Aksion i policisë: Arrestime në Shkup!

[panteri]

Arrestohen Komandant te UCK-se.



Akcioni po vazhdon...


Policia bastisë shtëpinë e kryetarit të AK-së Harun Aliu


Policia gjatë mbrëmje ka bastisur shtëpinë e kryetarit të Alternativës Kombëtare (AK), Harun Aliu, i njohur si ish-komandant Kushtrimi i ish-UÇK-së në lagjen Hasabeg të Shkupit.


Lajmi është konfirmuar për agjencia e lajmeve INA nga bashkëfamiljarë të Harun Aliut, të cilët theksuan se pjestarë të shumtë të policisë kanë ndërhyrë në shtëpi duke bastisur dhe duke mos treguar pretekstin e këtij aksioni.

“Për një orë është bastisur shtëpia, kanë kontrolluar dhe më pas janë larguar”, theksojnë familjarët e familjes Aliu.

Harun Aliu është një nga komandantët e parë të Ushtrisë Çlirimtare Kombëtare (UÇK). Ai aktualisht është kryetar i partisë Alternativa Kombëtare në Maqedoni me seli në Shkup. (INA)

[RaPSouL]

Dhe kjo ndodh para syve së partisë "Shqiptare" që është në pushtet, dhe nuk mer asnjë masë, me këtë jemi mësuar edhe në periudhen e pasluftës kur BDI ishte në qeveri dhe kur u vranë gjith ato të rinj kryesisht ish-luftëtar të UÇK-së.

Është abnormale kjo që po bën kjo parti që quhet shqiptare.

[beni33]

turp per ne si shqiptar ku jan banoret e shqoptar si domos te shkupit qe nuk ndermarrin as gje kjo esht skandaloze

[United]

Turp bre djal turp,po ma turp eshte per ato qe i votoni kta partit,po edhe fmia i vogel i ka kuptu partit tona politike se cka bajn,ata gjithcka bejn,vec per interes te shqiptareve ne maqedoni asgje nuk bejne,edhe pak jan zgjedhjet prap do dilni ti votoni,si disa PDSH,si disa BDI,tu ja hudh fajin ne populli njeri tjetrit,e tu mbajt anen e njeres parti shqiptare,neve do te shkatrohemi krejt si popull ne maqedoni,me vjen keq po ne vet vetes ja bejm.Me te ardh turp te thush se jam shqiptar i maqedonis cnnccnnc zoti na ndihmoft.Situata e tanishme eshte si perpara luftes,a ne kemi bere lufte te jemi si tjeret ne ket shtet,po si duket ne vet shqiptaret jemi me maqedon se maqedonet e vertete,kaloni mire te gjith

[nuro1]

kjo eshte vec trathti kombetare,mos valle jena te nemur akoma?

[RaPSouL]

turp per ne si shqiptar ku jan banoret e shqoptar si domos te shkupit qe nuk ndermarrin as gje kjo esht skandaloze

Shqiptaret e Shkupit jan me te trash ne koke ato te fundit kuptojn xhdo her se cfar ndodh! pse them keshtu sepse Shkupi gjithmon e votn BDI-in partin (te ashtuquajtur shqiptare) duke besuar ne genjeshtrat e ketyre te pa komb dhe te pa fe!!!
Shpresoj qe Shkupjant tani e tutje te hapin syte te shohin se jan te orjentuar gabimisht.

P.S Denoj shum ashper kete aksion te policis sllavomaqedonse qe i eshte ber ish komandantit te UCK-se dhe njeheresh kryetari te partis Alternativa Kombetar.
Ja kjo eshte pasqyre e vertet e DUI-t se sa eshte ne favor te shqiptatve dhe te ish pjestareve te UCK-se

[Münster]

Or Armend djali, a ja u ke matt ti Shkupjanve se sa te trash e kan a???? e sa per akcionin ne Shkup ka ne thojn pa hanger hudra nuk te vjen era,edhe aj ka hanger dikun e per ate vetem e kan burgos e nuk e kan mar ne qaf krejt Hasan Begun sikur nje vjet ma par Brodecin .
Cdo njeri i ka meritat e luftes,por pas luftes a kjo i ka 7 vjet askush nuk ka te drejt te bej cmos ne emer te UCK.
Ne duhet te behemi korekt e ta pastrojm oborin tan me par e pastaj ta shohim tjetrin OK.

[RaPSouL]

Arrestime të reja, në pranga ish-komandantë të UÇK-së

Gjatë një aksioni policor mbrëmë në Shkup janë arrestuar Miftar Islami- Tali dhe Bekim Dardhishta, ish-komandantë të UÇK-së.

Ministria e Brendshme nuk ka dhënë detaje për këto arrestime, që siç bëhet e ditur janë pjesë e një aksioni të gjërë.

