Gazeta TEMA - Fejton - ''Antena brenda familjes''

[BlueBaron]

Flamuri, në siklet për piramidat dhe Lul Bashën ...


Nga Tema

Dje Flamuri u vu mes dy zjarresh. Kryeministri kishte deklaruar pa leje të tij në forumin e organizuar nga “The Economist” në hotel “Sheraton”, se shkak për rrëzimin e piramidave ishte bërë etja e pronarëve të tyre për fitime të mëdha. D.m.th., me pak fjalë, kriza e vitit 1997 kishte ardhur nga etja e Vehbi Alimuçës dhe atij të Gjallicës për fitime përrallore.

Flamuri, i paqartë për kontekstin ku e kishte përmendur, merr në telefon këshilltarin ekonomik të kryeministrit, Petraq Milo.

- Si e ka thënë tamam ai burri? - tha. Ma thuaj pak, kush është fajtor për rënien e piramidave?

- Të zotët e piramidave, - tha Milo, - kush tjetër.

- Mirë Milo, mirë, ti e ke kollaj, se i bie shkurt, po unë kam dhjetë vjet që jap nga një arsye çdo vit. Në fillim ua futëm grekëve, (më fal jo ty, se ti je shqiptar). Thamë që ata i bënë piramidat dhe sollën lekë nga Greqia. Dhe për Vehbiun ata fajësuam. Derisa erdhi Vehbiu një ditë dhe na shpjegoi se trurin e firmës e kishte nga Kurveleshi. Tek arka kishte Xhanen, mbesën e tij, të madh të administratës kishte Xhaferrin, burrin e mbesës, kurse me transfertat për jashtë shtetit merrej vajza e mbesës, Aurela. Atë e mbante, se dinte anglisht. Na e mbushi mendjen Vehbiu i shkretë që s’ishin grekë. Atëherë ndërruam argument. Thamë e bënë komunistët. Se kjo mbesa e Vehbiut me burrin e vajzën ishin të majtë. Pastaj, vonë nga 2004, erdhi ky Lul Basha nga Kosova dhe tha: “Po deshët mos e përmendi më atë punën e komunistëve, se atë gruan që ka qenë mbesë e Vehbiut e kishte vjehrrë. Që atëherë hoqëm dorë, nuk fajësojmë më as komunistët për piramidat. Pra grekët na ikën, komunistët na ikën, ia rrasëm rebelimit. Ai burri formuloi tezën e rebelimit komunist dhe ia plasëm. Pastaj ngelëm vetëm dhe u detyruam t’i ftojmë ne të vijnë në parti të gjithë themeluesit. Ai burri e mori Ben Imamin shef kabineti, e harruam dhe rebelimin. I ndjeri Gazidede kishte dhe ca arsye të tjera, por, kur u kthye dhe pa se ç’bëhej, nuk foli fare. Kështu që na ikën nja pesë arsye. Çdo vit ua ndërronim njerëzve arsyet. Tani, kjo që thotë ky burri s’na kishte shkuar në mendje. D.m.th., që shkak paska qenë që ata donin fitime përrallore. E drejtë është si tezë, por kam frikë se do dalë prapë puna te njerëzit e Lul Bashës dhe do ta ndërrojë ai burri. Se e ndërron ai. Ja, pardje në varrim të të ndjerit Gazidede e ndërroi prapë, tha rebelim komunist. E vuri prapë në siklet Kullurin që ishte aty, i cili është shef kabineti i zotit Imami, i cili nga ana e vet është shef kabineti i atij burrit. Prandaj mos e merr seriozisht, se e ndërron prapë ai.

- Shpjegim i gjatë shumë ky, Flamur. Nuk di gjë unë, se s’kam qenë fare këtu, kur kanë ndodhur këto. Më pyete, të thashë çfarë tha. Atyre ua la fajin, etjes për fitime.

- Mirë e ka. Dhe Marksi atyre ua ka pas lënë fajin. “Etja për fitim do çojë kapitalizmin në kalbëzim”, - ka thënë te “Kapitali”. Dhe këta kapitalistët tanë na çuan brenda vitit në rrënim. E ka gjet mirë këtë, po si s’i shkoi mendja më ‘97 ta thoshte këtë, po e tha tani. Ndoshta do kishim shpëtuar nga rënia, se do t’ua vinim fajin atyre pisave.

