Argita Berisha pazare me biznesmen te huaj

[vagabondo_nyc]

Në qendër të akuzave ndaj vajzës së kryeministrit, Argita Berisha Malltezi, Partia Socialiste vuri një korrespondencë mes zyrës së saj avokatore dhe biznesmenit pakistanez Zafar Ansar, i cili kërkonte të investonte në Shqiperi në fushën e energjitikës.

Por cili është qëndrimi i zotit Ansar për të gjithë këtë histori nisur në vitin 2007? Ai jeton në Suedi, por Top-Channel mundi ta intervistojë nëpërmjet Skype për të sjellë versionin e tij për korrespondencën në fjalë dhe si lindi bashkëpunimi me zyrën avokatore të vajzës së kryeministrit.

Zafar Ansar thotë se Shqipërinë e ka vizituar për herë të parë kur një mik ishte ambasador i Pakistanit në Romë, që mbulonte edhe Shqipërinë. Ai

Kryeministri ishte i gëzuar që po dëgjonte rreth këtij projekti dhe më tha se do të bënte gjithcka që mundej duke shtuar se shpresonte që unë të bashkëpunoja me njerëz të mirë në Shqipëri

Zafar Ansar
e ftoi ta shoqëronte kur do t’i dorëzonte letrat kredenciale presidentit të Republikës.

Zafar Ansar thotë se kompania e tij kryesisht merret me financë dhe projekte energjitike. Në Shqipëri ai donte të blinte bankën e kursimeve, por ky projekt nuk u realizua pasi Ministria e Financave zotëronte 40% të aksioneve.

Më pas Ansar deklaron se nisi eksploronim mundësisë për të investuar në energjitikë. Me zotin Ansar bisedoi gazetari ynë Muhamed Veliu.

Veliu: Si mundët të takoheni me kryeministrin Berisha dhe çfarë biseduat?

Ansar: Takimi u organizua nga ambasadori i Shqipërisë në Arabinë Saudite. Vajta e takova për ta informuar se kisha në plan të ndërtoja një Tec me kapacitet 12 Mega Ëat. Kryeministri ishte i gëzuar që po dëgjonte rreth këtij projekti dhe më tha se do të bënte gjithçka që mundej duke shtuar se shpresonte që unë të bashkëpunoja me njerëz të mirë në Shqipëri. E falenderova duke i thënë se do të jetë kenaqësi e imja.

Veliu: Si jeni njohur me ambasadorin shqiptar në Arabinë Saudite, Admir Banaj?

Ansar: Në vitin 2007 Pakistani organizonte takimin e ministrave të Jashtëm të Konferencës Islamike në Islamabad. Merrte pjesë edhe Shqipëria duke u përfaqësuar nga zëvendësministrja e Jashtme, Edith Harxhi. Zoti Admir, ambasadori i Shqipërisë në Arabinë Saudite, ishte pjesë e delegacionit të saj. Kjo ishte hera e parë që e takova.

Veliu: Kush ju prezantoi me kompaninë avokatore të Argita Berishës?

Ansar: Takimi është organizuar nga zoti Admir, ambassador në Arabinë Saudite.

Veliu: A jeni takuar personalisht me Argita Berishën?

Ansar: Disa herë.

Veliu: A bëri ndonjë premtim Argita Berisha?

Ansar: Ne biseduam se çfarë ishim të interesuar të bënim. I tregova për mungesën e energjisë elektrike në Shqipëri dhe interesin që kisha në ndërtimin e një Teci. Ajo më tha se kjo është një diçka që na duhet dhe ne ju inkurajojmë për ta bërë atë.

Veliu: Si mund të na e përshkruani të gjithë korrespondencën që patët me të?

Ansar: Ju keni aksesin e të gjithë e-maileve nga ku mund të shikoni të gjithë bashkëbisedimin që ne patëm, ku tregohet se si mund të ecnim përpara me këtë projekt. Ajo më këshilloi se duhej të përgatisnim një ofertë për kompaninë KESH. Ne e bëmë një gjë të tillë. Dhe kështu filluam.

