Berisha të ikë, kryeministri i ri nga PD.

[Antimafia]

Kryeministri Sali Berisha gjatë një interviste për gazetën gjermane “Frankfurter Allgemeine Zeitung”

Z.Kryeministër, para 41 vjetësh Shqipëria u largua nga Traktati i Varshavës. Para 20 vjetësh ajo ishte edhe më e izoluar se Koreja e Veriut sot. Pas dy javësh Shqipëria do të jetë në NATO. Çfarë i sjell Shqipërisë anëtarësimi në NATO?

Shqipëria është një vend i vogël me 3 milionë banorë. Nga këta, 96% mbështesin anëtarësimin në aleancë, pra më shumë se çdo vend tjetër i NATO-s. Nga ana strategjike, krahu juglindor i NATO-s do të bëhet edhe më i fortë. Për frymë të popullsisë Shqipëria jep një kontribut të lartë ushtarak në botë: 420 ushtarë shqiptarë shërbejnë aktualisht në Afganistan, Irak, Çad dhe Bosnje. Ne jemi gati për më shumë. Por para së gjithash, sepse qëllimi i NATO-s është që prej armiqve të fitohen miq. Në këtë kontekst është një fitore e jashtëzakonshme, që vendi më i egër komunist i botës të jetë pjesë e Aleancës.


Është arritje e shqiptarëve apo e Xhorxh Bushit?

Sikur të mos na kishte mbështetur Presidenti Bush, ne sot nuk do të ishim në NATO. Ne i jemi shumë mirënjohës atij për këtë mbështetje. Megjithatë, Shqipëria vitet e fundit ka bërë reforma impresionuese, veçanërisht në luftën kundër korrupsionit. Pa përpjekjet tona, të gjitha fjalët apo premtimet, qoftë edhe të Xh. Bushit, nuk do të kishin mjaftuar.


Edhe pse ekonomia shqiptare në vite është në rritje, ajo akoma vazhdon të jetë nga vendet më të varfra. Pse?

Sepse ne ishim vërtet Koreja e Veriut e Evropës. Kur unë u bëra President i vendit pas rënies së regjimit komunist, rroga ime ishte 16 USD në muaj – si President. Sot si kryeministër unë marr rreth 2000 euro në muaj. Ky raport në rritjen e pagave vlen për të gjithë vendin dhe vlen gjithashtu edhe për pensionet. Duhet të shihet gjithnjë, se nga çfarë niveli të ulët u bë ristartimi i Shqipërisë.


Më 1997 ju dhatë dorëheqjen si President për arsye të kolapsit të firmave piramidale, që premtonin përqindje të larta. Sa u ngjall kujtimet e asaj kohe kriza globale sot?

I krahasueshëm është shkaku: Babëzia e njerëzve për pasurim. Populli im atëherë, me një të kaluar komuniste, nuk dinte asgjë për financat. Nga 1991 e deri më 1997, askush, as institucionet ndërkombëtare nuk dinin gjë për tullumbacen që më në fund plasi. Mungonin pothuajse fare mekanizmat e kontrollit, të cilat duhet të integrohen tani.

Pas zgjedhjes suaj si kryeministër më 2005, ju thatë se Shqipëria do të jetë anëtare e BE-së më 2010. Me sa duket deri atëherë nuk do të bëheni dot. Kur do të bëheni anëtarë të BE-së?

Shpejtësia varet nga shumë faktorë. Njëra prej tyre është kriza ekonomike aktuale. Për të folur tani për plane kohore, do të ishte një gjë e gabuar. Por populli im i është drejtuar Perëndimit dhe BE-së.


CDU-ja, të cilën ju e konsideroni si parti konservative, dëshiron të përfundojë momentalisht zgjerimin e BE-së me Kroacinë. A jeni ankuar për këtë gjë tek miku juaj i vjetër Helmut Kohl?

CDU-ja ndodhet para zgjedhjeve dhe kjo gjë duhet parë në këtë kontekst. Nuk kam as dyshimin më të vogël, se Gjermania dhe CDU, nën traditën e Helmut Kohl-it, me të cilin kam akoma kontakte, do të mbetet fuqia motorike për integrimin e gjithë Evropës në BE.


