Hepatiti B.Rreziqet,perhapja, kurimi.

[Mina]

Te nderuar prinder! Vaksinoni femijet dhe veten tuaj qe te mbroheni nga Hepatiti B (verdheza).

Hepatiti B vjen si rrufeja dhe vepron me djallezi.
Moto e FUSHATES IMUNIZUESE KOMBETARE eshte;
"Si te mbrohemi nga Hepatiti B"

Cfar eshte semundja e Hepatitit B?
Hepatiti B eshte semundje virusale infektive, qe demton melcine e zeze.

Cilat jane menyrat e transmetimit te virusit?
-Nga nena, mbartese e virusit, ne femijen e porsalindur.
-Ne kontakt te afert, ne familje, konvikt, ushtri, shkolla etj.
-Infektimi eshte i mundshem kur perdoren nga shume njerez kreheri, furcja e dhembeve, makine-brisk rroje, gershere dhe pajisje te tjera qe demtojne qofte edhe minimalisht teresine e lekures.
-Me kontakt seksual, tipike per te rinjte qe jane ne rritje.
-Neprmjet rruges se gjakut, tatuazh, shpim veshesh, perdorim narkotikesh, manipulim me instrumenta jo sterile.

Cilat jane pasojat?
-Infeksion akut.
-Mbartje kronike.
-Hepatit aktiv kronik.
-Cirroza.
-Kancer i melcise se zeze.

Cila eshte zgjidhja?
Imunizim efektiv nepermjet vaksinimit qe te mbron nga semundja.

Cfar perfaqson vaksina Engerix B?
Vaksine e fituar me rruge geno-inxhinierike, pa grimca virusale, e cila nuk mund te infektoje.
Aplikohen tre doza:
-Doza e pare, dite e zgjedhur me deshire.
-Doza e dyte, pas nje muaji.
-Doza e trete, gjashte muaj pas marrjes se dozes se pare.
Imunitet i qendrushem arrihet pas aplikimit te tri dozave.

Kush eshte i vaksinuar?
Te gjithe femijet e lindur pas qershor 1994, d.m.th. te gjithe femijet nen 8 vjec.

Kush e merr vendimin per t'u vaksinuar?
Ky eshte imunizim i rekomanduar- per rrjedhoje vendimin e merrni vete ju prinder.

Kush e ben imunizimin (vaksinen)?
Vaksina mund te behet prane cdo qendre shendetesore.

Kush duhet te vaksinohet?
Te gjithe mbi moshen 8 vjec.

[angel82]

Ide e mire per sensibilizimin.
Une praktikoj ne nje klinike dentare si pjese e studimeve te mia dhe shume here kam menduar se sa pak i9nformacion kemi pas per Hepatitin b
Rrofsh, je flori per kete ide.

[ALBA]

Dje ne disa stacone televizive te Gjermanit, dha nje njoftim qe Shqiperia ,jugu i Italis jugu i Spanjes dhe disa shtete ne europe,ishin te prekur nga hepatitis B.Ju njoftoj se ata qe duan te vizitojn Shqiperin kete vit,duhen patjeter te vaksinohen,sepse ka shume rezik qe te preken nga kjo semundje.Ne menyre te pakuptueshme, disa tallen me mesazhin e nje afisheje ku shkruhet se "Hepatiti B sherohet po aq sa SIDA". Ne pergjithesi, njerezit shkojne te nje mjek vetem kur ndiejne dhimbje te forta dhe shume pak jane ata qe kontrollohen sistematikisht, per te parandaluar nje semundje qe mund te godase befasisht duhemi te vaksinohemi sa me pare,e megjithese kushton por ,do kushtente mijera here me shume sikur mos te vaksinohemi.

Me respekt Alba

[kristal]

Njoftim por cfare te njoftojme,nese nuk e dime te pyesim.

E nderuar anetare e ketij forumi qe je munduar te njoftoshe dhe nga ana tjeter te hapesh panik, pa ditur se cfare do te thote hepatit B menyren se si merret e si trasmetohet nga nje person tek tjetri.

E nderuara anetare forumi, hepatiti B nuk merret me frymemarrje te lutem, merret me ane te gjakut ose maredhenjeve seksuale.

