Denoncimi i Alfred Pezës: Edi Rama, model i dhunuesit të medias

[DYDRINAS]

Edi Rama, hakmarrje politike me Polici Bashkiake ndaj dy vëllezërve Kokona


» Vendosur: 29/10/2008 - 09:53
•

Aristir Lumezi

Kryetari i njësisë bashkiake nr. 3, Ilir Kokona, i cili u gjend i rrethuar në banesën e tij nga forcat e Policisë Bashkiake të Tiranës dhe Ndërtimores, shprehet se më parë ishte kërcënuar nga Edi Rama. Sipas tij, pretendimi i bashkisë për t’i prishur shtëpinë, e cila është në proces legalizimi, ka prapavijë politike për shkak se ai u largua nga PS-ja dhe i është bashkuar “PS ’91". Debatet e tij me Edi Ramën, sipas Kokonës, kanë nisur kur kryetari socialist i kërkoi manipulimin e votave të delegatëve të kongresit për anëtarët e Asamblesë Kombëtare.

Zoti Kokona, çfarë ka ndodhur dje në banesën tuaj?

Rreth orës 2.00 mbasdite më merr në telefon im atë dhe më thotë se rreth shtëpisë tonë kanë ardhur furgona të bashkisë dhe policë të saj. Shkoj dhe shoh se ishin policë bashkiakë, të inspektoratit të ndërtimit dhe pyes se përse kanë ardhur. Më thonë se kemi ardhur të prishim shtëpinë. Unë i kërkova një dokument zyrtar, një shkresë ku bazohej ky aksion i tyre. Nuk kemi asnjë shkresë dhe nuk të japim llogari ty, më thanë. Kërkoj në telefon Ramën, drejtorët e bashkisë dhe askush nuk më përgjigjej. Deri në mëngjes furgonat e Policisë Bashkiake kanë pasur nën rrethim shtëpinë time, policë që qeshnin dhe bënin gallatë në mes të natës me zë të lartë.

Shtëpia juaj është cilësuar një objekt i paligjshëm për t’u shembur. Prish ajo një plan urbanistik të zonës?

Aspak, shtëpia ime është ndërtuar që në 1997 dhe është me leje dhe me firmën e zotit Rama dhe shtesa që ne kemi bërë është në proces legalizimi.

Para se ju t’i bashkoheshit “PS ’91" ka pasur ndonjë kërkesë për prishjen e shtëpisë tuaj?

Absolutisht, zoti Rama ka ardhur disa herë në shtëpinë time, po ashtu dhe dy kryeinspektorët e Bashkisë së Tiranës dhe s’kemi pasur asnjë problem. Para tre muajsh kam dorëzuar tek inspektorati ndërtimor shkresat e mia, kjo ndërtesë është nën emrin e vëllait tim dhe në të banojnë katër familje ku kemi investuar të gjithë.

Ju mendoni se këtu ka një prapavijë politike. Përse këmbëngulni tek ky shpjegim?

E them këtë, sepse ditën që unë zyrtarisht jam shkëputur nga PS-ja, kam takuar zotin Rama ku edhe jam kërcënuar prej tij.

Si është zhvilluar biseda juaj e fundit me kryetarin e Bashkisë së Tiranës dhe kryetarin e PS-së?

Ditën që unë i thashë Edi Ramës se po iki nga PS-ja, ai u shpërfytyrua dhe madje më ka kërcënuar.

Ju i kishit kërkuar takim atij?

Jo, takimin ma kërkoi Rama dhe unë e takova në selinë e PS-së.
Ndërkohë ne kishim bërë shumë debate të mëparshme që kulmuan me largimin tim nga PS-ja. Që në çastin që ai me disa miqtë e tij, që është turp t’i thuash socialistë, sepse nuk janë të tillë, edhe pse janë deputetë, pasi shumë vonë kanë hyrë në PS, më thërret dhe më kërkoi që unë të manipuloja kongresin e fundit kur do zgjidhej Asambleja Kombëtare. Unë nuk pranova të bëja këtë kompromis me ta, pasi kisha besuar te “një anëtar, një votë”, nuk pranova të futesha në një zyrë në godinën e PS-së dhe të vendosja kush duhet të jetë dhe kush nuk duhet të jetë në Asamblenë Kombëtare, ashtu siç u bë. Ky ishte një zhgënjim i madh për mua dhe unë dhashë dorëheqje nga gjithçka, pasi votova në kongres. Më pas u përplasa me Ramën për sharjet që ai i bënte qeverisjes socialiste për tetë vjet rresht. Ai hidhte poshtë gjithçka qeverisjet e PS-së kishin bërë në emër të politikës së re. Ndërkohë që ai ka rreth vetes ata ministra socialistë që nuk paskan bërë asgjë për tetë vjet.