Veliu: A ju la Argita Berishë ndonjë llojë impresioni se ajo po përdorte statusin e saj si vajza e kryeministrit për të plotësuar kërkesat tuaja?

Ansar: Fakti që ajo është vajza e kryeministrit më bëri të mos kisha asnjë dyshim në mendjen time se ajo do të mundësonte duke përdorur influencën e saj për të arritur objektivin që kisha, sa më parë pa patur probleme. Prandaj edhe rash dakort që të punoja me të.

Veliu: A ka patur ndonjë lloj presioni gjatë korrespondencës tuaj në blerjen e tokës për të cilën ishit i interesuar?

Ansar: Fillimisht nuk e dija që ajo kishte interes në shitjen e tokës të cilën më ofroi. Fillimisht më pyeti nëse dëshiroja të bleja tokë dhe çfarë hapësire. I tregova se kisha nevojë për tokë ku mund të ndërtoja Tecin. Këtë e bëra nëpërmjet një e-maili ku i shpjegoja specifikat e tokës që më duhej. Ajo më pas më informoi se toka ishte gati dhe se duhet të veproja shpejt në mënyrë që ta bleja pasi më vonë s’do të kisha mundësi. Toka e ofruar prej saj ishte jo e përshtatëshme, pa infrastrukturën e nevojshme, shumë e shtrenjtë dhe nuk përmbushte kërkesat e mija. E informova se ishte pak herët për mua të bleja token, pasi fillimisht duhet të aprovohej projekti dhe më pas të investoheshin miliona euro për blerjen e tokës. Ajo më tha se aprovimi i projektit nuk do të përbënte problem. Lexoni e-mailet dhe nxirrini vetë konkluzionet. Shitja e tokës ishte një mundësi e shpejtë për të bërë para. Po, kishte presion ndaj meje për të blerë tokën. Pasi vedosa mos ta blija tokën, mu tha se projekti për ndërtimin e Tecit 120 Mega Ëat do të ketë probleme. Më pas nuk pata asnjë komunimin nga KESH-in. Nuk mu besua se si kjo mundësi për ndërtimin e Tecit u injorua në këtë mënyrë pasi do të lehtësonte nevojat e njerëzve për energji elektrike. E gjitha një humbje mundësie për të patur një investim prej 100 milionë eurosh.

Veliu: Cili është komenti juaj në lidhje me kërkesën e Flutura Kolës, partnere në kompaninë avokatore të Argita Berishës, e cila në e-mailin e datës 6 tetor 2007 thotë se, nëse investimi do të jetë i suksesshëm, ateherë ju duhet t’i paguanit kompanisë avokatore 1.5% deri në 3% të vlerës së investimit?

Ansar: Vlera e projektit shkonte në 100 milionë euro. Mu duk shumë e çuditshme për një kompani ligjore që të kërkonte të paguhej, krahas punës me aspektin juridik edhe me pagesë për suksesin e investimit pavarsisht sigurisë 100% në realizimin e qëllimit nga investitori. Praktika e përgjithëshme në Europë për kompanitë avokatore konsiston në pagimin nga klienti, vetëm të orëve të punës të avokatëve. Ata nuk kërkojnë të paguhen për atë që njihet si “pagesë për suksesin”: Në këtë rast duket qartësisht se meqënëse ajo është vajza e kryeministrit gjen mënyrën dhe e bën.

Veliu: Cilat ishin arsyet që u tërhoqët nga ky investim?

Ansar: Mund t’ju them se nuk u tërhoqa nga ky projekt, por mu tha se nuk mund të merrja lejen për ta ndërtuar Tecin. Arsyeja e vetme që mund të mendoj përse kjo ndodhi lidhet me mosblerjen e tokës me atë çmim aq të lartë që mu ofrua. Edhe sikur të më jepej leja, unë nuk do ta kisha blerë atë tokë, pasi nuk ishte e përshtatshme për të ndërtuar atë që une doja. Më erdhi shumë keq që s’munda ta realizoja një investim të tillë prej 100 milionë euro.

