Betimi i Hipokratit apo Hipokritit?

[Michaux]

Betimi i Hipokratit apo Hipokritit?

Përparim Namani

Nuk jam i profesionalizuar në mjekësi por jam i sëmurë nga gjërat që dëgjoj rreth saj dhe dyshoj se kam para për të vizituar mjekun, andaj më duhet të hapë kompjuterin deri sa edhe për këta rreshta që shkruaj nuk kam për të paguar tatim. Një rrogë mesatare 150-200 euro, më shumë se gjysma e popullsisë të papunësuar, më shumë se një çerek e popullsisë në varfëri të skajshme më bënë të mendoj se do të sëmuremi shumica nga depresioni dhe nuk do të kemi asnjë mundësi për t’ju nënshtruar terapisë.

Nëse planet për ta zbutur krizën ekonomike do të bëheshin me aq ngulm sesa ato për ta rritur edhe më shumë, besoj se vetëm përpjekja do të ishte një infuzion për popullin tim dhe të paktën edhe nëse nuk do të kishin një rezultat të menjëhershëm sëmundja prej të cilës rrezikohet gjysma e popullsisë “depresioni” do të ishte më e lehtë dhe më e përballueshme.

Nëse është e patjetërsueshme që një kategorie apo një profesioni të caktuar t’i lehtësohen kushtet e jetesës në mënyrë që ata të jenë më të devotshëm dhe më të kujdesshëm në punën e tyre, sa do të ishte e drejtë që kategoria tjetër edhe ashtu me kushte të mjerueshme të jenë edhe më të pafuqishëm të sigurojnë shëndetin e trupit të tyre?

Në asnjë mënyrë nuk dua ta arsyetoj gjendjen e tanishme të punëtorëve shëndetësorë po aq sa nuk mund ta arsyetoj edhe gjendjen e shtresave të tjera , por nuk mund ta arsyetoj as edhe formën e zgjedhur për ta tejkaluar këtë krizë. Ky vend ku qytetarëve të tyre për arsye të mjaftueshme nuk mund të ju siguroj punë, atëherë mos duhet që mos të kenë as edhe një kujdes shëndetësore me çmim të arsyeshëm dhe të përballueshëm?

Shumica e njerëzve kanë dëgjuar për një betim të famshëm të Hipokratit por në ditët e sotme lind një dyshim se vetë njerëzit që merren me shëndetësi se a kanë dëgjuar për atë? Profesioni i mjekësisë njihet si profesioni më human në historinë e njerëzimit, po a ka devijuar në ditët e sotme?

Tek sa lexova një artikull për planet e fundit dhe kalkulimet me çmime, mora edhe njëherë dhe po e lexoja këtë Betim. Në mes të rreshtave duke u bazuar në aktualitetin e sotëm filluan të më ikin nga sytë disa fjali dhe më zëvendësoheshin me disa të tjera. Në vend të titullit Betimi i Hipokratit më dilte Betimi i Hipokritit e kështu më radhë.....

Betimi i Hipokratit

Përmbajtja e betimit

Në çastin kur po hy në radhët e anëtarëve të profesionit mjekësor premtoj solemnisht se jetën time do ta vë në shërbim të humanitetit. Ndaj mësuesve do ta ruaj mirënjohjen dhe respektin e duhur. Profesionin tim do ta ushtroj me ndërgjegje e me dinjitet. Shëndeti i pacientit tim do të jetë brenga ime më e madhe. Do t’i respektoj e do t’i ruaj fshehtësitë e atij që do të më rrëfehet. Do ta ruaj me të gjitha forcat e mia nderin e traditës fisnike të profesionit të mjekësisë. Kolegët e mi do t’i konsideroj si vëllezër të mi. Në ushtrimin e profesionit ndaj të sëmurit tek unë nuk do të ndikojë përkatësia e besimit, e nacionalitetit, e racës, e politikës, apo përkatësia klasore. Që nga fillimi do ta ruaj jetën e njeriut në mënyrë absolute. As në kushtet e kërcënimit nuk do të lejoj të keqpërdoren njohuritë e mia mjekësore që do të ishin në kundërshtim me ligjet e humanitetit. Këtë premtim po e jap në mënyrë solemne e të lirë, duke u mbështetur në nderin tim personal.

