Misteri i vrasjes se avokatit "Kleanthi Koci "

[Brari]

panorama

------

Dosja “Kleanthi Koçi”, policia ngre grup special



Policia ngre grup hetimor special për të zbuluar vrasësin e Kleanthi Koçit.
Në një takim të bërë mes krerëve të Ministrisë së Rendit dhe të Prokurorisë së Përgjithshme është vendosur që të ngrihet një grup i posaçëm hetimor për atentatin e 21 shkurtit të vitit 1999 ndaj kryetarit të Dhomës së Avokatisë.
Burime nga organi qendror i akuzës thanë se policisë i janë lënë detyra të detajuara për të bërë jo vetëm punë operative, por edhe për të siguruar prova të mjaftueshme për të çuar në identifikimin dhe arrestimin e autorit. Që nga ky moment, policia e ka të cilësuar dosjen në fjalë si çështje parësore, duke vlerësuar çdo detaj të vjetër dhe të ri.

Misteret e një dosjeje

Grup i ri i hetimit të kësaj çështjeje është duke u mbajtur fort në disa elementë, që mund të çojnë në zbardhjen e ngjarjes. Një prej tyre është fakti që Kleanthi Koçi e kishte njohur atentatorin. Kjo u bë në momentin kur policët i kishin treguar atij disa fotografi, por përgjigjja e avokatit ka qenë: do t´ua tregoj kur të dal nga spitali. Kjo ka çuar në idenë e ripyetjes të të gjithë njerëzve të afërm të tij, sidmos kolegëve që duhet të kishin dijeni për ndonjë problem në detyrën si avokat. Një tjetër element jo pak i rëndësishëm është edhe çështjet gjyqësore që kishte në shqyrtim Kleanthi Koçi. Sipas të dhënave që nga momenti që ai doli si avokat, kishte marrë vetëm dy çështje penale. Një si avokat i Ramiz Alisë dhe tjetra si avokat i Leka Zogut për ngjarjen e 3 korrikut të vitit 1997, në Tiranë. Dy çështje që asnjëherë nuk i sollën ndonjë problem. Ajo që është hedhur si pistë hetimit mbetet fakti i çështjeve civile, që kishte marrë në mbrojtje Koçi. Bëhet fjalë për shumë çështje që në mes të tyre kanë patur si problem konfliktin mes palëve për prona. Sipas burimeve, të gjitha këto do të kalojnë në sitë për të gjetur ndonjë element, prej të cilit mund të shkohet tek autorësia. Në fakt, pas ngjarjes, në media u hodh një version, sipas të cilit Koçi mund të ishte vrarë për një çështje pronësie. Por ajo asnjëherë nuk u vërtetua.

-------------

[Albo]

Zbardhen vrasjet mafioze të avokatit dhe dy biznesmenëve

armand bajrami

Policia shqiptare është duke finalizuar hetimin dhe zbardhjen e autorëve për një sërë ngjarjesh kriminale të vjetra të konsideruara si “krime mafioze”. Dosjet e krimeve të pazbardhura janë rimarrë në dorë nga policia, e cila ka gjetur prova, informacione madje edhe dëshmitarë, që hedhin dritë mbi shkaqet dhe autorët. Zbulimi i këtyre krimeve të rënda ka qenë objekt i punës së policisë për vitet e fundit krahas parandalimit të veprave penale. Zv/drejtori i Përgjithshëm i policisë së Shtetit Agron Kuliqi, që drejton edhe Departamentin e Hetimit në Policinë e Shtetit konfirmoi dje, se si rezultat i goditjeve të realizuara në vitin 2008 nuk u shënuan krime mafioze siç ka ndodhur më parë. Në një rrëfim për televizionin “Klan”, Kuliqi shpjegoi se së shpejti autorët e vrasjes së biznesmenit të hekurit Florian Vila, ish-presidentit të Federatës së Boksit Vajdin Lamaj, ekzekutorët e avokatit të njohur Kleanthi Koçi apo pengmarrësit e Kodo Dados do të dalin para drejtësisë. “Kjo është puna jonë, si rezultat i goditjes së grupeve kryesore, si rezultat i goditjes së personave të cilët kanë qenë në botën e krimit me emër, të pacënueshëm është arritur që ne të arrijmë të ndalojmë kriminelin dhe të bëjmë një punë parandaluese të madhe”, thotë Kuliqi. “Ne e dimë mekanizmin e ngjarjes. Dimë se si janë kryer këto veprime, por problemi është se këto do t’i kalojmë në prova. Dhe që të kalosh në prova duhet të krijosh rrethana të reja. Duhet të sigurosh provën, duhet të sigurosh dëshminë, në mënyrë që pastaj që personat që do të akuzohen të përballen me drejtësinë. Kemi arritur të mbledhim një minimum të dhënash për to. Janë bërë objekt i analizave të strukturave të Tiranës në strukturat qendrore të Policisë. Janë bërë objekt diskutimi paraprak në strukturat e Prokurorisë, si të Tiranës edhe në Prokurorinë për Krimet e Rënda. Por akoma ne nuk mendojmë se na janë mbledhur rrethana dhe prova të mjaftueshme, të cilat ne mund t’i referohemi dhe pastaj t’i bëjmë edhe objekt hetimi”, vijon më tej drejtori i Departamentit të Hetimit në Policinë e Shtetit.

