Kryetari i minibashkisë nr. 3 të Tiranës, vuan pasojat e largimit nga PS te PS ‘91

[white-knight]

Konsumimi i hakmarrjes politike të Edi Ramës ndaj Ilir Kokonës

Katër ditë më parë, kryetari i njësisë bashkiake nr. 3 në Tiranë, Ilir Kokona, u gjend i rrethuar në banesën e tij nga forcat e Policisë Bashkiake të Tiranës dhe Ndërtimores, me pretendimin se banesa e tij aktuale ishte një ndërtim pa leje dhe se për këtë duhet shembur edhe pse ndërtesa ashtu si shumë në proces legalizimi shprehet se më parë ishte kërcënuar nga Edi Rama.
Vetë Kokona deklaroi se ky akt ka pasur prapavija të qarta politike për shkak se vjen vetëm pak kohë pas largimit të tij nga Partia Socialiste e drejtuar nga Edi Rama, duke iu bashkuar projektit të ri të nanoistëve pagëzuar me emrin PS ’91.
Kreu i njësisë bashkiake nr. 3, është njoftuar fillimisht me telefon rreth orës 14.00 të ditës së diel nga i ati i tij, Muharrem Kokona se disa fugonat të policisë bashkiake kishin rrethuar godinën. Kur Kokona i ka kërkuar një dokument zyrtar se ku bazohej aksion i prishjes së shtëpisë së tij, ata iu përgjigjën: nuk kemi asnjë shkresë dhe nuk të japim llogari ty.
Tentativat e tij për të kontaktuar në telefon me Ramën kanë qenë të kota ndërsa, fugonat e Policisë Bashkiake kanë pasur nën rrethim ndërtesën deri mëngjesin e ditës së hënë. Madje Kokona është shprehur gjithashtu se ditën që zyrtarisht u shkëput nga PS-ja, ka takuar kryesocialistin Rama që e ka kërcënuar hapur këtë lëvizje.
“Pasi më dëgjoi të gjitha arsyet pse unë largohesha nga PS-ja, më tha, ‘Mendohu mirë!’ ‘Jam menduar i thashë’. ‘Do pendohesh, do kesh pasoja, do të shkatërroj!’, më tha. Në ato momente ai ishte shpërfytyruar, ndërsa unë nuk ia mora shumë për bazë këtë kërcënim. Më pas ca miqtë e tij, që ai i mban si Man Kukaleshi nëpër bashki, erdhën më takuan dhe më bënë presione që unë të tërhiqesha, duke më kujtuar familjen, fëmijët etj. Edhe këta nuk i mora për bazë. Pastaj ndodhi kjo që ishte një akt fashist”, deklaroi Kokona pas këtij incidenti.
Në bazë të dokumenteve që disponon familja Kokon, ndërtesa trekatëshe është hipotekuar që në vitin 2000. Sipas vërtetimit hipotekor, kjo pasuri e ndodhur në zonën kadastrale 8140 mban numrin 3/279.

Gazeta 55

[beni67]

Pse cuditeni? Iliri eshte armik i partise dhe i popullit dhe duhet denuar. Poshte armiqte e partise rrofte kryetari Rama........

[BlueBaron]

... U bo gangsterr Ed Sumshklymi ...

[Brari]

asnje fjale .. gazeta shqiptare e bollinos.. top chanelli i rudines.. se nexhit .. new24 tra e alb malltez edvinos.. koha e dukes dhe bobpapes.. etj per incidentin edvin-kokona..

te kish pas kokona prabllem me berishen.. pra sikur nje polic .. e jo dhjetra ti kish cuar kokones.. ishte shkullur njuz24 e topochanua e vizion plusua e kishin gdhire aty e te nesermen me germa sa nje tulle ne gazeta do thuhej.. SKANDALI i..ethjetj..

mirpo nga qe me kokonen eshte krruajturpadrinua i tyre keta heshten..
sa te pamvarur jane mor aman..

nejse..

ja cthote

rd-ja

--

Ky ishte "modeli" juaj, zoti Petro


Bledi KASMI


Paralajmërimi i Kryetarit të PS dhe Bashkisë së Tiranës për të prishur dy kate të shtëpisë së kryetarit të Njësisë Bashkiake Nr. 3 në Tiranë, Kokona, ka sjellë një reagim në bllok të partive rivale të Ramës brenda së majtës. Thuajse me një zë, ato e kanë denoncuar këtë sjellje të Ramës si një kërcënim për demokracinë, duke i kujtuar atij se po përdor pushtetin për të bllokuar lëvizjet brenda së majtës, ndërsa vendimi është një hakmarrje e pastër e kreut të PS ndaj drejtuesit të minibashkisë, i cili la partinë e Ramës për t'iu bashkur PS'91.

