Arrihet marrëveshja Bruksel – Beograd për sistemimin e EULEX-it në Kosovë

[ARIANI_TB]

Arrihet marrëveshja Bruksel – Beograd për sistemimin e EULEX-it në Kosovë

Bashkimi Evropian është i gatshëm që mandati i misionit të tij civil në Kosovë të miratohet në Këshillin e Sigurimit të Kombeve të Bashkuara, ka deklaruar ambasadori francez në Beograd, Jean Francois Terral, vendi i të cilit kryeson BE-në. Ai ka thënë se, përkundër disa pohimeve në Beograd, BE-ja nuk do të kërkojë nga Serbia të njohë pavarësinë e Kosovës. Ndërkohë edhe Pjer Mirel dhe Goran Svilanovic kanë deklaruar se BE ka pranuar kushtet e Beogradit për sistemimin e EULEX-it në Kosovë.
Jemi pajtuar me propozimin që mandati i EULEX-it të miratohet nga Këshilli i Sigurimit, që ai të jetë neutral ndaj statusit dhe se të mos e zbatojë planin e Ahtisaarit, ka thënë Terral. Ai po ashtu ka shtuar se gjatë viteve të ardhshme duhet të gjendet një zgjidhje për çështjen e Kosovës dhe për marrëdhëniet në mes të Beogradit dhe Prishtinës. Kjo, sipas tij, do të marrë kohë, mirëpo, Brukseli konsideron se procesi i integrimeve evropiane, në gjithë hapësirën e Ballkanit Perëndimor, është në tërësi i lidhur për stabilitetin e rajonit.

Ndërkohë, pas takimit të sotëm me nën/kryeministrin e Serbisë, Bozhidar Gjeliuq, edhe drejtori për Ballkanin Perëndimor në Drejtorinë e Përgjithshme për shtrirje të BE, Pjer Mirel ka thënë se Bashkimi Evropian (BE), i ka pranuar kushtet e Beogradit për sistemimin e Misionit të BE (EULEX) në Kosovë –

"BE ka pranuar se sistemim i EULEX-it duhet të miratohet në KS të KB, të jetë neutral ndaj statusit dhe nuk do të ketë lidhje me Planin e Marti Ahtisarit", u ka thënë Mirel gazetarëve pas takimit me Bozhidar Gjeliuqin.

Zotëri Mirel ka shtuar se për këtë shkak është e rëndësishme që të arrihet kompromisi në mënyrë që EULEX-i të sistemohet në Kosovës dhe të jetë i dobishëm për të gjithë banorët e saj.

Ndërkaq Gjeliq, duke iu përgjigjur pyetjes nëse është arritur marrëveshja me Brukselin për sistemimin e EULEX-it, ka thënë se negociatat po zhvillohen nën patronatin e KB dhe se "zgjidhja duhet të gjendet në Nju Jork".

Svillanoviq: BE ka pranuar të gjitha kushtet e Beogradit për sistemimin e EULEX-it në Kosovë

Ndërkohë edhe anëtari i Komisionit ekonomik të KB për Evropën, Goran Svillanoviq, ka konfirmuar se BE i ka pranuar të gjitha kushtet e Beogradit për sistemimin e Misionit EULEX në Kosovë, dhe ka shfaqur shpresën se ky vendim i BE do të konfirmohet javën e ardhshme edhe në KS të KB.

KS i KB do të debatojë më 11 nëntor mbi gjendjen në Kosovë, përfshirë edhe modalitetet e sistemimit të EULEX, por diplomatët në Ist River kanë paralajmëruar edhe mundësinë që anëtarët e këtij trupi më të fuqishëm të organizatës botërore, me pëlqimin paraprak të Serbisë, ta miratojnë kumtesën presidenciale me të cilën do të hapeshin dyert për sistemimin e Misionit të BE.

Marrëveshja ndërmjet Beogradit e Brukselit është arritur pas negociatave të gjata të zyrtarëve të BE dhe autoriteteve në Beograd dhe të dërguarit të posaçëm të KB, Endrju Ledli, shefit të UNMIK-ut -Lamberto Zannieri dhe zyrtarit të lartë të BE, Shtefan Lene.

Negociatat janë zhvilluar rreth gjashtë pikave që i ka përkufizuar Sekretari i Përgjithshëm i KB, respektivisht mbi funksionimin e policisë, doganave, kontrollit të kufirit në veri të Kosovës, trafikut, infrastrukturës dhe mbrojtjes së trashëgimisë fetare e kulturore serbe.

