjen në linjë qëndrimi i tij politik për kohën kur ishte “nënkryetar i PD-së” dhe që natyrisht kishte çuar në propozim një tjetër ligj, e jo si ky. Por edhe një qëndrim të saktë se “edhe sikur të ketë në qeveri njerëz të tillë” ato duhet të largohen. Pastaj më tepër Topi sqaron se si President ai flet me ligje dhe ligj për të, patjetër është kushtetuta. Kuptohet se “Kushtetuta” ka diçka që nuk përputhet me ligjin. Këtë e kanë vërejtur të gjithë përveç atyre që kërkojnë pjesërisht ta aprovojnë. Në fakt më “spektakël” ka dhënë Rama se i ka kërkuar amerikanëve dhe europianëve ndjesë për Berishën. E bukur kjo!!
“Me a culpa” a thua se është ai “The Pope”. Berisha nuk tërhiqet me sa duket, dhe del kundër si gjithmonë kur “beson” se është në majë të pushtetit dhe më i fortë se kurrë. Natyrisht se edhe kjo është ideologjikisht një “retro” .
Por, Berisha mund të ketë ndonjë makinë shkrimi “Olivetti retro”. I lejohet të ketë biçikletë “Mifa” ose “Tirana” si “retro”, por jo një ligj “lustracioni” që merr përsipër të pastrojë shoqërinë nga bëmat e komunizmit, ku të parat janë ato të partisë dhe mbas tyre vijnë “arma e diktaturës” që ka qenë sigurimi.
Dosjet o hapen, o nuk hapen. Komunizmi dhe diktatura o pastrohet, ose nuk pastrohet dhe sëpaku të kemi “mirësinë” të pranojmë se nuk duam të pastrohemi. Me demagogë të tillë, përfitues edhe sot nga komunizmi, nuk mund të ketë ligje të pastra demokratike.
Më keq edhe për opozitarët që “bërtasin” tani, kur kanë bashkëpunuar dhe vazhdojnë të bashkëpunojnë, po ideologjikisht. Sepse do të kishin bërë ato më përpara një ligj të tillë të pranuar dhe që do ti kishte larguar nga ngjashmëria me dikur.

[SERAFIM DILO]

Ky ligj nuk i djeg asnjerit. Mbase ndonje budallai qe nuk e ka zhdukur dosjen e vet kur ka pasur rastin. Te gjithe te PS kishin 8 vjet per ti pastruar. Keta te PD po ashtu kishin rastin me pare dhe tani 4 vjet per ti rregulluar sipas qefit.

Megjithate ka nje te mire ky ligj. Do kenaqet populli me humor. Komunistet do kene prova per te akuzuar komunistet e tjere si ish-komuniste.

Mir e ke,ligjin e kane nxjer,qe te shofin,se kush nuk ka qene kumunist.

[Duaje Siveten]

Mir e ke,ligjin e kane nxjer,qe te shofin,se kush nuk ka qene kumunist.

un e salikja nuk kemi qene kamunista ... jemi marr me marrjen e urines te hysniut, simon stefanit, enverit, mbase edhe ramizit ... per ta çuar tek laboratori pol miliez, megjithe veprat e shokit enver ne valixhe ...

ju gjithe te tjeret keni qene komunista, edhe burracake ...

mos me nxeni se do ti emertoj kamunista edhe ata pertej oqeanit ...

[Brari]

ngjela.. e ka frike kte ligj..

nuk e bej me faj..

torturat fizike e psikologjike te regjimit enverist.. nuk ish e lehte ti perballonte kush.. e aq me teper nje cunak i lagjes bllok.. i rritur me te mira.. si taku i kicos se gjore..

duhej burreria e trimeria e shpirti i madh i njerezve si pader meshkalla qe te perballehej me dinjitet terrori enverist neper biruca.. e te fitonte mbi xhelatet e enverit..

mirpo te tille lindin rralle.. e shumica thyhen.. sikurse taku i ngrate te cilin pd e berisha deshen ta ngrejne lart e ta shpetojne nga kthetrat e enverizmit.. por ai mbet atje i varur.. shpirt e dinjitet coptuar..
me dhimbset..

e prandaj ka bindje enverizmi se mund ti mbaje gjate shqiptaret nen thunder..
po me mir nje her e mire te shpetoj njeriu ..taku e kushdo.. nga ankthi qe e mban ajo kupola e perbindshme qe i di dosjet sejcilit..se..i ka bere vet..

un e pres qe enverizmi te beje perpjekje per nje super 97 tjeter .. keto dite.. si kunderpergjigje ne grahmat e fundit ndaj marshimit te demokracise..

do zoti e cia nuk i gjindet prane ne kte menxyre.. ketyre bishave.. sikurse ahere me marizen krokodile lino..





..