Urtesi

[Bani gjk]

Mos i këshillo njerëzit të jenë fetarë, përderisa edhe ti të mos jeshë i tillë. Sepse, për ndryshe do të bëhesh sikur qiri që të tjerëve u bën dritë e vetë digjet. (LL. Hekim)

Zoti, jo më kot i ka dhënë njeriut dy veshë, dy sy, dhe një gjuhë: që të dëgjojë më shumë, të shohë më shumë e të flasë më pak. (thënije siriane)

Ai që flet shumë, shumë edhe gabon; Kush shumë gabon, shum nuk turpërohet; Ai që nuk turpërohet, nuk i frigohet Zotit; Kush nuk i frigohet Zotit, zemra i fiket; Kujt t'i fiket zemra, vendin e ka në Xhehnem. (Ali Ibën Talibi)

Njeriut i duhen dy vjetë që të mësojë të flasë e gjashtdhjetë vjetë që të mësojë të heshtë. (L Fojtuanger)

Njeriu mëson të flasë shum shpejt por të heshtë shum vonë. (anonime)

Shpeshherë flasim për atë që e duam e jo për atë që na duhet. (M. Kraja)

[Bani gjk]

Mos i këshillo njerëzit të jenë fetarë, përderisa edhe ti të mos jeshë i tillë. Sepse, për ndryshe do të bëhesh sikur qiri që të tjerëve u bën dritë e vetë digjet. (LL. Hekim)

Zoti, jo më kot i ka dhënë njeriut dy veshë, dy sy, dhe një gjuhë: që të dëgjojë më shumë, të shohë më shumë e të flasë më pak. (thënije siriane)

Ai që flet shumë, shumë edhe gabon; Kush shumë gabon, shum nuk turpërohet; Ai që nuk turpërohet, nuk i frigohet Zotit; Kush nuk i frigohet Zotit, zemra i fiket; Kujt t'i fiket zemra, vendin e ka në Xhehnem. (Ali Ibën Talibi)

Njeriut i duhen dy vjetë që të mësojë të flasë e gjashtdhjetë vjetë që të mësojë të heshtë. (L Fojtuanger)

Njeriu mëson të flasë shum shpejt por të heshtë shum vonë. (anonime)

Shpeshherë flasim për atë që e duam e jo për atë që na duhet. (M. Kraja)

Do të kishte shum njerëz të lumtur në botë, po te vazhdonte dashuria edhe pas martesës sikurse para saj. (S. Frashëri)

[Bani gjk]

Mbaji sytë hapur para se të martohesh dhe gjysëm të mbydhur pasi je martuar. (B Franklin)

Një diell ka, por zhdukë me miliona hije. (S. Frashëri)

I thanë gomarit "do të çojmë në parajsë"! Ai pyeti: "a ka atje gjembaçe"? (thënie kurde)

Jo kudo ku ka ujë ka edhe bretkoca, por nëse diku rriten bretkoca, atje mesiguri do të gjeni ujë. (Gëte)

Që të bindesh se qielli është kudo i kaltër, nuk është nevoja të bësh një udhëtim rreth botës. (Gëte)

Ç'ju thotë mendja? Po i pati ndokush njëqind dele dhe po i treti njëra prej tyre, a nuk i lë të nëntëdhjet e nëntat në mal e nuk del për ta kërkuar atë që i treti? Dhe po ja doli ta gjejë, për të vërtetë po ju tham, për atë gëzohet më tepër se për ata nëntëdhjetenëntë që nuk i humben. ("Ungjilli" Mateu 18: 12-13)

Shumicës prej nesh, na vjen më tepër keq për gjërat që humbim, se sa jemi mirënjohës për gjërat që zotrojmë. Ne duam shum gjëra për të cila nuk kemi nevojë (Dr. Ibrahim Kazim)

Njerëzit që mendojnë se paraja mund të bëj gjithçka, jan gati të bëjnë gjithçka për para (P. Buast).