Ndërkohë, familjarë të Miftar Islamit, ish-komandant Talit theksuan se ai ishte arrestuar mbrëmë në afërsi të shtëpisë së tij dhe që më pas e tërë shtëpia është bastisur.

“Ka pasur bastisje në shtëpi nga forca të shumta të policisë, që ndërhynë pa paralajmërim. Nga kjo janë shqetësuar edhe fëmijët e vegjël të kësaj familje”, theksoi një familjar i Miftar Islamit për agjencinë e lajmeve INA.

Poashtu bëhet e ditur në shtëpinë e Miftar Islamit, policia nuk kanë gjetur asgjë.

Miftar Islami menjëherë pas konfliktit të vitit 2001 i është kthyer jetës normale dhe familjare.

Familjarët e Bekim Dardhishtës gjithashtu theksuan se janë të shqetësuar nga ndërhyrja e policisë. “Policia hyri, kërkoi armë dhe gjeti vetëm një pushkë ajrore, një karikator të pistoletës dhe fotografi të luftës. Nuk e dijmë përse është arrestuar”, theksoi Nezir Dardhishta.

Pjestarët e dy familjeve njoftojnë se kanë informuar edhe partinë shqiptare në pushtet Bashkimin Demokratik për Integrim, e cila ende nuk ka dhënë ndonjë reagim pulbik.

(INA)

[RaPSouL]

Shqiptarët po digjen, e partia shqiptare në pushtet po flen!

Absurditetet skan të ndalur.

[Faik]

Arrestohen tre ish - pjesëtarë të UÇK-së

Në aksionin e mbrëmshëm policia ka arrestuar Bekim Dardhishtën, ish komandantin e UÇK-së si dhe dy shokë të tij.

Është bastisur shtëpia shtëpia e tij në lagjen e Shuto Orizares. Motivet e aksionit ende janë të paqarta por siç mëson Alsat, të arrestuarit dyushohen për vrasjen e një pjesëtari të forcave speciale në lagjen Autokomandë në fillim të vitit. Ndërsa familjarët e Dhardhishtës, babai Nezir Dardhishta, tregon se policia ka hyrë me forcë, duke bastisur shtëpinë, pa ndonjë pretekst, duke sekuestruar vetëm një pushkë ajrore.

“Vallai me ju tregu drejt as veht se di, ata lypshin armatim, thojshin kena ardh armatim me lypë, djali juaj ka armatim, hallakatën krejt shpijën, edhe ka ai djali tjetaër natan. Kurgjon nuk gjetën përveq se një vazdushna pushkë dhe një cev të saj, tjetër send kurgjo, dhe do fotografi kur u kan ushtarë, shum agresivno shum, shum, me automata fëmijët na I kan tranue, fëmijët e vogël të atij djalit…”, u shpreh babai i të arrestuarit Bekim Dardhishta, Nezir Dardhishta.

Familjarët e revoltuar dhe dhjetra ish -bashkëluftëtarë dhe shokët të Bekim Darshistës të kryesuar nga vëllai i tij Blerim Dardhishta në orët e mbrëmjes arritën të futen në selinë e BDI-së në Shkup. Ata thonë se nuk kanë për t’u larguar prej atje, deri sa funksionarët shqiptar në qeveri, të ndërhyjnë në lirimin e ish komandantin dhe 2 shokëve të tij.

“Nuk dihet asnjë send, vëllaun tim e kan marr, Bekim Dardhishtën, ndoshta keni ndëgju? Komandant Bekim Dardhishtën gjithashtu edhe Miftar Islamin. Na jemi mbledh këtu se I kemi lute shumë zëvendësministri tonët, që I llogarisim për tonët, që jau kemi dhanë votën tone, që ti lirojnë, ata I mbyllin telefonat ikin, ikin, ikin edhe nuk dojnë me nije për neve se jemi gjallë e leje mo ata. Kështu që une nëse shkon kjo drejtëpërsëdrejti kasha dasht ti drejtohem Ali Ahmetit, le të vjen këtu sa më shpejt dhe le ti liroje djemt, jo jo na me javë nuk do të dalim prej këtu deri sat ë vijnë ata këtu”, u shpreh Blerimi Dardhishta, vëllai i ish komandantit të UÇK-së.

Po ashtu, policia ka bastisur edhe shtëpinë e kryetarit të Partisë Alternativa Kombëtare Harun Aliu, në lagjen Hasan Beg të Shkupit. Por ky aksion sic mëson Alsat nga burime te policisë nuk ndërlidhet me arrestimin e Bekim Dardhistës. Gjatë ditës MPB pritet të dalë me detaje dhe sqarime për rastet e mbrëmshme .

http://alsat-m.tv/Lajme-nga-vendi/7307.html