Veliu: Pas publikimit të korrespondencës tuaj në median shqiptare a jeni kontaktuar nga ndokush, për të mohuar përmbajtjen e këtij bashkëbisedimi nëpërmjet postës elektronike?

Ansar: Në kohën kur e-mailet e mia u publikuan, zoti Admir Banaj më kërkoi disa herë që të hidhja në gjyq gazetarin që i publikoi ato. Sa herë që ma ka kërkuar ta bëja një gjë të tillë, iu përgjigja se nuk kam ndërmend të përfshihem në politikën e brendshme. Ai nuk hiqte dorë nga kjo kërkesë për të çuar në gjyq gazetarin, madje më bëri edhe oferta joshëse. Më prezantoi me një avokat në Tiranë, i cili ishte i gatshëm te merrej me këtë çështje, natyrisht me një kosto goxha të lartë. Përsëri i thash zotit Admir se nuk dua të merrem me këtë çështje. Ai u mërzit shumë me mua. Përdori influencën e tij në Ministrinë e Jashtme dhe në zyrën e kryeministrit për të më hequr titullin si “konsull nderi i Shqipërisë në Pakistan”.

Veliu: Sipas jush, heqja e titullit lidhet direkt me vendimin për të mos vazhduar me këtë projekt në Shqipëri, pas ndërprerjes së bashkëpunimit me zyrën e vajzës së kryeministrit?

Ansar: E çfarë tjetër mund të ishte? Nuk ishte e drejtë të më kërkonin me forcë të thoja gjëra që nuk doja t’i thoja. Ambasadori donte që unë të thoja se gjërat ishin në rregull, në mënyrë që të përfitonte njëri apo tjetri. Nuk rash dakort me të tilla kërkesa.

[vagabondo_nyc]

Admir Banaj është liruar nga detyra e ambasadorit të Shqipërisë në Arabinë Saudite. Emri i zotit Banaj u bë i njohur këtë fillim viti, kur deputeti socialist Taulant Balla publikoi një korrespondencë mes tij dhe biznesmenit pakistanez Zafar Ansar.

Top Channel ka mësuar se Ministria e Jashtme me një shkresë drejtuar Presidentit të Republikës më 19 Tetor 2012 i kërkonte kreut të shtetit, lirimin nga detyra të ambasadorit.

Sipas Ministrisë së Jashtme arsyeja e këtij propozimi, është mbarimi i mandatit për kryerjen e kësaj detyre. Kërkesa e Ministrisë së Jashtme është pranuar nga presidenti Nishani i cili më 20.12.2012 nëpërmjet dekretit numër 7865 e liron nga detyra Admir Banajn si ambasador i

Data e kërkesës për shkarkim, përkon me momentin, kur për herë të parë opozita e akuzoi ambasadorin Banaj se kishte shpërdoruar detyrën duke u kthyer në një sekser mes biznesmenti Zafar Ansar dhe zyrës avokatore të Argita Malltezit


Jashtëzakonshëm dhe Fuqiplotë të Republikës së Shqipërisë në Mbretërinë e Arabisë Saudite, rezident, si dhe nga detyra e ambasadorit të Republikës së Shqipërisë në Mbretërinë e Bahreinit, në Sulltanatin e Omanit, në Kuvajt dhe në Republikën e Jemenit, jorezident.

Opozita e akuzoi ambasadorin Banaj se kishte shpërdoruar detyrën duke u kthyer në një sekser mes biznesmenti Zafar Ansar dhe zyrës avokatore të Argita Malltezit. Në intervistën e 15 Janarit per Top Channel, vetë Ansar tregoi se ishte ambasadori Banaj ai i cili i kishte prezantuar kompaninë e Argita Mallterzit për të vijuar tratativat e ndërtimit të një teci prej 100 milion eurosh.

Sipas një mesazhi përmes postës elektronike që mban datën 22 Tetor 2007 ambasadori Banaj i shkruan Zafar Ansar se sipas opinionit të tij, ai duhet të vijonte së bashkëpunuari me Argita Malltezin, për vetë lidhjet që ajo ka përfshi aftësitë dhe përkushtimin.

