albania
Miliarderët e huaj shfrytëzojnë krizën globale për të blerë prona në Shqipëri
Ervin Koçi
Kriza financiare globale, e cila hodhi në tokë vlerën e pasurive të patundshme në të gjithë botën, e sidomos në SHBA, duket se ka favorizuar vendin tonë. Prona të ndryshme dhe me një vlerë realisht të madhe, por me çmime të lira, që kanë dalë në shitje në mjaft zona të vendit, kanë bërë që prej tyre të joshen me dhjetëra pasanikë e biznesmenë të huaj. Investitorët janë të ardhur nga Britania e Madhe, Spanja, Rusia, Serbia dhe nga Arabia Saudite. Sipas burimeve nga agjencitë imobiliare, vëmendjen e tyre e kanë tërhequr apartamentet në Farkë apo Kashar, si dhe troje përreth Aeroportit të Rinasit ose në Shëngjin, në Gjirin e Lalzit dhe në Sarandë, të cilat në një pjesë u janë shitur të huajve. Në një kohë kur diskutohet siguria e depozitave bankare në të gjithë botën, në vendin tonë po vihet re një vëmendje më e madhe e të huajve për blerje të pronave të patundshme. Në kushtet kur ende pasiguria ka pushtuar sistemin bankar, duke filluar nga qendra botërore, ekonomia amerikane, duket se investitorët e mendojnë me më pak risk blerjen e trojeve e objekteve të patundshme në Shqipëri, për t'i shitur më pas, ose për t'i përdorur për investime në një moment më të favorshëm të ciklit të zhvillimit ekonomik botëror. Megjithatë, ecejaket e tyre në bregun e Rivierës së Jugut, deri tani, theksojnë imobiliarët, janë frenuar për shkak të mungesës së vazhdueshme të një plani përfundimtar, që të përcaktojë zonat ku mund të ndërtohet dhe ku jo.
Pse blejnë në Shqipëri
Sipas ekspertëve të tregut të pasurive të patundshme, “Shqipëria është vendi më i lirë në rajon dhe çmimet pritet të vazhdojnë të rriten në të ardhmen”. Sipas vlerësimeve të një agjencie me kapital të përbashkët, çmimet e trojeve përreth zonës së aeroportit ndërkombëtar "Nënë Tereza" të Rinasit janë në nivelin 50-60 euro/m2. Ndërkohë, zona pranë aeroportit ndërkombëtar të Sofjes, në Bullgari, ka një kosto sa dhjetëfishi i kësaj: afro 500 euro për metër katror. Agjentët imobiliarë konfirmojnë se, “tani që tregjet e zhvilluara botërore po kalojnë një periudhë të vështirë, Shqipëria është ‘e painfektuar’ nga ky fenomen”. Të dhënat nga bankat, financat dhe pasuritë e patundshme konfirmojnë një shëndoshje të mëtejshme dhe parashikimi është mjaft pozitiv. Sipas ekspertëve imobiliarë, kjo mund të jetë ndër herët e para në historinë ekonomike ku Shqipëria dhe i gjithë Rajoni i Ballkanit duken më mirë se Bota e Zhvilluar, pasi ecuria është mjaft e mirë. Fakti, që mjaft kompani “të brishta” ndërkombëtare po hasin vështirësi në vendet e zhvilluara ku veprojnë, heq mundësinë e shtrirjes së tyre në Shqipëri dhe si pasojë e “shpëton” tregun nga kompani të huaja që nuk kanë kapitalet dhe seriozitetin e duhur.
Zonat ku blejnë të huajt
Sipas të dhënave nga agjencitë imobiliare, kërkesat nga investitorët e huaj janë në rritje. Zonat më të preferuara mbeten ato bregdetare. Çmimet në Gjirin e Lalzit variojnë nga 50-150 euro/m2. Sipas agjentëve, kjo zonë është në zhvillim dhe me shumë interes. Ajo është pranë Aeroportit të Rinasit, rruga është duke u shtruar, ndërkohë që rëra dhe deti janë shumë të pastër. Në fakt, qëllimi për shumë investitorë të mëdhenj që kanë nisur ta vizitojnë Shqipërinë dy vitet e fundit, është që të blejnë sa më shumë tokë në bregdet, të bashkohen dhe të ndërtojnë zona rezidenciale. Kjo do t’i lejonte të huajve në përgjithësi që të shijonin vendin pa vënë re realitetet e tjera negative. Zona e Lalzit ka edhe privilegjin që është ndër të paktat që ka një studim urbanistik të zonës turistike. Në të janë caktuar zonat më të përshtatshme për vendosjen e strukturave turistike dhe kushtet kryesore për ndërtimin e tyre, rregullat dhe normat urbanistike dhe arkitektonike. Nga ana tjetër, edhe Jugu është gjithnjë e më shumë nën “presionin” e të huajve, që kërkojnë të investojnë në ngritjen e komplekseve apo fshatrave turistike. Deri tani, sipas informacioneve të agjencive imobiliare, “vetëm disa investitorë rusë kanë mundur që të blejnë disa hektarë tokë në Ksamil të Sarandës, fare pranë me bregdetin”. Ndonëse i rrethuar nga një numër pikash turistike europiane, turizmi për investitorët, kryesisht rusë në Shqipëri, është ende i pazhvilluar, duke pasur perspektivën që të bëhet një vend mesdhetar tërheqës.