- S’di ç’të të them Flamur, kështu tha, kështu të them.

- Mirë Petraq, mirë, se ti je në rregull, sido që të thotë ai, ty asgjë s’të kap, se ti as grek s’je tamam, as shqiptar s’je tamam, as demokrat s’je tamam, as socialist s’je tamam, as vlonjat s’je tamam, as bregas s’je tamam, as ekonomist nuk je tamam, as këshilltar nuk je tamam. Të gjitha gjërat i ke me pak mangësi dhe je në rregull, shpëton. Po ç’të bëj unë i shkreti që i kam besuar të gjitha variantet, dhe që na e bënë grekët, dhe që na e bënë komunistët, dhe që na e bëri rebelimi, dhe që na e bëri babëzia. Unë si t’ia bëj, se ti je në rregull. Ti i ke hapur të gjitha rrugët, mirë me atë burrin, mirë me Imamin, mirë me Gazideden, mirë me Paskal Milon, mirë me Edi Ramën. Unë si t’ia bëj që kam besuar variantet e atij burrit dhe jam zënë me të gjithë.

- Epo, ç’të të them o Flamur? Bëhu këshilltar dhe ti dhe s’beson asnjë, bie rehat.

[Brari]

me kte serialin.. antena brenda familjes.. merua po humb cdo dite pike.. ne figuren e tije..
ne se e njeh kush i thoni.. ruaj ca yndyre per vehten..

cdo dite me keto .. thashetheme boshe insinuata e karagjozlleqe qe vetem erionet e edvin tahir mimo rucave.. mund te zgerdhihen.. ai po degjeneron deri ne.. keq ardhje e meshire..
mero behu burre..
ik nga djajte..

[Duaje Siveten]

Shekulli, Merkure, 29 Tetor 2008

Tellallisja dhe frikacakët

Nga Genci Kojdheli

SPOTET NË TELEVIZIONE

Oooo milet! Dëgjoni e mbani vesh! Qeveria... Ka nja dy muaj që nuk mundemi të ndërrojmë kanalet e televizioneve pa u ndeshur me ndonjë spot qeveritar që na përmbyt me shifra suksesi: për eleminimin e varfërisë, mijëra vende pune të krijuara, qindra biznese të reja që lulëzojnë anembanë Shqipërisë, dhe dhjetëra korporata ndërkombëtare që po nxitojnë të hapin filialet e tyre, turistë e rrugë pa hesap. I lumtë qeverisë!

Ç’ka unë, dhe mijëra qytetarë si unë nuk kuptojmë, është se, përse kjo qeveri ka nevojën për të na i treguar këto arritje (dhe këtë e bën pacipërisht me paratë e taksave tona), të cilat afërmendsh ne do t’i shihnim me sytë tanë nëse ato ekzistojnë vërtet?!

Një fushatë publicitare e sponsorizuar prej qeverisë do të ishte e justifikuar vetëm nëse do të synonte sensibilizimin e publikut për një kauzë a qëllim në shërbim të publikes (p.sh. një fushatë për të rritur ndjeshmërinë ndaj ndotjes së mjedisit, apo luftën ndaj analfabetizmit), por edhe në këtë rast, fushata, dhe çdo detaj i saj, do të duhej të monitorohej me shumë kujdes për të evituar të ashtuquajturin ‘ndërtim/konsolidim të imazhit të qeverisë’, pasi kjo do të ishte e papranueshme për një demokraci.

Është shumë shqetësues fakti që qeveria shpenzon shifra marramendëse nga paratë e taksave për të blerë kohë televizive në media (vetëm transmetimi i spotit të kryeministrit ka kushtuar rreth 1 milion euro). Deri diku, i vendos këto media nën lakun e financimeve të majme shtetërore (të tanishme apo eventuale), por nuk është kjo çështja të cilën kërkoj të debatoj.

Më shqetësuese është arsyeja se përse qeveria po i harxhon këto para duke u përpjekur të mashtrojë të madh e të vogël, pikërisht tani, veç 7 muaj para zgjedhjeve të përgjithshme. E vetmja përgjigje logjike për këtë fushatë agresive reklamimi nga qeveria, është ekzistenca e frikës!