Janë më shumë se tre korrespondenca mes Banajt dhe Ansar prej të cilave opozita thotë se ambasadori me dëshirën e tij apo imponimin e të tjerëve e ktheu veten nga një diplomat në urë lidhëse mes Argita Malltezit dhe Zafar Ansar, duke shkelur praktikat e një përfaqësuesi të shërbimit diplomatik.

Për të patur edhe versionin e zotit Banaj ne lidhje me korrespondencën që ai ka patur me biznesmenin Ansar, Top Channel e ftoi zotin Banaj të prononcohet, por kërkesa ende nuk ka marrë përgjigje.

[vagabondo_nyc]

[[Asteroid]]

Politikanet tane punojne nate e dite per vendin tone dhe popullin. Ata kan len pas dore familjet e tyre, rehatin e tyre, endrrat e tyre per te ngritur shqiprine ne piedestal ndersa ju i akuzoni. turp per bes te keni

[POKO]

Zhurmnaja ndaj fëmijëve të Kryeministrit Berisha!

AGIM NEZA
Një natë dimri, si në përrallat e Arabisë, lexova haberin: Shqipëria. Ka disa javë që lideri i opozitës ka emëruar deputetin e tij Taulant Balla dhe së fundi Eduard Shalsin si zëdhënës, në përpjekje për të “baltosur” fëmijët e Kryeministrit Berisha. Kësisoj duket se strategjia e Partisë Socialiste dhe liderit të saj, ardhjen në pushtet mund ta arrijnë duke sulmuar fëmijët e Kryeministrit, bazuar në ato çfarë kanë deklaruar fëmijët e tij në mënyrë transparente pranë Inspektoratit të Lartë të Deklarimit dhe Kontrollit të Pasurive.
E shikoj të arsyeshme të sqaroj për lexuesin e gazetës “Panorama” se ky shkrim nuk ka të bëjë me mbrojtjen e personalitetit të fëmijëve të Kryeministrit, me të cilët nuk ka ndodhur të kem pirë një kafe qoftë një herë të vetme, por në thelb ky shkrim ka të bëjë me strategjinë e gabuar që po përdor Partia Socialiste për të ardhur në qeverisjen e vendit pas 23 qershorit. E them këtë se jam i bindur se kjo zhurmnajë do të jetë një “betejë e humbur” si të gjitha betejat që ka humbur Partia Socialiste gjatë këtyre viteve të fundit, me përjashtim të “fitores” së Avokatit të Popullit. Pse është një strategji e gabuar zhurmnaja e përditshme ndaj fëmijëve të Kryeministrit? Përpjekja për të baltosur fëmijët e Kryeministrit Berisha është një strategji e gabuar dhe mbetet thjesht një zhurmnajë në prag të zgjedhjeve për këto arsye:
1- Për javë të tëra, Taulant Balla, çdo ditë, thjesht ka lexuar deklaratat e Argita (Berisha) Malltezit dhe Shkëlzen Berishës, të cilat janë plotësuar në mënyrë transparente dhe janë dorëzuar në Inspektoratin e Lartë të Deklarimit dhe Kontrollit të Pasurive. Pra, çdo ditë deputeti i PS-së dhe i besuari i momentit i Edi Ramës ka lexuar këto deklarata, por nuk thotë se ku është shkelja e ligjit!
2- Deklaratat e fëmijëve të Kryeministrit, Argita dhe Shkëlzen Berisha, janë bërë në janar të vitit 2012 në mënyrë transparente duke treguar të ardhurat dhe burimet e pasurisë, ndryshe nga disa deputetë apo fëmijë deputetësh, të cilët “paratë e tyre të pastra” i kanë investuar te miqtë e tyre në biznese të ndryshme, kryesisht ndërtim, ose duke i dërguar në banka në vende të tjera.
3- Deklarimi i pasurive të fëmijëve të Kryeministrit është kontrolluar dhe certifikuar nga inspektori i Përgjithshëm i ILDKP, Adriatik Llalla, i cili sot është prokuror i Përgjithshëm. Pra, janë certifikuar nga një drejtues institucioni, i cili është konsideruar nga Partia Socialiste si njeri me integritet dhe i besueshëm për Partinë Socialiste për të drejtuar organin e akuzës si prokuror i Përgjithshëm.
