A po ndahet Mitrovica në heshtje?!

[e panjohura]

ministar serb para disa dite hapur i treguan ksaj qeverie ne prishtin se mos guzo te hysh ne veriun e mitrovices se pse atje dote kesh punet keq pra shteti serb ju jep perkrahje te hapur serbve te veriut

Tani me bene te dyshoj me at qe e bera me bold!A je Shqiptar??

[Dar_di]

Jessen Petersen: Rasti për veriun u humb në vitin 1999

Ish-shef i UUNMIK-ut, Soren Jessen Petersen në një intervistë për Radio Evropa e Lirë ka thënë se ndërkombëtarët e humbën rastin për integremin e veriut menjëherë pas mbarimit të luftës në Kosovë.

Mendoj se e humbëm rastin në periudhën e hershme pas luftës, flas në vitet 1999 -2000. Në këtë periudhë ka pasur prani masive civile dhe ushtarake ndërkombëtare. Kjo ka qenë koha kur bashkësia ndërkombëtare duhet të kishte vepruar me më shumë vendosmëri dhe të siguronte që nuk do të kishte përpjekje të suksesshme për të shkëputur veriun nga Kosova. Po e përsëris dhe një herë, ndërkombëtarët e humbën rastin menjëherë pas mbarimit të luftës për të adresuar problemin e veriut.

Katër-pesë vjet më vonë, me fillimin e bisedimeve për statusin, kjo ka qenë e pamundur, pasi në këndvështrimin e Beogradit, kjo do të ishte një pjesë shumë e rëndësishme e bisedimeve. Por, ka thënë ai, Veriu është pjesë e Kosovës. Strukturat ndërkombëtare e kanë bërë të qartë para, gjatë dhe pas bisedimeve për statusin se nuk ka ndarje të Kosovës. Le të jemi të qartë në këtë pikë, për çfarë kemi pasur dhe deklarata të përsëritura e kategorike.

Kur kam qenë atje, kemi pasur zgjedhje me pjesëmarrje të konsiderueshme, të cilat kanë qenë të lira e të ndershme. Demokracia është kyçe për stabilitetin dhe ky është rasti edhe në Kosovë. Kemi pasur ushtrim të demokracisë në Kosovë edhe para pavarësisë. Soren Jessen Petersen ka folur edhe për akuzat e raportit të Dick Martyt dhe për to ak thënë: “Nuk e kam lexuar raportin e Martyt. Por, e di që institucionet evropiane kanë kërkuar hetime të mëtejshme dhe besoj se kjo duhet të mirëpritet edhe nga udhëheqësit e Kosovës. Duhet të jepen provat nëse ato ekzistojnë.

Akuzat e Martit duhet të adresohen dhe kjo është në interesin e Kosovës. Lidhur me pyetjen nëse UNMI ka hetuar ndonjëherë akuzat që i ka përmendur Marty, Jessen Petersen është përgjigjur: “Kemi dy elemente. Nuk ka pasur akuza dhe përmbajtja e këtyre raporteve asnjëherë nuk është sjellë në vëmendjen time gjatë dy vjetëve në Kosovë.

Përpara vajtjes sime në Kosovë, UNMIK-u ka pasur raporte lidhur me ngjarjet në Shqipëri, të cilat ia ka dorëzuar institucionit më kompetent, Gjykatës së Hagës. Ish shefi UNMIKU-t ka bërë dallimin mes gjykatës dhe kryeprokurores dhe ka shtuar se Gjykata e Hagës është shumë e rëndësishme që krimet të mos mbeten pa u ndëshkuar. Gjatë qëndrimit tim në Kosovë, ndaj ish-kryeministrit Haradinaj u ngrit aktakuza. Ishte shumë e rëndësishme për ne që t’i thoshim zotit Haradinaj që të bashkëpunonte me Gjykatën e Hagës. Ai u dorëzua vullnetarisht. Ky bashkëpunim ishte i rëndësishëm për mua, për zotin Haradinaj dhe për Kosovën. Në këtë kuptim, bashkëpunimi me gjykatën ka qenë shumë i rëndësishëm.

