Muzgu i Piramidës

[Michaux]

http://www.atafili.wordpress.com

Muzgu i Piramidës

“Çdo popull ka afatin e vet!” – Kur’an, 7:34

Shkruan: Avni Tafili

Moto e Perandorive: Të jap bukë dhe mbrojtje, ti më jep vendin (njerëzit i robëroj unë).

Po dihet se çka është Perandoria! Truall i ndarë, por sundimtar! Po edhe sikur një muzgë, kur piramidës i bie! Vende bashkë me njerëz nën sundim. E njerëz të robëruar me tru të shpëlarë. Gjithnjë pretendohet se, Qendra e Perandorisë është boshti i tokës – kah sillet gjithçka. Aty, në trojet perandorake, zakonisht më së shumti prehet monedha. Prehet edhe në vende tjera, por ajo është, ajo që e arkëton atë. Megjithëse prodhuesi mund të jetë vend tjetër, prapë: Rroftë Arkëtuesi! Poshtë Prodhuesi! Arkëtues është perandori, e prodhues punëtori.

Ora e Perandorisë gjithnjë e vazhdimisht është në alarm. Çdo herë kur alarmon, priten lajmet më të reja. Ndonjëherë për paqe e ndonjëherë për luftë. Strategji perandorake, e kundërta me strategjinë rëndomë: aty ku njerëzit rrinë urtë, por të dobët, alarmi i luftës, e aty ku njerëzit zihen, por të fortë, alarmi i paqes. Natyrisht, si paqja e si lufta shërbejnë herë për të shtuar zhurmë (fuqinë), kundër rrezikshmërisë (urrejtjes), e herë për të ruajtur qetësinë (gjumin) kundër zhurmës (zgjimit). Jo, nuk është monedhë me dy fytyra, por të dyja shërbejnë dhe kanë një fytyrë: aty ku ka qetësi, të shtohet qetësia, e aty ku ka zhurmë të shtohet zhurma; fytyra: rroftë Perandoria!

Sheshet dhe qendrat perandorake duhet të jenë vende të mrekullive! Vende të çudirave. Po, sepse për të sunduar mendjet, duhet më përpara t’i magjepsë ato. Po çka kur një vend është i zbrazët në këtë rrafsh, po, është i zbrazët edhe me çka të joshë. E si ato mendje t’i mbajë të magjepsura! Apo nga magjia të mos kthjellen. Perandoria gjithnjë ka zgjidhje. Çka është modë e trendi! Shkenca, jo, magjia! Atëherë, mblidhi magjistarët më të fortë anekënd botës – urdhëron paria e Perandorisë. Fillimi është aheng, e punë nën tokë, e pjesa tjetër plan i Perandorisë.

Të gjithë bashkërisht armiku të mposhtet, qoftë armiku edhe një njeri i vetëm. Perandoritë për të mbajtur pushtetin frikë krijojnë. Forcën e demonstrojnë. Po edhe inteligjencë përpiqen të imponojnë. Jo, me bukë sprovojnë, kush kokën ngre, bukë s’ka, e kush ulë kokën, bukë ka! Po urdhëron Perandoria, gjithçka thotë, e ka me gjithë mend. Të gjithë duhet t’i binden, përndryshe i pret mjerimi. Kështu frika ndillet, kur Perandoria ngrihet! E forcën duke demonstruar, inteligjencën shpalon, njerëzit të magjepsur, zemrat u robërohen e mendjet u zvogëlohen.

Është koha e Trekëndësheve, e Syrit depërtues, e Veshit shpues, e Gjuhës magjepsëse! Kur heroizëm është tradhtia, kur zgjuarsi është rrena, kur ngadhënjim është përmbysja. Përmbysja kur në buzë të detit Perandoria vihet: kthimi është zhveshje, ndërsa vazhdimi zhytje. E zhytje me përmbysje. Vdes fjala, kur krahët e Perandorisë duheshin të ishin të palëkundshëm, sa s’guxon as era majat e mëngës kur përvilen të mos ia lëvizin. E s’do të mbese më mëngë për t’u lëvizur, por gisht duke njësuar!