Po jetuam një kohë të gjatë, kafshet miqësohen, kurse njerëzit armiqësohen. (Fjalë e urtë kineze)

Tregohet një anekdotë, kur Çerçili e ka parë epitafin në të cilin shkruante: "Këtu pushon njeriu i sinqertë e diplomati i madh". E Çerçili duke qeshur shtoi: "Është hera e parë që shoh dy njerëz të varrosur në një arkivol"!

Po nuk e përtype bukën mirë, të dhemb barku, po nuk e përtype fjalën të dhemb shpina. (anonime)

[Bani gjk]

Shko me kujdes e modesti dhe fol me zë të ulët, se zani më i vrazhdë është zani i gomarit. (Ll. Hekim)

Prej kushteve të thjeshtësisë, është që kur del njeriu prej shtëpisë së vet, të mendojë se çdo kush tjetër është më i meritueshëm se ai. (H. Basri)

Prej së njëjtës lule, bleta nxjerr mjaltë, kurse gjarpëri helm.

Nëse më mashtron një herë, ti je fajtorë. Por, nëse më mashtron për herë të dytë, atëherë fajtorë jam vetë. (fajlë e urtë arabe)

Ai që me ty flet për të metat e tjerëve, ai me tjerët flet për të metat tua. (Didro)

[Bani gjk]

Nëqoftëse të sotmen e shfrytëzon mirë, do të varesh më pak nga dita e nesërme. (Seneka)

Nuk ka njeri që të mos e dojë lirinë, por njeriu i drejtë e kërkon për të gjith, kurse i padrejti vetëm për vehten. (K. Berne)

O njerëz, ruajuni nga punët e gabuara, sepse kam dëgjue një njeri të mirë tue thënë "Ne kemi dëshirë të pendohemi para se të vdesim, e në të vërtetë vdesim para se pendohemi". (H. Basri)

Të plakësh nuk është mirë, por kjo është e vetmja mënyrë deri tani, që të jetosh gjatë. (Sen Bevi)

Hamë për të jetuar dhe nuk jetojmë që të hamë (Sokrat).

Me gotën e parë njeriu pi verë, me të dytën vera pi verën, me të tretën vera pi njeriun. (thënije japoneze)

Një dijetarë kështu e këshilloj birin e vet: “Biri im, mbaje mend diturinë që e thonë njerzit e ditur, sepse ata e shënojnë ate më të mençurën që ndiejn, ata mbajnë mend më të mirën prej të shënuarave, e ethonë ate që është më e mirë prej të gjithave të mbajturave mend...”

[titi-a]

Urtësi dhe porosi të Lukman Hakimit

Allahu i Madhëruar thotë:
"Ne i patëm dhënë Llukmanit mençuri të përsosur (e i thamë): Të falënderosh Allahun, e kush falënderon, e mira e atij falënderimi i takon atij, e kush refuzon (edhe ai e ka për vete), në të vërtetë, Allahu nuk ka nevojë (për falënderimin e tij) pse Ai vetë është i lavdishëm.
(përkujtoju popullit tënd) Kur Llukmani duke e këshilluar, birit të vet i tha: "O djali im, mos i përshkruaj Allahut shok, sepse idhujtaria është padrejtësi më e madhe!"
Ne njeriun e kemi urdhëruar për (sjellje të mira ndaj) prindit të vet, sepse nëna e vet atë e barti me mund pas mundi dhe pas dy viteve ia ndau gjirin. (E porositëm) Të jesh mirënjohës ndaj Meje dhe ndaj dy prindërve tu, pse vetëm tek Unë është kthimi juaj.
E nëse ata të dy tentojnë që ti të më përshkruash Mua shok, për çka ti nuk ke kurrfarë fakti, atëherë mos i respekto ata, po në çështjet e jetës së kësaj bote të kesh mirëkuptim ndaj tyre, e ti ndiqe rrugën e atij që është i kthyer kah Unë, mandej kthimi juaj është tek Unë, e Unë do t'ju njoftoj për atë që keni punuar.
O djali im, s'ka dyshim se edhe nëse ajo (vepra) peshon sa kokrra e lirit, e të jetë e fshehur në rrasë guri, ose në qiej apo në tokë, Allahu do ta sjellë atë, se Allahu është i butë dhe hollësisht i informuar.
O djali im, fale namazin, urdhëro për punë të mira, e ndalo nga të këqijat, përballo me durim çdo gjë që të godet, vërtet, këto janë nga çështjet më të preferuara.
Dhe mos shtrembëro fytyrën tënde prej njerëzve, mos ec nëpër tokë kryelartë, se Allahu nuk e do asnjë mendjemadh e që shumë lavdërohet.
Të jesh i matur në ecjen tënde, ule zërin tënd, se zëri më i egër është zëri i gomarit." (Lukman 12/19)