Kjo mazhorancë është e frikësuar sepse nuk ka përmbushur as në mënyrë sipërfaqësore premtimet që u dha shqiptarëve në vitin 2005. Eshtë e frikësuar sepse gjendet e zhytur deri në grykë në skandale korruptive që përfshijnë shkallët më të larta të ekzekutivit, është e frikësuar pasi shqiptarët janë varfëruar prej 2005-ës, papunësia është rritur edhe më, investimet e huaja janë pakësuar.

Eshtë e patolerueshme që një mazhorancë të vendosë në punë gjithë makinerinë e saj institucionale, strukturore e financiare, për të dominuar diskursin publik në vend. Tragjikomike të shohësh përditë sesi kryeministri dhe ministrat janë transformuar në tellallë të paturp të vetvetes. Dëshpërimi është evident, por edhe dështimi po ashtu. Dielli nuk mbulohet me shoshë!

[BlueBaron]

... Ja nxorri bojen Mero Baze xhaxhi Sales. S'ka lene gje pa i nxjerre. Ndonje dite do lexojme edhe sa pale breke ka ne shtepi xhaxhi Sala. Edhe Ed sumshklymit ja kishte ngjesh me ate artikullin per ate mafiozin e vogel te Vorribomit. Megjithese Ed buçen e ka bere lecke fare nja 8 vjet rresht. Ate Lir koklopen, ate shtangistin e vogel sikur s'po e shan me. Do i kete dhene ndonje lek ai se s'ka mundesi (sipas militanteve ithtare) ...

[BlueBaron]

Flamuri bën gati kopjen e çelësit


Nga Tema

Dje Flamuri ishte i trishtuar. Për herë të parë pas tri vitesh doktori nuk e mori në telefon dhe nuk i tha të përgatiste takimin e radhës. E kishte me Genc Pollon, se do shkrihej PDR. I mërzitur doli në kafe dhe s’kishte me kë të qante hallin.

Kur mbaroi takimi, mori në telefon Ridvan Boden.

- Çfarë do bëhet me zyrat tani? - i tha. - Ku do ta fusim atë Kuqon?

- Kë Kuqo, bre byrazer, se s’e kam idenë ç’thua?

- Po atë Genc Pollon, kë tjetër?

- Hajt mos u mërzit, se s’ka lidhje me zyrat ai. Deri në Kuvend do rrijë nga zyra e vet. Pastaj, nëse vjen, le të rrijë në kat të dytë, ku e ka pasur zyrën. Katin e tretë e kemi bërë vetë, nuk lëmë njeri të ngjitet sipër.

- Mirë mo mirë, po ky punonjësi i lavazhit që kemi ç’do bëjë, se ky thotë: “Po do vijë Genc Pollo, do ta vras, se ka tradhtu doktorin”?

- Hajt se zbuten ata, mos ça kokë. Ja, shikojnë doktorin në lajme dhe zbuten. Aq e kanë ata. Ti sillu mirë për vete. Po kërkoi zyrë, jepi një në kat të dytë. Ai nuk të bezdis. Dhe po erdhi, mbyllet brenda, se e-mail-e shkruan gjithë ditën. Tani s’ka as kujt t’i raportojë, se një parti jemi.

- Po këtij Lul Bashës si t’ia bëj mor burrë, se më kërkon dhe ky pra zyrën e KOP-it? I kam thënë, s’ka zyrë KOP-i më, por jo, ngul këmbë, ka. Thashë t’i thoja njëherë rregulloje me Gazmend Dibrën të të rregullojë ndonjë qeli të mirë, por kam frikë se ia tregon atij burrit dhe ai nuk duron dot fare aty.

- Po ç’ke o ty mbylltë që zihesh me të gjithë? Bëji një kopje çelësi derës, jepja Pollos dhe Lulit dhe aq. Katin e tretë e kemi vetë, se mezi e kemi bërë me kontribut vullnetar.

- Po mirë, këtë selinë e partisë së Pollos kush do ta marrë tani? Ta mbajmë të çojmë degën e Tiranës atje që mos t’i kemi më nëpër këmbë.

- Ajo i duhet dorëzuar shtetit, se shteti ia ka dhënë. Dhe them ta kalojmë në privatizim, po s’ka pronarë.

- Po këto dosjet që kemi këtu ne, që Pollo ka shitur “Tajvanin” për 6 mijë dollarë te miku i tij më 1997, do t’i mbajmë apo t’i hedhim?

- Mbaji njëherë t’i kemi, që po e drodhi prapë, t’ia përdorim. Por tani kanë kaluar mbi dhjetë vjet dhe s’i dënojmë dot më duket.