Betimi i Hipokritit

Përmbajtja e betimit

Në çastin kur po hy në radhët e anëtarëve të profesionit mjekësor premtoj solemnisht se jetën time do ta vë në shërbim të interesit. Ndaj ideve të mësuesve për të qenë human do të luftoj gjatë gjithë karrierës sime. Profesionin tim do ta ushtroj si të më dojë qejfi. Pagesa e pacientit tim do të jetë kënaqësia ime më e madhe. Do t’i respektoj e do t’i ruaj fshehtësitë e atij që do të më paguaj. Do ta ruaj me të gjithë forcat e mia nderin e traditës fitimprurëse të profesionit të mjekësisë. Koleget e mi do t’i konsideroj si konkurrentet e mi. Në ushtrimin e profesionit ndaj të sëmurit tek unë nuk do të ndikojë përkatësia e besimit, e nacionalitetit, e racës, e politikës, apo përkatësia klasore por gjepi i tij. Që nga fillimi do ta ruaj interesin tim në mënyrë absolute. As në kushtet e kërcënimit nuk do të lejoj të keqpërdoren njohuritë e mia mjekësore që do të ishin në kundërshtim me interesat profitabile. Këtë premtim po e jap në mënyrë solemne e të lirë, duke u mbështetur në nderin tim personal.

Kjo ishte ajo që unë lexova në këtë betim, edhe nëse jam keq me sy, prapë mbeten të pa kuruar, kushtet nuk na mundësojnë që ne të shohim më mirë./telegrafi/

[Michaux]

Ju ftoj te diskutoni ne lidhje me kete teme, kaq te rendesishme dhe aktuale!

Michauxi!

[DYDRINAS]

Betimi!

Betohet presidenti, kryeministri, deputetet, avokatet, mjeket, ushtaraket etj etj para flamurit, para kushtetutes, para Bibles dhe Kuranit, por ato nuk kane asnje vlere nese njerezit qe "betohen" jane pjesetare te nje shoqerie qe ben jete dyfytyreshe.
Lexoje forumin, lexo gazetat, degjo bisedat, degjo deputetet, degjo politikanet dhe lehtesisht bindesh se jemi ende nje komb femijnor sa i perket pervojes te bashkejeteses ne nje shoqeri demokratike, sepse ne kurre nuk kemi patur asnje dite demokraci dhe rrjedhimisht qe rruga per te kapur te tjeret do te jete e gjate, pavaresisht deshirave dhe enderrave.

Shpeshhere ne bejme gabim duke shenjuar mjeket apo kategori te caktuara profesionesh si "hipokrite", si "te pashpirt" etj, por harrojme se ata jemi ne e ne jemi ata.

Duhet te ndryshoje shoqeria shqiptare qe te ndryshoje dhe mjeku, avokati, inxhinieri, ushtaraku, deputeti etj.

Nuk jane vetem mjeket, por eshte e gjithe shoqeria shqiptare qe ben jete dyfytyreshe, pra hipokrite!

Hipokrizia e mjekeve eshte pasoja, por jo shkaku! Shkaku dihet por shoqeria jone ende nuk e ka gjetur modulin per te kryer shnderrime te medha!

Sa per mbyllje nje histori personale.

Para disa viteve isha ne Gjermani per nje operacion te nje femije dhe qe nga momenti qe kam hyre ne deren e spitalit dhe deri ne momentin e fundit, jam ndjere shume shume i tronditur nga ndryshimi qe ishte ne shume drejtime, por ajo qe se shumti me ka lene mbresa ka qene sjellja e mjekeve dhe e personelit te sherbimit.
Kur jam larguar i kam thene mjekut se parasegjithash e vleresoj shume miresjelljen dhe ai m'u pergjigj "Kjo eshte vetem detyre"!
Pra ai e ndjente se ishte nje person ne detyre!

Kjo kerkon ende kohe qe te hyje dhe tek shqiptaret!