Cila ishte biseda juaj e fundit me Edi Ramën?

Rama, pasi e kishte marrë vesh se unë po kaloja tek “PS ’91", më kërkoi ta takoja në zyrën e tij në PS. Unë i paraqita të gjitha rezervat që kisha për gjithë drejtimin e partisë prej tij dhe gabime të rënda përbaltëse. Ai arriti të më thotë që nëse do të rrish me mua, rri si duhet, nëse jo derën e ke të hapur. Madje, ai më tha se më mirë të kishe shkuar tek PD-ja sesa vajte tek “PS ’91". Unë i thashë se tek PD-ja e kishte ai vendin dhe jo unë, sepse unë jam socialist prej kohësh. Pasi më dëgjoi të gjitha arsyet pse unë largohesha nga PS-ja, më tha: “Mendohu mirë! Jam menduar i thashë. Do pendohesh, do kesh pasoja, do të shkatërroj!, më tha. Në ato momente ai ishte shpërfytyruar, ndërsa unë nuk ia mora shumë për bazë këtë kërcënim. Më pas ca miqtë e tij, që ai i mban si Man Kukaleshi nëpër bashki, erdhën më takuan dhe më bënë presione që unë të tërhiqesha, duke më kujtuar familjen, fëmijët etj. Edhe këta nuk i mora për bazë. Pastaj ndodhi kjo e djeshmja që ishte një akt fashist.

Cili ka qenë reagimi i socialistëve për këtë situatë?

Sot kam pasur shumë telefonata, nga ata që nuk kanë ardhur në “PS ’91", madje dhe nga përfaqësues të lartë të PS-së, që me kurajo më thanë se “Çfarë po bën ky i çmenduri?!” Më vjen keq për ta, sepse s’kanë ç’bëjnë asgjë më tepër.


Hakmarrje me Polici Bashkiake


Fatos Mahmutaj

Një polic i Policisë Bashkiake kishte mbetur ditën e djeshme i vetëm për të bërë roje pranë banesës së familjes Kokona në rrugën “Qemal Stafa”. Kolegët e tij të Policisë Bashkiake dhe ata të Policisë Ndërtimore ishin larguar paraditen e djeshme njëri pas tjetrit, pasi kishin kaluar gjithë zhurmë natën aty në pritje të fillimit të operacionit për shkatërrimin e dy kateve të banesës së Muharrem Kokonës. I zoti shtëpisë, Muharremi, ende nuk e ka marrë veten nga ai që e quan terror të policëve të Edi Ramës. Pasi na tregon policin që qëndron pa lëvizur në trotuarin e rrugicës, nis të rrëfejë se një ditë më parë, rreth orës 12:00, kishin mbërritur gjashtë persona në banesën e tij, të cilët i ishin prezantuar si inxhinierë të bashkisë. “Pronari i shtëpisë je?”, i ishin drejtuar ata, dhe pas përgjigjes pohuese nga Kokona i kishin komunikuar se dy katet e sipërme të banesës ishin pa leje dhe duhet të prisheshin.
Debati
“Ikni, se shtëpinë e kam mbaruar prej kohësh së ndërtuari dhe tashmë banoj në të, - ua ktheva”, thotë Muharremi, ndërsa pak minuta më vonë aty kishin mbërritur një grumbull policësh dhe civilësh që i kishin komunikuar se do të nisnin menjëherë nga puna për prishjen e dy kateve të banesës. “Pasdite rreth orës 17:30, në ndihmë të policëve erdhën edhe dy furgonë të Policisë Bashkiake dhe mjaft policë dhe civilë të tjerë, me mjete civile, që i filmova me celular”, pohon Kokona, të cilët, pasi i kishte pyetur se çfarë kërkonin aty, i ishin përgjigjur: “Kemi urdhër të rrimë këtu”. Duke komentuar këtë bisedë dhe veprimet e bashkiakëve dhe ndërtimorëve, Kokona tha se janë të papëlqyeshme, për më tepër që djemtë e tij njëri është i zgjedhur bashkiak, ndërsa tjetri ishte kreu socialist lokal, por që pak ditë më parë ishte shkarkuar nga Rama.