- Nuk e di, po ai burri atëherë, kur m’i dha, më tha: “Mbaji këto, se do na duhen. Kur të marrim pushtetin, - tha, - do ta fusim në burg.” Se “Tajvani” ka qenë pronë e PD dhe ai ia ka shitur një biznesmeni 6 mijë dollarë që dhe ato s’na i ka dhënë. Erdhëm në pushtet, dhe ai jo vetëm që s’e dënoi, po e la të bënte aq shumë pará, sa ato lekët e “Tajvanit” duken si pará xhepi.

- Të drejtë ke, po s’ke ç’i bën tani. Fushata elektorale i ka këto. Më mirë të dalë në krye të fushatës, se për të humbur kemi. Të paktën të kemi kujt t’ia faturojmë, mos të na ngelet ne. Ne, sa ishim, bëmë ndonjë punë. Ky vetëm për prishje është.

- Mirë, o mirë. Tani prit kur të vijë dhe Fatmir Mediu dhe atë kemi mangut. Të na vijnë korridoret e PD era barut.

- Do vijnë ata të gjithë. Arian Starova ishte regjistruar te seksioni i lagjes bashkë më Ekrem Spahiun. Artur Roshi kishte kërkuar vetëm të ishte kryetar seksioni te lagjja e vet, kurse Alimadhi kishte kërkuar ta lejojnë të mbajë qeleshe nga të Ballit në mbledhje. Kushte të lehta kishin. Vetëm ky Kuqua do nënkryetar. Po një m… ka për t’u bërë. Prit se ia tregojmë qejfin tani që u shkri. Tani do ta fusim në proces legalizimi te Shabani dhe s’dihet si del.

[BlueBaron]

Flamuri shpjegon shtetin privat


Nga Tema

Deklarata e kreut të qeverisë, se Shqipëria është shteti më privat në Evropën Perëndimore, e tronditi thellë Flamurin. Militantët e PD, që shkojnë marrin sqarime tek ai, nuk e kishin ditur këtë arritje kaq të madhe të PD dhe ishin të zemëruar përse Flamuri nuk ua kishte shpjeguar më parë.

Flamuri, nga ana tjetër, ishte i paqartë për mënyrën si Berisha e kishte thënë këtë fjali. Pyeti njëherë Ridvanin, po s’i dha përgjigje të qartë. Në fund vendosi të shpjegojë vetë.

Vjen militanti i parë dhe e pyet:

- Zoti Flamur, si i bëhet kësaj arritjes së fundit që kemi arritur, që jemi shteti më privat në Evropë?

- Kemi hequr shumë pa arritëm deri këtu. Kemi tre vjet që mendojmë natë e ditë për këtë punë. Çfarë s’kemi bërë. I hymë me themele. E nisëm me ARMO-n. Na ndihmoi shumë ai djali i “Taçi Oil”. Thamë të gjejmë një që ka sharë doktori si trafikant, që të mos thonë që e keni privatizuar për vete. E gjetëm atë, e çuam te studioja e privatizimeve, te “Rruga e Barrikadave”, mori letrat dhe nisi punën. Çdo VKM që duhej, çdo rregullim ligjor bëhej nga studioja, shkonte në mbledhje të qeverisë dhe mbyllej puna. Shkoi mbarë gjithçka. Në fund, formuan një konsorcium, 5 firma koti, pas të cilave qëndron ky i “Taçi Oil”, d.m.th., ishin shitësit e naftës si ai, dhe e blenë ARMO-n. U bë private dhe ajo. Lekët s’i kanë paguar ende, se s’i japin kredi bankat, po kjo s’ka shumë rëndësi. Tani është private.

Pastaj u hymë lumenjve, nga Vjosa në Devoll. I mori prapë ajo studioja dhe ua dha austriakëve.

Pastaj u hymë centraleve. Në Vlorë thamë t’ia japim Petraq Milos, në Shëngjin, një mikut çifut të atij burrit, d.m.th., e ka gjet studioja, kurse në Durrës, në Porto Romano e ka ajo studioja. U bë dhe ajo.

Fazlliçi, që thonë këta, një copë ka, pjesën tjetër e ka studioja.

Pastaj u hymë fabrikave të çimentos. Dhe ato një kiamet më vete. I mori ajo studioja, bëri letrat, i dhamë dhe ato.