-Djali im, kalova pranë shumë Pejgamberëve dhe përfitova prej tyre tetë urtësi:

*Kur të jesh në namaz, ruaje zemrën tënde.
*Kur të jesh në tubime me njerëz, ruaje gjuhen tënde.
*Kur të jesh në shtëpitë e tyre, ruaje shikimin tënd.
*Kur të jesh në ushqim, ruaje stomakun tënd.

Dy gjëra mos i përmend kurrë:
Të keqen që ta bën dikush dhe të mirën që ia bën dikujt.
Dy gjëra mos i harro kurrë:
Allahun dhe shtëpinë e përhershme (ahiretin).

-Djali im, kam bartur gur dhe hekur, mirëpo nuk kam gjetur asgjë më të rëndë se borxhi. I shijova te gjitha mirësitë e nuk shijova asgjë më të mirë se shëndeti. I shijova te gjitha të hidhurat e nuk shijova asgjë më të hidhur se nevoja ime për njerëzit.

-Djali im, me të vërtetë prindërit janë derë prej dyerve të xhenetit, nëse ata janë të kënaqur me ty, vazhdo për në xhenet, e nëse janë të hidhëruar, të është bërë perde (pengesë) për në xhenet.

-Djali im, mos rri me njerëz të prishur dhe mos u shoqëro me ta. Frikësohu se po i godet dënim nga qielli e të përfshin edhe ty.

-Djali im, rri me njerëz të dijshëm dhe shoqërohu me ta, ndoshta zbret mbi ta mëshirë e të përfshin edhe ty.

-Djali im, shite dynjanë për ahiretin, do i fitosh të dyja, e mos shit ahiretin për dynjanë, se do i humbësh të dyja.

-Djali im, mësoje gjuhën tënde që vazhdimisht të thotë "O ALLAH MË FAL MUA!"sepse është një çast në të cilin Allahu nuk e refuzon duanë.

-Djali im, tek ti të ushqehen të devotshmit, ndërsa në të gjitha çështjet konsultohu me dijetarët.

-Djali im, mos u sill but me injorantin, që të mendojë se je i kënaqur me punën e tij, dhe kujdes nga neveritja e të mençurit, se do të kthehet ty (neveritja).

-Djali im, bëhu shërbëtor i të mirëve e mos u bëj i dashur i të këqijve.

-Djali im, ik (largohu) nga armiku dhe kujdes se me kë po shoqërohesh dhe mos iu qas asaj që nuk të intereson.

-Djali im, shkon në mësimet dhe tubime me dijetarët, se me të vërtetë Allahu i Madhëruar i ngjall zemrat me dritën e urtësisë sikurse e ngjall tokën me shi të furishëm.

-Djali im, shenjat e ziliqarit janë tri: e përgojon shokun në mosprani, kur dëshmon, bën lajka, gëzohet me fatkeqësinë e tjetrit.

-Djali im, bëhu i pasur, do të jesh besnik.

-Djali im, dynjaja (jeta në këtë botë) është kalimtare, prandaj kalo nëpër të e mos u mashtro pas saj (ndërtimit në të).

