Maqedonia reagon ashpër ndaj brohoritjeve nacionaliste greke

[titi-a]

Maqedonia reagon ashpër ndaj brohoritjeve nacionaliste greke
Ministria e Jashtme e Maqedonisë (MPJ) reagon ashpër dhe i dënon brohoritjet nacionaliste dhe shoveniste kundër Maqedonisë.
E enjte, 30 Tetor 2008 14:21

Ministria e Jashtme e Maqedonisë (MPJ) reagon ashpër dhe i dënon brohoritjet nacionaliste dhe shoveniste kundër Maqedonisë, gjatë paradës ushtarake para dy ditëve në Selanik, deklaroi sot zëvendës ministri i i punëve të jashtme, Zoran Petrov.

Për MPJ-në, demonstrimi i till i forcës dhe armiqësisë ndaj Maqedonisë, është në kundërshtim direkt me deklarimet dhe angazhimet e kreut shtetëror grek për fqnijësi të mirë dhe qasje konstruktive për zgjidhjen e çështjeve të hapura mes dy shteteve dhe rajonit.

"Edhe më shumë, nacionalizmi dhe shovenizmi i hapur i shprehur në një manifestim zyrtar, aspak nuk i përngjanë një shtetit anëtare e NATO-s dhe Bashkimit Evropian, e cila veten e quan promotore të demokracisë në rajon", tha Petrov.

Ai paralajëmëroi se MPJ për këtë akt do ti njoftojë të gjitha institucionet ndërkombëtare relevante.

Brohoritjet si "Maqedonia është greke" dhe "Në damarët e maqedonasve rrjedhë gjak grek, nuk do t`ia japim Shkupit këtë emër", u shqiptuan nga komandot grekë në parakalimin ushtarak në kremtimin qendror të Festës kombëtare greke, 28 tetori, në Selanik. /ina/