4- Në këtë kuadër, një arsye tjetër që të bind se Taulant Balla dhe shefi i tij nuk janë të interesuar për të zbardhur të vërteten, është fakti se gjer më sot, për be, ata nuk janë drejtuar për të pyetur ish-inspektorin e Përgjithshëm Adriatik Llalla, se cilat janë argumentet e Llallës që ka certifikuar si korrekte pasurinë e Argita Berishës (Malltezi) dhe Shkëlzen Berishës. Unë nuk dua të besoj se Taulant Balla apo Eduard Shalsi dhe lideri i tij Edi Rama të kenë frikë të pyesin prokurorin e Përgjithshëm Adriatik Llalla se pse ai mendon se pasuria e fëmijëve të Kryeministrit është certifikuar si korrekte.
5- Eduard Shalsi, në kuadër të akuzave ndaj vajzës së Kryeministrit, thekson se “….këto janë akte të pastra konflikti interesi dhe të dënueshme”. Në lidhje me këtë akuzë në drejtim të biznesit të znj. Malltezi, Dhoma Kombëtare e Avokatisë, e drejtuar nga ish-prokurori i Përgjithshëm dhe kryetar i kësaj Dhome Avokatie, z. Maksim Haxhia, është prononcuar zyrtarisht se veprimet e znj. Argita Malltezi në lidhje me tarifat avokatore janë konform ligjit për avokatinë. Besoj se zoti Shalsi është i ndërgjegjshëm se në demokraci dhe në ekonominë e tregut nuk mund të përjashtojë nga e drejta e të bërit biznes as fëmijët e Kryeministrit dhe as bashkëshorten e kryetarit të opozitës. Nëse z. Shalsi është vërtet i interesuar të dijë dhe të marrë një përgjigje të saktë, duhet t’u drejtohet organeve ligjvënëse. Dhe këtë përgjigje, nëse ka pasur konflikt interesi, e jep të saktë Inspektorati i Lartë i Deklarimit dhe Kontrollit të Pasurive.
6- Nëse Edi Rama, Taulant Balla apo Eduard Shalsi e kanë seriozisht luftën kundër korrupsionit, ata nuk duhet t’i kërkojnë Argita Berishës pse ka pranuar të paguhet nga pronarët e universiteteve për profesionalizmin e saj apo pse po bën biznes në ekonominë e tregut, por duhet të pyesin Inspektoratin e Lartë të Deklarimit dhe Kontrollit të Pasurive se ku qëndron paligjshmëria e fëmijëve të Kryeministrit për të ardhurat e tyre në ekonominë e tregut, të deklaruara të gjitha në mënyrë transparente, të ligjshme, nga veprimtaria profesionale, mësimdhënie në universitete publike e private, botime dhe kërkime shkencore, qira dhe trashëgimi familjare, të deklaruara të gjitha në tatime, ILDKP. Përndryshe, opinioni publik, i mësuar tashmë me taktikat e shpifjes dhe të trillimeve të politikanëve tanë ndaj njëri-tjetrit apo familjeve të tyre, do ta konsiderojnë një inat të momentit apo “lojë të radhës”.
7- Kjo strategji do të jetë një dështim, sipas mendimit tim, edhe për faktin se Partia Socialiste fushatën duket se e ka bazuar ndaj “baltosjes” së familjes së Kryeministrit Berisha, dhe jo në kritikat ndaj qeverisjes dhe ministrave të saj gjatë këtyre tetë viteve, për të cilët edhe unë, si shumë qytetarë shqiptarë, kam rezerva për qeverisjen e tyre.
8- Është interesante se në të dyja kampet, PS dhe PD, si deputetët dhe ministrat e Kryeministrit Berisha, po ashtu edhe deputetët e PS-së (me përjashtim të Ballës dhe Shalsit) po “fërkojnë duart” në këtë “betejë” baltosjesh të dy familjeve, ku ministra dhe deputetë të të dyja kampeve duken të lumturuar (por përpiqen të mos e shfaqin) dhe nuk thonë asnjë fjalë, por ndjekin akuzat e ndërsjella në distancë të kënaqur se emrat e tyre nuk po lançohen këto ditë, pavarësisht se pasuritë e tyre të deklaruara zyrtarisht në Inspektoratin e Lartë të Deklarimit dhe Kontrollit të Pasurive janë dhjetëra herë më të mëdha se sa ato të Argita Berishës apo Linda Bashës!
Strategjia e akuzave për korrupsion dhe koalicionet e PS-së, një dështim i plotë gjer në këto momente
