AKSH kercenon edhe kur thote se nuk e bene kete!

[fisnik]

--------------------------------------------------------------------------------
ARMATA KOMBËTARE SHQIPTARE


SHTABI SUPREM /DOKUMENTE PUBLIKE
DOSJA Nr. 5
Prot. Nr. 19-05/002-6/1
Dibër-Tiranë-Prishtinë, 19 maj 2002

Pas shqyrtimit të gjithanshëm të veprimtarisë sonë, dhe për hirë të informimit të drejtë të opinionit të gjërë publik, sidomos në raport me disa insinuata publike që po i krijojnë mjete të caktuara të informimit, Shtabi Suprem i AKSH-së lëshon këtë


DEKLARATË PËR SHTYP NR. (3) 1,


me anë të së cilës deklarojmë, si më poshtë:

1). Armata Kombëtare Shqiptare (AKSH), ka kuptuar me kohë demagogjitë politike të rretheve të caktuara ndaj çështjes kombëtare, andaj, është vënë seriozisht në shërbim të mbrojtjes dhe të sendërtimit të interesave vitale të kombit shqiptar, duke treguar guxim, pjekuri, durim dhe maturi të pashoqe. Me përjashtim të kurthës dredharake të montuar nga faktori destruktiv shqiptar në Reçicë të Vogël, në të cilën ka rënë pa fajin e saj një pjesë e Shtabit të Korpusit të I-rë, në krye me Komandant Drenicën, ajo ka evituar çdo ekces të mundshëm ndërshqiptar, duke u ikur provokimeve të shumta e të llojllojshme të atyre që me vetëdije i kanë shkelur idealet e Atdheut.

2). Ne kemi pritur provokime dhe sulme të karakterit subversionist nga Beogradi, Athina, Shkupi, etj, por këso provokimesh nuk i kemi pritur nga disa rrethe shqiptare, si psh. stafi i gazetës "Bota Sot", e cila, duke na vënë disa herë në kontekst negativ, na bën me të drejtë të dyshojmë se ajo është vënë në shërbim të tyre!

3). Theksojmë me këtë rast se është "Bota Sot" ajo që sulmon e para, dhe jo ne. AKSH-ja po e kultivon gjithnjë e më tepër frymën e kooperimit me të gjithë faktorët apo subjektet që ideal të tyre e kanë bashkimin kombëtar. Ajo, ka vepruar dhe ka gjykuar me ndërgjegje të pastërt kombëtare, duke kontribuar fuqishëm në konsolidimin e faktorit të brendshëm intervenues mbarëshqiptar. Veprimtaria e AKSH-së, sado e kursyer në planin operativ, ka qenë tejet frytëdhënëse duke ndërgjegjësuar shtresat përparimtare të kombit mbi rëndësinë e Kryengritjes së Përgjithshme, si e vetmja alternativë e çlirimit të mirëfilltë të trojeve të ripushtuara shqiptare! Autoriteti i AKSH-së është rritur në mënyrë të vazhduar, gjë kjo që e bën të jetë një strukturë serioze për sendërtimin e aspiratave shekullore kombëtare!

4). Është pikërisht autoriteti i AKSH-së dhe përkrahja që ka gjetur në gjirin e popullit të vet një fakt tmerrues jo vetëm për armiqtë tanë shekullorë në aksin Beograd-Athinë, por edhe për shërbëtorët e shumtë e të shumllojshëm brenda hapësirës shqiptare, të cilët, po përdorin gjithëfarë insinuatash, trillimesh, shantazhesh apo abuzimesh, vetëm e vetëm që të sjellin në diskutim autoritetin e kësaj strukture. Sipas atyre që ka lansuar gazeta „Bota Sot“, në tre artikujt e saj, ne qenkemi „armatë e internetit“, me synime që të krijojmë „gogolin frikësues“ për disa personalitete të vetëquajtura përparimtare apo mediume të vetëshpallura kombëtare. AKSH-ja e ka dëshmuar qenien dhe përkushtimin e saj dhe vazhdon të përgaditet për misionin ushtarak që ka, pa marrë parasysh disponimin e disa mediave. AKSH-ja nuk është armatë virtuale! Për këtë, do të kenë rastin të binden edhe ata që asaj dhe kombit shqiptar nuk ia duan të mirën!

5). Kjo gazetë, disa herë ka atakuar strukturat tona me shkrime të nivelit më të ultë përfolës; zhargonit rrugor; apo të stilit denoncues tito-sllavist, duke na akuzuar njëlloj si Beogradi zyrtar, Shkupi, Athina e Podgorica për gjoja „kriminalitet“; ideologji „marksiste-leniniste/enveriste“ apo presion mbi gazetarët e saj. Konfirmojmë për të fundit herë se askush nga strukturat tona nuk i ka kërcënuar gazetarët e gazetës „Bota Sot“; nuk i ka manipuluar e-mailet e tyre; nuk ka vrarë dhe nuk ka kërcënuar asnjë punëtor të gazetarisë. Konsiderojmë se shkrimet e Besim Krasniqit, të datës 17 Maj 2002 dhe të datës 18 Maj 2002, janë forma më e ligë e „komponimit“ të një artikulli, me shënime të mbledhura nga gazetat dhe organet tjera, duke spekulluar me të pavërtetën, dhe duke marrë nëpër gojë personalitete të njohura të kulturës e të mendimit shqiptar. Botimi i emrave të caktuar, pa ndonjë mbulesë faktesh, duke iu referuar shprifjeve të mëparshme të qarqeve antikombëtare, nuk është aspak në përputhje me normat etike; ligjore dhe ndërkombëtare të gazetarisë! Ky është një akt i dënueshëm dhe aspak dinjitoz për një gazetë që pretendon të jetë „kombëtare“!