Arsyet varfanjake

“Nuk kishin shkresë zyrtare për të argumentuar prishjen e dy kateve të banesës, madje asnjë arsye sado varfanjake që të ishte”, tha Kokona duke shtuar se kishte këmbëngulur në bisedë me ta që t’i tregonin arsyet pse kishin zbarkuar rreth shtëpisë së tij. Përgjigjja për këtë kishte qenë e thjeshtë: “Kemi ardhur të mbikëqyrim shtëpinë”. Në këtë kohë, Muharremi, i ati i kreut të njësisë bashkiake, duke iu shmangur të gjitha provokimeve të tyre tregon se u kishte thënë: “Nuk i lejoj vetes të bëj apo krijoj incidente me juve”, ndërsa kishte telefonuar Policinë e Shtetit në numrin 129. Pak minuta më vonë, sipas tij, aty kishte mbërritur një grup i gatshëm që kishte marrë kontakt me policët bashkiakë. Pas kësaj policët e rendit i kishin thënë Kokonës se bashkiakët ndodheshin në detyrë dhe se nuk kishin asnjë kompetencë për t’i larguar që andej.

Banesa

“Djali im Iliri, që ditët e fundit braktisi Partinë Socialiste për të kaluar me ‘PS ’91’, ka vetëm një hyrje në këtë banesë”, thotë Kokona, duke shtuar se nëse kishte probleme për ndërtimin e banesës së tyre, atëherë duhet të thërritej ai dhe jo djemtë që kishin veç nga një hyrje. “Po këta nuk thirrën asnjë, por erdhën direkt për ta prishur”, tregon Muharremi. Sipas tij, problemet e partisë që Edi Rama ka me djemtë e tij duhet t’i zgjidhin me mënyra të tjera dhe jo duke prishur shtëpinë. “Edi Rama është autori i gjithë kësaj rrëmuje”, tha Kokona, ndërsa tregonte për ndërtimin e shtëpisë, e cila sipas tij ka përfunduar vite më parë dhe se dispononte të gjithë dokumentacionin e duhur. Djali tjetër i Muharremit, Arjani, pohon se në kohën kur kishte parë që banesa e tij të rrethohej nga policë dhe civilë të shumtë i kishte dërguar mesazh celular kryebashkiakut Edi Rama. Ky e kishte marrë në celular dhe i kishte thënë të mos e shqetësonte pasi nuk dinte asgjë për këtë. “Po ti sa herë më ke marrë në telefon dhe më ke dërguar sms shqetësuese, dhe unë nuk paskam të drejtë të të them se po më bën presion duke më dërguar gjithë Policinë Bashkiake”, pohon se i ka thënë Arjani kryebashkiakut Edi Rama, ndërsa tregoi në celular mesazhin që i kishte dërguar kryesocialisti pas kalimit të Ilir Kokonës te “PS ’91".


Thirrja për Edi Ramën:Na sqaro publikisht

TIRANE – “Edi Rama të më sqarojë publikisht dhe jo gojarisht për këtë sjellje që ka bërë ndaj familjes time, duke më terrorizuar fëmijët e vegjël, (nipër e mbesa), nëpërmjet presioneve të vazhdueshme që u bën djemve dhe që kulmuan me ‘zbarkimin’ e Policisë Bashkiake dhe Ndërtimore ditën e djeshme (të hënën) në banesën time”. Kështu pohoi dje Muharrem Kokona, pasi policët bashkiakë ishin larguar njëri pas tjetrit, duke mbetur aty vetëm një prej tyre. Duke i mëshuar faktit se gjithçka ishte hakmarrje politike e Edi Ramës, Kokona tha se pikërisht për këtë kryesocialisti dhe njëkohësisht kryebashkiaku i Tiranës duhet ta sqaronte publikisht këtë situatë që kishte krijuar. f.m.