Perandoria! Kur majat e magjepsjes arrin, njerëzit s’mendojnë veçse të magjepsur, a janë njerëz a jashtëtokësor, madhështi që duhet admiruar. Po, sepse Perandoritë duhet të jenë ose Vende të Trekëndësheve, si Piramidat, ose vende të Jashtëtokësorëve, si UFO-të. Po Syri depërtues, është syri që vështron, armik jashtë tokës kërkon, e derisa njerëzit në agoni duke pritur luftën ndëryjore, paria perandorake argëtohet! Jo, Veshi shpues, ndien, në Vendin ku dielli dikur për zot adhurohej, ishte një vajzë që mbretëreshë do të bëhej! Prej Shkretëtirës së Trekëndësheve, deri tek Oqeani i Syrit depërtues, në Skaj të Sebe’-së, njerëz të hidhëruar, kundër perandorisë krye kanë ngritur; për t’u kthyer në Vendin e Tubimit, fjalim njerëzimit për t’i mbajtur, koha e perandorisë ka filluar! Po jo, Solomoni ka vdekur. Por, Sulejmanët ende jetojnë!

E kaluara është mësim, por vetëm ambiciet e perandorëve s’edukohen! Perandoria me diellin mund të lind, por dielli doemos perandoria do të perëndojë! Edhe pse paria nuk beson, e bindur se tokën me energji bërthamore mund ta ndriçojë. Kur gishtërinjtë shtangen, e zemra ngurtësohet, e mendja humbet, gjithçka në paqe ngadhënjen, përveç parisë perandorake, e cila përfundon ose e zhveshur nga gjerdani i mashtrimit ose nga trupi i përmbytur.

Perandoria duhet të jetë Tokë Ëndrrash! Njeriu para se të flas, fillon të mendojë. E ëndrra i paraprin të vepruarit. Kur njeriu ndjehet i paaftë, i dobësuar e inferior, po të mos ishin ëndrrat, fantazinë si do ta përjetonte. E njerëzit pra për Perandorinë ëndërrojnë, pasi qendra perandorake medoemos Vend i Ëndrrave duhet të shpallet! E ku më lehtë se në kryeqendër, ku ujemi i tokës mblidhet. Por, dielli një ditë do të nxeh fortë, e me nxehtësinë e tij do të thajë të reshurat e dikurshme.

Të zgjuar e përparimtarë, të pasur e të fortë bëhen njerëzit që predikojnë, kur nën hijen e Parisë Perandorake rrojnë. Kur varfëria prek njerëzit e botës, Perandoria afron bukën e ua heq flamën, që ata njëmend të ndjehen të liruar e të lirë, por kurrsesi të aftë.

Rroftë paria, përderisa barku na ngihet, e poshtë të tjerët, që kundër Perandorisë kanë dalë – thonë të paaftit.

Sundimi i takon Allahut! – thonë të aftit! E trashëgimtarë të njëmendtë janë robërit e Allahut, e pushteti Allahut të Gjithëpushtetshëm!

[Dritez]

Po dihet se çka është Perandoria! ...
Ora e Perandorisë...
Sheshet ...
Të gjithë bashkërisht...
Është....
Perandoria!

Ky vella musliman eshte talent i rralle! Ky autor musliman shqiptare eshte e reshura e bereqetshme per muslimanet shqiptare, e deshperim per te pafete! MashaAllah e All-llahu te ruajtte!

[[Perla]]

Të zgjuar e përparimtarë, të pasur e të fortë bëhen njerëzit që predikojnë, kur nën hijen e Parisë Perandorake rrojnë. Kur varfëria prek njerëzit e botës, Perandoria afron bukën e ua heq flamën, që ata njëmend të ndjehen të liruar e të lirë, por kurrsesi të aftë.

Nuk e dija, pse nuk thoni qe ia hodhem hallit tani.