Divergjencat brenda së majtës janë çështje që duhen zgjidhur brenda këtij gardhi, por për sa kohë ato janë pjesë e këtij spektri politik, natyrisht që nuk mund të mbeten pa jehonë edhe jashtë tij. Ato meritojnë një analizë të ftohtë dhe të gjatë të marrëdhënieve mes krerëve të së majtës, për të parë nëse ato janë thelbësore dhe parimore apo kanë në qendër të tyre interesat e një partiaku që gati sa nuk qante kur Rama i dërgoi ruspat dhe tha me gojën plot se ky "kryetar PS-je është një pervers". Beteja brenda llojit tek e majta ka vite që ka nisur, por trajtat që ajo po merr tani janë vërtet shqetësuese.

Në letrën që drejtuesi i PS'91 i drejton Ramës vihet re se shqetësimi i Koçit përqëndrohet vetëm tek rasti në fjalë, atë të kërcënimit të Kokonës, duke injoruar fenomenin politik që përfaqëson në vetvete ai reagim i kryebashkiakut, dhe duke lënë të kuptohet se pala e kërcënuar mund të jetë e gatshme të ulë kokën dhe të bëjë edhe një kompromis, mjaft që dy katet e shtëpisë së Kokonës të mos prishen.

Shpesh kundërshtarët e Ramës brenda së majtës reagojnë sa herë u hyn ndonjë gjemb në këmbë, ose sa herë që atyre u preken interesat personale, si në rastin në fjalë, duke e zbehur kritikën e tyre dhe duke e zhveshur atë nga çdo lloj kredibiliteti. Kryetari i Njësisë Minibashkiake na qenka bindur vetëm tre ditë më parë, kur pa ruspat e Ramës në oborrin e shtëpisë, dhe deklaron se "Rama është një pervers". Përse ai nuk e kuptoi një gjë të tillë pak vite më parë kur Rama bënte fushatë për të, apo sepse atëherë ai u dërgonte ruspat qytetarëve të tjerë dhe jo kryetarit të Njësisë Bashkiake Nr. 3 ?

Epoka "mirëmëngjes interes" ka qenë boshti i marrëdhënieve mes të majtës. Këtë e kanë kuptuar të gjithë drejtuesit e PS dhe qeverisjes së saj dhe Rama nuk mund të mbetej jashtë saj. Ky thjesht e ka perfeksionuar duke e pasuruar me instrumenta abuzive të pushtetit të tij. Ai po drejton një mekanizëm, të cilin e gjeti të gatshëm. Nën këtë postulat që gjeneron deformime politike janë korruptuar qeveritarë dhe zyrtarë, janë blerë vota dhe manipuluar zgjedhje dhe ta kujtosh tani si një problem pa u përpjekur të japësh alternativë, mbetet që qytetarët e këtij vendi t'u thonë se është një problem i moralit të së majtës.

Rama, në ato pak vite që vegjetoi në PS arriti të kuptojë mjaft mirë mekanizmin se si funksiononte partia e Petros, Nanos dhe Ilirit, si ngjisnin shkallët e karrierës, si i ushqenin mbështetësit e tyre, si krijohej klientela me biznesin, si bliheshin votat, cili ishte mekanizmi me të cilin viheshin në rresht mediat etj. Rama nuk i mësoi këto trotuareve të Francës, zoti Petro. Ja mësuat ju që e morët prej andej ashtu si e morët, dhe tani nga një nxënës kokëulur që vetëm mësonte, ju është kthyer në një lloj tutori.

Të gjithë këtë praktikë të mësuar prej jush, ai po e vë në funksionim kundër jush. Dhe ju ulërisni se e konsideroni padrejtësi. Ai kupton se gjithçka e ngritur në atë parti bazohej mbi një mekanizëm korrupsioni dhe ai jo vetëm vegjetoi me këtë mekanizëm, por arriti ta perfeksionojë atë dhe ta ngrejë në sistem, duke e përdorur atë kundër jush në rradhë të parë.