Dokumenti, banesa u hipotekua në 2000

TIRANE – Banesa e familjes Kokona, sipas dokumenteve që disponon Muharrem Kokona, është hipotekuar tre kate në vitin 2000. Sipas vërtetimit hipotekor, kjo pasuri e ndodhur në zonën kadastrale 8140 mban numrin 3/279. Objekti është përshkruar në certifikatë të jetë tre katesh i destinuar për banim. Sipërfaqja e ndërtimit është 115 metër katrorë, ndërsa trualli i ndërtimit është 184 metër katrorë. Më tej thuhet se banesa që ndodhet në rrugën “Qemal Stafa” në katin e parë ka sipërfaqe ndërtimi 121 metër katrorë, ndërsa dy katet e mësipërme kanë sipërfaqe secili 138 metër katrorë, të ndara në apartamente tre plus një. Më pas familja Kokona ka shtuar edhe dy kate të tjerë të banesës, të cilët së bashku arrijnë në 274 metër katrorë. Në bazë të një vërtetimi të lëshuar dje nga ALUIZNI, rezulton se objekti pesëkatësh i Muharrem Kokonës është përfshirë në procesin e legalizimit. Kjo vërtetohet nga një dokument i ALUIZNI-t, ku thuhet se pas verifikimeve të kryera në bazë të të dhënave të administruara nga Drejtoria Rajonale e Tiranës, rezulton se më 23 janar 2008 Kokona ka dorëzuar formularin e vetëdeklarimit për legalizimin e dy kateve pa leje.

panorama

[DYDRINAS]

Përse i duhet media Edi Ramës


MENTOR BEQA


Drejtori i Ora News, Alfred Peza, hapi një debat lidhur me përdorimin e medias nga ana e kryetarit të Partisë Socialiste, Edi Rama, dhe ishte e natyrshme që kjo deklaratë të diskutohej në hollin e gazetarëve, që shpeshherë janë gjendur personalisht nën trysninë e presioneve të tij. Ky debat është shtruar herë pas here edhe nga gazetarë të tjerë, më së shumti për shkak të sjelljes vulgare të kryebashkiakut Rama me gazetarët, por nuk ka pasur ndikimin e duhur për shkak të bllokimit të debatit nga mekanizma që tejkalojnë sms-të e përmendura nga zoti Peza. Ky debat konkret ka nevojë edhe për një qasje teorizuese, e cila do të na ndihmonte për t’i shkuar në thelb këtij modeli raportesh mes medias dhe politikës dhe nënshtrimin në të shumtën e rasteve të gazetarëve ndaj modelit Rama. Së pari, duhet trajtuar modeli Rama si politikan dhe raporti që ai ka ndërtuar me median, e po ashtu modeli Berisha në politikë dhe raporti i tij me median. Së dyti, pozicionimi i medias ndaj këtyre modeleve dhe instrumentet e kontrollit mbi median.



Fillimisht, duhet të pohojmë se mendimi bashkëkohor konstaton se politika dhe media janë një simbiozë e pandashme që ushqejnë njëra-tjetrën. Si të tilla, ato janë në një bashkudhëtim të pandashëm në përpjekje të përhershme për të dominuar marrëdhënien e krijuar për shkak të vetë natyrës komunikuese që ka shoqëria e sotme. Politika kërkon të përcjellë mesazhe, ndërsa media është instrumenti me anë të të cilit këto mesazhe receptohen nga ana e publikut – elektorat në kuptimin politik. Nëse më parë mesazhet receptoheshin në mënyrë të drejtpërdrejtë, nëpërmjet një komunikimi të drejtpërdrejtë, sot kjo është e pamundur. Bota e sotme ka një tjetër dinamikë komunikimi dhe politika është e kyçur brenda ekranit televiziv apo e stampuar në fletët e bardha të gazetës. Me një rol të tillë ndërmjetësimi, media është dhe do të jetë gjithnjë “shkopi magjik” që politika kërkon ta ketë në dorë. Problemi është se si në një vend të lirë krijohen marrëdhëniet e politikës me median dhe këtu hyjmë në një fushë tjetër që ka të bëjë me teknikat e PR-së, të cilat janë të shumëllojshme.



Përgjithësisht, modelet e politikanëve që bartin legjitimitet historik, nuk e ndiejnë domosdoshmërinë e përdorimit të medias për të rritur kapitalin politik. Përkundër kësaj, media bëhet shumë e rëndësishme për aktorë politikë të cilët e ndërtojnë karrierën jo për shkak të ndonjë legjitimiteti të caktuar apo për shkak të ndonjë kontributi doktrinor në një pikë të caktuar të historisë së një vendi. Këtu ndahen modelet Rama dhe Berisha në raportin e tyre me median. Edi Rama ka lindur si politikan brenda ekranit televiziv. Historia politike e zotit Rama karakterizohet nga makiazhi mediatik, më shumë se kontributi real në angazhimin politik. Ai nuk se legjitimohet nga aktet e kryera në lëvizjet e viteve ‘90, siç mund të thuhet për Sali Berishën dhe Fatos Nanon. Për më tepër, ligjërimi politik i zotit Rama është i zhveshur nga substanca e nevojshme që lypset për të ndërtuar një mesazh politik.



