Gerdecat e pritshem

[DYDRINAS]

Nje Gerdec iku dhe la pas nje shkretim total.

Lind pyetja se cilet mund te jene disa Gerdeca te pritshem dhe per te cilet duhet sensibilizuar opinioni dhe shteti te marre masat e nevojshme.

Sipas meje:

- ndertimet pa leje, ne te cilat nuk eshte zbatuar asnje kusht teknik;
- ndertimet me leje, por qe jane kryer pa studime te sizmicitetit;
- te gjitha ndertimet shteterore dhe private, ne te cilat mungon mbrojtja kunder zjarrit;
- te gjitha ndertimet qe jane kryer ose vazhdojne te kryhen, pa patur analiza laboratorike dhe te certifikuara te materialeve ndertimore;
- qindra mijera km² shpate malore te gerryera nga erozioni, per shkak te papergjegjshmerise civile dhe shteterore, qe mund te behen shkak per orteqe dhe rreshqitje dheu;
- pika karburantesh te ngritura vend e pa vend dhe me shkelje totale te rregullave elementare te mbrojtjes kunder zjarrit dhe shperthimeve;
- mijera automjete qe qarkullojne ne rruget tona, pa kolaudim te sakte teknik;
- mungesa e sinjalistikes rrugore;
- qindra pika shitje te gazit, pa patur asnje lloj leje dhe pa asnje kusht sigurie;
- mijera instalime elektrike te paligjshme, brenda dhe jashte banesave;
- pajisje si: tela e kabllo, instalime elektrike dhe gazi, te sjela nga shtete dhe firma te pacertifikuara nga nje institucion standartesh, sikur ndodh ne te gjitha vendet e BE;
- falsifikim i etiketave te ilaceve dhe ushqimeve;
- importim i materialeve ndertimore me rrezatim te larte radioaktiv;
- derdhje te mbeturinave te gjithellojshme neper perrenj dhe lumenj;
- etj

Cilat do te jene pasojat?

[Edvin83]

KE te drejte, Shqiperia eshte nje bombe ekologjike qe po te plase qeveria kapitullon per 24 ore...

[DYDRINAS]

Autoritetet harrojnë magazinën e arsenikut, shtohet rreziku

Lënda helmuese ka çarë ambalazhin dhe është derdhur në tokë

Arseniku i depozituar në ambientet e ish-uzinës së plehrave kimike në Fier po degradon dhe është kthyer në një shqetësim prezent për komunitetin. Alarmi për të vjen edhe nga specialistë, të cilët pohojnë për "Shqip" se shpërbërja e thasëve ku është vendosur helmi po rrit nivelin e ndotjes në zonën pranë ish-uzinës, që njihet me emrin Azotiku, si dhe për gjithë banorët e qytetit të Fierit. Kushtet e godinës në të cilën është vendosur sasia prej 850 metrash kub arsenik nuk janë të favorshme për ruajtjen e tij dhe thasët kanë pësuar dëmtimet, duke lejuar lëndën kimike, mjaft e rrezikshme, të shpërndahet në të gjithë territorin. Ndërsa nga dita në ditë arseniku po mbulon të gjithë sipërfaqen e tokës pranë godinës së rrënuar ku është vendosur, institucionet e mbrojtjes së mjedisit në Fier, si dhe prefektura deklarojnë se "jemi në pritje të një projekti të ri për sistemimin e arsenikut".

