Gjykata Kushtetuese: Te pezullohet zbatimi i Ligjit të Dosjeve aprovuar nga Kuvendi

[Albmaster]

Parlamenti shtyu për të hënën e ardhshme miratimin e të ashtuquajturit ligji për dosjet, pas më shumë se 7 orë diskutime që zgjatën deri në orët para të mëngjesit të sotëm.


TIRANË- Parlamenti shtyu për të hënën e ardhshme miratimin e të ashtuquajturit ligji për dosjet, pas më shumë se 7 orë diskutime që zgjatën deri në orët para të mëngjesit të sotëm.



Drafti për dosjet ka sjellë debate të ashpra deri mbrëmë vone, ku diskutimi për këtë projektligj ka vazhduar deri në orën 1 pas mesnate, ndërkohe që opozita ka braktisur këtë proçes. Ashtu dhe sikundër pritej, seanca e djeshme, për shkak të vet ndjeshmërisë që krijon një çështje tillë si ajo e dosjeve të ish-bashkëpunëtorëve të Sigurimit të Shtetit ka shkaktuar një përplasje të fortë mes pozitës dhe opozitës, ç’ka ka shkaktuar dhe largimin e kësaj të fundit nga salla.



Ka qenë kryeministri Berisha ai që ka hapur debatin lidhur me këtë draft, ku në një fjalë të gjatë ka shpjeguar se ai nuk synon hakmarrje politike, por pastrim të të gjithë administratës publike, duke filluar që nga posti më i lartë shtetëror, që është Presidenti i Republikës dhe deri tej Drejtorët e gjimnazeve. Për këtë arsye, ai ka ftuar opozitën që ta trajtojë ligjin si një moment pendese në respekt të vuajtjes së të gjithë atyre individëve që u vranë dhe u përndoqën nga sistemi i shkuar vetëm për shkak të bindjeve të tyre politike “Sot është moment pendese. Pas këtij ligji do vijë ligji i dytë, i Institutit të Kujtesës Kombëtare”, - tha Berisha, i cili gjatë fjalës së vet nuk ka nguruar që të sulmojë hapur në emër individë që sot janë në Prokurorinë e Përgjithshme, siç është rasti i prokurorit të çështjes “Gërdeci” apo në Gjykatën Kushtetuese siç është rasti i Fehmi Abdiut.



Ndërkohë që në emër të opozitës ka folur vetëm kryetarja e grupit parlamentar socialist, Valentina Leskaj e cila duke e cilësuar projektligjin si të njëanshëm, i ka bërë thirrje kreut të mazhorancës që ta tërheqë atë për ta konsultuar edhe një herë me asistencën ndërkombëtare. “Në emër të grupit parlamentar të PS-së ju kërkoj të tërhiqni projektin, të konsultohet me ekspertë të Këshillit të Europës dhe OSBE/ODHIR. Në rast të kundërt, ne nuk do bëhemi pjesë e këtij procesi për një ligj antikushtetues”,- tha Leskaj, duke paralajmëruar njëkohësisht se në të kundërt PS do ta çojë ligjin në Kushtetuese. Pas deklaratës së Leskajt, deputetët e PS-së braktisën sallën në pritje të një reagimi pozitiv nga ana e mazhorancës, e cila ka vijuar debatet deri pas mesnatës.

Drafti



Me anë të këtij ligji çdo person që mban një funksion të lartë duke filluar që nga kreu i shtetit, deputetët, ministrat, zëvendësministrat, funksionarët politikë, drejtorët e përgjithshëm të ministrive, anëtarët e KLD-së, prokurorë, gjyqtarë dhe drejtuesit e lartë në polici dhe në ushtri do ti nënshtrohen verifikimit të figurës së tyre nëse kanë mbajtur në të shkuarën e tyre një nga postet që kanë luajtur një rol të drejtpërdrejtë në ndjekjet dhe persekutimet në sistemin e shkuar, ose kanë hartuar politikat përkatëse. Interesant është edhe fakti se listës së profesioneve që do të verifikohen i janë shtuar edhe drejtorët e gjimnazeve dhe shkollave të mesme teknike.