E dyta hapatiti B nuk eshte bakter por virus keshtu qe duhet te harrojme se nuk ka menyre parandaluese nga menyra se si e ke shprehur. Edhe njehere hepatiti B shkaketohet nga virusi me te njejtin emer.


Me respekt kristali

[Artur_1985]

Kristal!Perse mundohesh te ulesh ato qe ka then Alba.Ajo qe eshte dhen dje ne disa stacione televizive te Gjermanit eshte me se e vertet.Dhe Alba nuk po sjell panik,por po njofton njerzit te vaksinohet para se te marin rrugat per ne Atdhe.

Ja cfar thot nje artikull ne gazeten" koha jone" per vaksinimin e popullsise ShqipetarePse nuk vaksinohemi

Bluzat e bardha i gjejne shkaqet ne kulturen e manget mjekesore te popullsise, por edhe ne kujdesin e pamjaftueshem te shtetit. Ne Fier, si kudo ne Shqiperi, shume njerez nuk dine cfare eshte verdheza, cfare eshte Hepatiti B, cfare pasojash sjell. Ne pergjithesi, njerezit shkojne te nje mjek vetem kur ndiejne dhimbje te forta dhe shume pak jane ata qe kontrollohen sistematikisht, per te parandaluar nje semundje qe mund te godase befasisht. Pyesni nje mjek te infeksionit: sa paciente ka konsultuar per vaksinen kunder Hepatitit B. Pergjigjja e sinqerte e tij eshte: sa gishtat e nje dore. Nga ana tjeter, propaganda qe shteti ka bere per kete fushate vaksinimi kunder Hepatitit B eshte gati e vaket; disa here me shume eshte publikuar ndryshimi i prefiksit telefonik te disa qyteteve. Dhe arsyeja e ketij publikimi te manget duket se lidhet edhe me nje fakt: ndoshta per here te pare ne Shqiperi, nje vaksine nuk jepet falas. Nje farmaciste, ne qender te qytetit, tregon se disa njerez kane shkuar ta blejne vaksinen anti-hepatit, por jane terhequr kur kane mesuar per cmimin. Eshte e vertete: per nje familje me 5 anetare, cmimi i vaksines eshte i paperballueshem. Se pari, eshte e domosdoshme qe cdo person tu nenshtrohet analizave, te cilat ne nje laborator privat kushtojne 23 mije leke te vjetra. Analizat duhet te behen patjeter per te konstatuar nese je i prekur nga semundja e verdhezes (nese rezulton i prekur, ndalohet te besh vaksinen, por duhet te fillosh menjehere nje trajtim mjekesor te vecante dhe, per te thene te verteten, te nderlikuar). Mandej, nese e ke kapercyer testin laboratorik, drejtohesh ne farmaci. Jane 3 vaksinat anti-hepatit dhe vetem e fundit jepet falas. Cdonjera nga dy vaksinat e tjera kushton 27 mije leke te vjetra (e dyta behet nje muaj pas se pares dhe vaksina e trete gjashte muaj pas vaksines se pare). Pra, vetem nje personi do t'i kushtonte 60 mije leke deri ne 77 mije leke vaksinimi per mbrojtjen nga Hepatiti B. Me fjale te tjera, nje familje me 5 vete do te duhej te konsumonte te pakten 300 mije leke per te qene e sigurte ndaj nje fatkeqesie te se ardhmes. E dime te gjithe se shume familje mezi sigurojne buken e gojes, keshtu qe nuk mund ta cojne nder mend te vaksinohen ndonjehere me pagese. Ne keto kushte, qytetaret ne Fier, por jo vetem atje, jane te kercenuar seriozisht nga nje semundje vdekjeprurese. Dhe te lene ne meshire te fatit nga shteti i tyre, qe nuk merr persiper te pakten te mbuloje nje pjese te pageses se vaksines. Jo se do te vdesin te gjithe, por mjere kujt do t'i "trokase" fati i keq!

Gentjan Ruko


Pershendetje nga Arturi

[Asteroid]

Alba D, hepatiti B eshte nje semundje qe ekziston prej dekadash nuk eshte se u shfaq sot, prandaj mos perhap panik te kote !

Vaksina kunder Hepatit B keshillohet me shume per ata njerez qe duhet te udhetojne ne vendet ku ka iperendemi te Hepatitit B.