Në media është folur me dhjetëra herë për rrezikshmërinë e arsenikut, që dikur përdorej për tri kullat e larta në Azotikun e Fierit. Pas shumë tratativash, firma italiane "Selca" mori përsipër përpunimin e arsenikut dhe kthimin e tij nga gjendje e lëngët në të ngurtë dhe largimin nga ambientet e Azotikut. Një pjesë e këtij procesi u realizua, pasi lënda kimike, nga e lëngët u kthye në të ngurtë dhe u ambalazhua në thasë, që janë të magazinuara në një ndërtesë. Por kjo ndërtesë nuk e ruan dot lëndën e rrezikshme nga faktorët atmosferikë. Largimi i arsenikut nuk u realizua nga firma italiane dhe aktualisht askush nuk po merret më me këtë punë. Ndërkohë, thasët me arsenik të ngurtësuar ndodhen ende në këtë magazinë pa kushte, ku lëngu që del prej thasëve është shpërndarë në një sipërfaqe të madhe. Sipas inxhinierit të kimisë industriale, Petraq Kalo, i cili ka 35 vjet punë në këtë profesion, lënia e arsenikut në këto kushte është shumë e rrezikshme, pasi kushdo që i afrohet magazinës mund të thithë avujt e arsenikut, apo të prekë padashje diçka dhe mund të gjejë vdekje të ngadalshme. Sasia prej 830 metrash kub arsenik lëng, që tashmë është e ngurtësuar, ndodhet mes lagështirës dhe paraqet një rrezik shumë të madh për njerëzit. Edhe pse punonjësit e mbetur të ndërmarrjes shtetërore e kanë ngritur zërin për largimin sa më parë të tij, tashmë firma "Selca" nuk ka zyra në Fier dhe pritet që një firmë finlandeze të ndërtojë një Landfill brenda territorit të Azotikut, ku do të groposet sasia e arsenikut.

Ndërkohë, gjatë një kontrolli në ambientet e ndërmarrjes është konstatuar se aty ndodhen sasi të mëdha reagjentësh të tjerë kimikë, të cilët dikur kanë shërbyer për reaksione kimike në laboratorin e kësaj ndërmarrjeje.

Inxhinieri Kalo thotë se "helmet janë shumë të rrezikshme. Një pjesë e tyre janë shitur prej shtetit e një pjesë janë shitur në mënyrë të kundërligjshme prej punonjësve ndër vite. Kjo sasi e mbetur e tyre paraqet rrezikshmëri të lartë".

Por, në ambientet e Azotikut ka edhe sasi të mëdha helmesh që nuk ruhen. Specialistët tregojnë se interesimi për to ka vite që ka munguar, ndërkohë që një kontroll për gjendjen e tyre, si dhe mënyrën e depozituar e asaj të ruajtjes nuk është bërë prej kohësh. Këto lëndë helmuese janë tashmë në terren të hapur.


Gazeta Shqip

[Edvin83]

Nuk e kuptoj arsyen e ekzistences se ministrise se mjedisit pervec marrjes se rrogave.,..,.

[Qyfyre]

duan te bejn dhe central atomik

[imodhjom]

Nuk e kuptoj arsyen e ekzistences se ministrise se mjedisit pervec marrjes se rrogave.,..,.

Ku te ma gjeje sikur te merrnin vetem rrogat.

[Duaje Siveten]

Balaknweb, 03/06/2008

Hetimi i dosjes “Gërdeci”
SHBA: Të shqetësuar nëse do të ketë ndërhyrje

Ambsadori i SHBA-së në Shqipëri Xhon Withers ka takuar
kryeprokuroren Ina Rama ku kanë biseduar për hetimet e
Gërdecit. Withers tha se hetimi nuk duhet të ndikohet nga
faktori i jashtëm. “Është detyra kushtetuese e Prokurores së
Përgjithshme, dhe jo ajo e ndonjë organi tjetër të qeverisjes,
që të kryejë punën e saj pa pasur ndërhyrje”, tha Withers.

Ambasadori amerikan Xhon Withers ka takuar prokuroren
e Përgjithshme të Prokurorisë Ina Rama në të cilën kanë
biseduar për hetimet e ngjarjes së Gërdecit. Sipas
ambasadorit amerikan SHBA nuk do të gjykojë përfundimin e
procesit ligjor por pret që vetëm faktet të jenë përbërësi
kritik për të përcaktuar gamën dhe natyrën e hetimit.