Ndërkohë që në listën e funksioneve të papajtueshme janë përfshirë të gjitha pozicionet e larta të sistemit komunist, por duke u përjashtuar pozicionet e ministrave (ministri dhe zëvendësministri i Brendshëm nuk përfiton nga ky përjashtim) dhe sekretarëve politikë nëpër rrethe. Për këtë të fundit jo të gjithë deputetët e mazhorancës kanë qenë dakord. Kështu deputeti Dashnor Sula është shprehur edhe në seancë kundër këtij lëshimi. Ligji përcakton gjithashtu edhe të drejtën e të gjithë qytetarëve shqiptarë për tu njohur me faktin nëse kanë dosje ose jo, si dhe me përmbajtjen e tij, por jo me emrat e persekutorëve. Ligji do të kontrollojë pastërtinë e figurës së çdo funksionari që kanë qenë pjesëmarrës në strukturat politik-bërëse gjatë periudhës 29 nëntor 1944 deri në 8 dhjetor 1990.

Shekulli


P.S Mendoni se hapja e dosjeve dhe kalimi i ligjit vetem nga "maxhoranca" do te nxjerre ndonje gje ne drite ?

Jepni mendimet tuaja

[Albmaster]

Tiranë- Kryesocialisti Edi Rama i ka bërë apel mazhorancës të mos votojë sot në parlament projektligjin për “Dosjet”, pasi ai jo vetëm nuk garanton të drejtën e viktimave të diktaturës dhe shkel te drejta kushtetuese


Tiranë- Kryesocialisti Edi Rama i ka bërë apel mazhorancës të mos votojë sot në parlament projektligjin për “Dosjet”, pasi ai jo vetëm nuk garanton të drejtën e viktimave të diktaturës dhe shkel te drejta kushtetuese.


Rama e ka quajtur veçse një gënjeshtër deklaratën e kreut të qeverisë, sipas të cilit projektligji i dosjeve është një arritje në rrugën e dekomunistizimit të shoqërisë shqiptare.



“Është e trishtueshme që sot, 18 vjet pas shembjes së diktaturës komuniste, kryeministri i Shqipërisë dhe forcat qeveritare, duan të hapin dosjet e diktaturës komuniste për të mbyllur dosjet e diktaturës së korrupsionit”- tha Rama sot gjatë një konference për shtyp mbajtur disa orë para nisjes së seancës plenare ku mazhoranca ka deklaruar hapur miratimin e projektligjit të dosjeve, paçka se i kontestuar si nga opozita, si nga shoqatat e gjyqtarëve.

Sipas Ramës, projektligji i dosjeve është një shprehje brutale e komunistizimit të marrëdhënieve mes qeverisë së Sali Berishës e atij vetë me pushtetin gjyqësor në Shqipëri. “Sali Berisha kërkon të shkatërrojë pushtetin gjyqësor për të shpëtuar in extremis oborrtarët e tij nga hetimi e gjykimi i pavarur i dosjeve të mëdha të korrupsionit qeveritar”- ka thënë Rama, duke e quajtur të trishtueshëm faktin që 18 vjet pas shembjes së diktaturës komuniste, Shqipëria nuk ka arritur të bëjë një ligj europian për hapjen e dosjeve të diktaturës komuniste.

Sali Berisha, sipas tij, gënjen për arritjet e tij njësoj si një propagandist i rëndomtë komunist. Ai ka deklaruar se Berisha akuzon kundërshtarët e tij njësoj si një persekutor i zakonshëm komunist, shpif ndaj atyre që nuk i pëlqejnë njësoj si një karrierist i zellshëm komunist, fyen të tjerët njësoj si një fodull i prapambetur komunist.

Përkundër deklaratës së Berishës se opozita nuk do të bëjë transparencën e së kaluarës dhe pengon hapjen e dosjeve të diktaturës komuniste, Rama është shprehur i gatshëm për transparencë. Ai ka theksuar se kanë qenë socialistët, përmes grupit parlamentar, që kanë depozituar më shumë se dy vjet më parë në Kuvendin e Shqipërisë një projektligj për hapjen e dosjeve.

Ndërkohë që Sali Berisha dhe Jozefina Topalli, sipas tij, e kanë kycur atë në sirtar, vetëm e vetëm për ta përdorur fabulën e spiunëve të diktaturës në funksion të interesave politike të ditës.