Marrëveshja rreth këtyre gjashtë pikave ka qenë njëri nga katër kushtet që negociatorëve ndërkombëtar ua kanë parshtruar zyrtarët e Serbisë.

Përpos këtyre kushteve, Beogradi ka kërkuar që EULEX, para sistemimit, të marrë "dritën jeshile" nga KS i KB, të jetë neutral ndaj statusit dhe të mos e zbatojë Planin e Marti Ahtisarit.

Javën e shkuar mbi problemet lidhur me EULEX-in kanë biseduar me zyrtarët e Beogradit, Shtefan Lene, Pjer Mirel dhe ministri i Jashtëm britanik, Dejvid Miliband.

[drenicaku]

Jo marrveshtja nuk eshte arritur akoma,do arrihet ateher kur kombet e bashkuara do te vendosin per nje gje te till,keshtu deshiron serbia.

[drenicaku]

Edhe sekretari i pergjitheshem i shendetsis se kosoves ilr rrecaj u burgos sot per shkak te keq perdorimit te detyres zyrtare.
Eshte i involvuar ne kliniken private turko shqiptare per transpllantimin e veshkeve,dhe thuhet se ky far iliri paska fitu diku nja 20000 evro nga kjo klinik.
Shpresoj qe ky iliri te mos kete qen ne radhet e uqk-es qe dikush te dali dhe ta mbroj siq po e mbrojn kryetarin e kaqanikut.
Eshte fat qe kemi bashksin nderkombtare dhe te gjitha shpresat jan qe krimi do luftohet pikrisht nga nderkombtaret dhe atyre nuk ju intereson se kush je dhe nga i ke dajt.

[Llapi]

Kjo ishte nji dezinformat e serbis dhe po sa e demantoi edhe:

Perfaqesuesi Civil Nderkombetare ne Kosove Pieter Faith

[Llapi]

Pieter Feith demanton pohimet për arritjen e marrëveshjes Bruksel – Beograd për vendosjen e EULEX-it


“Komentet e pretenduara të zyrtarëve të Bashkimit Evropian sot në media, nuk pasqyrojnë pozicionin (pikëpamjet) zyrtare të Unionit Evropian”, ka thënë sonte Përfaqësuesi Civil Ndërkombëtarë, Pieter Feith, duke komentuar raportet e sotme në media lidhur me bisedimet mes Brukselit, Beogradit dhe Prishtinës, të cilat i janë atribuuar zyrtarëve të BE-së. Ndërkohë as Brukseli zyrtarë nuk ka konfirmuar ndonjë marrëveshje me Serbinë.
Brukseli zyrtar nuk ka komentuar deklaratën e drejtorit për Ballkanin në Komisionin Evropian Pierre Mirrel, se BE është pajtuar me kërkesat e Serbisë për të dislokuar EULEX-in në Kosovë, njofton Radio Evropa e Lirë.

Zyrtarët në Bruksel nuk kanë komentuar këtë deklaratë duke thënë se presin që Mirrel të kthehet në Bruksel për të marrë sqarime mbi bisedimet në Beograd.

Mediat kanë cituar Pierre Mirel, të ketë thënë se zyrtarët e BE-së janë pajtuar, që misioni duhet të mbështetet nga Këshilli i Sigurimit i OKB-së dhe se duhet mbetet neutral ndaj statusit të Kosovës.

Misioni i BE-së në Kosovë i koduar me emrin EULEX është disenjuar që të ndihmojë në forcimin e rendit dhe të ligjit në shtetin ri.

RTK 07 nëntor 2008 - 21:12:15

[ARIANI_TB]

Nuk është arritur pajtim për gjetjen e ndonjë kompromisi rreth 6 pikave të Ban Ki Moon

Prishtina zyrtare nuk ka gjetur gjuhë të përbashkët me përfaqësuesit vendeve të Kuintit për marrëveshjen 6-pikëshe të propozuar nga Ban Ki Mun. Pas takimeve maratonike të zhvilluara mbrëmë e që po vazhdojnë edhe në këto çaste, krerët e vendit nuk janë pajtuar për ndonjë kompromis. Pritet që pas takimit, presidenti Sejdiu dhe kryeministri Thaçi të mbajnë një konferencë me gazetarë, që ishte caktuar për në ora 12:00, mirëpo më vonë u shty për orën 18:00 pa dhënë ndonjë shpjegim për arsyet e shtyrjes.
Burime nga takimi i sotëm kanë bërë të ditur se liderët kosovarë, presidenti dhe kryeministri e kanë hedhur poshtë propozimin me arsyetimin se ai cenon sovranitetin e Kosovës. Sipas këtyre burimeve, presidenti dhe kryeministri vazhdojnë të këmbëngulin se i vetmi plan i zbatueshëm në Kosovë mbetet plani i Ahtisarit, mbi bazën e të cilit është shpallur pavarësia.
Takimi i sotëm është përpjekje e liderëve të Bashkimit Evropian për të arritur marrëveshje me të dyja palët para seancës së nesërme të Këshillit të Sigurimit ku pritet të diskutohet për rikonfigurimin e pranisë civile ndërkombëtare në Kosovë.