Ai iu joshi ju dhe iu mbylli gojën atëhere kur ju duhet të ulërisnit me të madhe për shkeljet dhe abuzimet me pushtetin, sepse iu pëlqyen "karamelet' e tij. Në fillim duke iu dhuruar apartamente të bukura. Pastaj iu joshi me çmim më të lartë, duke iu dhuruar leje ndërtimi, dhe kur ju kërkuat më tepër, tani, po iu dërgon ruspat dhe policinë bashkiake. Ky është vetëm fillimi, sepse nesër, pasnesër të jeni të sigurtë, se do t'u dërgojë edhe në qelitë e burgut, nëse do ta ketë këtë mundësi. Ju, jo se e meritoni këtë, por nuk keni arritur ende të kuptoni se e keqja është produkti juaj.

Kryetarin historik tuajin, nga pensioni politik i votës së 3 korrikut e ka degdisur në ekzil politik. Ai që pretendonte se do të ishte pasuesi i Nanos, Ilir Meta, përpëlitet sot si mos më keq, për të siguruar mbijetesën politike me politika të dyzuara, ku dhe ai nuk e ka të qartë linjën zyrtare të partisë që drejton. Të tjerët, që dikur ishin krenaria e partisë tuaj, kanë humbur, janë tretur si kripa në ujë, ose të tjerë më me fat po presin mbarimin e këtij mandati parlamentar për të dalë në pension politik, megjithëse, ende të gjorët besojnë se Rama do të vazhdojë të mos i konvertojë ata në emrat Erion, Anjezë, Dylber etj.

Nëse lexon letrën e Petros, të vjen keq që sheh tek ajo një qaraman që nuk është i gatshëm të përballet me të keqen e tij, por e kërkon atë tek të tjerët. Petro thotë se Rama qenka model i Berishës, në një kohë që askush më mirë se Petro nuk e di se ai është një produkt i klasës së tij politike. A nuk ju kujtohet, zoti Petro, kur dilnit dhe thonit më të madhe në konferenca shtypi, në takime elektorale, apo në debate televizive se ky ishte "modeli" juaj jo vetëm për Tiranën, por për të gjithë Shqipërinë. Epo ta gëzoni modelin tuaj, zoti Petro. Ja shitët shqiptarëve sapunin për djathë dhe tani nuk shfaqni as pendesë për këtë, por gjeni kurajon të na jepni sërish leksione të vonuara që opozita e atëhershme ua lexonte ju për çdo ditë. Ky Ramë që është sot ishte dhe atëhere, por atëherë ju interesonte, se mendonit se mund ta përdornit në funksion të pushtetit tuaj, ndërsa tani që ai po ju përdor ju në funksion të pushtetit të tij, ju protestoni.

A nuk ishte opozita e atëhershme që ju paralajmëroi për rrezikun që sillte "modeli" juaj? Dhe ju jo vetëm e mbrojtët, por edhe e përjashtuat atë nga të gjitha përgjegjësitë ligjore të abuzimit me pushtetin. Si mendoni, se mund të jeni të besueshëm tani të dilni dhe të derdhni lot krokodili, vetëm se Rama po prishka dy kate të shtëpisë së Kokonës, në një kohë që dëmi që i keni shkaktuar këtij kryeqyteti dhe demokracisë në tërësi, duke promovuar një figurë të tillë politike, është i pariparueshëm.

Ju nuk arrini të kuptoni se nuk mund të jeni të besueshëm për qytetarët e Tiranës kur dilni dhe mbroni një kryetar minibashkie që tre vjet më parë, bashkë më vartësit e tij të armatosur, vrau Learton Vathin, një nga qytetarët e kësaj Tirane, vetëm sepse ai guxoi dhe ndali vjedhjen e votës në zonën ku kandidonte njeriu i Ramës dhe Nanos? Ju heshtni për të gjitha padrejtësitë që i janë bërë Tiranës, heshtni për betonizimin, heshtni për shtëpitë e shkatërruara pa u kompensuar, heshtni për shpërdorimin e fondeve të taksapaguesve dhe dëgjoheni duke bërtitur vetëm për të drejtat e anëtarit tuaj të kryesisë që po ju prishkan dy kate banese. Nuk e kuptoni se po bëheni qesharak nga paniku që ju ka pushtuar se çfarë mund t'u presë nga pjella juaj?