Rama ka kujtuar se është koha kur çdo shqiptar i ndershëm e partner i huaj i Shqipërisë, kërkon zbardhjen e krimit shtetëror të Gërdecit, zbardhjen e krimit ekonomik me fondet e rrugës Durrës-Kukës, zbardhjen e aferave të oborrit kryeministror me sekserin serb të Sali Berishës, zbardhjen e vrasjes së të ndjerit Remzi Hoxha.

Sipas tij, projektligji që maxhoranca kërkon të kalojë në Kuvend, jo vetëm nuk ka asgjë parimore, po përkundrazi, është fundekrye një mekanizëm interesash klanore e korruptive, i cili synohet të ngrihet me dhunën e kartonave duke shkelur cdo parim kushtetues.

Pr/ligji, ka thënë ai jo vetëm nuk ndan maxhorancën nga opozita në qëndrimin ndaj diktaturës komuniste, po përkundrazi, thellon hendekun mes pushtetit ekzekutiv e atij gjyqësor, për të mbrojtur diktaturën e korrupsionit, si edhe padyshim ndan fare qartë vizionet tona thelbësisht të ndryshme lidhur me misionin e funksionin e sistemit të drejtësisë.

Rama i është drejtuar me një apel të hapur Berishës për të mos votuar me ngut atë që është gatuar pa asnjë debat dhe mirëkuptim as me opozitën, as me shoqërinë civile, as me kategoritë drejtëpërdrejtë të interesuara dhe as me partnerët ndërkombëtarë.

“Kthehuni në tryezën e diskutimit për të gjetur mirëkuptimin e të gjithëve, sepse të gjithë e dëshirojnë miratimin më në fund të një ligji europian për cështje e dosjeve të diktaturës komuniste”- tha ai, duke garantuar se PS-ja është gati të japë konsensus mbi cilindo model të suksesshëm të vendeve të ish-Lindjes komuniste ku duhet të bazohet ky ligj dhe jemi të bindur se të gjithë do ta përshëndesnin një proces të hapur e konstruktiv në hartimin e këtij ligji.

[Albmaster]

Kryeministri Berisha hodhi dje akuza te forta edhe ndaj ish-Presidentit te vendit, Ramiz Alia. Sipas tij, Alia ka qene njeriu pergjegjes per ekzekutimin pa gjyq te 27 intelektualeve ne Tirane. "Nuk po futem une se ka marre pjese ne ekzekutimin e Margarita Tutulanit apo Qemal Stafes apo te tjera, por ka vendosur firmen per ekzekutimin e 27 intelektualeve nje dite para se te behej gjyqi ne Tirane", theksoi Berisha per ish-Presidentin Alia. Ai fshehu krimet me te perbindshme kunder shqiptareve dhe nuk do te mund t`i fshehe me. Po keshtu Berisha e akuzoi Ramiz Aline edhe si organizatorin e masakres se rende te Tivarit. " Alia fsheh masakren e Tivarit, masakren me te rende pas viti 45 ne Evrope, ne te cilin u ekzekutuan, vetem se ishin shqiptare", vijoi kryeministri ne fjalen e tij perpara deputeteve. Sipas tij, Alia sipas urdhrit te PKJ mblodhi djemte nga Shqiperia per t'i ekzekutuar ne Tivar. "E keni degjuar kete kriminel te flase ndonjehere per keto jete shqiptaresh? E keni degjuar ndonjehere korben e zeze, te shqiperoje ndonje fjale per kete qe i bene shqiptareve", theksoi Berisha, duke shtuar se kjo ngjarje eshte e faktuar me dokumente dhe me deshmi. Sipas Berishes, ne vitin 1990 eshte e vertete qe Alia e pranoi pluralizmin, por e pranoi qe te shpetonte lekuren e tij, qe te mos pesonte fatin e Causheskut


Koha Jone


P.S Kryeministri yne e ndriti per vete dhe po akuzon te tjeret ???
Ky eshte komunist per vete...dhe akuzon PS se ne fushaten e 2005 solli tragjedine shqiptare te 1997 per te ardhur ne pushtet...kur per vete po mundohet me doemos te akuzoje dhye te sjelle fakte nga e kaluara proletare e shqiperise vetem e vetem se e ndjen rrezikun qe i kanoset po ra nga pushteti...te gjitha te keqija qe i beri ketij populli me duket se kesaj here do i kthehen kundra.