Shqiptarët janë të lodhur nga këto lloj strategjish me baltosje familjesh, akuza ndaj njëri-tjetrit dhe pastaj me shtrëngim duarsh e përqafimesh, pastaj organizim protestash bazuar në “bllokun e korrupsionit”, të cilat përfundojnë në lutje për bashkëpunim e koalicion që fillojnë nga Gjiri i Lalzit dhe përfundojnë në kërkesë për bashkëpunim me FRD! Dëshira e kryetarit të PS-së për koalicion, kryesisht e shprehur nëpërmjet deputetëve të tij me FRD, është çudia më e madhe jo thjesht për faktin se kryetari i FRD-së e ka quajtur PS-në “e keqja e këtij vendi, e cila i ka zhgënjyer qytetarët shqiptarë”, (pavarësisht nga kjo akuzë, për Edi Ramen e partinë e tij, me sa duket, më e “rrezikshme” është Argita se sa Topi!!), por për faktin se çdonjëri e ka të qartë se FRD nuk ka se si t’i japë vota PS-së, por vetëm mund t’i marrë asaj! Dhe, nga ana tjetër, të habit fakti se si lideri i PS-së nuk i kërkon bashkëpunim ish-liderit të PS-së Fatos Nano, por i kërkon ish-nënkryetarit të PD-së, ish-ministrit të PD-së dhe ish-presidentit të zgjedhur nga PD-ja, Bamir Topit, të bëjnë koalicion! A thua se Bamir Topi ka qenë themelues dhe drejtues i PS-së, dhe jo Fatos Nano! Sado “i keq” të jetë Fatos Nano për Edi Ramën, ky i fundit nuk duhet të hezitojë t’i shtrijë dorën Fatos Nanos. Fatos Nano mund të shtojë ose të pakësojë votat për PS-në, ndërsa Bamir Topi nuk mund të shtojë vota për PS-në. Me sa duket, Edi Rama don të provojë edhe me Bamir Topin të njëjtin fat që kishte me kryetarin e PDK-së, Nard Noken, i cili u divorcua prej tij për një karrike zv.ministri, megjithëse kishte vjellë vrer për më shumë se tre vjet kundër Berishës! Natyrshëm, gjatë fushatave zgjedhore përdoren akuza të ndërsjella midis pozitës dhe opozitës, por, mbi të gjitha, duhet të jenë marrëdhëniet midis politikës dhe institucioneve. Dhe opozita e sotme i ka pasur gjer para 3-4 muajsh të gjitha hapësirat për t’iu drejtuar institucioneve të drejtësisë për të gjitha rastet e korrupsionit, ku Presidenti dhe kryetari i Këshillit të Lartë të Drejtësisë, zv.kryetari i Këshillit të Lartë të Drejtësisë (të cilët sot janë kthyer në kryetarë partish), prokurorja e Përgjithshme, kanë qenë të paktën tri vitet e fundit kundërshtarë të Kryeministrit Berisha, ndërsa inspektori i Përgjithshëm i Deklarimit dhe Verifikimi të Pasurive, kryetarja e Gjykatës së Lartë dhe prokurorja e Përgjithshme kanë qenë përzgjedhje e Presidentit Topi. Kjo ka qenë një “kohë e artë” për Partinë Socialiste për të treguar se sa eficiente mund të ishte politika e saj nëse do t’u drejtohej institucioneve të drejtësisë për të zbardhur akuzat për korrupsion. Në këtë mënyrë, PS do të krijonte besim tek opinioni publik për akuzat që ka bërë në vazhdimësi. Paraqitja a akuzave pranë organeve të drejtësisë dhe presioni ndaj këtyre institucioneve për të hetuar dhe gjykuar sipas ligjit do të ndihmonte të ndëshkohej korrupsioni dhe kësisoj çdo qytetar do të bindej se Partia Socialiste e ka seriozisht luftën ndaj korrupsionit.
Strategjia për të bërë për vete elektoratin nëpërmjet deklaratave duke përdorur vetëm akuza ndaj familjes së Berishës, është mungesë vizioni dhe “me dashje apo pa dashje” është vlerësim për qeverisjen “Berisha”. Fakti që ka një muaj që PS nuk lançon emrin e asnjë ministri për “asnjë bëmë” të tyre, në fakt tregon suksesin e qeverisjes “Berisha”. Pavarësisht se unë, ashtu si shumë të tjerë, kam shumë rezerva ndaj disa ministrave, duket se Edi Rama mendon të kundërtën… Gjer në këto momente duket se Edi Ramën, këshilltarët e tij e kanë bindur se mund të bëhet Kryeministër duke “baltosur” fëmijët e Kryeministrit. Në fakt, vizioni i PS-së duhet të jetë vizion tjetër, nëse Edi Rama dëshiron të provojë karrigen e Kryeministrit…!