[shkodrane82]

Njohuri fillestare
1. Hepatit = inflamacion i mëlçisë; shoqërohet me vdekje të hepatociteve.
2. Zverdhja (ikteri) është një nga shenjat e sëmundjes dhe është pasojë e kolestazës intrahepatike.
3. Gjithashtu shihen dhimbje barku, diarre, dobësi, mungesë oreksi, ethe.
4. Transaminazat janë të rritura. Transaminazat janë enzima të citoplazmës që çlirohen në gjak kur qelizat hepatike vdesin.


Hepatiti fulminant (hepatiti i rrufeshëm)
1. Hepatit fulminant = pamjaftueshmëri akute e mëlçisë.
2. Hepatiti fulminant është komplikim i hepatitit akut, zhvillohet brenda 4 javësh zakonisht. Mund të paraprihet nga infeksioni me viruset e hepatitit, barnat (p.sh. izoniazidi), helmet, sëmundja Wilson.
3. Diagnoza: vihet kur hepatiti komplikohet nga encefalopatia dhe nivelet e protrombinës ulen shumë.
4. Trajtimi: transplant urgjent i mëlçisë.

Hepatiti viral
1. Viruset shkaktare janë viruset e hepatitit (HAV, HBV, HCV, delta-virusi, HEV), si dhe viruse të tjera si CMV, EBV, HSV, etj.
2. Diagnoza: Analiza serologjike + transaminaza të rritura.

[shkodrane82]

Hepatiti A:
a. Shkaktohet nga virusi i hepatitit A, një picornavirus i njohur si HAV (Hepatitis A Virus).
b. Përhapet me rrugë fekalo-orale. d.m.th., infeksioni merret nëpërmjet ngrënies të ushqimeve të infektuara.
c. Inkubacioni = 2 deri 6 javë; transaminazat rrinë të rritura për rreth 4 javë.
d. Hepatiti A ka vdekshmëri të ulët, rrallë përparon në hepatit fulminant, dhe tek fëmijët mund të jetë krejt asimptomatik.
e. Serologjia: Antikorpet IgM anti-HAV arrijnë kulmin në javën e parë të sëmundjes, dhe niveli i tyre pastaj ulet brenda 3 - 6 muajsh; prania e IgM kundër HAV vendos diagnozën e hepatitit A akut. Antikorpet IgG anti-HAV rrinë të rritura për shumë vjet dhe janë bartëse të imunitetit.
f. Trajtimi i hepatitit A: Ushqim normal, pa e tepruar. Pacienti nuk duhet të pijë alkool, nuk duhet të bëjë punë të rënda, dhe duhet të shtrihet në shtrat nëse dëshiron. Pacienti duhet vëzhguar për komplikime, si dehidrim, hepatit fulminant, etj.

[shkodrane82]