Ju keni qenë kardiologu i diktatorit Enver Hoxha, që vdiq më 1986 pas 40 vjet sundim stalinist. A ju vret ndërgjegjja që keni punuar për zgjatjen e jetës së këtij njeriu dhe vuajtjeve të popullit tuaj?

Faleminderit për pyetjen. Unë kurrë nuk kam qenë mjeku i Enver Hoxhës. Unë kam punuar në spitalin qeveritar dhe atë e kam parë ndonjëherë. Por ai kurrë nuk më ka thirrur për ta vizituar. Nëse unë do të duhej ta trajtoja atë nga ana mjekësore, atëherë unë do ta bëja. Si mjek i jam i detyruar të kujdesem për jetën, pavarësisht se e kujt është. Shokë të mi e kanë trajtuar Enver Hoxhën, edhe unë nuk do të refuzoja. Hoxha kishte parkinson, vuante nga demencia (plakje e hershme e trurit, humbje e logjikës) dhe para së gjithash paranoid. Paranoja e tij ishte shkaku i vërtetë për vuajtjet e gjata të shqiptarëve.
Një nga politikanët e rrallë ishte Franc Jozef Shtrausi që e vizitoi atë para 25 vjetësh.
Më kujtohet mirë ajo ngjarje. Kishim shpresë se vendi ynë do të hapej pakëz. Por Hoxha e dinte më mirë se kushdo tjetër, se hapja më e vogël do të ishte fundi i regjimit të tij. Ai nuk kishte qenë kurrë mik me Stalinin dhe unë dyshoj nëse ai pati mundësinë të rrinte e të takohej ndonjëherë me të. Por ai ishte i kënaqur që e trajtonin si stalinist, sepse ai e konsideronte respekt frikën e njerëzimit kundrejt kriminelit Stalin.


E veja e Hoxhës është sot 87 vjeçe. Ajo ka thënë së fundi se për Shqipërinë nuk ekziston alternativa e anëtarësimit në NATO.

Ajo ishte mentori i tij në 15 vjetët e fundit të jetës. Ajo kishte pushtetin e vërtetë dhe e mbështeste atë në paranojën e tij. Kanë qenë njerëz të tmerrshëm.


Çfarë do të thoshte Hoxha 100-vjeçar për zhvillimet që ka marrë Shqipëria?

Oh, kjo do ta kishte shembur fare. Ai ka qenë edhe atëherë i çmendur. Por nuk do ta kishte mbijetuar dot lidhjen tonë me Perëndimin


http://www.panorama.com.al/index.php?id=26361

[Brari]

RD

--


Kryeministri inauguron fillimin e punimeve për fabrikën Colacem. Rritet besimi i ndërkombëtarëve tek ekonomia shqiptare