Ju edhe sot e kësaj dite vazhdoni të shtireni, me sjellje hipokrite të pështira, sepse thoni se ndaheni nga Rama, por jo nga "modeli" i tij. Ndarja nga modeli Rama bëhet së pari duke u kërkuar ndjesë qytetarëve të këtij vendi për promovimin prej sërës tuaj të kësaj figure politike, duke u kërkuar ndjesë për mbështetjen që i keni dhënë atij, dhe nëse jeni të lirë, të denonconi politikat e tij të abuzimit me pushtetin apo të bllokimit të reformave të integrimit. Rama kërkoi ndjesë para shqiptarëve për qeverisjen e Fatosit, Ilirit dhe tuajën, ndërsa ju keni ende komplekse për ta bërë këtë, sepse ndjeheni të frustuar. E majta e këtij vendi iu besoi njëherë kur ju i paraqitët Ramën si model dhe ju i gënjyet ata. Jepini një arsye se përse duhet t'u besojnë tani, dhe kjo nis nga ndjesa për "modelin" që deri dje e konsideronit tuajin.

Letrat e hapura janë një praktikë e dalë boje. Kritika institucionalizohet në ato salla ku prodhohet dhe nga eksportohet politikë, dhe ky vend është Kuvendi, por ju atje rrini si "pula të lagura" duke dëshmuar se jeni të pasigurtë tek forca juaj. Dhe kur nuk bindni dot as veten tuaj, atëhere është më mirë të heshtni dhe të mos ndërtoni pa leje.





Oferta e Ramës është pasiguria

Basir Çollaku

Rama e përdor pushtetin edhe kur nuk e ka, për të përfituar, mbajtur me çdo kusht atë që e mendon se është vetëm e tij. Nuk është se Edi Rama ka dëshirë të vetme të kontrollojë mediat dhe ne tani duhet të shqyejmë sytë nga habia çfarë është kjo gjëmë, sepse ky realisht është një lajm i vjetër, që po merr veshje të re. Reagimet më fort dalin kur kurrizet e interesave janë përballë njëri-tjetrit dhe kryetari i Partisë Socialiste, një njohës i mirë i mediave, është në krizë besimi. Është lehtësisht e provueshme se tensioni, presioni që ai ushtron aty ku nuk mirëpritet më kohë të plotë të dëshirueshme prej tij është i formave e surprizave nga më të ndryshmet. Matematikisht, duke rënë dakord dhe me natyrën e medias që duhet të jetë opozitare me qeverinë, për mundësitë korrigjuese edhe të transparencës së shkeljeve apo abuzimeve, Rama ia ka dalë që ta mundë mazhorancën në këtë drejtim.

Pra, ai plotësisht me miqësi financiare ka mundur të bëjë dakord ekrane dhe gazeta se ka të drejtë në shumë raste, ka prodhuar ngjarje boshe, që janë rrëzuar në pak ditë, ka përpunuar opinion, i cili në pikën më të pafavorshme kur kalendari ofron zgjedhjet parlamentare i është kthyer kundër dhe rrezikon ta zërë brenda ngrehinës së pashëndetshme që vetë ka ndërtuar.

E nisi sulmin me rastin "Nano" që menjëherë pas servilizmit të dhuratave me lule, i rrëmbeu vendin për t'i marrë çdo hapësirë. Më pas, ranë dhe po bien të tjerë emra realisht potenciale në PS, por që përfaqësonin grupime të dukshme jo të afërt mes tyre që nga lloji i origjinës. Ben Blushi, pas shkëlqimit gjashtëmujor si një potencial rival, i la radhën përndjekjes së Petro Koçit, e më vonë zërat e vjetër nisën të meken, duke i lënë vend prurjeve nga Mjaft, 99, "Qemal Stafa", e të tjera shoqata që Rama i lindte brenda një ore, qoftë dhe me një mesazh. Nuk janë më Namik Dokle, Pandeli Majko, Arben Malaj etj., më të rrallë, që dalin të thonë në seli diçka si përfaqësues të partisë, deputetë të së cilës janë. Tani, në mënyrë të përsëritur idetë dhe ngjarjet që ka në axhendë Rama i teston nëpërmjet Erionit të shoqatës, duke përgatitur që së shpejti të fusë në lojë dhe Gonxhen, si aleat dhe arkiv ngjarjesh të përbashkëta, që në fakt do ta këtë surprizë të afërt. Në këtë prag zgjedhjesh, ai ka bërë më të rëndësishëm te të majtët përfaqësuesin e "Mjaft", se Grupin parlamentar, duke mbjellë pasiguri dhe paliri brenda partisë që drejton.

