Shqiptare te Bashkuar per nje Shqiperi te Bashkuar

[dodoni]

FRONTI PËR BASHKIMIN KOMBËTAR SHQIPTAR

ARMATA KOMBËTARE SHQIPTARE

Nr.18/12/02 AKTI.

Tiranë, Prishtinë, Shkup, Ulqin ,Prevezë, më 18.12.2002





URIM ME RASTIN E VITIT TË RI



Vëllezër dhe motra shqiptarë kudo që ndodheni,


Fronti për Bashkimin Kombëtar Shqiptar (FBKSH) dhe struktura e tij - Armata Kombëtare Shqiptare (AKSH), me rastin e ndërrimit të moteve ju uron GËZUAR VITIN RI 2003 dhe gjithë të mirat për vitin e ardhshëm. Vitin që e lamë pas, ishte vit me shumë punë dhe mundime për organizimin e strukturave tona kombëtare. Realizimet ishin të mëdha, por edhe sakrificat e bëra ishin gjithashtu të mëdha. Konstatojmë me kënaqësi, dhe këtë e deklarojmë botërisht, se FBKSH dhe strukturat e tij: AKSH, FKSH etj, janë konsoliduar, janë ndërgjegjësuar, janë organizuar dhe kanë në krye kuadro të afta, të cilët janë të gatshëm të bëjnë detyrën e shenjtë që u ka ngarkuar populli dhe atdheu që kërkon të ribashkohet.

Viti 2003 do të jetë për të gjithë ne shqiptarët një vit i mbarë, një vit historik, një vit që brez pas brezi do të mbahet mend, sepse do të shënojë fazën vendimtare të ribashkimit të trojeve tona etnike dhe të shqiptarëve që jetojnë në to - në shtetin e shumëpritur kombëtar shqiptar në Ballkan.

Na ka rënë barra e rënd, por edhe kemi fatin e madh që të gjithë ne, anëtarët dhe simpatizantët e FBKSH-së, gjithë luftëtarët e Lirisë të AKSH-së, të gjithë veprimtarët e FKSH-së, të bëhemi protagonistët kryesorë të realizimit të këtij ideali të madh. Ne do të dimë të punojmë, të luftojmë, të veprojmë, të bëjmë për vete masën e madhe të popullit shqiptarë, të sakrifikojmë dhe të mos kursejmë, po lindi nevoja, edhe jetën tonë për të realizuar ribashkimin kombëtar shqiptar, për t'i bërë të gjithë shqiptarët, kudo ku jetojnë në trojet e tyre etnike, ku ujit i thonë ujë, e bukës i thonë bukë, bashkë në një shtet të vetëm kombëtar, nën një flamur - Flamurin e Skënderbeut, nën një hymn kombëtar - Hymnin e Rilindjes sonë Kombëtare, që këndojnë sot mbi 8 milion shqiptarët në trojet etnike dhe mbi 8 milion shqiptarët e tjerë në diasporë.

Gjithë strukturat e FBKSH-së po përgatiten me të gjitha mjetet që viti 2003 të jetë i gjithmbarshëm dhe të sjellë realizimin e ëndrrës sonë shekullore. Të bëhemi të ndërgjegjshëm, të përgjegjshëm dhe të përgatitemi për sakrifica të mëdha për vitin që po vjenë. Koha nuk pret më, ajo po troket fortë tek çdo shqiptar që në shpirt, në gjak, në vetëdijen e tij vlon ideali i ribashkimit të trojeve etnike shqiptare në një shtet të vetëm kombëtar në Ballkan, si zgjidhje e vetme e çështjes kombëtare shqiptare. Ne, shqiptarët, ndryshe nga sa kemi bërë historikisht, këtë trokitje të fortë të kohës e kemi dëgjuar dhe do e dëgjojmë më mirë, dhe si një trup i vetëm do të bashkohemi për të sendërtuar atë çka na takon - ribashkimin e trojeve tona stërgjyshore në një shtet të vetëm kombëtar shqiptar në Ballkan.



Gëzuar Vitin e Ri 2003!

Rroftë Shqipëria e Ribashkuar.!

Rroftë populli i Ribashkuar Shqiptar!

Rroftë Fronti Për Bashkimin Kombëtar Shqiptar!

Rroftë Armata Kombëtare Shqiptare!

Lavdi heronjëve dhe dëshmorëve të kombit të bashkuar shqiptar!



FRONTI PËR BASHKIMIN KOMBËTAR SHQIPTAR

ARMATA KOMBËTARE SHQIPTARE

NË EMËR TË TYRE

SEKRETARI POLITIK KRYETARI

Av. Alban Vjosa Mr. Valdet Vardari



SHEFI I SHTABIT TË PËRGJITHSHËM TË AKSH

Gjeneral Vigan Gradica

[dodoni]

Ky eshte urimi me i mire per festen e vitit te ri per cdo shqiptar.
Te gjithe ata qe akoma nuk kane filluar me kontributin e tyre ne AKSH, nje nga menyrat e kontaktimit eshte adresa www.shqiperiaebashkuar.com.
Rrofte Shqiperia e Bashkuar

[hope31]

Edhe une bashkohem me urimin tend, Dodon i nderuar.

Gezuar!

sinqerisht
hope31