“Qeveria amerikane do të shihte e zhgënjyer dhe e alarmuar çfarëdo
përpjekjeje për t’ia nënshtruar këtë hetim çfarëdo ndikimi të jashtëm.

Është detyra kushtetuese e Prokurores së Përgjithshme, dhe jo
ajo e ndonjë organi tjetër të qeverisjes, që të kryejë punën e
saj pa pasur ndërhyrje. Që të ndodhë kjo, është e domosdoshme
që Parlamenti të trajtojë në mënyrë të menjëhershme çështjen e
imunitetit parlamentar” ka theksuar në deklaratë ambasadori
amerikan në Shqipëri Xhon Withers.

Gjithashtu ambasadori amerikan ka deklaruar se SHBA do të shqetësohet
nëse ndonjë faktor politik do të ndërhynte në hetimin e pavarur dhe të
paanshëm. “Në hetim duhet të sundojë vetëm ligji”, ka
deklaruar ambasadori i SHBA.

(A.S/Balkanweb)

[Edvin83]

Sharrë, vetëndizen plehrat, helmohen banorët

Specialistët: Shkak depozitimi jashtë standardeve i mbetjeve urbane

Sharra është shndërruar sërish në makthin e mijëra banorëve që jetojnë në zonën e Kombinatit në periferi të Tiranës. Qetësia e tyre ka humbur dhe askush nuk mund të qëndrojë në banesë. Shkak është bërë era e padurueshme e smogut që vazhdon të ngrihet i qetë nga djegia e mbeturinave të depozituara në zonën e Sharrës. Mbetjet urbane, që prej tre ditësh janë vetëndezur, duke shkaktuar përveç zjarrit, një tym toksik tejet të dëmshëm për shëndetin e banorëve të zonës përreth. Por retë e mjegullës së tejmbushur me dioksina nuk do të kursejnë as banorët e kryeqytetit.

Nënkryetari i Bashkisë së Tiranës, Eduart Shalsi, ka shkuar menjëherë në zonën e depozitimit të mbetjeve në Sharrë, pas alarmit që kanë vënë banorët për këtë gjendje katastrofike mjedisore ku ata jetojnë. Por, edhe pse Shalsi është përpjekur të qetësojë banorët me fjalët se "situata është nën kontroll", sërish plehrat vazhdojnë të digjen të qeta dhe sipas specialistëve, tymi toksik mendohet se do të zgjatet edhe për të paktën tri, katër ditët e ardhshme.

"Plehrat janë vetëndezur", deklaroi nënkryetari i bashkisë, duke kujtuar edhe projektin italian për ndërtimin e një landfilli në këtë zonë, që do të zgjidhë situatën. "Deri në fund të vitit banorët e zonës do ta kenë Sharrën vetëm si një kujtim të hidhur", u shpreh përfaqësuesi i "qeverisë kryeqytetase".

Ndërkohë që kontrollin e situatës duket se e kanë vetë mbetjet urbane që e kanë marrë shtruar vetasgjësimin.

Varianti "rozë" i drejtuesve të bashkisë bie poshtë nga një tjetër version që ngrenë specialistë të mjedisit. Sipas tyre, është më se e vërtetë që mbeturinat mund të vetëndizen. Temperaturat e larta të këtyre ditëve, si edhe energjia e brendshme që ato kanë, realizojnë kushtet për vetëndezje të tyre. Por, a mund të ishte shmangur ky zjarr në "terminalin" e plehrave kryeqytetase?

Specialistët kanë një përgjigje edhe për këtë. Ata sqarojnë se depozitimi i mbeturinave në zona të tilla si fusha e Sharrës ka disa kushte që duhen respektuar. Njëri ndër ta dhe më kryesori, është se: mbi një metër shtresë plehra duhet të hidhet një metër shtresë argjile. Por duket se ky kriter nuk është respektuar në hedhjet e përditshme të plehrave në këtë zonë. Specialistët shtojnë se në kushte të tilla të këtyre grumbullimeve të mëdha të mbetjeve, vetëndezja është më se e pritshme. Dhe e keqja që pason këtë vetëndezje është edhe pamundësia për ta fikur këtë zjarr që çliron gazra toksikë. Këta të fundit, pasi "filtrohen në organet e frymëmarrjes së njerëzve, krijojnë kushte më se të përshtatshme për të shfaqur më pas lloje të ndryshme tumoresh vdekjeprurës.