Pasi ka bashkëpunuar jo pak në mënyra dhe forma të shumëllojta me krerët socialistë të minibashkive, krisja në qendër nuk mundi dot të arnohej në bazë. E kështu, telashet elektorale janë prezente në PS dhe në kampin opozitar. Fraksioni më i fundit nuk është fort i frikshëm për Ramën në numër, sa për atë që përfaqëson në imazh, ku kryetari i Partisë është krijuesi i ndarjes dhe përçarjes, pikërisht i prishjes së atij uniteti që komunistët e konvertuar e kishin shenjtërim të përmbajtjes së tyre. Tashmë, ai ka nisur lançimin jo fort të ngadaltë të emrave që mendon se do të jenë kurora politike e përfaqësimit në formatin e ri që pritet të ndodhë qershorin e ardhshëm, duke i mbajtur të gjithë nën dhunën e tij.

Në kuadër të gjetjeve si ajo përtej së majtës, që realisht ndodhi me firmosjen nga Bush të Protokollit të NATO, Rama nuk u gjet në kohë detyrimisht përshëndetjeje dhe vlerësoi më shumë t'i rikthehej misrit pa kokrra, duke menduar se do të merrte më shumë bereqet nga kjo ide. Kryesocialisti gjendet ngushtë në alternativa dhe tensionon partinë e politikën vetëm në raste vdekjesh, fatkeqësish, normale për bursën politike, por jo për tregun e ideve. E kështu nuk mund të thuhet se, lideri pretendent për të garuar në zgjedhjet e 2009 për një vend kryeministri, mendon se është koha për të vrarë. Nëse nuk ka momente dhune, atij i vështirësohet puna që të prodhojë kundërshti. E, pasi ka dështuar me fabrikimet ndaj mazhorancës, Rama nuk ka lënë kusur dhe ndaj të tijve. Janë tre minibashki të majta, të cilat i kanë ikur nga ndikimi dhe me njërën prej tyre, kryesocialisti ka gjetur kërcënimin si gjuhë komunikimi.

Ilir Kokona, kryetar i Minibashkisë nr. 3, ish-bashkëpunëtor shumë i afërt i Edi Ramës dhe socialist goxha jetëgjatë në pushtet, është tani objekti i dhunës së kryebashkiakut kryetar partie. Do ta pësosh shumë keq nga unë dhe, pas kësaj fjalie, te banesa e kryetarit të Minibashkisë mbërrin ndërtimorja për të shembur dy kate që dhe poseduesi i saj pranon se janë pa leje. Pra, Rama e ka ditur me kohë që kjo sipërfaqe banimi e pushtetarit të tij është jo me leje ndonëse është në proçes legalizimi, por duke përdorur transfertën e pushtetit e ka lejuar. Tani kur Kokona shpall largimin, Rama e kërcënon fizikisht me shembjen e shtëpisë si fillim dhe më pas duhet pritur përshkallëzimi. Ilir Kokona, ndonëse është kryetar i zgjedhur nga mijëra qytetarë në Tiranë, nuk ndjehet i sigurtë në shtëpinë e tij, nuk ndjehet i lirë në punën e tij, nuk ndjehet aspak në partinë e tij dhe kjo si pasojë e kontributit të Edi Ramës. Rama i ka ofruar sërish mundësi Kokonës të bëhej deputet, ashtu siç tha kryetari i Minibashkisë dje, duke dëshmuar qartë se mandatet i firmos sipas pazareve që ka në dorë vetë, duke sjellë para socialistëve modelin "Tokë e zënë" për atë pjesë të Parlamentit që pret të fitojë. Pas Trebickës, kjo është oferta e dytë që publikohet, që zbulon Ramën në aferat politike mes dhunës dhe kompromisit. Qartësia e këtij shembulli që vazhdon të ngjasë prej tre katër ditësh, flet për ofertën reale të Edi Ramës që është pasiguri dhe paliri, si shenja të mungesës së një alternative dhe pamundësie për të qenë përfaqësuesi i pranuar nga socialistët, pasi me pjesën tjetër të së majtës është ndarë prej kohësh. Tani që edhe socialistët përballen me dhunën, tregojnë edhe një rast se si Edi Rama e ka shkelur ligjin me të dy këmbët si kryebashkiak, për të mbijetuar si kryesocialist.