Përfaqësuesit e vendeve të Kuintit, të akredituar në Kosovë dhe Përfaqësuesi special i presidencës së radhës së BE-së, Erik Shevalie janë takuar edhe mbrëmë me udhëheqësit më të lartë të Kosovës prej të cilëve kanë kërkuar që të gjendet një kompromis rreth gjashtë pikave të propozuara nga Sekretari i Përgjithshëm i OKB-së, Ban Ki Mun.

Bëhet e ditur se megjithë presionin e ushtruar nga zyrtarët e Kuintit pala kosovare nuk ka lëshuar pe, duke u thirrur në Pakon e Ahtisarit dhe Kushtetutën e Republikës së Kosovës.

Takimet e krerëve të institucioneve të vendit me përfaqësuesit e vendeve anëtare të Kuintit, si dhe Përfaqësuesi special i presidencës së radhës së BE-së, Erik Shevalie kanë vazhduar edhe sot.

Ndërkohë Zyra për informim pranë Presidentit ka njoftuar se Presidenti i Republikës së Kosovës, Dr. Fatmir Sejdiu dhe Kryeministri i Republikës, z. Hashim Thaçi, në orën 18:00 do ta mbajnë një konferencë për gazetarë lidhur me bisedimet e deritanishme për 6 pikat e propozuara nga Sekretari i Përgjithshëm i OKB-së, z. Ban Ki-Moon, por pa dhënë ndonjë shpjegim për arsyet e shtyrjes.

[ARIANI_TB]

Bruksel pranon të ketë pranuar kushtet e Serbisë për misionin EULEX

Brukseli vërtetë është marr vesh me Beogradin, por jo edhe me Neë York-un. Zyrtarë të Bashkimit Evropian kanë thënë se janë pranuar kushtet e vëna nga Serbia për shtrirjen e EELEX-it në Kosovë, por kanë theksuar se nuk i ka takuar drejtorit për Ballkanin... në Komisionin Evropian, Pierre Mirel që të jepte deklarata lidhur me këtë. Burime diplomatike në Bruksel kan thënë se problemi kryesorë është ndërmjet vendeve të Bashkimit Evropian që e bën më të rëndë dislokimin pa leje eksplicite të OKB-së dhe Beogradit. Zërat që vijnë nga Brukseli, nuk përkojnë me reagimin që ka bërë përfaqësuesi civil ndërkombëtar në Kosovë, Peter Faith, i cili ka hedhur poshtë deklarimet, se BE-ja është pajtuar me kërkesat e Serbisë për të dislokuar EULEX-in në

[ARIANI_TB]

Jeremiq: Beogradi do t’i thotë jo raportit të Ki Moon-it nëse nuk merren parasysh kërkesat e Serbisë

Beogradi zyrtar do t’i thotë jo raportit të sekretarit të përgjithshëm të OKB-së, Ban Ki Moon, nëse ai nuk i merr parasysh të gjitha kushtet e Serbisë, ka deklaruar shefi i diplomacisë serbe Vuk Jeremiq. Ai u ka thënë mediave serbe se nuk duhet kushtuar vëmendje deklaratave të ndryshme të zyrtarëve evropianë për arritjen e marrëveshjes me Beogradin për vendosjen e EULEX-it në Kosovë”, por, sipas tij, “është me rëndësi përmbajtja e raportit të sekretarit të përgjithshëm të Kombeve të Bashkuara. Në mbledhjen e Këshillit të Sigurimit që do të mbahet të martën, sekretari i përgjithshëm i OKB-së, do të prezantojë raportin në të cilin sipas Jeremiqit nëse nuk përfshihen kushtet e Serbisë atëherë nuk do të ketë vendosje të ligjshme të EULEX-it në Kosovë. Ndërsa nëse ai i merr parasysh kërkesat e Serbisë pro tij do të jetë edhe Rusia dhe ai do të miratohet, ka thënë Jeremiq