Ç’na ngeli tjetër? Ah po, INSIG-u. Atë drejtorin e solli djali i atij burrit nga Brukseli. E kishte njohur atje, kur ishin bashkë emigrantë. I leshtë duket pak, po pará di të bëjë. Nuk e donin në fillim këta pronarët e huaj të INSIG. Po ai burri nguli këmbë. “Këtu do bëhet si them unë”, - tha Në fakt, ai s’ta mbushte mendjen për drejtor. Ishte ca si humbur, po e kapi veten shpejt. E mësoi punën e lekut. Tani dhe ai ka ngelur për privatizim. Kam shpresë se djali do ta ndihmojë që të bëhet shpejt. Dhe pas kësaj bëhemi vërtet shteti më privat në botë. S’na ka mbetur më pasuri publike. Kemi vetëm këto hekurudhat. Po dhe për ato do bëjmë një ligj për koncesionet, t’i japim. S’ke ç’i do as ato. Po nisi kjo punë, më mirë të bitisi. Gjysma-gjysma nuk mbahen. O të gjitha shteti, o të gjitha privati. Ne kemi gjetur një rrugë të mesme, i ka shteti privat. I ka ai burri të gjitha. E ndihmojnë dhe fëmijët, po ai e mban peshën kryesore.

- Falemnders shumë, zoti Flamur. E dinim që e kemi të fortë kryeministrin, po qenka i madh vërtet. Mendoka natë e ditë për Shqipërinë. Po torturon dhe familjen për të bërë punët tona. Ka fut dhe ata në belara duke privatizuar gjithçka. Ku e gjen një kryeministër të tillë?! Një njeri që jep shembullin familjar i pari, e meriton të qeverisë gjithë jetën. Jo si këta të tjerët që rrinin këmba mbi këmbë dhe prisnin t’ua bënte bota privatizimet. Ja, ky ka lezet.

Iku militanti i parë, i sqaruar. Erdhi i dyti.

- Zoti Flamur, a ke digju bre kryeministrin duke thanë që jena shteti ma privat i Evropës?

- Po bre, e kam digju.

- A vërtet jena, a rren për fushatë ai burri?

- Jo bre, jena vërtet, - i tha Flamuri.

- Ku, ku, ç’na paska gjet, - tha. - Ndaj e pagujmë shtrenjt çdo gjë në shtet ne, më keq se me qenë privat. Qekemi më privat se tanë Evropa.

Iku militanti i dytë, erdhi i treti.

- E vërtetë është ajo që dëgjuam bre për këtë shtetin privat?

- E vërtetë, - i tha Flamuri.

- Po mirë arritje është kjo apo jo?

- Arritje, - i tha Flamuri.

- D.m.th., ne jetojmë në shtetin privat të doktorit? - i tha militanti.

- Jo mo burrë, nuk është i doktorit. Doktori thjesht kryeministër është. Me hallet e privatizimeve janë marrë fëmijët.

[BlueBaron]

Lulëzim Basha, autokritikë kunatit


Nga Tema

I dashur Erion!

Jam i detyruar të të bëj këtë letër ndjese, se s’kam kurajë ta bëj, kur të kam përballë. Më pritet gjuha dhe gjithë fuqitë që kam shumëzohen me zero, kur mendoj se ç’dëm të madh që të kam bërë.

Ti më je gjendur pranë në gjithë ditët e vështira, sidomos pas vitit 1997. Nuk dua të përmend as ndihmat financiare, as sakrificën që ju bëtë pas rënies së VEFA-s dhe as qëndrimin tuaj në Holandë pranë meje në kohë të vështira financiare për mua. Unë duhet t’ua shpërbleja ju një ditë. Po ja që nuk munda.

Të thashë që në fillim se bizneset me Fazlliçin janë fitimprurëse, por delikate. E kishim bërë planin shumë të qartë që gjatë fushatës. Të thashë bëj kujdes që ta ndihmosh në momente kyçe, se atij nuk i duhen firmat për biznes, por për “gola” të mëdhenj. Dhe e nisët shumë mirë. Regjistruat që javën e dytë të pushtetit tri firma. U bëre në të tria administrator. Po ti ishe i shqetësuar, pse Fazlliçi nuk të vinte në punë. Nuk kishte si të të vinte, se firmat s’kishin punë, ato thjesht prisnin ditën të bënin paratë. Ti u mërzite kot. Me ato dy firmat e tjera që ua shiti atyre shqiptarëve të Maqedonisë ti mund t’i kishe kërkuar një pjesë, se ato lidhje unë ia kam krijuar atij. Nejse, ti u tregove i dobët. S’i kërkove pjesë të madhe menjëherë dhe ai u detyrua të dha makinën që bën 100 mijë euro.