Rroftë paria, përderisa barku na ngihet, e poshtë të tjerët, që kundër Perandorisë kanë dalë – thonë të paaftit.

Kush e zgjodhi perandorin ?!

Sundimi i takon Allahut! – thonë të aftit! E trashëgimtarë të njëmendtë janë robërit e Allahut, e pushteti Allahut të Gjithëpushtetshëm!

Po ajo pjese e kesaj bote qe nuk besojne ne Allah, çfare jane ? Kush eshte "perandori i tyre" ?

[altin55]

Po ajo pjese e kesaj bote qe nuk besojne ne Allah, çfare jane ? Kush eshte "perandori i tyre" ?

Allahu eshte sunduesi dhe pronari i te gjith krijesave, njerez, kafsh, xhin, engjej, planete, etj etj etj, qe ne i dim, ose nuk i dime. Por oj "[Perla]" njeriu eshte lene i lire, te zgjedh ke te doje, midis besimit dhe mosbesimit, kurse Allahu eshte Ai qe do ti ringjalli te gjitha krijesat, bashke me ne, dhe atehere njeriu vihet para pergjegjesis te madhe se cfar ka bere, mosbesimtaret denohen, kurse besimtaren shperblehen. Pra oj "[Perla]" kushdo do mari hakun qe i takon

I Madheruar eshte Allahu qe na beri adhurues te Tij

[[Perla]]

Allahu eshte Ai qe do ti ringjall te gjitha krijesat, bashke me ne, dhe atehere njeriu vihet para pergjegjsis te madhe se cfar ka bere, mosbesimtaret denohen, kurse besimtaren shperblehen.

Ndonje prove per kete?! Ah te shkretet njeres thuaj qe rrojne nder pushtete iluzioni .....

[altin55]

Oj "[Perla]" ashtu si ngjallet toka pas vdekjes se saj, ashtu si zgjohesh nga gjumi, ashtu dhe do ringjallen njerezit, dhe shume e shume fakte te tjera. Gjumi eshte shok i vdekjes qe Allahu i kujton njerezit per ringjaljen, pe qellim te pregatiten para Gjykuesit . Kaq ulu dhe mendo se si krijohet njeiu nga mardhenjet seksuale burre dhe grua, se si fara e molles, pasi e mbjell behet pem me fruta, e shume e shume fakte te tjera. Pra si thu ti Ai qe e krijoj njeriun pa egzistuar me par nuk ka fuqi ta ringjalli? Po oj "[Perla]" do te ringjallemi dhe kjo per Allahun eshte shume e thjesh
Kjo eshte e fshefta e Zotit, kriminelet pasi vodhen, vran, pren, ne prag te vdekjes kujtuan se ja hudhen, por jo, nga ai moment ata vecse i nenshtrohen zjarit, ne jete te pasosur

ps "[Perla]" eshte nje teme (per ringjalljen) qe ti nuk ke dituri, dhe nuk i njef atributet e Zotit, sigurisht qe dhe pergjigjet e tua jane pa dije, dhe fjal ne ajer

[[Perla]]

Po oj "[Perla]" do te ringjallemi dhe kjo per Allahun eshte shume e thjesh

me vjen mire qe paske endrra te bukura....

ps "[Perla]" eshte nje teme (per ringjalljen) qe ti nuk ke dituri, dhe nuk i njef atributet e Zotit, sigurisht qe dhe pergjigjet e tua jane pa dije, dhe fjal ne ajer

Sesa dituri kam une , nuk ke nga ta dini juve, megjithate, te besosh me verberi ato perralla duhet nje nivel i larte "inteligjence".... bah, terhiqem.

Klm.

[Drini_i_Zi]

me vjen mire qe paske endrra te bukura....



Sesa dituri kam une , nuk ke nga ta dini juve, megjithate, te besosh me verberi ato perralla duhet nje nivel i larte "inteligjence".... bah, terhiqem.

Klm.

A beson ne ekzistencen e Zotit ?