[ARIANI_TB]

Opozita kërkon nga qeveria që t’i bëjë ballë presionit lidhur me kushtet e vendosjes së Eulex-it

Përfaqësues të partive opozitare dhe analistë në Kosovë thonë se institucionet nuk duhet të lëshojë pe rreth vendosjes së misionit të EULEKS-it. Nënkryetari i AAK-së, Ahmet Isufi kërkon nga institucionet të jenë më të vendosura të kundërshtojnë forma të reja të vendosjes së EULEKS-it në Kosovë.
“Konsiderojmë që institucionet duhet të jenë shumë më të përgjegjshme për kundërshtimin e këtij misioni në formën që po vjen, sepse neutraliteti që paarqet EULEKS-i, lë hapësirë që Serbia të ketë qasje në territor e që duhet të kundërshtohet fuqishëm”, deklaroi Ahmet Isufi.

Nënkryetari i AKR-së, Ibrahim Gashi, kundërshton pjesëmarrjen e institucioneve të Kosovës në çfarë do lloj bisedimesh që do të mund të kontestoin pavarësinë e Kosovës.
Institucionet e Kosovës duhet të jenë të hapura për bisedime teknike, për modalitetet se si do të funksionojë EULEKS-i, por jo për bisedime që në çfarëdo mënyre ndikojnë në përcaktimin tashmë të qartë të shtetit të pavarur të Kosovës”, tha Gashi.

Ndërkaq, analisti Ramush Tahiri e cilëson si gabim kushtin për të cilin po zhvillohen bisedime, që EULEK-si të shtrihet fillimisht në gjithë territorin e Kosovës. Ai thotë se nuk duhet të bëhen vonesa të vendosjes së misionit EULEKS, edhe pse ai ndoshta nuk mund të vendoset tash për tash në veri.
“Euleksi duhe të fillojë punën këtë vit në Kosovë. Mandati i tij është i qartë, i paraparë me pakon e Ahtsiarit dhe fushëveprimi i tij është i qartë se respekton ligjet që i ka nxjerrë paralamenti i Kosovës, si ligje të Republikës së Kosovës. Në këtë bazë bisedimet që duhet të zhvillohen se kur do të shtrihet EULEKS-i në enklava dhe sidomos në tri komunat në veri, ato duhet të vazhdojnë, por nuk duhet ta pengojnë procesin e tërësishëm të vendosjes së EULEK-sit”, thotë Tahiri. (Hyrë Tejeci)

[Llapi]

Kosova refuzon marrëveshjen e imponuar nga Beogradi

Përfaqësuesit kryesorë të Rebulikës së Kosovës, presidenti Fatmir Sejdiu dhe kryeministri Hashim Thaçi, në një konferencë të jashtëzakonshme për media, kanë bërë të ditur se kanë refuzuar planin e vendosjes së misionit të Eulex-it në Kosovë jashtë përmbajtjes së Pakos së Ahtisarit, sipas kushteve të diktuara nga Beogradi dhe pas negociatave ku Prishtina zyrtare nuk ka qenë e perfshirë.
Propozimi shkel substancën e sovranitetit dhe integritetit territorial të Kosovës- ishte ky argumentimi themelor i presidenti Sejdiut dhe kryeministrit Thaçi.
Ndryshe, plani parashikonte që , në thelb, të suprimoheshin provizionet themelore të Pakos së Ahtisarit dhe të rifuqiziohej rezuluta 1244 , si bazë e organizimit dhe funksionimit politik, territorial dhe adminstratv të Kosovës sw para 17 shkurtit, duke krijuar kështu parakushte evidente për cipëtimit etnik- territorial të pushtetit në Kosovë.
rtk 10 nëntor 2008 - 18:30:29

-----------------------------------------

Prishtina refuzon gjashtë pikat e Ban Ki-Munit

Prishtina refuzon gjashtë pikat e Ban Ki-MunitPrishtina refuzon gjashtë pikat e Ban Ki-Munit
Prishtinë, 10 nëntor 2008 (Kosovapress) Koha 18:28

Institucionet e Republikës së Kosovës nuk kanë gjetur gjuhë të përbashkët me përfaqësuesit e vendeve të Quint-it për marrëveshjen 6-pikëshe të propozuar nga sekretari i përgjithshëm i KB-ve, Ban Ki Mun, pasi që elementet substanciale të dokumentit të prezantuar nuk janë të pranueshme për Kosovën në formën e tanishme të tyre.