Zëdhënësi i policisë së Gjirokastrës bëri të ditur sot se shtetasi Jorgo Kokoli, oficer policie, me detyrë Komandant i Postës së Policisë Dropull ka shkuar në pikën e kalimit kufitar Kakavijë në frishopin që ndodhet në territorin e doganës greke për të blerë sende të ndryshme
Entela Bani
Premte, 07 Nentor 2008 11:30:00
Gjirokastër- Shkon për pazar në Janinë por kthehet në shtëpi me 10 mijë euro gjobë. Madje pushohet nga detyra dhe merr dënim për mospërsëritje të veprës penale. Kjo histori ka ndodhur me oficerin e policisë së Dropullit, Jorgo Kokoli, i cili kundershtoi urdherat e policit grek në Janinë.
Zëdhënësi i policisë së Gjirokastrës bëri të ditur sot se shtetasi Jorgo Kokoli, oficer policie, me detyrë Komandant i Postës së Policisë Dropull ka shkuar në pikën e kalimit kufitar Kakavijë në frishopin që ndodhet në territorin e doganës greke për të blerë sende të ndryshme.
Atje Kokoli është konfliktuar dhe ka kundërshtuar me dhunë një punonjës policie të policisë greke. Menjëherë është bërë shoqërimi dhe arrestimi i tij nga policia greke në Janinë për veprën penale të “kundërshtimit me dhunë të forcave të policisë”. Ndërkohë po hetohet në gjendje të lirë me dyshimin e kalimit të emigrantëve në mënyrë të paligjshme.
Për pasojë dje ai ka dalë para drejtësisë në Janinë ku është dënuar 2 vjet me kusht për mos përsëritje të kësaj vepre penale dhe 10 mijë Euro gjobë.
Por zënka i ka kushtuar edhe vendin e punës. Mësohet se drejtori i Policisë së Qarkut Gjirokasatër ka bërë pezullimin e menjëherëshëm të oficerit Jorgo Kokoli nga detyra. Për më tepër ndaj tij kanë nisur procedurat për përjashtimin nga rradhët e Policisë së Shtetit, pasi ka shkelur kodin e etikes dhe ka thyer rregulloren e disiplinës.
Shekulli
Përgjigju Duke Cituar
Krijoni Kontakt