Hepatiti B:
a. Shkaktohet nga virusi i hepatitit B, një hepadnavirus i njohur si HBV (Hepatitis B Virus).
b. Përhapet nëpërmjet seksit, shiringave, dhe nga nëna shtatzanë tek bebja (njësoj si virusi HIV i SIDAs).
c. Inkubacioni = 2 deri në 6 muaj. Transaminazat janë më të larta se në hepatitin A dhe rrinë të rritura për rreth 3 muaj.
d. 1-2% e të sëmurëve bëhen bartës kronikë të virusit; përqindja është më e lartë në të sëmurët me mangësi imune dhe në fëmijët; deri në 90% e bebeve të lindura nga nënat me hepatit B bëhen bartës kronikë. Bartësit kronikë kanë rrezik të shtuar për cirrozë dhe kancer të mëlçisë. Më pak se 1% e infeksioneve akute me HBV përparojnë në hepatit fulminant (mortalitet 60%). Infeksioni me HBV mund të shoqërohet me artrit, glomerulonefrit, poliarterit nodoz.
e. Serologjia: si antigjenet e virusit B ashtu dhe antitrupat e drejtuar ndaj tyre mund të maten: (i) HBsAg është antigjen kapsular i virusit B (Hepatitis B surface Antigen); HBsAg shfaqet para rritjes të transaminazave dhe qëndron i rritur gjatë kohës të sëmundjes; prania e HBsAg pas zhdukjes të simptomave do të thotë që i sëmuri po e bart virusin kronikisht. (ii) Anti-HBs është antitrup i drejtuar ndaj HBsAg. Antitrupat anti-HBs shfaqen pas zhdukjes të antigjenit kapsular nga serumi; shfaqja e antitrupave anti-HBs do të thotë që infeksioni u mund. Anti-HBs gjithashtu është antitrupi që shfaqet pas vaksinimit. (iii) Antigjeni HBcAg (antigjen jokapsular) nuk shihet në serum por antitrupat anti-HBc fillojnë e rriten shpejt pas shfaqjes të HBsAg. Prania e antitrupave IgM anti-HBc do të thotë që kemi të bëjmë me hepatit B akut ose me keqësim të hepatitit kronik; niveli i antitrupave IgM anti-HBc qëndron i rritur për 3 deri 6 muaj. Antitrupat IgG anti-HBc qëndrojnë të rritur për jetë pas infeksionit me virusin e hepatitit B. (iv) HBeAg është një antigjen viral që shihet vetëm në serumet që janë pozitivë për HBsAg; HBeAg është një formë e sekretuar e antigjenit HBcAg dhe prania e HBeAg do të thotë që virusi po shumëzohet me shpejtësi. Kur HBeAg qëndron i rritur për më shumë se 3 muaj shanset e kthimit në hepatit kronik rriten. Shfaqja e antitrupave anti-HBe shpesh pason zhdukjen e HBeAg. (v) HBV DNA: prania e materialit gjenetik të virusit shkon paralel me praninë e HBeAg, porse prania e HBV DNA është më sensitive dhe më specifike sesa prania e HBeAg.
f. Trajtimi i hepatitit B: Ushqim normal, pa e tepruar. Pacienti nuk duhet të pijë alkool, nuk duhet të bëjë punë të rënda, dhe duhet të shtrihet në shtrat nëse dëshiron. Pacienti duhet vëzhguar për komplikime, si dehidrim, hepatit fulminant, etj. Barnat që mund të përdoren për hepatitin B janë interferoni alfa dhe lamivudina.

[shkodrane82]

Hepatiti C:
a. Shkaktohet nga virusi i hepatitit C, një virus i përbërë nga një fije acidi ribonukleik dhe i ngjashëm me flaviviruset.
b. Përhapet me shiringa. Rreziku i transmetimit me rrugë seksuale ose nga nëna tek fetusi është i vogël. Transmetimi nëpërmjet gjirit nuk është i dokumentuar.
c. Inkubacioni = 6 - 7 javë.
d. Hepatiti C shpesh nuk ka shumë simptoma; transaminazat ulen dhe rriten herë pas here dhe 80% e rasteve përfundojnë me hepatit kronik.
e. Serologjia: ELISA për antitrupat anti-HCV nuk është shumë sensitive dhe ka specicitet rreth 50%; RIBA (recombinant immunoblot assay) ka specificitet më të lartë; prania e antitrupave anti-HCV me RIBA do të thotë infeksion aktiv por nganjëherë personat RIBA-pozitivë nuk kanë HCV RNA në serum (HCV RNA matet me PCR); prania e antitrupave anti-HCV pa HCV RNA do të thotë infeksion i pasuar me shërim të plotë.
f. Trajtimi i hepatitit C: Interferon alfa + ribavirinë.
Hepatiti D (agjenti delta):
a. Virusi i hepatitit D është një virus gjysmak prej acidi ribonukleik që shkakton infeksion vetëm në praninë e virusit të hepatitit B; virusi D ka nevojë për kapsulën e prodhuar nga virusi B.
b. Kur të sëmurët me hepatit B kronik infektohen me virusin D sëmundja mund të keqësohet shpejt, me hepatit të rrufeshëm ose me përparim të shpejtë në cirrozë.
Hepatiti E:
a. Virus prej RNA-je i ngjashëm me caliciviruset.
b. Përhapet me rrugë fekalo-orale, dhe nëpërmjet ujit të pijshëm të ndotur.
c. Sëmundja e shkaktuar nga virusi E është e lehtë dhe nuk shkakton infekssion kronik.
d. Tek gratë shtatzana mortaliteti i hepatitit E është i lartë (rreth 10-20%).