Si keshillojne perhere te huajt qe vijne ne Shqiperi (apo Kosove, Maqedoni etj)? Beni perpjekje per te krijuar nje shoqeri te vertete demokratike, sepse me pas sistemi e kryen punen pa urdhera e britma!

[Duaje Siveten]

Agjensia e Lajmeve "SOT"

Mjeku Petrit Vargu: Financat e shëndetësisë i drejton një ish-oficer i SHIK-ut

Sipas mjekut të urgjencës së kirurgjisë, nuk mund të pretendojmë për shëndetësi të mirë as në vitin 2009

Viti 2008 mbyllet për pak ditë dhe do të kujtohet ndoshta si një ndër vitet më të mbrapshta përsa i përket gjendjes së shëndetësisë në tërë vendin. E megjithëse çdokush do të uronte që viti 2009 të ishte një vit i mbarë dhe i suksesshëm në çdo fushë të jetës, bluzat e bardha kanë pak shpresa për përmirësimin e sistemit shëndetësor gjatë vitit të ardhshëm, pas krizës që e ka përfshirë atë prej kaq kohësh.

Mjeku i urgjencës së kardiologjisë pranë Qendrës Spitalore Universitare “Nënë Tereza”, Petrit Vargu shprehet pesimist për ndryshimet pozitive që mund të ndodhin në këtë sektor vitin e ardhshëm. Sipas tij, kjo krizë në shëndetësi ka ardhur tërësisht për shkak të nënvlerësimit dhe mungesës së korrektësisë në financimin e këtij sektori jetik për vendin. Ndërkohë, mjeku Vargu shton se aktualisht financat e sektorit të shëndetësisë drejtohen nga një person i papërshtatshëm për zhvillimin e shëndetësisë. “Nuk mund të pritet reformë në shëndetësi kur të gjitha financat e shëndetësisë luhen nga një ish- punonjës i SHIK-ut, që ka qenë financier në bordin e shoqërisë Shqiponja, që bënte biznes nafte në kohën e embargos me Serbinë. Nuk e kuptoj se me çfarë morali kërkohen ish-sigurimsat, kur ata janë në qeverisje”, është shprehur mjeku Vargu, sipas të cilit, në këto kushte ka humbur shpresa për reformë dhe zhvillim në shëndetësi.

Një ditë pune në urgjencë

Duke pasur parasysh kushtet në të cilat punon ai vetë por dhe gjithë mjekët i klinikave të tjera, mjeku Petrit Vargu ka shprehur edhe herë të tjera shqetësimin e tij për gjendjen e shëndetësisë në vend, e për më tepër në QSUT. Urgjenca e Kardiologjisë është një nga repartet më të mbipopulluara në Qendrën Spitalore Universitare Nënë Tereza dhe kushtet në të cilat u shërbehet pacientëve këtu, lënë shumë për të dëshiruar. E pranojnë pacientët, por e pranojnë madje me zë të lartë, edhe vetë mjekët, se shërbimi këtu kryhet në gjendje tejet të vështirë.

Rrëmuja që krijohet çdo ditë për shkak të fluksit të madh të njerëzve të cilët duhet të lëvizin në një ambienti tejet të vogël, mungesa e shtretërve, por edhe e stafit mjekësor, janë vetëm disa nga problemet që mjeku Vargu ka bërë të ditur për këtë shërbim. Gjatë këtyre ditëve të ftohta, fluksi i pacientëve arrin mesatarisht deri në 100 pacientë në ditë, ndërkohë që numri i mjekëve në këtë shërbim është vetëm 6 mjekë. Ndërkaq, i gjithë ky fluks i përditshëm pacientësh kardiakë, duhet të sistemohet vetëm në rreth 15 krevate që përmban e gjithë urgjenca e kardiologjisë.