Albmaster

[Albmaster]

Kryetari i Partise Socialiste, Edi Rama beri dje ne mesdite perpjekjen e fundit per te mos lejuar, miratimin e ligjit per "Pastertine e Figurave per Zyrtaret e Larte te Shtetit", ne Kuvend. Si dhe sulmoi kryeministrin Sali Berisha, se mbetet nje propagandist dhe karrierist i rendomte komunist, ndaj kerkon te miratoje nisma te tilla ligjore, pa konsensus. Nga selia e partise, kreu i PS-se, Rama tha se jane te gjitha mundesite qe ky projektligj te miratohet me mirekuptim. "Ne jemi gati te japim konsensus mbi cilindo model te suksesshem te vendeve te ish-Lindjes komuniste. Te gjithe do ta pershendesnin nje proces te hapur e konstruktiv ne hartimin e ketij ligji, per te cilin s'ka asnje ngut ne nje moment si ky", beri thirrje Rama. Per te, kreu i qeverise genjen, kur thote se opozita nuk dashka te beje transparencen e se kaluares dhe penguaka hapjen e dosjeve te diktatures komuniste. "Jemi ne, socialistet, permes grupit tone parlamentare, qe kemi depozituar me shume se dy vjet me pare ne Kuvendin e Shqiperise nje projektligj per hapjen e dosjeve. Ështe Sali Berisha, Jozefina Topalli dhe shpura e tyre qe e ka kycur ate ne sirtar, vetem e vetem per ta perdorur fabulen e spiuneve te diktatures ne funksion te interesave politike te dites", akuzoi Rama. Ai akuzoi si genjeshtar, kryeministrin Sali Berisha, kur thote se projektligji per hapjen e dosjeve, eshte nje arritje ne rrugen e dekomunistizimit te shoqerise shqiptare. Per Ramen kreu i ekzekutivit genjen, sepse ne formen qe eshte dorezuar, 'projektligji i dosjeve eshte nje shprehje brutale e komunistizimit te marredhenieve mes qeverise se Sali Berishes me pushtetin gjyqesor ne Shqiperi'. "Sali Berisha kerkon te shkaterroje pushtetin gjyqesor per te shpetuar 'in ekstremist' oborrtaret e tij nga hetimi e gjykimi i pavarur i dosjeve te medha te korrupsionit qeveritar", u shpreh Rama. Sipas tij, eshte e trishtueshme qe 18 vjet pas shembjes se diktatures komuniste, kryeministri, kerkon te hape dosjet e diktatures komuniste, per te mbyllur dosjet e diktatures se korrupsionit. "Ështe e trishtueshme qe pas 18 vjetesh liri, fryma qe karakterizon komunikimin publik dhe aksionin politik te Sali Berishes, mbetet thelbesisht komuniste". Kreu socialist tha se projekti i njeanshem i qeverise per hapjen e dosjeve te ish bashkepunetoreve te shtetit, eshte nje shprehje brutale e komunistizimit te marredhenieve mes qeverise dhe pushtetit gjyqesor. Si nje bajraktar i pandreqshem komunist, sipas Rames, Berisha po vepron gjithnje e me shume kunder ligjit, institucioneve dhe kujtdo tjeter qe i kundervihet atij. Sipas tij, qeveria po kerkon te mbylle e te leje pezull tragjedine e Gerdecit, qe ende nuk eshte zbardhur, krimin ekonomik me fondet e rruges Durres-Kukes, aferat e oborrit kryeministror me sekserin serb te Sali Berishes si dhe zbardhja e vrasjes se te ndjerit Remzi Hoxha. "Berisha ka versulur drejt nesh papagajte e oborrit te tij, duke mos u kursyer as vete ne perpjekjen e deshperuar, per ta treguar kete projektligj, si nje vije parimore demarkacioni mes mazhorances, qe dashka te denoje krimet e komunizmit dhe opozites, qe mbron kriminelet e diktatures komuniste. Sigurisht qe genjen!", e mbylli Rama.