-Djali im, vërtet dynjanë e ke lënë mbrapa që kur ke ardhur në të, ndërsa ahiretin e ke para, prandaj shtëpinë së cilës çdo moment i afrohesh e ke më afër se shtëpinë që çdo moment i largohesh.

-Djali im, nëse dëshiron të zësh shok ndonjërin, së pari hidhëroje, nëse tregohet i drejtë në ato momente, shoqërohu me të, përndryshe largohu nga ai.

-Djali im, fjala e mirë dhe buzëqeshja jote janë më të dashura te njerëzit sesa ndihma materiale.

-Djali im, shokun vëre në atë pozitë sikur nuk ka nevojë fare për ty, ndërsa ti për atë çdoherë ke nevojë.

-Djali im, mos dëshiro që njerëzit të të lëvdojnë, as mos u jep shkas që të të fyejnë, ti çdoherë lodhu (përpiqu që t’i ndihmosh), ndërsa të tjerët të jenë nga ti të qetë.

-Djali im, kujdes çfarë del nga goja jote, sepse kush hesht, shpëton, prandaj duhet të flasësh vetëm atë që të bën dobi.

-Djali im, le të jetë nënshtrimi ndaj Allahut tregtia jote, do fitosh pa harxhuar mall fare.

-Djali im, ki frikë Allahun e mos u shtir si i devotshëm me qëllim që të të nderojnë njerëzit, kurse zemrën e ke të prishur.

-Djali im, largoju së keqes (sherrit), se me të vërtetë e keqja për të keqen është krijuar.

-Djali im, mos u bëj më i paaftë se gjeli, i cili këndon para mëngjesit, ndërsa ti je në gjumë.

-Djali im, kush i do debatet (polemikat), fyhet; kush hyn në vende të këqija, akuzohet, e kush shoqërohet me njerëz të këqij, nuk shpëton dhe kush nuk e ruan gjuhën e tij, pendohet.

-Djali im, mos e humb pasurinë tënde e ta rregullosh pasurinë e huaj, se vërtet pasuria jote është ajo që e ke dhënë, ndërsa pasuria që ke lënë është e huaja.

-Djali im, nuk ka asgjë më të mirë sesa gjuha dhe zemra nëse pendohen dhe nuk ka asgjë më të keqe sesa gjuha dhe zemra nëse prishen.


Hasim Krasniqi
26.10.2008

[titi-a]

Kalifi i varfër


Në kohën e Omer bin Abdulazizit zekati tubohej në arkën e shtetit islam që të shpërndahej te të varfrit dhe të mjerët. Por gjatë udhëheqjes së tij nuk pati nevojtarë për të marrë zekatin, kështu që me këto para u liruan robërit. Edhe pse shteti ishte i pasur, kalifi Omer ishte i varfër dhe në shtratin e vdekjes anëtarët e familjes së tij nuk kishin me se t’ia ndërronin veshjen me një veshje tjetër. E pyetën: “O kalif, çfarë pasurie po u lë fëmijëve të tu?” U përgjigj: “Atyre u lë suren (kaptinën) Vakia.”

Të nderuar lexues! Lexoni suren Vakia1:

1. Kur të ndodhë Ngjarja (Kiameti),
2. ardhjen e saj askush nuk do ta mohojë.
3. Disa do t’i ulë e disa do t’i lartësojë.
4. Kur Toka të dridhet fuqishëm,
5. malet të thërrmohen copë-copë
6. e të shndërrohen në pluhur të shpërndarë,
7. ju, (o njerëz) do të ndaheni në tri grupe:
8. njerëzit e së djathtës sa të nderuar do të jenë fatlumët!
9. njerëzit e së majtës sa të poshtëruar do të jenë fatkeqët!
10. dhe ata që kanë prirë (në besim) e që do të prijnë (edhe në Xhenet).
11. Ata janë të afërtit (tek Allahu),
12. në kopshtet e kënaqësisë.
13. Shumica e tyre janë prej të lashtëve,
14. ndërsa një pakicë prej brezave të mëvonshëm.
15. Ata do të qëndrojnë në divane të stolisura me ar e gurë të çmuar,
16. të mbështetur në to përballë njëri-tjetrit.
17. Do t’u sillen rreth (për shërbim) djelmosha përherë të rinj,
18. me kupa, ibrikë dhe gota me pije të kulluar, që rrjedh
19. e prej së cilës nuk do t’u dhembë koka dhe nuk do t’u humbë mendja,
20. e me fruta të cilat do t’i zgjedhin vetë
21. dhe mish shpendësh që ua ka ënda.
22. Për ata ka edhe hyrie symëdha,
23. të ngjashme me margaritarët e ruajtur,
24. si shpërblim për atë që kanë punuar.
25. Aty nuk do të dëgjojnë biseda të kota, as fjalë gjynahesh,
26. por vetëm fjalët “Paqe, paqe”!
27. E njerëzit e së djathtës – sa të nderuar që janë fatlumët!
28. Ata do të qëndrojnë në mes të lotusve pa gjemba
29. dhe bananeve të mbushura me fruta,
30. nën hije të gjera,
31. pranë një uji rrjedhës,
32. dhe mes frutave të llojllojshme,
33. të cilat kurrë nuk sosen, as nuk janë të ndaluara;
34. dhe në shtroje të ngritura (ku i presin hyrijet),
35. të cilat Ne i kemi krijuar në një formë të veçantë (jo të lindura),
36. dhe i kemi bërë ato virgjëresha,
37. të dashura për bashkëshortët e tyre dhe moshatare me ta,
38. për njerëzit e së djathtës.
39. Janë shumë nga të lashtët
40. e shumë edhe nga të mëvonshmit.
41. Po njerëzit e së majtës – sa të poshtëruar janë fatkeqët!
42. Ata do të jenë në afshin përcëllues të zjarrit dhe ujit të valuar
43. dhe nën hijen e një tymi të zi,
44. e cila nuk do të jetë as e freskët e as e këndshme.
45. Ata, para kësaj, jetonin në luks
46. dhe në vazhdimësi bënin gjynahe të rënda349,
47. duke thënë: “Vallë, pasi të vdesim e të bëhemi pluhur e eshtra, vërtet do të ringjallemi?!
48. Vallë, edhe të parët tanë të lashtë?!”
49. Thuaju (o Muhamed): “Me siguri, edhe të parët, edhe të mbramët,
50. do të tubohen në një ditë të caktuar.
51. Dhe atëherë ju, o jobesimtarë të humbur,
52. me siguri që do të hani nga pema e zekumit,
53. me të cilën do të mbushni barkun.
54. Pastaj do të pini ujë të valuar,
55. madje do të pini ashtu siç pi deveja e etshme”.
56. Kështu do të jetë gostia e tyre në Ditën e Llogarisë!
57. Ne ju krijuam – e pse nuk e pranoni të vërtetën?
58. A e keni parë farën që e hidhni?
59. A jeni ju që e krijoni atë apo jemi Ne krijuesit e saj?
60. Ne e caktojmë vdekjen tuaj dhe askush nuk mund të na pengojë
61. që t’jua ndryshojmë trajtën dhe t’ju rikrijojmë ashtu si nuk e dini (në Ditën e Ringjalljes).
62. Sigurisht, ju e dini krijimin e parë (prej një pike fare), atëherë përse nuk mendoni?!
63. A shihni atë që mbillni?
64. Vallë, ju e bëni atë që të mbijë apo jemi Ne rritësit e saj?
65. Nëse duam, Ne e lëmë fyçkë dhe ju do të çuditeni
66. (e do të thoni): “Ne jemi të dëmtuar,
67. madje jemi krejt të privuar (nga furnizimi)!”
68. A e shihni ujin që pini?
69. Vallë, ju e zbrisni atë prej reve apo Ne e zbresim?
70. Nëse duam, Ne e bëjmë atë të njelmët, andaj përse nuk jeni mirënjohës?!
71. A e shihni zjarrin që e ndizni?
72. Vallë, ju i keni bërë drutë për të apo Ne i kemi bërë?!
73. Ne e kemi bërë atë përkujtues (të zjarrit të Xhehenemit) dhe, që t’u sjellë dobi nevojtarëve,
74. prandaj lavdëroje emrin e Zotit tënd të Madhërishëm!
75. Betohem në çastin e perëndimit të yjeve,
76. e ky është betim i madh, veç sikur ta dinit -
77. se ky është vërtet një Kuran i nderuar,
78. në Librin e ruajtur.
79. Atë (Kuranin) e prekin vetëm të pastrit,
80. Ai është Shpallje prej Zotit të botëve.
81. Vallë, një Fjalë të tillë ju e mohoni
82. dhe e bëni detyrën tuaj (të përditshme) ta përgënjeshtroni?!
83. Atëherë, përse kur (dikujt) i vjen (shpirti) në grykë
84. para syve tuaj,
85. ndërkohë që Ne jemi më afër atij se ju, por ju nuk e vini re-
86. përse pra, nëse nuk do të gjykoheni (në jetën e përtejme),
87. ju nuk ia ktheni shpirtin atij? Përgjigjuni kësaj, nëse thoni të vërtetën!
88. Kështu, nëse ai (në agoni) është nga ata që janë të afërt (me Allahun),
89. do të ketë prehje, kënaqësi dhe dhunti të Xhenetit.
90. E, nëse është nga njerëzit e së djathtës,
91. (ai do të përshëndetet) “Paqe për ty” nga njerëzit e së djathtës.
92. Por, nëse (ai në agoni) është nga përgënjeshtruesit e humbur,
93. ai do të gostitet me ujë të valuar
94. dhe do të përcëllohet në Zjarrin e flakëruar (të Xhehenemit).
95. Pa dyshim, kjo është e Vërteta e sigurt.
96. Andaj lavdëroje emrin e Zotit tënd të Madhërishëm!