Sa i përket kryeprokurores, nuk është sekret raporti me të. Në atë kohë isha i befasuar – thënë më së buti – me disa nga deklaratat e saj. Mendoj se disa nga deklaratat e Del Pontes i kalonin kufijtë e pozicionit që mbante. Kaq mund të them, isha shumë i befasuar me pohimet e saj.

Në intervistë Jessen Petersen ka folur edhe për luftën kundër korrupsionit duke thënë se ajo është sfida më e madhe për Kosovën. Nuk mund të kemi demokraci nëse njerëz jashtë strukturave formale, pra të përfshirët në krim e korrupsion, drejtojnë ndonjë vend. E kam thënë më herët dhe e përsëris se personalisht jam i zhgënjyer që nuk bëmë më shumë përparim gjatë kohës që isha atje. Edhe sot nuk është shënuar përparimi i duhur. Ka fjalë kundër korrupsionit, si nga udhëheqësit e Kosovës dhe nga ndërkombëtarët, por ato që na duhen janë veprimet.

Mendoj se kemi të bëjmë me të njëjtat probleme që ka edhe sot bashkësia ndërkombëtare në Kosovë. Mund t’i studiosh e hetosh akuzat, por herët a vonë bllokohesh, pasi ka njerëz që punojnë kundër hetimeve. Kjo ka qenë përvoja jonë në Kosovë, ka thënë Jessen Petersen duke përkujtuar edhe luftën e tij kundër korrupsionit gjatë kohës sa ka qenë kryeadministrator ndërkombëtar në Kosovë.

KOHA Ditore

[Dar_di]

Fejt: Veriu, pjesë e pandashme e Kosovës

Përfaqësuesi Civil Ndërkombëtar, Piter Fejt, të cilit i kanë mbetur edhe dy javë në Kosovë, e ka bërë të qartë të enjten se pavarësisë së mbikëqyrur shumë shpejt do t’i vijë fundi dhe se veriu i vendit do të jetë pjesë e pandashme e Republikës së Kosovës. Ai këto komente i bëri gjatë një ligjërate në gjimnazin “Sami Frashëri” në Prishtinë, ku u është përgjigjur edhe pyetjeve të shumta të nxënësve për ndryshimet kushtetuese, bisedimet me Serbinë, liberalizimin e vizave e tjera, raporton Kosovapress. “Jemi duke punuar shumë ngushtë me Qeverinë që të arrijmë deri te qytetarët e veriut, të punojmë me ta dhe jam i bindur se do të arrijmë progres, qoftë përmes dialogut, qoftë përmes mjeteve tjera”, ka thënë Fejt.

Ai ka theksuar se ndërkombëtarët nuk duhet të rrinë në Kosovë asnjë minutë më shumë se që është nevoja dhe se rolit të tij si mbikëqyrës i pavarësisë do t’i vijë fundi shumë shpejt. “Rolit tim si Përfaqësues Civil Ndërkombëtar është duke i ardhur fundi ngadalë. Shpresoj se do të kem rastin të vij sërish në mesin tuaj, por jo fort larg nga kjo ditë, mandatin si mbikëqyrës i pavarësisë së Kosovës do të marrë fund dhe mendoj se kjo është gjëra e duhur për ta bërë, sepse mendoj se ndërkombëtarët nuk duhet të rrinë në Kosovë, asnjë minutë më gjatë sesa që është e nevojshme. Kosova është e juaja, ajo nuk i përket bashkësisë ndërkombëtare. Prandaj, unë jam i gatshëm të vazhdoj të mbështes dhe ndihmoj institucionet, por ju siguroj se periudhës së pavarësisë së mbikëqyrur do t’i vijë fundi shumë shpejt”, ka thënë Fejt. Gjimnazistët janë interesuar të dinë nëse Fejt do të ndikojë në ndryshimet kushtetuese dhe nëse pakicat do të vazhdojnë t’i kenë ulëset e rezervuara në Kuvend, por Fejt ka thënë se do të ndihmojë, po assesi të ndikojë, ngase këto ndryshime janë në dorën e Kuvendit të Kosovës.