Më pas gjithë problemin na e ke krijuar te “shitja e madhe”. Aty na ke futur të gjithëve në telashe, pasi thua që ke ikur para se të shitej. Por ato dreq letra i kanë kapur dhe vendimi për shitje i firmës është marrë në maj nga ortaku i vetëm, kurse dorëheqja nga administrator është bërë dhjetë ditë më pas. Nejse, ishallah nuk u shkon në mendje kjo gjë.

Gabimin e dytë e keni bërë me firmat e reja që hapët në rrugën “4 Shkurti”, godina nr. 26. Ma keni nxjerrë bojën fare. Nuk kishit pse vendosnit selinë në një banesë ku unë kam jetuar deri më 2007, se duket sikur janë biznese të miat. Duhet të ishe treguar më i kujdesshëm. Për këtë u nxeha shumë dhe ia thashë dhe gruas sime, por ajo ti e di që është pak e sertë dhe më tha: “Mos të të dëgjoj më të flasësh për këtë temë”.

Gabimin e tretë e ke bërë që je lidhur me këtë të firmës “Teqja”. Po të më kishe pyetur një herë o burrë, se ai është çun i mirë, po e ka ves këtë që lidhet gjithmonë me fëmijët e të mëdhenjve. Deri më 2005 e kishte një biznes me çunin e Fatos Nanos. Pastaj pyeti kush është djali i kryeministrit dhe i kanë thënë për mua, dhe ai të kapi ty. Këtu na fute në telash, se ai burri të mbrojti fort në Kuvend ty dhe atë si demokrat të persekutuar nga prokuroria. Pastaj atij i kishte vajtur një sms që i thoshte se Isufët janë familja më enveriste e Kurveleshit, kurse te fisi Teqja ka martuar motrën Hekuran Isai. Dhe i binte që ai burri të mbronte si të persekutuar politik njerëzit e Hekuran Isait dhe Gramoz Ruçit. Këtu më vure në pozitë të vështirë, se ti i bën nxituar punët. Dhe atë punën e karburantit në autostradë që ma përmendi ai i gazetës “TemA”, ti ma ke bërë gjëmën që u ke marrë lekë, se unë nuk të thashë merri. Po nejse, ajo iku.

Tani dua të të kërkoj ndjesë për moskomunikimin dhe telashet që të kam hapur, por duhet të të sqaroja më parë se dhe ti ke bërë gabime. Prandaj është mirë t’i sheshojmë dhe të ecë puna normalisht. Kur mendoj që je gjallë e shëndosh, harrohen të gjitha, se ai tjetri e kishte baxhanak dhe iu vra në krye të punës, pa pyetur fare për rëndësinë e tij.

Të uroj shëndet dhe të më falësh për telashet, por të kam thënë, mos bëj biznes pa lejen time.

I yti, Luli

[Brari]

sa e dashke edvinin ti mer kokudh..

na trego pak.. si e bleu ed ruci.. meron..

ti sifi di gje?

[veris06]

A sa gjynah per Meron se ka mbet pa vene gjoba e tani po e mer me te qeshur.
Hedheja e baltes dhe shpifja jane arme te forta ne dore te genjeshtarit por nuk e di sa kopje arin te shese te fletushkes .

[drenicaku]

... Ja nxorri bojen Mero Baze xhaxhi Sales. S'ka lene gje pa i nxjerre. Ndonje dite do lexojme edhe sa pale breke ka ne shtepi xhaxhi Sala. Edhe Ed sumshklymit ja kishte ngjesh me ate artikullin per ate mafiozin e vogel te Vorribomit. Megjithese Ed buçen e ka bere lecke fare nja 8 vjet rresht. Ate Lir koklopen, ate shtangistin e vogel sikur s'po e shan me. Do i kete dhene ndonje lek ai se s'ka mundesi (sipas militanteve ithtare) ...

ky mero baze me duket ca si psikopat apo nuk eshte keshtu?