Përgatiti: Ulvi Fejzullahu
25.7.2008
www.klubikulturor.com

[titi-a]

Fjalë dhe porosi


Ka thënë Jahja ibn Muadhi, Allahu e mëshiroftë: “Kërkimi i së mirës është i vështirë, ndërsa lënia e së keqes është më e vështirë, sepse çdo të mirë nuk ke nevojë ta marrësh, kurse çdo të keqe duhet ta lësh.”

Thuhet: Të durosh për të mbajtur të fshehtën është më lehtë sesa të pendohesh që e ke zbuluar.

Thuhet: Dijetarët janë më modestë se të tjerët, sikurse uji që qëndron më shumë në vendin më të ulët.

Porosia është dy llojesh: Porosi e të gjallëve për të gjallët- ajo është edukata e mirë, të urdhërosh për të mirë dhe të ndalosh nga e keqja, mos të pasosh epshin dhe të veprosh punë të mira. Porosia e dytë është porosia e të vdekurve për të gjallët para se të vdesin, e këtu obligohen ta kryejnë amanetin, sikurse është lënia e borxhit që duhet të kthehet.

Ka thënë Hakimi: “Për të pasur sukses duhet ta ruash përvojën.”

Kanë thënë: “Kush fillon nga vetja e tij, do të arrijë politikën e njerëzve.”

I është thënë një mbreti që po i mbaronte mbretërimi: “Për çfarë je penduar më së shumti?” Tha: “Punën e sotme që e kam lënë për nesër dhe duke pranuar arsyet, më ka humbur koha kot.”

Disa njerëz i kanë porositur bijtë e tyre duke u thënë: Përmirësoni gjuhët tuaja, se njeriut i mungon ndonjëherë diçka e ai mund ta huazojë nga shoku i tij, p.sh, rrobat, transportin. Mirëpo kush ta huazon gjuhën?

Një njeri tha: “Bëhu ambicioz i diturisë, falës fisnik i shoqërisë, rob falënderues i Perëndisë, i dëgjueshëm në kohë të pleqërisë.”