Burimi: http://www.panorama.com.al/2013/01/1...#ixzz2IT2hWgkl

[Ziti]

hajde top channel hajde
po na tregoni si punojne njerezit
keshtu eshte jeta gjithandej, ai qe eshte i zoti pasurohet ne kapitalizem, vetem edi rama ngeli fukara

[mardo]

hajde top channel hajde
po na tregoni si punojne njerezit
keshtu eshte jeta gjithandej, ai qe eshte i zoti pasurohet ne kapitalizem, vetem edi rama ngeli fukara

jo more ,keshtu qenka gjithandej !!!!!!

dmth; goca e cuni i Obames ,Merkelit , Holandit etj , paskan hap zyra qe biznesment te mbarojn pune direkt .......

prandaj nk bejme hajer ne si komb , se ka shume si puna jote

IK ORE KARABUSH

[Toffee]

Po te hapin hetime e te hetohet kjo ceshtja. Perderisa ish ambasadori ka email-e qe jane prove le te behet gjyqi ndaj goces se Berishes.
Se marr vesh kete mbrojten nga partiaket tane, po edhe Rama ka vjedhur.
Valle kjo e shfajteson Argiten nqs fjalet e ish ambasdorit jane te verteta?
Secili duhet te japi hesap per vete.. (perfshir edhe Rama hajdutin)

Me kujtohet nje histori qe me kane thene..
Ishte njeri qe po ikte me shpejtesi edhe polici e ndalon e ia keput nje gjobe te majme.
I revoltuar shoferi i thote:
Po te gjithe po iknin me shpejtesi, pse me ndale vetem mua??
Polici duke buzeqeshur i pergjigjet:
A ke dale ndonjehere per peshkim??

PS: Prapa diellit te vejne te gjithe ata qe i kane vjedhur e ngrene hakun ketij popull.. (Sali e Rama bashke)

[Ziti]

jo more ,keshtu qenka gjithandej !!!!!!

dmth; goca e cuni i Obames ,Merkelit , Holandit etj , paskan hap zyra qe biznesment te mbarojn pune direkt .......

prandaj nk bejme hajer ne si komb , se ka shume si puna jote

IK ORE KARABUSH

po pse mor ka.r ti kujton se cuni merkelit e hollandes jane pa pune
pse ata s` kane te drejte te jene ekonomist

[mardo]

po pse mor ka.r ti kujton se cuni merkelit e hollandes jane pa pune
pse ata s` kane te drejte te jene ekonomist

pa pune nuk jan , po kurre nk do kishin zyra sekseresh per te marr firmen e baballareve te tyre

ps: karabush eshte qepa .....mos u bej banal , mjaftohu vetem me injorancen qe ke