Vrasjet e pazbardhura
Ai thotë se “në praktikën botërore, në praktikën e vendeve që janë më të zhvilluara, si në BE ashtu edhe më larg, këto raste janë raste shumë të vështira dhe në tërësi janë raste, që mbeten edhe të pazbuluara. Sepse unë po ju them që në qoftë se ne forcën zbuluese për rastet e vrasjeve e kemi mbi 80 për qind dhe forcën goditëse. Ky është një tregues shumë i lartë i strukturave të Policisë së Shtetit pavarësisht kryerjes së veprës penale, mënyrës së kryerjes dhe mekanizmit. Këto janë ngjarje që kanë ndodhur në kohë, që kanë krijuar vështirësi në marrjen e provës, pavarësisht veprimeve që janë kryer. Kanë krijuar vështirësi në marrjen e deklarimeve, pavarësisht veprimeve që janë kryer. Do të kërkojnë veprime më specifike. Mënyra e mekanizmit është “vrasje mafioze”. Sipas zv/drejtorit të Përgjithshëm brenda pak kohësh do të dalin para drejtësisë autorët e krimeve të pazbardhura në vite. “Shumë shpejt do referohet edhe çështja e Kleanthi Koçit. Kanë filluar veprimet për Koço Dadon. Është një ngjarje që në ‘98 ka tronditur opinionin publik, rrëmbimi i tij. Edhe për rastin e disa ngjarjeve të Korçës, të cilat janë kryer në këtë lloj mekanizmi, me vrasje me pagesë. Shumë shpejt autorët, personat që i kanë kryer këto do të shkojnë përpara përgjegjësisë. Kjo sepse janë grumbulluar rrethana dhe prova të mjaftueshme, që do provojnë vërtetësinë e këtyre ngjarjeve”, tha Kuliqi. Sipas tij, kontribut në zbulimin e krimeve kanë dhënë edhe dëshmitarët. “Të ndërtosh një vendngjarje pas një periudhe kohe nuk është shumë e thjeshtë. Kuptohet sepse duhen kontributi i të gjithë elementët e asaj ngjarjeje. Ne këtë e mbajmë mbi bazën e dëshmive, që mbajmë nga dëshmitarë që kanë qenë okularë në ngjarje, të cilët për një situatë të caktuar, ose për arsye të panikut, nuk kanë arritur që të dëshmojnë më parë. Falë këtij bashkëpunimi, ne sot kemi një numër jo të pakët dëshmitarësh të drejtësisë dhe bashkëpunëtorësh të drejtësisë kemi arritur të zbërthejmë ngjarje, të cilat në vite, nga ‘97 e këtej nuk do të ishte bërë e mundur realizimi i tyre”. Zyrtari i policisë nuk bën publike shifrën e dëshmitarëve të drejtësisë për shkak të sekretit të çështjes. “Ka një shifër, por për arsye të rëndësisë së tyre dhe pozicionit të tyre dhe të ruajtjes së sigurisë së tyre ne nuk mund t’i japim këto”, tha Kuliqi. Ai vlerëson ish-kryeprokurorin e Krimeve të Rënda Andnand Kosova për bashkëpunimin e krijuar me Policinë e Shtetit dhe aftësitë e tij në ndërtimin e proceseve hetimore të rëndësisë së veçantë. “Ne kemi arritur të zbulojmë dhe dokumentojmë falë aftësive të tij personale dhe kontributit të tij personal si person që na ka hapur hapësirë. Po t’i thoshe që kjo është provë, nuk kishte gjykatë që ta hidhte poshtë”, vlerësoi Kuliqi, duke pohuar se zbardhja e krimeve të vjetra është sukses dhe siguri, sepse të godasësh do të thotë që rriten elementët e sigurisë.

[Brari]

me inen rame.. asnje kriminelo-vrases-kanibal sdo vej ne burg..
kuliqi grin sallat kot i ngrati.. po nejse.. boll qe kan guxim te permendin krimet..se dhe kjo eshte nje hap perpara..