Edi Rama, si lider i së majtës, nuk ka arritur në asnjë moment të artikulohet si i tillë, duke mos hedhur në tregun politik asnjë ide apo tezë që të jetë e tij. A mund të quhet lider një njeri të cilit i mungojnë këto dy komponentë: legjitimiteti historik dhe tezat politike!? Pak e vështirë për t’u pranuar. Edi Rama ka konsideruar si ofertë politike punët publike që janë bërë në Bashkinë e Tiranës. E drejtë, por me diçka të tillë mund të identifikohet një drejtor rrugësh, jo një lider politik. E vetmja tezë e hedhur nga zoti Rama, e mbështetur nga Erion Veliaj dhe e zgjatuar nga disa versione femërore të Erionit që bredhin kohët e fundit studio më studio, është politika e re përtej të majtës dhe të djathtës. Kjo ide është masakër në vetvete. Është totalitariane dhe e përshtatshme për populistin Hugo Çavez, jo për një kryetar partie që kërkon të bëhet Kryeministër brenda rregullave të sistemit demokratik. Thënë këto, analiza të çon në përfundimin se Edi Rama është një tullumbace mediatike e fabrikuar nga media, pa të cilat ai është “asgjë”. Ndaj dhe zoti Rama është i detyruar të përdorë të gjitha instrumentet e nevojshme për të prodhuar mesazhe politike, duke ushtruar presione nga më të ndryshmet mbi median, përfshi këtu dhunën verbale dhe shantazhet ekonomike me anë të keqpërdorimit të funksionit të kryetarit të bashkisë më të madhe në vend.



Përkundër modelit të Edi Ramës, modeli Berisha apo dhe Nano, kanë nevojë për median, por nuk janë prodhim i medias. Ata mbartin legjitimitet të fortë historik për shkak të kontributit politik të tyre në 20 vitet e fundit dhe janë autorë të formësimit të sistemit pluralist në Shqipëri. Pavarësisht të metave të treguara në këtë angazhim, Berisha dhe Nano janë pozicionuar politikisht, duke u munduar të artikulojnë doktrina politike. Nëse ata mund të jetojnë pa median, arsyeja është historia. Nëse Rama nuk mund të jetojë pa median, arsyeja është po prapë historia.






29/10/2008


standard

[Brari]

asnje llaf balkanwebi e new24 per incidentin edvin-kokon..

shum besnike malltezja e kARLOS BOLLINO ndaj edvinos..

[BlueBaron]

... Hehehe e paska ''qethur'' temen moderatori. Sa rrenje te thella kane klyshet e enver hales, ed sumshklymit e sal palles, ah se harrova ate buçellien e vogel lir shtangistin ...

[BlueBaron]

... Dydrinas ...

Thuaj ndonje gje vete a derebardhe se mbete copy/paste ...

[DYDRINAS]

OPINION
Liria e shtypit, e përdhosur në gojën e Edvin Ramës
25-01-2009 / Nga Kostaq Xoxa