KOSOVA SOT

[Llapi]

deshtuan klyshqit titista qe tani jan grumbullua ne qenefin e madh te quajtur vetfundosje ta ndajn Mitrovicen
kan mbet me gishta ne goj
serbija tani do tua ndal tagjin

[Dar_di]

Çështja e pjesës veriore të Republikës së Kosovës, nuk është individuale, klanore, apo partiake. Para se të jetë e tillë, ajo është problem institucional shtetëror, që faktikisht është pjesë ku nuk gjenë hapësirë zbatimi kushtetuta e vendit.

Që nga 2008 Kosova është shtet, por jo shtet në kuptimin e mirëfilltë të fjalës, sepse nuk respektohet akti më i lartë juridik i shtetit që ka fuqi më të madhe. Akuza, kundërakuza, shpifje janë bërë që 3 vite se kush ka faj në anashkalimin e kësaj pjese nënshtruar ligjeve dhe rendit të ri në Kosovë. Konsideroj që përgjigjen fillestare duhet kërkuar tek institucionet e Republikës së Kosovës, tek presidenca, parlamenti, qeveria etj., të cilat reprezentojnë vullnetin e shtetasve konform natyrës së kushtetutshmërisë dhe ligjshmërisë. Si autorë të dytë që mund të japin një përgjigje rreth problemit në fjalë, janë edhe organizmat ndërkombëtar në vend, të cilët mbase edhe luajnë rolin kryesor që kjo pjesë e Republikës së Kosovës të ngelet akoma në anarki.

Në anën tjetër, Republika e Serbisë, e cila me çdo kusht provon që të ketë ndikim në Kosovë, në një formë apo tjetër, përmes satelitëve të saj paralel, mëton që me metoda e strategji diplomatike ta zvarritë çështjen në fjalë, duke e bërë si një lloj konflikti të ngrirë e më pas edhe atë t`ia bashkëngjis kufijve të saj, deri në momentin kur ajo të pajtohet plotësisht se Kosova më nuk është më pjesë e saj, që për të do të ishte një statisfaksion. Duhet të jemi vigjilent në projektet e saj. Historikisht kjo e ka dëmtuar gjithnjë popullin dhe trojet shqiptare, si pasojë e projekteve të hartuara nga akademia e shkencave të Serbisë, kisha e saj ortodokse dhe përkrahja e vazhdueshme e Rusisë e shteteve fqinje ballkanike.

Pse të akuzohet “Vetëvendosje”? Ajo nuk është në pushtet dhe roli i saj në vendimmarrje është i zbehë. Një pengesë e Lëvizjes “Vetëvendosje” qëndron në faktin e mungesës së alternativave që ajo nuk paraqet në zgjidhjen e kësaj çështje. Vija e saj politike konsiston në pohimin e organizimit të referendumit gjithëkombëtar shqiptar, për t`u bashkuar shqiptarët në një shtet të vetëm. Një alternativë e tillë për kohën nuk është pragmatike, megjithëse për shumëkënd e dëshiruar dhe unike.

Republika e Kosovës akoma nuk ka një platformë të qartë për integrimin e pjesës veriore në kuadër të institucioneve të saj. Si pasojë e mosunitetit politik dhe jokonsekuent pozitë dhe opozitë, sa i takon kësaj çështje, problemi në fjalë do të vazhdojë tutje, natyrisht në dëm të madh për shtetin tonë.

Dar_di

[ismani]

koha ndrishon mentaliteti ri gjithmone rofte shqiptaria

[beni33]

shkijet nga veriu i mitrovicen vi9n ne prishtin dhe rrahin shqiptaret ne emer te policis se kosoves

[beni33]

Tani me bene te dyshoj me at qe e bera me bold!A je Shqiptar??

