Rreziku i ecurive aktuale dhe armiqtë

[Gresa_01]

RREZIKU I ECURIVE AKTUALE DHE ARMIQTË
Agresorët nuk ndërmarrin aksione vetëm me forca ushtarake. Armiku kërkon dhe organizon bashkëpunëtorë brenda shtetit që e urren dhe ka për qëllim ta nënshtroi. Kur agresorët mendojnë se është moment i volitshëm atëherë atë shtet e sulmojnë ushtarakisht. Në këtë kontest janë të rrezikshme aksionet për të ndryshuar strukturën e popullsisë. Për shkaqe gjeostrategjike dhe për hegjemonizëm me shekuj e veçanërisht dekadave të fundit janë ndërmarrë aksione për ta shfarosur ose ndryshuar strukturën e kombit shqiptar.
Ka kohë që ka pasur tendenca dhe viteve të fundit është rritur rreziku për ta ndryshuar strukturën e popullit të Shteteve të Bashkuara të Amerikës. Tendencën dhe aksionet për ta ndryshuar strukturën e popullit të Amerikës e ndihmojnë dhe mundësojnë disa faktorë. 1) Është normale që për kushte më të mira të jetës njerëzit duan të emigrojnë në shtete me standard të lartë. Brenda një viti nga e gjithë bota disa miliona njerëz kërkojnë të hyjnë në Amerikë. Çdo gjë ka kufi. Numri i emigrantëve ekonomik në Amerikë ka arritur kulminacionin. Por në Amerikë kërkojnë strehim njerëzit që u rrezikohet jeta ose për të gëzuar urinë. Këta janë emigrant politik dhe duhet të përkrahen e ndihmohen. 2) Diktatorët nuk e duan dhe veprojnë kundër demokracisë. Por demokracinë shpesh e shfrytëzojnë armiqtë, spiunët, grykësit dhe manipulatorët e ndryshëm. Keqpërdorimet e tepruara të demokracisë sjellin dëme dhe paraqesin rrezik. Këtë realitet mund të mos e shohin të verbuarit dhe të mos e kuptojnë të mashtruarit. Kurse armiqtë e Amerikës mund ta kritikojnë. Mirëpo Amerika kurrsesi nuk duhet të shndërrohet në shtet të Amerikës Latine ose të Afrikës. Pasardhësit e amerikanëve të vjetër dhe tërë populli duhet ta ruajnë Amerikën kështu si është dhe ta mbrojnë nga të gjitha të këqijat.
Është pohuar ose spekuluar që kolapsi në Wall Street, New York, ka ndodhur apo është shpejtuar për të dëmtuar Partinë Republikane gjatë fushatës zgjedhore dhe vepruar kundër Presidentit GEORG W.BUSH. Mirëpo, me siguri Kosova e populli shqiptar dëshirojnë dhe me këmbëngulje e përkrahin atë President që e zgjedh populli amerikan, që seriozisht e me aftësi i mbron interesat dhe lartëson fuqinë e Amerikës.
Dihet që mbas Luftës së Dytë Botërore Amerika i ka ndihmuar ekonomikisht shtetet dhe ushtarakisht e ka mbrojtur Evropën. Mbas mbarimit të luftës Amerika e Anglia, jo vetëm Greqinë e dirigjuar ose drejtuar nga priftërinjtë ortodoks dhe bashkëpunëtorët e Beogradit e të Moskës, por edhe Italinë e Francën i kanë ndihmuar të mos përfshihen në bllokun e shteteve të Rusisë Sovjetike. Por mjerisht, disa zyrtarë të disa shteteve të Evropës Perëndimore “pak a shumë po xhelozojnë” në Amerikën, drejtuese e bashkësisë ndërkombëtare dhe Aleancës Perëndimore! Ky fakt i nxitë e ndihmon forcat agresive nëpër botë dhe dëmton interesat e këtyre shteteve. Nuk ka asnjë dyshim, sot bashkësia ndërkombëtare ka nevojë për Amerikën.
Gjithashtu Evropa dhe bashkësia ndërkombëtare kanë nevojë edhe për Bashkimin Evropian, veçanërisht për të ardhmen. Ndërsa në aksionet për të mos i lejuar të shkojnë me Rusinë, Bashkimi Evropian po anëtarëson e përkëdhel edhe shtete të cilat nuk i kanë plotësuar kushtet! Është çmenduri dhe tragjike futja e armikut apo të agjentëve në organet kryesore të shtetit ose të organizmave ndërkombëtar, si dhe ndërtimi i bazave ushtarake në territorin e agresorëve. Edhe pas anëtarësimit zyrtarët e Sllovakisë po veprojnë kundër qëndrimeve të Bashkimit Evropian, po deklarohen për politikën dhe mbrojnë aksionet e Rusisë. Kurse Greqia po vepron kundër shteteve fqinje dhe ndaj këtyre vendeve mjaft po dirigjon me vendimet e Bashkimit Evropian!
Amerika e ka realizuar që z.Ban Ki Mun të zgjidhet Sekretar Gjeneral i Këshillit të Sigurimit i 0KB. Por është befasues dhe i pabesueshëm deklarimi i z.Mun, me rastin e zgjedhjes për kryetar të z.Barak Obama, “që tani do ti përmirësojë marrëdhëniet e keqësuara me Amerikën”!!!
Po të mos kishte qenë Presidenti Bush kurrë B.K.Mun nuk do të ishte zgjedhur në detyrën që ushtron sot pranë OKB. Nga ardhja për sekretar gjeneral të KS, me vëmendje i kam përcjellë deklaratat dhe veprimtarinë e B.K.Mun. Për hir të së vërtetës, autoritetit të OKB-së dhe të interesave të bashkësisë ndërkombëtare, duhet të shkruajë që B.K.Mun është treguar mjeran dhe shumëfytyrësh. Deklaratat dhe veprimtaria e z.Mun për problemet konfliktuoze herë kështu e herë ashtu, po nxisin dhe acarojnë marrëdhëniet mes shteteve e popujve. Këto qëndrime dhe kjo veprimtari mund ti ashpërsojnë marrëdhëniet mes shteteve të mëdha dhe paraqet rrezik për shpërthimin e eksplodime. Prandaj këtë rrezik me kohë duhet ta kuptojnë dhe evitojnë drejtuesit e bashkësisë ndërkombëtare, sidomos liderët e shteteve të mëdha, dhe të gjitha forcat progresive.

Më 9 tetor 2008 Dr. Ramadan Xhema
Kosovë
(Shkrimi mund të publikohet, por luteni të mos ndryshohen mendimet)

[Gresa_01]

Presim Komente,