Ideja e pasigurisë dhe palirisë që mund të sjellë Rama, si lajmëtari i kanosjeve mediatike, ashtu si në raste të shumta, ka ndodhur të lërë vend për të dyshuar se duhet pasur kujdes. Maturi për të provuar nëse dëshira për pushtetmarrje, pas së cilës rend kryetari i Partisë Socialiste, është e dobishme për qytetarët, që t'i japin vetes mundësinë e marrjes së vendimit pa pendesën e korigjimit pas disa ditësh kur bëhet vonë. Ndaj, duhet këmbëngulur që të ketë transparencë se çfarë ka ndodhur e po ndodh në Bashkinë e Tiranës, ku lejet e ndërtimit po nxjerrin krye si ndere pa fund, që Rama tani pasi i ka firmosur, i përdor si raste të ushtrimit të dhunës. Kjo mënyrë të menduari dhe nxituari ka bërë që, kreu i PS të mungojë në përshëndetjen e të bërit të shqiptarëve qytetarë të NATO-s.

[BlueBaron]

Kokona, biznes me lejen e ndërtimit që i ishte dhënë për banesë


Nga Armand Maho, Gazeta TEMA

Ilir Kokona, kryetar i njësisë bashkiake numër katër, ka marrë një leje ndërtimi për një ndërtesë trekatëshe dhe e ka shndërruar në një godinë banimi me 5 kate. Pas një kontrolli të bërë nga inspektorati i bashkisë më datë 27 tetor, ka rezultuar se kryetari i njësisë bashkiake, Ilir Kokona, duke shfrytëzuar dhe postin që ka aktualisht si kryetar i njësisë bashkiake numër 4, e ka shndërruar banesën e tij në një godinë banimi me pesë kate, me qëllime përfitimi, pra arsyeja e prishjes së kësaj godine nuk ka të bëjë me pozicionimin e tij politik.

Historia ka filluar më datë 27 tetor, ku inspektorati ka konstatuar se Ilir Kokona, kryetari i njësisë bashkiake numër katër, ka shtuar mbi lejen e ndërtimit që i është dhënë dhe dy kate të tjera. Më parë, sipas dokumentacionit, Kokona mes rrugës “Qemal Stafa” dhe “Bajram Curri”, ka pasur vetëm një vilë trekatëshe, për të cilën kishte filluar dhe procedurën e legalizimit. Madje, në bazë të këtij ndërtimi, i është miratuar dhe leja e legalizimit për objektin në fjalë. Leja e shfrytëzimit, sipas dokumentacionit, është lëshuar që në vitin 2004. I njëjti dokumentacion që i është dorëzuar bashkisë, i është dërguar dhe agjencisë së legalizimit, e cila nuk është shprehur kundër legalizimit të këtij objekti.

Por, ç’ka ndodhur më pas? Objekti trekatësh, që në fotot e dorëzuara nga Kokona duket qartazi se është për përdorim vetjak, papritur është shndërruar në godinë banimi 5 kate, madje dyshohet se veç dy kateve që janë shtuar, është zgjeruar dhe sipërfaqja prej 184 metrash katrorë, ku ishte ngritur godina e mëparshme. Fotot e bëra nga inspektorët në tetor të këtij viti ndryshojnë shumë me objektin që ka paraqitur Kokona për legalizim. Tashmë, ndërtesa e Kokonës ka marrë pamjen e një pallati që është gati për shitje, me kate dhe sipërfaqe të shtuara në kundërshtim me ligjin. Duket se kjo ka qenë arsyeja se përse inspektorët e Bashkisë së Tiranës, kanë vendosur prishjen e asaj që mund të konsiderohet si shkelje e ligjit.

Në rast se do e shohim problemin më gjerë, kjo është nga të paktat raste, kur Bashkia e Tiranës është në të drejtën e saj dhe po zbaton ligjin, në kundërshtim me natyrën e kryetarit të bashkisë që e ka në metodën e tij të punës ta shkelë atë. Por veprimi i Bashkisë së Tiranës në këtë rast duhet përshëndetur. Ilir Kokona s’ka bërë gjë tjetër vetëm se duke shfrytëzuar postin dhe besimin e qytetarëve të zonës, është munduar të përfitojë në kundërshtim me ligjin, dhe për më keq, për këto veprime të tij kërkon dhe mbrojtje politike, gjë e cila, në rast se do i jepej, do ishte një tjetër hap drejt humbjes së besimit që qytetarët kanë kundrejt politikës. Ato kate që Kokona i ka ndërtuar pa leje duhen shembur, jo vetëm se ka mashtruar hapur me dokumentacionin e paraqitur, jo vetëm se ka shfrytëzuar postin, por sepse kështu të paktën do kthehej njëfarë besimi te qytetarët dhe te zbatimi i ligjit. Dhe kjo s’ka të bëjë as me kryetarin e bashkisë dhe as me kryeministrin, por me shembullin që duhet të jepet në këto raste.