[SERAFIM DILO]

panorama

------

Dosja “Kleanthi Koçi”, policia ngre grup special



Policia ngre grup hetimor special për të zbuluar vrasësin e Kleanthi Koçit.
Në një takim të bërë mes krerëve të Ministrisë së Rendit dhe të Prokurorisë së Përgjithshme është vendosur që të ngrihet një grup i posaçëm hetimor për atentatin e 21 shkurtit të vitit 1999 ndaj kryetarit të Dhomës së Avokatisë.
Burime nga organi qendror i akuzës thanë se policisë i janë lënë detyra të detajuara për të bërë jo vetëm punë operative, por edhe për të siguruar prova të mjaftueshme për të çuar në identifikimin dhe arrestimin e autorit. Që nga ky moment, policia e ka të cilësuar dosjen në fjalë si çështje parësore, duke vlerësuar çdo detaj të vjetër dhe të ri.

Misteret e një dosjeje

Grup i ri i hetimit të kësaj çështjeje është duke u mbajtur fort në disa elementë, që mund të çojnë në zbardhjen e ngjarjes. Një prej tyre është fakti që Kleanthi Koçi e kishte njohur atentatorin. Kjo u bë në momentin kur policët i kishin treguar atij disa fotografi, por përgjigjja e avokatit ka qenë: do t´ua tregoj kur të dal nga spitali. Kjo ka çuar në idenë e ripyetjes të të gjithë njerëzve të afërm të tij, sidmos kolegëve që duhet të kishin dijeni për ndonjë problem në detyrën si avokat. Një tjetër element jo pak i rëndësishëm është edhe çështjet gjyqësore që kishte në shqyrtim Kleanthi Koçi. Sipas të dhënave që nga momenti që ai doli si avokat, kishte marrë vetëm dy çështje penale. Një si avokat i Ramiz Alisë dhe tjetra si avokat i Leka Zogut për ngjarjen e 3 korrikut të vitit 1997, në Tiranë. Dy çështje që asnjëherë nuk i sollën ndonjë problem. Ajo që është hedhur si pistë hetimit mbetet fakti i çështjeve civile, që kishte marrë në mbrojtje Koçi. Bëhet fjalë për shumë çështje që në mes të tyre kanë patur si problem konfliktin mes palëve për prona. Sipas burimeve, të gjitha këto do të kalojnë në sitë për të gjetur ndonjë element, prej të cilit mund të shkohet tek autorësia. Në fakt, pas ngjarjes, në media u hodh një version, sipas të cilit Koçi mund të ishte vrarë për një çështje pronësie. Por ajo asnjëherë nuk u vërtetua.

-------------

VRASJA E AVOKATIT DHE NJERIUT TE MIRE KLANTHI KOCI,"ESHTE NJE MISTER",SE NUK DIHET,SE KUSH DHA URDHERIN PER TA VRARE,SE KUSH E VRAU KA PAK RENDESI.
PER NJE GJE JAM I SIGURTE,QE DHE I PLAGOSUR,BENE CMOS QE AI MOS TE SHPETONTE,POR TE VDISTE.
PRA KUSH DHA URDHERIN PER TA VRARE,QE NJE NJERI ME POZIT O PUSHTET.

[Brari]

pamvaresisht nga funksioni qe kish ne koh te enver ramizit.. kleanthi Koci .. njihej si njeri i mire..
Kriminelet qe e vrane duhen gjetur e denuar rende..