NUK POT pelqen ty per ket ti dyshon jeni msuar ju te dyshoni se vet jeni si parti e dyshimt parti e ciala me dhjetra ish luftar te liris i keni fur ne burg per interesa partiak kjo veq ka fillu te del ne siperfaqe po sja vlen te merem me ju

[Llapi]

Edita i përgjigjet Stefanoviqit: S’ka ndarje as bisedime për veriun

Publikuar: Sot, më 27 prill 2011


Prishtinë, 27 prill – Kryesuesja e delegacionit të Kosovës në bisedimet me Serbinë, Edita Tahiri, deklaroi se ndarja e Kosovës dhe statusi i pjesës veriore nuk janë dhe nuk do të jenë tema të bisedimeve. Ajo tha se Ballkani tani synon integrimet në BE dhe në NATO, dhe jo ndarjet e reja, raporton Radio Evropa e Lirë.
Bisedimet me Serbinë janë teknike dhe jo politike, ndërkaq tema e ndarjes së Kosovës nuk është pjesë e diskutimeve, tha të mërkurën kryesuesja e delegacionit të Prishtinës, Edita Tahiri.
Këto komente, zëvendëskryeministrja Tahiri i bëri gjatë një ligjërate dhe diskutimi me studentët e Universitetit Amerikan në Kosovë. Ajo tha se që nga fillimi, Brukseli e ka paramenduar dhe përgatitur këtë si një proces teknik dhe nuk bëhet fjalë për hapje të temave politike, në të cilat po insiston pala serbe.
“Ka pasur deklarata nga pala serbe se këto biseda kanë filluar si teknike, por më vonë mund të ndryshojnë dhe të kalojnë në tema politike. Unë edhe një herë dua të siguroj këtu audiencën që këto bisedime janë dhe mbeten teknike dhe nuk do të ketë asnjëherë tema politike. Temat politike i kemi diskutuar në Rambuje dhe në Vjenë”, tha Tahiri.
Sipas kryesueses së delegacionit të Kosovës, bisedimet me Serbinë synojnë përmirësimin e jetesës së qytetarëve, kryesisht atyre serbë që jetojnë në Kosovë.
Tahiri theksoi se idetë e prezantuara nga pala serbe në Beograd se edhe ndarja do të jetë temë diskutimi, nuk qëndrojnë. Ajo tha se Ballkani tani nuk ka nevojë për ridefinim kufijsh, por për integrim në Bashkimin Evropian.
“Asnjëherë nuk do të bisedohet as për ndarjen, e as për çfarëdo imagjinate politike që dikush mund të mendojë dhe ne mendojmë se Ballkani ka nevojë të ecë drejt një jete progresive, të zhvillohet ekonomikisht, politikisht, në aspektin social dhe të integrohet më shpejt në BE dhe NATO”, theksoi Tahiri.
Duke iu përgjigjur pyetjeve të shumta të studentëve në lidhje me mundësinë që nga procesi i bisedimeve pjesa veriore të fitojë ndonjë status të veçantë që do të çonte drejt shkëputjes, Tahiri tha se është evidente që në këtë pjesë të vendit, Serbia ka një ndikim më të fuqishëm që po e pamundëson shtrirjen normale të pushtetit vendor.
Por, Tahiri tha se nuk do të ketë negociata për veriun, pasi që serbët e atjeshëm do të gëzojnë të drejtat e njëjta me serbët e pjesëve tjera të Kosovës.
“Kjo situatë jonormale mes komunikimit të Qeverisë dhe qytetarëve në pjesën veriore, duhet të normalizohet dhe duhet të tërhiqet ndërhyrja ilegale. Kjo, në fakt, është esenca e formulës, për të cilën ne po angazhohemi”, shpjegoi Tahiri.