6).Trillimi i këtij „autori“ se gjoja ne nuk e pranuakemi pavarësinë e Kosovës, është spekullim. AKSH-ja asnjëherë nuk ka deklaruar se nuk e pranon pavarësinë e vërtetë të Kosovës, dhe më gjërë! Përkundrazi. Gjithnjë kemi insistuar që kjo pavarësi të jetë në funksion të realizimit të plotë dhe të bashkimit të natyrshëm territorial-administrativ kombëtar. „Pavarësi" të Kosovës brenda çfarëdo lidhjesh me njësitë tjera të ish-Jugosllavisë nuk ka, sepse me këtë rast fjala mund të jetë vetëm për një pavarësi relative (të kufizuar), gjë kjo të cilën AKSH-ja kurrsesi nuk e pranon! Serbia dhe Mali i Zi mbajnë disa njësi tjera territoriale, historikisht etnike shqiptare, të cilat, duhet t`ia kthejnë Shqipërisë! Çlirimi i tyre është objekt i veprimtarisë sonë dhe detyrë e të gjitha shtresave përparimtare shqiptare, gjë kjo të cilën edhe stafi i gazetës "Bota Sot" duhet ta pranojë dhe t`i përkushtohet!

7). Konfirmojmë poashtu se AKSH-ja nuk ka asnjë lidhje me personat që sipas trillit të gazetarit tjetër të kësaj gazete, z. Bardhyl Ajeti, në artikullin „Kush janë pjesëtarët e AKSH-së të cilët kërcënojnë me vrasje dhe kidnapim gazetarët e kombëtares „Bota Sot“ (gazeta e cit. 16 Maj 2002), ia paskan bllokuar atij adresën personale të internetit dhe e paskan kërcënuar! AKSH-ja distancohet plotësisht nga persona të tillë dhe konfirmon se ata nuk janë e nuk mund të jenë kuadër i yni! AKSH-ja është strukturë e rëndësishme ushtarake, që ka si objektiv çlirimin e trojeve të okupuara shqiptare dhe bashkimin e tyre në një Shqipëri të Bashkuar, ashtu siç përkojnë të drejtat legjitime të kombit shqiptar! Ajo nuk ka asnjë interes të merret me adresat personale të gazetarëve që vetafirmojnë çështje personale aspak relevante për auditoriumin! Në artikullin e përmendur, Bardhyl Ajeti shkruan për vetveten dhe nuk ka patur nevojë të përdorë gazetën, pos faktit real se ai dhe kolegu i tij dëshirojnë të lansojnë akuza të pabaza dhe gënjeshtra mbi AKSH-në, për të krijuar barriera publike dhe politike mbi strukturën e saj. Mu për këto arësye, Besim Krasniqi, në artikullin „Kush qëndron prapa AKSH-së“ (Bota Sot, 18 Maj 2002, faqe 6) merr nëpër gojë emra individësh; personalitetesh kulturore dhe politike, për të sjellë në pyetje ardhmërinë e tyre, njëlloj si para ca kohësh gazeta „Koha ditore“, duke u bazuar në subversionet e njohura të të vetëshpallurit "zëdhënës" i AKSH-së, Alban Berisha, për të cilin ne me kohë i kemi sqaruar gjërat, duke njoftuar detajisht edhe opinionin e gjërë publik! Ndonëse artikullshkruesi Besim Krasniqi, në shkrimin e tij të datës 18 Maj 2002 jep dyzinën e pseudonimeve të këtij agjenti serbo-sllav, ai manevron me të dhënat e mëparshme të tij dhe nuk është vështirë të shihet se qëndrojnë nën të njëjtën çati.

. Konfirmojmë se gazetarët e gazetës „Bota Sot“, njëlloj si të gjithë njerëzit e fjalës së lirë, e gëzojnë mbrojtjen e AKSH-së, sepse ajo nuk është strukturë persekutimi, por Armatë Kombëtare çlirimtare e të gjithë shqiptarëve! Nuk ka logjikë që ne të jemi të përcaktuar për çlirimin dhe bashkimin e tokave shqiptare, e nga ana tjetër të jemi kundër parimeve demokratike; të lirisë së shprehjes e të mendimit! Liria është inspirimi ynë kryesor dhe permanent, që determinon të gjitha sferat e shoqërisë, gjë kjo për të cilën jemi përcaktuar që të mos e kursejmë as jetën tonë! Lufta nuk zhvillohet vetëm për ata që e përkrahin atë, por për të gjitha shtresat, madje edhe për hirë të brezave të ardhshëm, të cilët as i njohim dhe as e dimë çfarë karakteri do të kenë, por duam që ata të trashëgojnë lirinë; zhvillimin; përparimin dhe forcimin e kombit të tyre! Është mëkat që na shpifin e na trillojnë insinuata të tilla, si në artikujt e përmendur! Kjo, gjithsesi është çështje e ndërgjegjes së tyre!...