--



gaz panorama

--

Antikrimi që na jep zemër të gjithëve




• Fatos Çoçoli

Lajmi se Policia e Shtetit ka zbardhur mekanizmin e vrasjeve të bujshme të sipërmarrësve shqiptarë Florian Vila dhe Vajdin Lamaj, është për t’u përshëndetur nga mbarë opinioni publik. Ai vjen pas dyshimeve të hedhura në media rreth mundësisë që zjarret e mëdha të ditëve të fundit në dy magazina të biznesit të konsoliduar në autostradën Tiranë-Durrës të mos ishin të rastësishme, por vepër e konkurrencës. Me to, fantazma e mafies që godet biznesin në emër të konkurrencës dhe zhduket sikur nuk ekziston, u rishfaq frikshëm në shoqërinë shqiptare. Prandaj dhe komentet e zëvendësdrejtorit të Përgjithshëm të Policisë së Shtetit, Agron Kuliqi dhe puna e Departamentit të Hetimit (drejtues i të cilit ai është) brenda saj duhen mbështetur. Kjo lloj “prokurorie” policore ka dhe ajo peshën e ndërhyrjeve të politikës dhe është jetike për të që të marrë zemër nga publiku. Jo rrallëherë hetimi i mëparshëm mbi rrëmbimet e sipërmarrësve apo madje edhe mbi vrasjet e tyre është mbuluar me një tis thashethemnaje (mediatike ose jo) që shumë vrasës apo porositës të vrasjeve e rrëmbimeve mbrohen politikisht, për shkak të miqësive të tyre me politikanë kryesorë. Prandaj duhet përkrahur bashkëpunimi i mirë i sotëm i Prokurorisë së Krimeve të Rënda me policinë tonë. Janë një mijë e treqind dosje të pazbuluara të krimeve mafioze këto 18 vitet e fundit. Janë këto një mijë e treqind shkrepje kallashnikovi që kanë hedhur tmerr, frikë e nganjëherë edhe dëshpërim në shoqërinë tonë. Më të pambrojtur ndihen sipërmarrësit, që detyrohen të shumëfishojnë ruajtësit truporë të tyre dhe të familjeve të tyre. Edhe pse kosto e ruajtjes fizike të biznesit, në krahasim me vitet e plumbta 1997 dhe 1998 është ulur ndjeshëm, sërish ajo është e lartë. Është e papranueshme kjo pasiguri e jetës sot dhe puna e Policisë e Prokurorisë për të zbardhur dosjet e vrasjeve të bujshme ia vlen me të tepërt. Me këto zbardhje fitojnë në siguri jo vetëm vendi dhe sipërmarrësit shqiptarë, por edhe ata të huaj. Këta të fundit janë shumë të ndjeshëm ndaj lajmeve për vrasje apo rrëmbime biznesmenësh. Edhe pse vitet e fundit ngjarje të tilla nuk ka patur, sërish sipërmarrësit e huaj kanë frikë. Këtë e tha shqeto biznesmeni Philip Dean, në një tryezë të rrumbullakët të qeverisë shqiptare me biznesin një muaj më parë në Tiranë. “Më thanë miq e të afërm: ti je i çmendur që kërkon të jetosh në Shqipëri. Paratë atje bien erë gjak!. Erdha disi me ndroje të madhe tre vite më parë. Tani u them të afërmve dhe miqve të mi: jetoj në periferi të Tiranës, shëtis në dy të natës vetëm, harroj derën e shtëpisë hapur, asgjë nuk më ndodh. Shqipëria është po aq e pasigurt (apo e sigurt) sa edhe shtëpia ime në Londër! Ajo është tejet e pasigurt dhe kriminele vetëm në imazhin e saj”. Puna e njerëzve si Agron Kuliqi apo prokurorëve si Adnan Kosova, shërben pikërisht për të forcuar imazhin e vendit si një mjedis i sigurt për biznes dhe për të ndihmuar të punojnë të qetë të 75 mijë sipërmarrësit shqiptarë dhe mijëra sipërmarrësit e huaj. Ajo duhet nxitur jo vetëm nga mediat e përgjegjshme dhe mbarë opinioni ynë publik, por dhe nga figurat kryesore të shtetit. Nëse Presidenti i Republikës del publikisht në mbështetje të tyre apo ruan për ta edhe ndonjë dekoratë në shenjë mirënjohje për përkushtimin, kjo vetëm do të rriste motivimin në punën e tyre të përditshme të vështirë e plot tension. Këta njerëz marrin trysni mbi vete (nuk është e lehtë të punosh që të presësh fijet e mafies), pikërisht që këtë presion të mos e ndjejnë sipërmarrësit, shtresa më pulsuese dhe prodhuese e vendit. Që këta të fundit të mos jetojnë me ankthin se mos në të dalë të shkollës dikush u rrëmben fëmijën për para. Që të mos i shohin rivalët e tyre si porositës të mundshëm të vrasësve me pagesë, në rast se suksesi i biznesit të tyre u shkakton rivalëve humbje të tregut dhe fitimeve. Prandaj dhe njoftimi i dhënë dje nga gazeta “Panorama”, se shumë shpejt shqiptarët do të njohin kush janë pas bombave të telekomanduara dhe pas rrëmbimeve (të tipit Koço Dado) që kanë ngjethur të madh e të vogël tek ne, është shenjë që shteti po funksionon, si rezultat i përkushtimit dhe ndershmërisë së disa funksionarëve profesionistë. Le t’i njohim dhe t’i urojmë mbarësi këtyre shërbëtorëve të shtetit, pse boll na morën mendtë politikanët me një protagonizëm shpeshherë gati tërësisht të pabukë.