Në deklaratën e faktuar të drejtorit të Përgjithshëm të Radiotelevizionit thuhet se “në asnjë rast dhe për asnjë arsye nuk është censuruar as kryetari i PS-së dhe asnjë nga drejtuesit socialistë, apo aktivitetet e kësaj force politike”. Madje përmendet edhe fakti tjetër se “aktivitetet e kryetarit të PS-së, janë botuar të plota, siç i ka dërguar zyra e shtypit të PS-së. Për këto të vërteta monitorimi (i ngarkuar me ligj) që ka bërë Këshilli Kombëtar i Radios dhe i Televizionit ka evidentuar se Partia Demokratike në mazhorancë ka zënë 67.88 minuta ose 13.69 për qind dhe Partia Socialiste në minorancë ka zënë 67.38 minuta ose 13.59 për qind. “Ndryshimi i kohës në total është vetëm 50 sekonda ose 0.10 përqind (një për mijë) në favor të Partisë Demokratike.
Mësymjet e E. Ramës nuk u referohen dot këtyre shifrave, sepse kreu i PS-së, si kurdoherë, është proliks, i përsërit dy ose tri herë të njëjtat mendime dhe këtë e ka bërë të dukshme edhe në emisionet televizive, në të cilat është bërë aq llafazan, sa ia ka përgjysmuar emisionin intervistuesit.
Nga ana tjetër Edvini nuk e ka për gjë që të fyejë me banalitetet e tij të zakonshme cilindo dhe cilëndo prej atyre që nuk ia pëlqyen projektin financiar të Bashkisë, me defekte të panumërta, si për shembull me fonde të vendosura dy ose më shumë herë për një objekt të pakryer, të padetajuar nga ana e shpenzimeve konkrete e me mangësi të tjera, që u argumentuan edhe nga një pjesë e së majtës në këshillin bashkiak. Anëtarët e LSI-së në këtë këshill e hodhën poshtë këtë projekt, - pa dyshim edhe ata të PD-së - dhe projekti u rrëzua dy herë. Përpara kërkesës që, në raste të tilla, kryetari i bashkisë do të duhej të jepte dorëheqjen, ai - si mllefexhi i njohur, tashmë, - nuk u resht nga fjalët banale, me kryefjalë m...n, aq më tepër që me këtë fjalor iu drejtua një zonje, me përgjegjësi zyrtare në këshillin bashkiak.
Përkundrejt një dështimi të mirëfilltë, atij tanimë, ia ka fajin Televizioni Publik, të cilin Edvini e konsideroi si një televizion “antidemokratik dhe si konkurrentin më të pandershëm dhe më të dëmshëm në tregun e informacionit”. “Shqiptarëve që fyhen e abuzohen përditë nga Televizioni Publik Shqiptar, u premtoi se pas 156 ditësh do të marrë fund epoka e Televizionit të Pushtetit dhe do të fillojë epoka e Televizionit të Qytetarëve; do të pushojë era që fryn nga e shkuara komuniste e Shqipërisë dhe do të nisë të fryjë era e së ardhmes perëndimore të shoqërisë sonë europiane”. Kjo megalomani, e njohur mirë, tashmë, me premtime të bujshme, ka një përvojë të hidhur. Duke u përqendruar vetëm në një shembull thelbësor, mund t’i vihet në dukje kryetarit të PS-së, tanimë, ai premtimi solemn e i bujshëm, (kur mori në dorë skeptrin e kreut të PS-së), se do të realizonte bashkimin e të gjithë formacionit të majtë shqiptar. Në të vërtetë bëri përçarjen e madhe. Kjo u shoqërua me eksponentë të PS-së, të cilët iu larguan asaj. Tani, i sulmuar nga LSI-ja, i bërë i padurueshëm nga protagonistë të partisë së tij që i lanë shëndenë për t’u bërë pjesë e LSI-së apo për të aderuar në një parti tjetër të majtë, ai e ka humbur drejtpeshimin dhe flet për 156 ditët e halucinacioneve të tij!
E.Ramën e ka kapur, tani, nostalgjia për tetëvjeçarin e mirënjohur, që kërkon të ngjisë sërish shkallët e pushtetit. Duke mos pasur asnjë projekt konkret për një qeverisje të ardhshme imagjinare, na flet tani sesi do të jetë Televizioni Publik Shqiptar i ardhshëm.