Imobiliarët: Tregu i pasurive të patundshme, i stabilizuar
Agjentët imobiliarë shpjegojnë se kohët e fundit qytetarët e kanë rritur kërkesën për të blerë apartamente me kredi, por problem mbetet ende hipotekimi i ndërtimeve të reja.
Përsa i përket tregut të qirave, agjentët imobiliarë shpjegojnë se ka pasur një rritje të çmimeve për apartamentet e vogla për shkak të ardhjes së studentëve, por sipas tyre, bëhet fjalë për një rritje artificiale që zgjat për një periudhë të shkurtër kohe. Ekspertët imobiliarë gjykojnë se ky është një moment që duhet shfrytëzuar nga Shqipëria, pasi parashikimet për zhvillimin e saj janë mjaft pozitive. Edhe në deklaratën e tij zyrtare Fondi Monetar Ndërkombëtar ka konfirmuar se vendet e rajonit nuk parashikohen të preken nga kriza globale. FMN-ja pret që rritja ekonomike në zonën pesëmbëdhjetëvendëshe të euros të bjerë dukshëm në 1.3 për qind në vitin 2008 dhe pastaj vetëm në 0.2 për qind vitin tjetër. “Ndërsa ekonomitë e Europës Juglindore po gëzojnë ende "kohë të mira", ato duhet të ndërmarrin veprime për të kontrolluar balancat e jashtme e të brendshme”,- thotë Fondi.
INSTAT: Rritet xhiroja dhe fitimi në zyrat e Postës në 3-mujorin e fundit
Xhiroja totale e vlerësuar me çmimet korrente në aktivitetin postar, u rrit 28.3 për qind më shumë në tremujorin e dytë të këtij viti, krahasuar me tremujorin e dytë të vitit 2007. Për sektorin e komunikacionit, rritja e këtij treguesi është 4.6 për qind më shumë. Sipas të dhënave të Institutit të Statistikave, krahasuar me tremujorin paraardhës, ky tregues në posta paraqitet me rritje prej 16.1 për qind, ndërsa në komunikacion, pësoi një rënie prej 2.2 për qind. Referuar të dhënave të INSTAT-it, numri i të punësuarve në aktivitetin postar u rrit 6.9 për qind dhe pagat 20.4 për qind. Ndërsa në sektorin e komunikacionit, numri i të punësuarve u rrit 9.6 për qind dhe pagat, 9.2 për qind.
23 Tetor 2008
Ekonomi
Miliarderët e huaj shfrytëzojnë krizën globale për të blerë prona në Shqipëri
Kolaudimi i automjeteve, tri kompani të huaja në garë për tenderin
Kompanitë austriake, interes për të investuar në Shqipëri
“Philips” vjen në Shqipëri me produktet e ndriçimit
KLSH-ja zbulon parregullsi dhe shkelje me mbivendosjen dhe regjistrimin e pronave
Investitorët gjermanë: “Nuk ka investime pa zgjidhje të çështjes së pronave”
Mungesa e kasave fiskale, një tjetër problem për biznesin e vogël
Ulja e çmimit të naftës nuk reflekton në biletat e transportit të udhëtarëve
Kontrollorët e trafikut ajror në Rinas dhurojnë gjak në ditën e festës së tyre
Raporti: Bizneset shqiptare jane primitive, nuk perdorin sherbimet ne internet
Dhënia e kredive, bankat private shtojnë procedurat e garancive dhe kërkesat
Privatizimi, kualifikohen 8 kompani për INSIG-un
Loja me çmimet e ushqimeve, Ministria e Bujqësisë njofton ulje me 3 për qind
FMN: “Qeveria, kujdes me shpenzimet buxhetore për fushatën elektorale”
“Sfida e Mijëvjeçarit”, luftë kundër korrupsionit dhe reformë të thellë në Tatime
Taksat e automjeteve, amnisti për taksën e regjistrimit vjetor dhe të qarkullimit
Çmimi i naftës në vendin tonë bie vetëm me 3.3 për qind
Kursi i këmbimit, leku me kuota të qëndrueshme në tregun valutor
Ekspertët e bankave: “Ekonomia shqiptare rrezikohet nga kriza e besimit”
Java nisi me një ulje të re të çmimit të karburanteve
Autoriteti i Konkurrencës: “Tregtimi i naftës në vend me pozita monopol”
Kriza financiare, Europa e gjitha në lëvizje për marrjën e masave “on block”
Raporti i BSH-së, portofoli i depozitave bankare është 363.7 miliardë lekë
Kursimet, bankat marrin masa të reja sigurie
Kursimet, bankat marrin masa të reja sigurie
Ekspertët: Kriza ekonomike do të prekë çmimet e ushqimeve dhe të lëndëve të para”
“Eagle Mobile” regjistron abonentin e njëqindmijtë në një kohë rekord
Apartamentet dhe pronat, ja sa kushtojnë në qytetet kryesore të vendit
INSTAT: “Nafta jep ndikimin kryesor në rritjen e të ardhurave nga akciza”
FMN-ja i “bën qejfin” qeverisë: “Jeni larg nga kriza financiare globale”
Përgjigju Duke Cituar
Postuar më parë nga white-knight
Krijoni Kontakt