Prishtina dhe Beogradi kanë filluar tashmë serinë e takimeve të rregullta që mbahen çdo tre javë në Bruksel. Ndonëse nuk është arritur ndonjë marrëveshje, nën ndërmjetësimin e BE-së dhe asistencën e Uashingtonit, të dyja vendet po diskutojnë tema si ato të doganave, çështje të energjisë, telekomit, dokumenteve personale, regjistrin civil dhe kadastrën, e shumë tema tjera.
Derisa Qeveria e Kosovës nuk ka hezituar të përfshihet në këto bisedime, opozita është treguar e përmbajtur duke shprehur dyshime se Beogradi do të përpiqet që dialogun ta orientojë kah bisedimet për veriun dhe rregullimin e brendshëm të shtetit të Kosovës.

[Dar_di]

Feith: Veriu duhet të mbetet në Kosovë

Zyra e Përfaqësuesist Civil Ndërkombëtare në Kosovë dhe shtetet anëtare të Grupit Drejtues Ndërkombëtare angazhohen për integritetetin territorial të Kosovës, ka thënë Piter Feith, lidhur me "sinjalet" e Beogradit për ndarjen e Kosovës.

Përfaqësuesi Civil Ndërkombëtar në Kosovë Piter Feith konsideron se zgjidhja për veriun e Kosovës duhet të bazohet në tri parime: veriu duhet të mbetet në Kosovë, nuk guxon të ketë dhunë dhe në atë hapësirë nuk duhet të ekzistojë një konflikt i ngrirë.

"Konsiderojmë se në veriun e Kosovës fokusimi duhet të jetë te njerëzit që jetojnë atje. Janë të domosdoshme angazhimet e mëtejshme për t'u përmirësuar jeta e tyre me forcimin e sundimit të ligjit dhe me zbatimin e decentralizimit", është shprehur Feith për mediet serbe.

Sipas Feithit ndonëse pika të rëndësishme të planit gjithëpërfshirës për veriun e Kososvës janë zbatuar dhe se ky plan sërish ka vënë në fokus të interesimit veriun e Kosovës, si "pjesë e vendit që duhet të mbajë hapin me progresisn e arritur në Serbi dhe në Kosoëv drejt integrimeve evropiane" dhe se Zyra e Përfaqësuesit Civil Ndërkombëtar do të vazhdojë të punojë në detyra e veta.

Feith vizitën e shefit të ekipit negociator serb në Kosovë Borko Stefanoviq e ka vlerësuar si "zhvillim pozitiv i ngjrajeve" që i kontribuon mirëkuptimit dhe komunikimit mes Prishtinës dhe Beogradit, sepse sipas tij, qytetarët e Serbisë dhe të Kosovës duhet të njihen më mirë me njëri tjetrin.

BOTA SOT


Serwer: Ndarje e Kosovës - ide e tmerrshme

Eksperti i Qendrës Euro-atlantike për Marrëdhënie Ndërkombëtare i Universiteti John Hopkins, Daniel Serwer ka thënë se nuk do të kishte ndarje të Kosovës pa ndarje që do ta prekte edhe Serbinë, ngase çfarëdo që do të fitonte Serbia në veri të Kosovës, shqiptarët do të kërkonin të njëjtën në Luginën e Preshevës.

“Për dallim nga zyrtarët amerikanë, të cilët nuk duan as të dëgjojnë fjalën ‘ndarje’, unë nuk kam asgjë kundër për që kjo fjalë të përmendet, por jam i sigurt se ndarje do të ishte ide e tmerrshme dhe se kjo ide, për shkak të ngarkesës që ka, do të vdiste sapo të hapet”, ka thënë Serwer për Radio Evropa e Lirë.

Serwer e ka përshëndetur shkuarjen e shefit të ekipit negociator të Beogradit, Borislav Stefanovic në Prishtinë dhe ka theksuar se e përkrahë dialogun, si edhe idenë e Boris Tadicit që të vizitojë Kosovën.

“Amerikanët nuk duan që krejt t’i ‘pastrojnë duart’ nga Ballkani, por resurset për këtë pjesë të botës nga Washingtoni, për shkak të gamës së prioriteteve të tjera, është vështirë të fitohen”, ka thënë Serwer.

Telegrafi