PO TROKAS NË PORTËN TUAJ!
Unë po trokas në portën tuaj
Nëse dëgjoni, hapeni pak!
Një kukamshefti me ju do luaj
Pastaj do shkoj unë diku lark.
Do sjell gëzim dhe pak humor
Do tu tregoj një histori.
Se si ka ngjarë në një dhjetor
Kur ketri rà në dashuri!…
…kishte dëgjuar ketrushi ynë
për një ketrushe diku në pyll
aq shumë të bukur e kishte synë
sa që të gjithë i thonin Yll…
dilte ketrushi pyllit përreth
çdo bredh e pishë i kontrollonte
hynte në zgavra, ngrinte çdo gjeth
po Yll – ketrushin dot s’e takonte!…
u mërzit ketri, ra në trishtim
donte patjetër të gjente shoqen
qante larg shokve, humbi qetsin
netët pa gjumë nga pas e ndoqen…
befas një ditë, mendoj ketrushi
Ti lutem erës mos e ka parë
Ere veç frynte me gjuhë shurdhuesi
Pyeti dhe zogjtë, asgjë s’i thanë…
Shkoj dhe trokiti në çdo fole
U ngjit në lisa, bredha dhe pisha
Në maje malesh lart gjer në rè
Nëpër lëndina dhe qeparisa
Porse ketrushen nuk e takoj
Ndoshta nuk ishte hiç e vërtetë
Që Yll – ketrushia të egzistoj
Ndaj e la zemrën të rrah e qetë!…
Kur ra mesnata në endërr pa
Që erdh ketrushia Yll bukurije.
Dridhej ketrushi, në dy gjunjt rà
I shfaqi ndjenja prej dashurije:
“Unë vdes për ty! Për ty unë rroj!
Lermë të puth dy sytë e shkruar!
Për ty po çmëndem…të dashuroj!”
I doli gjumi krejt i hutuar!…
Kishte qenë endërr sa u mërzit.
Në mend i mbeti portreti i saj
Në majë të pishës ketri u ngjit
Me zë të mbytur zuri të qaj!…
Kur befas pisha i tundi degët
Një zë i embël i tha: - çfarë ke!
Ketri i gjorë, s’besonte veshët
Ylli –ketrushja kish dhe folè!
- “Eja moj zemër, të rrijmë së toku
Foleja ime është shumë e ngrohtë!”
Me mall të shpirtit ketrin e rroku
E futi brenda dhe u bënë shokë…
(nëse dikush e vret shumë mëndjen,
A mbetën shokë, a u martuan?!
Unë di një gjë, që ma kanë thënë
Hëngrën lajthi, u trashëguan!…
Agimi
Përgjigju Duke Cituar
)))))
Krijoni Kontakt