Sfidat & Veshtiresit qe do te ndeshin studentet e mjekesise

[atropin]

Editorial


“Ai duhet të jetë me cilësi të rralla, i mirë, i zgjuar, të ketë durim dhe të mos tmerrohet nga gjaku dhe kufomat”.
Këto janë tiparet morale të nxënësit që ka dëshirë të bëhet mjek, sipas Papirusit të Smithit (rreth 2700 p.e.s) në Egjiptin e lashtë. Ç`është e vërteta vitet nuk kanë ndryshuar domosdoshmërinë e këtyre tipareve. Janë me dhjetra nxënës që nisin Fakultetin e Mjekësisë çdo vit me dëshirën për të qenë pjesë e këtij profesioni që duhet të jetë i nderuar dhe dinjitoz. Në morin e pafund të provimeve të viteve të para i mban të fortë shpresa se një ditë do të veshin përparësen e bardhë me stetoskopin varur në qafë. Vitet ikin dhe ata e shohin veten me bluzën e bardhë, por fatkeqësisht ky nuk është një film amerikan . Këtu mungon një Happy End. Pas 6 apo 12 vjet studim për ata që duan të specializohen në një profil të caktuar, do përballen me sfidën e mohimit të identitetit profesional dhe rënimin monetar. Pas proves se madhe te durimit dhe shkatrimit te nervave gjate specializimt, pas sfilitjes per gjetjen e vendit te punes, ata qe arrijne te mbijetojne ne gjithe keto i pret nje tjeter sfide.
Reklama anti-mjek, mohimi i vlerave të Universitetit tonë e bazuar ndoshta në disa deformime të personalitetit profesional dhe atij social godet ashpër.

Filozofi i lashtë Avicena ndër të tjera thotë: “ …shoqëria e ka për detyrë tu shërbejë të sëmurëve dhe të paaftëve…”. E pra, le të përzgjedhim më të mirët nga shoqëria jonë dhe t’i ndihmojmë të kryejnë këtë detyrim të shoqërisë në mënyrë sa më dinjitoze dhe profesionale.


Shkruar nga Juhleda Hima
Anesteziste-Reanimatore
Drejtoresh e revistes “Vitrina Mjekesore


Marre nga revista "Vitrina Mjekesore"
www.vitrinamjekesore.com