9). Konfirmojmë gjithashtu se AKSH-ja nuk ka të bëjë fare me „marksizëm-leninizmin“ apo „enverizmin“, si ideologji politike, dhe as me vrasjet që kanë ndodhur në Kosovë mbi disa personalitete politike apo publike. Aq më pak me aspekte të profiterizmit! Vetë fakti i daljes sonë në skenë ka llogjikën e avancimit të çështjes kombëtare, sikurse të evitimit të gabimeve dhe të mangësive të faktorëve tjerë politik e parcial. Ne distancohemi nga çdo formë e ekzekutimit pa gjyq dhe prova të qëndrueshme, prandaj kemi ndërtuar një Hetuesi profesionale dhe një Gjykatë Ushtarake të nivelit të lartë! Ne jemi përcaktuar për rrespektimin e ligjit e të drejtësisë, dhe i konsiderojmë këto si gjëra tepër të shenjta, sepse AKSH-ja nuk preokupohet vetëm për çlirimin e bashkimin e tokave tona, por edhe për organe dhe qeverisje dinjitoze që do ta ndihmojnë integrimin e shqiptarëve në rrjedhat progresive të botës!

10). AKSH-ja nuk ka anësi partiake, ideologjike, fetare apo rajonale, sepse është strukturë e frymës progresive gjithëshqiptare! Ajo ka përkrahjen edhe të disa partive të spektrit të djathtë dhe të qendrës, sikurse nga të gjithë ata që e ndjejnë veten atdhetarë të sinqertë! Nuk duhet harruar se në çdo shkrim publik u kemi bërë thirrje të gjitha subjekteve të organizuara dhe të gjitha shtresave të kombit, pa dallime ideologjike, rajonale apo fetare, që të na mbështesin dhe të japin ndihmesën e tyre. Në rast se në mesin e tyre ka edhe subjekte të qendrës së majtë, kjo nuk ka asnjë logjikë të etiketimit, sepse edhe ata janë pjesë e kombit shqiptar dhe jetojnë brenda hapësirës shqiptare. Ne nisemi nga parimi i Rilindasve tanë për unitet ndërshqiptar, pa dallime feje, krahine dhe ideje. Mendojmë se "kombëtarja" "Bota Sot" nuk ka logjikë të jetë kundër këtij parimi thellësisht kombëtar, sepse historia nuk fal. Gjykimit të hisotorisë nuk mund t'i ikë askush, aq më pak stafi i kësaj gazete. Do të ishte mirë që edhe ky staf të kuptojë imperativin kohor. Sepse, me ose pa përkrahjen e tyre, AKSH-ja do ta përmbushë objektivin historik!

Pradaj, edhe njëherë trokasim në ndërgjegjen e mediave të tilla shqiptare dhe ua rekomandojmë që të kenë kujdes në vlerësimet publike! Ato i thërrasim të rreshtohen në krahun e luftëtarëve të lirisë, e jo të shprehen kundër tyre!

Lufta jonë, është një luftë e drejtë! Ajo, patjetër do të fitojë!...

Për Shtabin Suprem të AKSH-së,
Komandanti i Përgjithshëm- Hekuran Asllani, Gjeneralkolonel;

Shefi i Zyrës së Informimit- Besnik Sokoli, Gjeneralmajor.

[dodoni]

Fisnik ke bere pune te mire qe e keni futur kete teme, por titulli i saj nuk me pelqeu shume sepse mund te keqkuptohet shume lehte. Une jam ne percjellje te vazhdueshme te te gjithe informacioneve nga dhe per AKSH, dhe akoma ne asnje rast dhe as ne kete qe ti ke vene ketu nuk ka asnje lloj kercenimi.
Kurse nese e keni bere kete me qellim, atehere ju ftoj qe te nderroni kete ketu ne forum ne kete teme per anetaret tjere qe te mos keqkuptohen sepse nuk ka kurrfare kercenimi nga ana e AKSH-se as ne keto qe keni paraqitur ju e as askund tjeter.
AKSH eshte forca e vetme politike dhe ushtarake deri tani qe hapur paraqet programin politik te cdo shqiptari jo vetem te ne shqiptareve te sotem por edhe te eterve tane dhe bijve e bijave tona qe do te vijne me pas, dhe si e tille duhet perkrahur dhe mbeshtetur nga te gjithe ne, ne te gjitha menyrat.Mos te harrojme se jo vetem ne por edhe bota sot e ka kuptuar se kjo eshte edhe e vetmja zgjidhje qe do te siguroj paqe dhe stabilitet te qendrueshem ne Europe, gje per te cilen qe te gjithe jane te interesuar.
Pershendetje
Rrofte Shqiperia e Bashkuar