Përktheu: Eroll Rexhepi
15.8.2008
www.klubikulturor.com

[titi-a]

Dobitë e ajetul-kursisë


اللّهُ لاَ إِلَـهَ إِلاَّ هُوَ الْحَيُّ الْقَيُّومُ لاَ تَأْخُذُهُ سِنَةٌ وَلاَ نَوْمٌ لَّهُ مَا فِي السَّمَاوَاتِ وَمَا فِي الأَرْضِ مَن ذَا الَّذِي يَشْفَعُ عِنْدَهُ إِلاَّ بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلاَ يُحِيطُونَ بِشَيْءٍ مِّنْ عِلْمِهِ إِلاَّ بِمَا شَاء وَسِعَ كُرْسِيُّهُ السَّمَاوَاتِ وَالأَرْضَ وَلاَ يَؤُودُهُ حِفْظُهُمَا وَهُوَ الْعَلِيُّ الْعَظِيمُ .

“Allahu! Nuk ka zot tjetër (që meriton adhurimin) përveç Tij, të Gjallit, të Përjetshmit, Mbajtësit të gjithçkaje! Atë nuk e kaplon as dremitja, as gjumi! Atij i përket gjithçka që gjendet në qiej dhe gjithçka që gjendet në Tokë. Kush mund të ndërhyjë tek Ai për ndokënd pa lejen e Tij? Ai di çdo gjë që ka ndodhur përpara dhe çdo gjë që do të ndodhë pas njerëzve, kurse ata nuk mund të përvetësojnë asgjë nga Dituria e Tij, përveçse aq sa Ai dëshiron. Kursija e Tij shtrihet mbi qiejt dhe Tokën dhe Ai nuk e ka të rëndë t’i ruajë ato. Ai është i Larti, Madhështori!” (Bekare, 255)

Dobitë e ajetul-kursisë

- Pohimi i njësimit të Allahut në adhurim (teuhidul-uluhuje).
- Emri Allah është njëri ndër emrat e mëdhenj të Zotit dhe të gjithë emrat e tjerë i referohen emrit Allah.
- Me të drejtë për t’u adhuruar është vetëm Allahu i Lartësuar.
- Pohimi dhe shënimi i emrit të Allahut “El-Hajj”, i Gjallë e i Përjetshëm.
- Pohimi i emrit të Allahut “El-Kajjun”, Mbajtësi (Mbizotëruesi i gjithçkaje).
- Njeriu për çdo çështje duhet t’i kthehet Krijuesit të tij.
- Allahun nuk e kap dremitja dhe gjumi, pa dyshim që këto janë cilësi të mangëta me të cilat Allahu nuk cilësohet.
- Sundimi i Allahut është gjithëpërfshirës, Atij i përket gjithçka që ka krijuar.
- Njerëzit janë të varfër dhe kanë nevojë për Allahun e Lartësuar.
- Allahu pranon ndërmjetësimin dhe kjo ndodh vetëm me lejen e Tij.
- Dituria e Allahut është gjithëpërfshirëse dhe njeriu mund të dijë vetëm pak, sa ia bën të mundur vetëm Zoti.
- Kursija e Allahut është krijim madhështor i Tij dhe është më e gjerë se qiejt dhe Toka.
- Kujdesi i Allahut për qiejt dhe tokën nuk është i vështirë për Të, Ai është i Gjithëfuqishëm.



Përktheu: Ulvi Fejzullahu
12.7.2008
www.klubikulturor.com

[Fatrii]

Koha eshte si Shpata, Po nuk e coptove ti ate, ajo te copton ty !!

Kjo bote eshte vend per te punuar, shperblimin per veprat(punet) e ksaj bote e merr ne Boten tjeter(Ahiret) Xhenet ose xhehenem !!

Duaj sa te duash, nje dite do te ndahesh
Jeto sa te duash, nje dite do te vdesesh
vepro si te duash, nje dite do japesh llogari