[Albmaster]

I menjehershem pas sulmit publik te kryeministrit Berisha, ka qene reagimi i prokurorit Zamir Shtylla. Ai nenvizoi se "ka qene protagonist ne disa prej dosjeve me te bujshme te 18 viteve te fundit, si ai ndaj bllokmeneve, Nexhmije Hoxhes dhe Aldo Bares". Duke kujtuar se ka qene pikerisht presidenti i asaj kohe, Sali Berisha, qe e ka emeruar ate ne nje prej posteve me te rendesishme ne Prokurorine e Pergjithshme. "Se bashku me koleget e mi kerkuam arrestimin e Nexhmije Hoxhes dhe te tjereve. Une kam zbatuar ligjin dhe vazhdoj t'i bindem atij dhe askujt tjeter", u shpreh Shtylla. Nderkohe ne lidhje me ceshtjen e Gerdecit, mesohet jo zyrtarisht se prokuroret e dosjes jane ne prag te perfundimeve shume te rendesishme dhe nga ky hetim kane dale shume emra te tjere te rinj.

Koha Jone

[Albmaster]

Partia Socialiste do te ankimoje ne Gjykate Kushtetuese ligjin e "spiuneve". Ky eshte hapi qe selia roze do te ndermarre, pas bojkotit te djeshem ne seance plenare ku debatohej per hapjen e dosjeve te te gjithe ish bashkepunetoreve te Sigurimit te Shtetit. Ne emer te grupit socialist, kryetarja Valentina Leskaj tha se projektligji per hapjen e dosjeve eshte bere vetem per interesa private, jo per vene ne vend drejtesine. "Nisma juaj bie ne kundershtim me 20 nene te Kushtetutes dhe ligje te tjera ne fuqi. Ju nderprisni ne mes, mandatin e te zgjedhurve, pa u lene mundesi qe te ankohen ne gjykate. Kjo eshte cenim i te drejtave te njeriut", tha Leskaj. Sipas saj, projekti vjen nga qeveria ne kete moment, sepse Berisha kerkon te mbuloje korrupsionin ne Durres-Kukes, tragjedine e Gerdecit si dhe marifetet e Fazllic. Leskaj tha se kryeministri po kerkon te sundoje me tirani politike, dhe te godase te gjitha institucionet e drejtesise. "Institucionet futen ne krize me kete nisme ligjore, nisur nga Gjykata Kushtetuese. Nenet e tij bien ndesh me Prokurorine e sistemin gjyqesor. Me keto menyra po krijoni nje gjykate te jashtezakonshme", tha Leskaj. Kryetarja beri thirrje ne Kuvend, qe PD ta terheqe kete nisme antikushtetuese, ne te kundert PS s'mund te behet pjese e diskutimeve. Ne keto kushte, menjehere pas fjales se kryetares, ashtu sic e vendosen edhe ne grupin parlamentar, deputetet socialiste braktisen nje e nga nje seancen e djeshme plenare. Sipas tyre, mazhoranca ne pushtet nuk pranoi qe projektligji te diskutohet me konsulente nderkombetare, sepse qeveria kerkon te mbroje Bashen dhe Fazllic. "Jemi per hapjen e dosjeve, nje ligj te mire, jo per te mbrojtur korrupsionin. S'mund te behemi pale me nje projekt te tille, qe cenon institucionet. Terhiqni projektin, e te konsultoheni me nderkombetaret. Nuk mund te behemi pjese, por do ndjekim hapat kushtetuese duke e ankimuar ne Gjykate Kushtetuese", paralajmeroi kryetarja. Sipas Leskaj, mandatet kushtetuese te te zgjedhurve me nismen e qeverise per hapjen e dosjeve, nderpriten ne kundershtim me Kushtetuten dhe nuk u jepet e drejta e mbrojtjes per shfajesim. Ndaj ajo e quajti si nje tentative per te mbytur ceshtjet nen hetim te qeverise per Durres-Kukes, tragjedine e Gerdecit si dhe te veprimtarive te Fazllic ne Shqiperi. Deputeti i PS-se, Balla eshte shprehur se "Ligji per pastrimin e figurave behet per te mbyllur ceshtjen e "Gerdecit", ceshtjen "Fazllic" dhe "Basha", tre ngjarjet me te nxehta qe implikojne qeveritaret. Mazhoranca kerkon qe me vote, te zhduke forcen e Prokurorise dhe gjykates. Hetimet e Gerdecit kane implikuar qeveritaret dhe me ane te ketij ligji ata kerkojne t'i mbyllet goja prokuroreve, pasi hetimet kane nxjerre ne loje personat me te larte te qeverise". Ne te njejten linje dhe kreu i PSD. Gjinushi e quajti projektligjin antikushtetues dhe nul juridikisht. Sipas tij, kjo eshte nje hakmarrje e kryeministrit per te ndeshkuar njerez pa gjyq. "Ju doni te hapni dosje te manipuluara, se tuajat i keni fshehur. Nuk mund te pastrohemi si vend, pa u pastruar nga Sali Gerdeci", u shpreh Gjinushi. Ndersa deputeti i LSI, Prifti, akuzoi dy partite e medha se po bejne teater ne kuvend, se veten e tyre e kane perjashtuar nga ligji qe po diskutohet. "Projekti qe keni sjelle eshte qesharak dhe nje teater, sepse ju qe keni dosje ne Kuvend e keni perjashtuar ndeshkimin ne ligj", kritikoi Prifti.