Berisha: Shqipëria, kantieri më i madh i ndërtimeve në Ballkan


Në vitet që vijnë, Shqipëria do të shndërrohet në kantierin më të fuqishëm të ndërtimeve në Ballkan. Qyteti i Lezhës ka qenë ndalesa e radhës për kryeministrin Berisha, i cili në kuadër të turit "Shqipëria po ndryshon" inauguroi fillimin e punimeve për fabrikën e re të çimentos, në Balldren të Lezhës. Duke theksuar se Shqipëria, vetëm 18 vite më parë, trashëgoi bunkerë katër herë më shumë se apartamente dhe një nga infrastrukturat më të prapambetura të planetit, kryeministri vlerësoi se tashmë vendi është një vend i tëri në rindërtim. Në këtë kontekst, ai theksoi se Shqipëria ka edhe meritën e madhe sepse kap kohën e humbur dhe vjen në kohën e modernitetit. Në vlerësimin e tij për këtë vepër të rëndësishme publike, kryeministri Berisha vuri në dukje se në një hark kohor, më pak se 3 muaj nga dita në të cilën u firmos marrëveshja me kryeministrin e Italisë, Silvio Berluskoni, në Tiranë, "Colacem Albania" fillon punën për ndërtimin e fabrikës së çimentos në Balldren. Numri një i ekzekutivit tha se kjo është dëshmi e një marrëdhënieje intensive me Italinë mike. "Kjo vepër e rëndësishme jo vetëm për qytetin e Lezhës, por edhe Shqipërinë është dëshmi e një besimi të madh të sipërmarrësve italianë dhe atyre botërorë ndaj Shqipërisë dhe shqiptarëve", tha kreu i ekzekutivit. Gjithashtu, kreu i ekzekutivit theksoi se kjo është edhe një dëshmi e përpjekjeve të qeverisë për krijimin e klimës sa më të favorshme për biznesin. Berisha theksoi se ky është një rezultat i politikave të drejta ekonomike që ka ndjekur qeveria. "Këto politika kanë bërë që në qiellin tonë të ketë re me shi ose me borë, por të mos ketë re të stuhisë ekonomike evropiane dhe botërore. Investimi i kompanisë 'Colacem' prej 200 milion euro në Komunën e Balldrenit është një antidod i shkëlqyer për t'i mbajtur larg ato re nga Shqipëria", tha kreu i ekzekutivit. Ai shprehu mirënjohjen e thellë ndaj familjes Colacem, e cila prej vitesh është një nga furnizuesit më kryesor të Shqipërisë me çimento, që ka zgjedhur momentin e duhur për t'u shndërruar në një nga prodhuesit më kryesor të çimentos në Shqipëri, duke u bërë kështu një faktor i rëndësishëm i zhvillimit të këtij vendi. Në këtë kuadër, kreu i ekzekutivit shqiptar shtroi nevojën që ka Shqipëria për investimet apo projektet që kanë në qendër të tyre prodhimin e çimentos. "Shqipëria nuk ka thjesht nevojë, por ka uri për çimento, Shqipërisë do t'i duhen shumë milion tonë çimento në vit", theksoi kryeministri Berisha.


Investimet e huaja në Qarkun e Lezhës, 2 miliard euro


Kryeministri Berisha vlerësoi dje se inaugurimi i fillimit të punimeve për fabrikën e re të çimentos, një vepër kjo madhore për Qarkun e Lezhës, ndodh në prag të anëtarësimit të Shqipërisë në NATO, i cili do të rrisë edhe përgjegjësinë e qeverisë për besimin e dhënë nga vendet anëtare. "Kjo ngjarje e madhe për Lezhën dhe Shqipërinë ndodh në prag të aktit më madhor të historisë sonë kombëtare, pas Pavarësisë së vendit, anëtarësimit të Shqipërisë në NATO, anëtarësim i cili do të rrisë besimin e kombeve të qytetëruara te Shqipëria dhe shqiptarët, anëtarësim i cili rrit përgjegjësinë tonë për të qëndruar në lartësinë e këtij besimi", u shpreh kreu i qeverisë gjatë një takimi entuziast me banorë të Lezhës. Ai tha se në Shqipëri janë shumë të domosdoshme investimet e huaja. "Në vend është një rrjet rrugor i tëri për t'u rindërtuar, mijëra e mijëra kilometra rrugë, janë mbi 400 diga, hidrocentrale të reja për t'u ndërtuar. Janë pothuajse qindra kilometra tunele, tashmë jo të kuptimit të vjetër, por tunele për të çarë malet dhe shkurtuar distancat, tunele për të rritur fuqinë energjetike të ujërave tona. Janë me mijëra e mijëra platforma të turbinave të erës, për t'u ndërtuar në kodrat e Balldrenit dhe mbarë vendit. Në Shqipëri do të ndërtohen portet më të mëdha të rajonit", tha kreu i ekzekutivit. Ai theksoi se çimenteritë janë jetike dhe të domosdoshme. Duke shprehur falenderimet dhe mirënjohjen për qeveritarët vendorë dhe qytetarët e Lezhës, Berisha garantoi ata se me shpirtin e hapur që kanë treguar ndaj investimeve të huaja, qëndrojnë në krye të të gjitha rretheve të vendit në tërheqjen e këtyre investimeve. "Ju falenderoj me shumë mirënjohje, sepse jam dëshmitar i interesit tuaj të madh për suksesin e këtyre investimeve", tha kryeministri, ndërsa vuri në dukje se së shpejti në qytetin e Lezhës nisin punimet për vepra të mëdha energjetike në fushën e erës dhe biomasave, kabllo nënujore, që lidhin Shqipërinë me Italinë. Këto investime, theksoi kreu i qeverisë, së bashku me fabrikën e çimentos kapin shifrën 2 miliard euro dhe punësojnë me mijëra e mijëra qytetarë të Lezhës e Shqipërisë. "Ju garantoj se, me këtë dëshirë të madhe që keni për të ndihmuar investitorët e huaj, në vitet që vijnë ju do t'i shumëfishoni këto investime. Ju keni brigjet më të bukura të vendit për të zhvilluar, ju keni portin që do të shndërrohet në një nga portet më të mëdha të Adriatikut, në funksion të Kosovës. Pasuritë tuaja janë të mëdha, por pasuria juaj më e madhe është shpirti juaj i hapur dhe unë ju falenderoj shumë për këtë", vlerësoi ndër të tjera kryeministri.