Kokona e konsideron veten viktimë të luftës politike brenda PS


Ilir Kokona, pas marrjes së vendimit nga ana e bashkisë, u mundua ta paraqiste shkeljen e tij të ligjit si një “sulm politik që po i bën Edi Rama, për shkak se kërkon të kalojë te partia e Petro Koçit”. Madje, në disa media ky u publikua si skandal i radhës që Edi Rama po i bën kundërshtarëve të tij politikë. Por duket se e vërteta është krejt ndryshe. Madje, po të flasim për Ilir Kokonën, është një ndër kryetarët që e ka shndërruar atë minibashki në një çiflig, ku rasti në fjalë tregon se mund të shkelë dhe ligjin në sy të atyre banorëve që e kanë votuar. Emri i Ilir Kokonës është përmendur gjatë dhe në vitin 2005, kur u vra komisioneri i Partisë Republikane, Learton Vathi. Thuhet se në atë kohë Kokona ka qenë nën shoqërinë e vëllait të Nehat Kullës, Bashkimit, gjatë kohës që ky i fundit shkrehu armën në trupin e komisionerit që ndërhyri për të shmangur manipulimin e zgjedhjeve. Vrasja e komisionerit ndikoi në rezultatin e zgjedhjeve në këtë zonë, ku fitoi Shpëtim Idrizi. Por, ndërsa Bashkim Kulla u burgos për veprën që kreu, Ilir Kokona nuk pranoi as të dëshmonte në gjyq për krimin e kryer. Tashmë, Ilir Kokona reklamohet si viktimë politike e Edi Ramës, gjë e cila nga dokumentacioni që disponohet për këtë çështje nuk rezulton aspak e vërtetë. Petro Koçi është një ndër ata që ka denoncuar vazhdimisht Edi Ramën për dhënie lejesh ndërtimi pa kriter dhe ky është një rast që duhet përshëndetur, pasi ai po e zbaton ligjin.

[BlueBaron]

... Shifeni ket kopilin e rradhes Kokonen, nga 3 katshe shpine, e ka bere pallat 5 katesh. Ed sumshklymi ja paska ruajt dhe do t'ja prishe. Hajt nje here te shohim sa do e zbatoje ligjin Ed sumshklymi me rracen e vet ...

[Qyfyre]

Ishalla po ja prish ktij e gjithe te tjereve qe jane pa leje, se kan ber Tiranen lemsh.

[Dita]

Ia kishte ruajtur pikerisht per kete sahat, sahati ra e keshtu duket do te bjere dhe ndertesa. Keshtu mbahen freret e partise ne dore, meson Edi popullin. Pyetja shtrohet: Po Edin vete qe e ka vonuar nderhyrjen me 4 vjet a do ta denojne me ndonje gje?

[Brari]

nuk po ja prish por i ka bere shantazh..
nuk prish edvini prona socialistesh.. nuk eshte aq budall..

te kish qen ki kokona demokrat ja kish fshi me themel e as e kish pa ndoj kamer ngjarjen e ish harru..
me socialistet nuk eshte e lehte..

por cfar eshte interesante ne rastin kokona..

qe asnji top chanell nuk e permendi..
asnji balkan veb a gazet shqiptare..asnji new24 a vizion plus..
heshtje.. sepse ishte padrinua i tyre ne mes e sduhej bere zhurme..

tjeter..

mbrotja qe gazeta tema .. i ben edvinit.. ne rastin kokona.. eshte flagrante..
pra gazeta tema perfundimisht vet shpallet si edviniste fanatike .. pra ska me mero baze..
ai tash eshte mero veli bracja ruc gjolek edvin abazi..

kulmi..

se do shitej merua sma kish marre mendja..

[BlueBaron]

... Joooooooooo, se pastaj na behet si Tosi, i burgosur politik ...