Koha Jone

[Duaje Siveten]

BalkanWeb.com

"Spiunët", SHBA: Shtyrja e votimit, veprimi i duhur!

SHBA i bën thirrje maxhorancës për reflektim dhe debat të
hapur për ligjin për pastërtinë e figurës. Nëpërmjet një
deklarate të shpërndarë me email, Ambasada Amerikane e shikon
vendimin e parlamentit si mundësi për të siguruar standardet
ndërkombëtare në ligj.

TIRANE- Qeveria e Shteteve të Bashkuara të Amerikës mirëpret
vendimin e mbrëmshëm në Parlament për të shtyrë votimin mbi
Projektligjin për Pastërtinë e Figurave. Në një deklaratë të
shpërndarë për shtyp sot në mesditë nga ambasada amerikane e
akredituar në Tiranë shkruhet ”Ne jemi të inkurajuar që ky hap
i rëndësishëm do të japë kohë për reflektim të matur dhe debat
të hapur publik, të nevojshme për një projektligj që ngre
shqetësime serioze kushtetuese dhe ligjore”.

Gjithashtu- vazhdon deklarata- nxisim fuqimisht që shqyrtimi i
mëtejshëm i këtij projektligji të përfshijë pikëpamjet e
ekspertëve ligjorë ndërkombëtarë për të siguruar përputhjen e
tij të plotë me standartet ndërkombëtare”.

Kuvendi shtyu për të hënën e javës së ardhshme votimin e
projektligjit për pastërtinë e figurave, pas më shumë se 7 orë
debate.

Kryeministri Berisha e cilëson projektin si mjaft të
rëndësishëm dhe se ligji do të zhvillojë institucionin e
pëndesës në Shqipëri.

Berisha sulmoi ashpër edhe Presidentin Bamir Topi se “ka
dekoruar prokurorë që kanë dhënë vendime për të kryer vrasje
dhe masakra”.

Sot në reagimin e tij publik Kreu i PS, Edi Rama e cilësoi
fjalimin e Kryeministrit Berisha dje në Parlament si shfaqje
turpi. Rama e cilësoi Berishën monument të dyfyterësisë së
politikës së vjetër që synon vetëm mbrojtjen e diktaturës së
korrupsionit.

(s.g/BalkanWeb)

[Duaje Siveten]

Gazeta Sot, Editorial

Dosjet e spiunëve:
produkt i Berishës për pastrimin e njollave të diktaturës
në ndërgjegjen e pisët të politikës shqiptare.

Mazhoranca shqiptare duke qenë në pikun e krizës së saj përfaqësuese, shpiku më në fund një ligj për spiunët, ligj i cili sipas kreut të saj do pastrojë përfundimisht Shqipërinë nga figurat dhe personazhet që janë të lidhura me krimin komunist. E mbronte këtë projektligj sekretari 15 vjeçar i një organizate bazë të Partisë së Punës që quhet Sali Berisha.

Nën tone patetike, kryeministri i vendit u mundua të sqarojë shqiptarët se më në fund po vendoste drejtësinë për të vuajturit dhe të përvuajturit e regjimit komunist. Përveç që ky ligj është një turp dhe nuk ka për qëllim të dënojë gjenocidin apo figurat e lidhura me gjenocidin komunist, ky ligj është një pazar i pastër politik midis Berishës dhe Ramës, një Pazar midis opozitës dhe pozitës.