Nga ana tjetër, ata shtojnë se projekti italian për ndërtimin e një landfilli mund të konsiderohet si një zgjidhje emergjente, por si zgjidhje afatgjatë mund të jetë vetëm ndërtimi i impianteve që shkatërrojnë mbetjet urbane, duke i tjetërsuar ato në mallra apo produkte të ripërdorshme. Punimet për përfundimin e landfillit në Sharrë vazhdojnë. Mjete të ndryshme vazhdojnë të krijojnë kanale të gjera në përputhje me projektin, nën shoqërinë e djegies së mbeturinave. Ndërsa jeta në këtë zonë është bërë e pamundur dhe banorët pohojnë se një pjesë e tyre kanë braktisur shtëpitë, derisa gjendja të normalizohet.

Nga ana tjetër, kryetarja e njësisë bashkiake të Kombinatit, Luzhiana Abazi, i është bashkuar zërit protestues të banorëve të kësaj zone. Sipas saj, vendorët nuk kanë marrë asnjë informacion lidhur me atë që po bëhet në zonën e Sharrës, ku hidhen pa pushim mbeturinat e të gjithë kryeqytetit. Ajo shprehet më tej se vazhdimisht ka kërkuar informacion, madje edhe nga drejtuesit e projektit, por përgjigje nuk ka pasur. Duke e konsideruar këtë si një gangrenë mjedisore dhe tepër të rrezikshme për banorët e zonës së saj, Abazi ka kërkuar ndërhyrje urgjente nga ana e bashkisë së madhe.


Projekti, sipas marrëveshjes


Landfilli 5 milionë euro


Projekti i menaxhimit të mbetjeve të Sharrës arrin në shifrën e 5 milionë eurove. Puna për ndërtimin e tij është parashikuar që të përfundojë 24 muaj pas fillimit të punimeve. Projekti parashikon ndërtimin e sistemit të drenazhimit për kapjen e ujërave të ndotura, në total rreth 7 km, ndërtimin e rrugëve të brendshme dhe të jashtme, me qëllim lehtësimin e komunikimit në këtë fushë, në total rreth 4.2 km, ndërtimin e një sistemi pusesh për kapjen e gazrave dhe djegien e tyre. Gjithsej janë parashikuar që të ndërtohen 8 puse të tilla, me një thellësi maksimumi deri në 8 metra secili. Pjesë e rehabilitimit të zonës do të jetë edhe një rezervuar grumbullues për kapjen e ujërave të ndotura, me një volum prej 10.000 m3, si dhe një sistem pompimi me qëllim aktivizimin e këtyre shllameve. Gjithashtu, në projekt është parashikuar edhe ndërtimi i ambienteve të reja për ndërmarrjen që administron sot këtë fushë, me një sipërfaqe prej rreth 5.000 m2. Rrethimi i fushës ekzistuese, si dhe monitorimi i situatës në mënyrë të vazhdueshme edhe mbas mbylljes, janë disa pika të tjera të përcaktuara në marrëveshjen e firmosur me firmën italiane.

Gazeta Shqip

[Edvin83]

Ka disa dite qe Tirana po mbytet ne tym. Dje mezi merrja fryme ngaqe era e keqe e tymit te plehrave te mbyste...

[Duaje Siveten]

çka po thot velija ... mjeksia ... ministria ... qeveria ...


Panorama, 12/07/2008

Qeveria e shërbesave funerale

Erjon Veliaj

Meqenëse edhe të jetosh edhe të mos sëmuresh nuk është e mundur, i bie që me këtë mjekësi të sëmurë që kemi më mirë të mos lindësh fare.