I gjithë shërbimi kryhet në një rrëmujë njerëzish, të cilët kërkojnë me çdo kusht të jenë pranë të afërmve të tyre të sëmurë. E ndërkohë që një pjesë e këtyre të fundit janë për shtrim, ky i fundit është një problem më vete, i cili zgjat disa ditë deri në zgjidhjen konkrete ndaj pacientit. Një ndër sanitaret pranë këtij shërbimi, ankohet se situata në të cilën punohet këtu është shumë e vështirë, edhe për vetë atë. “Mjekët na kërkojnë që të mos i lejojmë familjarët brenda, këta të fundit na kërcënojnë deri me jetë, nëse zbatojmë urdhrin. Nuk dimë kujt t’ia prishim, e kujt t’ia ndreqim. Kemi rënë në hall se nuk është një ditë por çdo ditë”, shprehet sanitarja e cila e cila është lënë roje tek dera, për të lejuar brenda sa më pak familjarë, sepse ambienti brenda është tejet i vogël, krahasuar me numrin e atyre që duan t’u qëndrojnë pranë pacientëve.

[Dajti]

...ju po thoni qe:

Betimi!

Betohet presidenti, kryeministri, deputetet, avokatet, mjeket, ushtaraket etj etj para flamurit, para kushtetutes, para Bibles dhe Kuranit, por ato nuk kane asnje vlere nese njerezit qe "betohen" jane pjesetare te nje shoqerie qe ben jete dyfytyreshe.
Lexoje forumin, lexo gazetat, degjo bisedat, degjo deputetet, degjo politikanet dhe lehtesisht bindesh se jemi ende nje komb femijnor sa i perket pervojes te bashkejeteses ne nje shoqeri demokratike, sepse ne kurre nuk kemi patur asnje dite demokraci dhe rrjedhimisht qe rruga per te kapur te tjeret do te jete e gjate, pavaresisht deshirave dhe enderrave.

Shpeshhere ne bejme gabim duke shenjuar mjeket apo kategori te caktuara profesionesh si "hipokrite", si "te pashpirt" etj, por harrojme se ata jemi ne e ne jemi ata.

Duhet te ndryshoje shoqeria shqiptare qe te ndryshoje dhe mjeku, avokati, inxhinieri, ushtaraku, deputeti etj.

Nuk jane vetem mjeket, por eshte e gjithe shoqeria shqiptare qe ben jete dyfytyreshe, pra hipokrite!

Hipokrizia e mjekeve eshte pasoja, por jo shkaku! Shkaku dihet por shoqeria jone ende nuk e ka gjetur modulin per te kryer shnderrime te medha!

Sa per mbyllje nje histori personale.

Para disa viteve isha ne Gjermani per nje operacion te nje femije dhe qe nga momenti qe kam hyre ne deren e spitalit dhe deri ne momentin e fundit, jam ndjere shume shume i tronditur nga ndryshimi qe ishte ne shume drejtime, por ajo qe se shumti me ka lene mbresa ka qene sjellja e mjekeve dhe e personelit te sherbimit.
Kur jam larguar i kam thene mjekut se parasegjithash e vleresoj shume miresjelljen dhe ai m'u pergjigj "Kjo eshte vetem detyre"!
Pra ai e ndjente se ishte nje person ne detyre!

Kjo kerkon ende kohe qe te hyje dhe tek shqiptaret!

Si keshillojne perhere te huajt qe vijne ne Shqiperi (apo Kosove, Maqedoni etj)? Beni perpjekje per te krijuar nje shoqeri te vertete demokratike, sepse me pas sistemi e kryen punen pa urdhera e britma!

..edhe une po ju the qe,vazhdimisht i kam neveritur diskutimet e juaja, ndersa tani eshte hera e pare qe jam dakort pjeserisht me ju. DYDRINAS, cfare moshe ke? E ke thene shume-shume bukur qe , hipokrizia e mjekeve eshte pasoja jo shkaku. DYDRINAS, te nderoj per konkluzionin qe, "nuk jane vetem mjeket ,por eshte e gjithe shoqeria shqiptare qe ben jete te dyfytyreshe, pra hipokrite"

..konstatimi i juaj DYDRINAS qe shoqeria shqiptare eshte dyfytyreshe eshte e drejte .
Por..kush eshte shkaku?

..une e di, por kam frike ta them... edhe pse jemi 20-vjet ne demokaci..