“Unë ju heq juve nga lista dhe ju mos më nxirrni dosjet e mija”,- ka qenë mesazhi politik i kryeministrit për njerëzit që posedojnë dosjet e tij. Kështu nga lista e njerëzve që duhet të penalizoheshin në bazë të ligjit 8043 të vitit 1995, u hoqën sekretarët e parë, u hoqën ministrat, u hoqën kandidatët e komitetit qendror, u hoqën përfaqësuesit e medias, duke e katandisur ligjin në një brisk për të prerë vetëm gjykatësi dhe hetuesit të cilët hetojnë Sali Berishën. U hoq Gramoz Ruçi, u hoq Skënder Gjinushi, u hoq Ylli Bufi, u hoqën shumë figura të cilat kanë të bëjnë me funksionet e mësipërme, të cilët Sali Berisha i përjashtoi nga lista e tij.

Ky ligj është një pazar, pazar politik midis Berishës, Ramës, Ruçit, Bufit, Xhafës e shumë njerëzve që kanë qenë në poste të cilat kishin lidhje të drejtpërdrejtë me regjimin komunist, persona që kanë punuar në poste kyçe të atij regjimi. Gërdeci i Berishës, lahet me fshehjen e bashkëpunëtorëve të regjimit.

Duart e Berishës lajnë fytyrën e nomenklaturës komuniste, ndërkohë që morali i tyre i pisët lan duart e lyera me gjak të Sali Berishës, gjak që fillon që nga vrasjet e SHIK në Malin me Gropa, vrasjet e ’97, për të vazhduar me vrasjen e fundit gjëmëmadhe të Gërdecit.

Premiera që u shfaq dje në parlamentin shqiptar kishte për aktorë dhe klounë, deputetët e parlamentit, të cilët me zhargonin e tyre rural na paraqitën Shekspirin si të ishte bejtexhiu i fshatit, që me hartimet e tyre të denja për fëmijët e shkollës fillore të bënin të nxirrje zorrët jashtë nga neveria. Të vjen për të vjellë kur shikon sekretarin e partisë Sali Berisha që flet në emër të persekutuarve, apo për më tepër, kur shan Ramiz Alinë dhe Nexhmijen të cilët i dënoi për kafe dhe konjak, duke ju larë nga duart e tyre, gjakun e mijëra të vrarëve, burgosurve, internuarve apo dhe të persekutuarve në të gjithë Shqipërinë.

Ligji i spiunëve i diskutuar dje në parlament, ishte mekanizmi i ngritur nga persekutorët e shqiptarëve, persekutorët e të internuarve, burgosurve, apo të vrarëve nga diktatura komuniste, për të shpëlarë ndërgjegjen e bashkëpunëtorëve të ngushtë të vrasësve dhe persekutorëve.

Dje hipokrizia e parlamentit shqiptar fillonte me keqardhjen e ish sekretarit të organizatës bazë së Partisë së Punës, Sali Berisha, për të persekutuarit dhe përbetimin e tij për të marrë hakun e tyre, deri te spiunë apo spiune, të cilët, apo të cilat kanë qenë rezidentë apo rezidente të sigurimit të shtetit, ku nëpërmjet hartimeve fasadë shpalosën hipokrizinë e tyre transparente para nesh. Seanca e djeshme e parlamentit shqiptar ishte tallja e radhës e politikës shqiptare me të vrarët nga diktatura, ishte ironi me të burgosurit e diktaturës, ishte maskarada e radhës me të gjithë ata që përjetuan dhimbjen e thellë që na solli krimi, që quhej diktaturë enveriane.

Dje doktori pinjoll i diktaturës nuk kishte në duar epruvetat e urinës së Enverit. Dje doktori pinjoll i diktaturës na solli analizat e pastruara të diktaturës së Enverit, analiza që kërkojnë pastrimin të njollave të diktaturës në ndërgjegjen e pisët të politikës shqiptare.

[Brari]

josif..

leri pak yndyr vehtes mor djal..
krejt rucizmi e enverizmi po te del per hundesh si fije makaronesh..

u bere boz ..

[Brari]

shum je shqetsuar o tahir dujsifi i edvinit.. nga dosjet..

pse valle..

mos ke ndoj firm dhe ti me te tute tek litari i poetit te ndjere..sikurse kryetari i ps-se..

hm...