E nga ta zësh mjekësinë tonë?! Nga mjeku i korruptuar? Jo, sepse ai është thjesht një nga hallkat e zinxhirit me hallka çeliku që nuk mban të lidhur dhe të rrethuar vetëm mjekësinë, por krejt Shqipërinë. Dhe disa syresh perversë nuk mund të baltosin dhe humanizmin e heroizmin e shumë mjekëve të tjerë tërësisht të përkushtuar. Ta zësh nga ministri? As nga ministri nuk mundesh. Sepse nuk e fajëson dot.

Gjithë Shqipëria e di se nuk ka ardhur në atë post aq të lartë, delikat e aq të rëndësishëm për asnjë meritë apo aftësi profesionale, por vetëm e vetëm si rezultat i një aritmetike koalicioniste krejt banale me të vetmin arsyetim, sipas të cilit ai që është sot në krye të punëve (kryeministër mjek për ironi të fatit) duhet të vazhdojë të rrijë derisa t'i mbetet fryma.

Me fjalë të tjera, jo vetëm të gjitha rrugët të çojnë në Romë, por edhe të gjitha sëmundjet të çojnë tek sistemi shëndetësor, i denjë për Kandahar, që përtej retorikave, nuk është konsideruar kurrë prioritet. Kjo për një arsye shumë të thellë - që jeta njerëzore sot në Shqipëri konsiderohet e padenjë, e si pasojë e pavlerë, e kësisoj periferike në diskursin publik.

Shteti shqiptar shpenzon për qytetarët 20 herë më pak se mesatarja e BE. Atëherë pse të çuditemi se sa i përket mjekësisë; jemi nja 50 herë më të pa mbrojtur dhe më të pasigurt se evropianët dhe rrjedhimisht nja 100 herë më të korruptuar, por edhe se kemi jetëgjatësi nja 10-15 vite më të shkurtër, kohë të shpenzuar kot më kot me varavingo nëpër qendra shëndetësore të sikletshme dhe spitale stalla, pleqëri të mundimshme, fëmijë shëndetlig etj., etj.

Pa zënë në gojë, mungesën e profesionistëve në strukturat spitalore dhe administrative që janë mbushur plotpërplot me fanatikë partiakë arrogantë dhe të paaftë, mungesën e aparaturave, cilësinë e dobët të shërbimit që i detyron shqiptarët të ikin të kurohen jashtë apo në klinika private, duke shpenzuar qimet e kokës, numrin e shtretërve, 2.8 shtretër spitalor për 1000 banorë, as energji për spitalet nuk sigurojmë dot!

Kurrkush në botë nuk mund ta imagjinojë se në një shtet evropian, për më tepër në prag të hyrjes në NATO, mund t'i mungojë energjia elektrike në spitale. Apo se Shqipëria ofron burgje më cilësore se spitalet. Apo se harxhon më shumë për paqeruajtjen në Irak e ofron veç paqe të përjetshme për të sëmurët e saj. Ja pra që tek ne ndodh!

Kur dikush ankohet, jo vetëm nga ndonjë dhimbje koke, por për çdo shqetësim shëndetësor, e keni vënë re se si pothuaj gjithmonë tjetri përgjigjet; E ke nga koha! Demek nga retë në qiell, zagushia, temperatura, lagështia e ajrit etj.

Shqiptarit sot nuk i dhëmb, as koka, as këmba, as dora, as barku, as kurrizi, dhe askurrgjë, nga koha meteorologjike.

Shqiptarit sot të gjitha dhimbjet e lëngatat e agonitë nuk i vijnë aspak as nga retë e qiellit, as nga zagushia, as nga lagështia, por vetëm dhe vetëm nga dhimbja e të gjitha dhimbjeve, lëngata e të gjitha lëngatave, agonia e të gjitha agonive, koha politike.