Sepse ai sot na qenka “një TV e tipit sovjetik, e shndërruar në një vegël të pushtetit, me propagandë si ajo e diktaturës komuniste”. Harroi se ç’lloj propagande qé ajo e 16 shtatorit në Pezë. Atje dolën në fushë qindra foto të diktatorit komunist. U kënduan këngë për lavdinë e “të paharruarit”, - siç e quante R. Alia. U dehën e u bënë tapë plakushë nostalgjikë e djem e vajza të mitura... Tani na flitet kundër komunizmit, kur Edi Rama është përgjegjës i drejtpërdrejtë i Enverizmit të ekzaltuar! Në vend që të pendohet e të bëjë mea culpa për atë sfidë që i bëri AP-së së KE-së, tani kërkon të bëhet i besueshëm si antikomunist! Doemos édhe si proamerikan. Bash ai person tek i cili shokë loje të basketbollit në ekipin e Dinamos, nuk guxonin ta zinin në gojë, në praní të tij, Amerikën, as për mirë as për keq! Ai ishte, si të thuash, i riu që kishte hyrje e dalje në bllok! (Kur të tjerët ndërronin rrugën V. Pasha, për të mos ia parë bojën atij Blloku!
Prandaj atë togfjalëshin “gërdallë e vjetër komuniste” ta mbajë për vete, kur të plaket!
*
Nëse Mme Roland de la Platière ka thënë “O peuple! Que de crimes on commet en ton nom”, kjo nuk e ndryshon kuptimin, nëse fjala “popull” zëvendësohet me fjalën “liri”: “O liri! Sa krime bëhen në emrin tënd!”. E, meqë liria e shtypit ka qenë e ndrydhur gjatë qeverisjes tetëvjeçare, kuptohet demagogjia e Ramës se, “pas ardhjes në pushtet, do të përfundojë koha e medias si në kohën e komunizmit”. Në të vërtetë, koha e medias si në kohën e komunizmit, ka qenë pikërisht gjatë kohës së tetëvjeçarit të dështuar. Ndër të përditshmet, gazeta “55” ka pasur një kalvar të Golgotës majtiste kundër saj. Do të duhej një libër i tërë për të përshkruar tërë ato vështirësi, të gjitha thirrjet në prokuroritë e politizuara, kërcënimet e pambaruara, që drejtori i kësaj gazete i ka vënë disa herë në dukje, por majtistët bëjnë sikur nuk dëgjojnë nga ai vesh...
Sikur vetëm ulërimat e zëdhënësit të shpifjeve të Edvin Ramës të monitoroheshin vetëm për çështjen e të ndjerit K. Trebicka, do të mbuloheshin të gjitha lajmet e mediave. Ato ishin shpifje, sepse vetë ekspertiza e specializuar amerikane i nxori të tilla. Megjithatë veshët po na gumëzhijnë ngaqë, duke ndërruar valët televizive, shihnim sërish fytyrën e Braçes, dhe po ashtu edhe pas ndërrimit të valëve të kësaj TV-je të dytë, gjersa të shpëtonim nga ky shurdhim.
E, pra, Ramës nuk i mungon liria e shtypit, por i dalin në pah sajesat e tij për një vrasje të hamendësuar e cila, përfundimisht, u verifikua si një aksident! Tani, në këtë orë e në këtë minutë janë në prokurori disa çështje të tjera. Por mediat, në përgjithësi, gumëzhijnë nga dhënie sentencash. Sepse Rama, si nihilist, e ka paragjykuar vendimin e gjyqit, sipas të cilit prokuroria duhet t’i nënshtrohet diktatit të E. Ramës. E quajmë nihilist, se di vetëm të mohojë sukseset e mëdha të qeverisjes Berisha, që ia prishin drejtpeshimin.
Sa për ditët që numëron Rama se do të vijë në fuqi, ai i bën hesapet pa hanxhinë. Sepse ai është i rrezikuar që tani si kryetar bashkie, për të dy vendimet radhazi që janë dhënë kundër tij, e jo më të përligjet që të ëndërrojë për më tej.
Një person që është i kontestuar nga artistët, kur ishte ministër i Kulturës; po i njëjti person, që nuk e ka këshillin bashkiak me vete, si kryetar bashkie, domethënë është i dështuar në bashki, - tani ka ambicien të kryesojë një shtet të tërë. Por shteti nuk është si këpëdarët që t’i besojë një demagogu!

55

[Duaje Siveten]

edhe ti zombi e fahri baliut?!? ...

[Brari]

fahriu ishte nje nga tre personat.. per te cilet nexhmija cfaqi hapur urrejtje e egersi ne intervisten e saje tek rudina klosi.. me fal.. xhunga..
dy tjeret ishin kadareja e berisha..

me njefjal o josif blushi.. rrot ne rrot je me nexhin.. ne simpatira e inate..
he me te lumte o josif..

[^SHIU^]

Ty Brari dhe Dydrinas sikur ju ka pjelle Saliu. Flisni me me shume kompetence per Tiranen sesa nje qe jeton ne TIrane si Sukthi i vogel. Problemet e Tiranes beni mire tja lini Tiranasve dhe boll llapet per Saliun. O Brari kam dashur te pyes: U rriten ato ullinjte qe ka mbjelle Saliu, apo do te themi ty lamtumire nga forumi?