D'Elia: Itali-Shqipëri, marrëdhënie të veçanta në të gjithë fushat


Ambasadori italian në Tiranë, Saba D'Elia, vlerësoi dje se marrëdhëniet mes Shqipërisë dhe Italisë janë shumë të veçanta në të gjitha fushat. I pranishëm në ceremoninë e fillimit të punimeve të fabrikës së çimentos në Lezhë, ambasadori i Italisë, D'Elia, e vuri theksin në mbështetjen që Italia i ka dhënë Shqipërisë në rrugën e saj drejt integrimit euroatlantik, e cila do të afirmohet në 4 prill me anëtarësimin e vendit në NATO. Duke u ndalur në nivelin e shkëmbimeve tregtare të Shqipërisë, ambasadori italian tha se Italia zë 34 përqind të këtyre shkëmbimeve. Gjatë fjalës së tij, kreu i qeverisë i shprehu ambasadorit D'Elia mirënjohjen e madhe për qeverinë dhe vendin mik Italinë, për solidaritetin dhe mbështetjen e madhe që i kanë dhënë gjatë këtyre viteve aspiratave të shqiptarëve për liri, dinjitet dhe integrim. "I nderuar ambasador D'Elia! Vendi juaj, qeveria juaj, qeveritarët e vendit tuaj, gjatë këtyre viteve u kanë dëshmuar shqiptarëve solidaritetin më të madh miqësor, njerëzor dhe të gjithanshëm. Italia mike ka qenë një avokat i shkëlqyer i aspiratave të shqiptarëve për liri, dinjitet dhe integrim. Ndaj, shfrytëzoj rastin për të shprehur mirënjohjen ndaj jush, qeverisë suaj dhe vendit tuaj mik", vlerësoi kreu i qeverisë. Ndërkohë, kryetari i Komunës Balldren, Gjekë Cali, u shpreh se krahas këtij investimi, kompania "Colacem" ka investuar edhe në asfaltimin e 830 metrave linearë rrugë, ka ndërtuar një kopsht për fëmijët në fshatin Gocaj dhe ka akorduar 3 bursa studimi për studentë të familjeve në nevojë. Ai vlerësoi se reforma e ndërmarrë nga qeveria për decentralizimin e pushtetit vendor dhe kalimin e pronave në administrimin e këtij pushteti, i ka dhënë këtij të fundit një rol shumë të rëndësishëm për sa u përket investimeve. Nga vetë buxheti i Komunës Balldren, theksoi ai, është parashikuar një fond prej 80 milion lekë, veçanërisht për ndërtime rrugësh në vitin 2009. Gjatë ceremonisë, përfaqësuesit e kompanisë "Colacem" falenderuan qeverinë shqiptare për mbështetjen e madhe dhe lehtësitë e krijuara në realizimin e këtij investimi të madh në Shqipëri. Të pranishëm në këtë inaugurim ishin deputetë të Lezhës, përfaqësues të pushtetit vendor dhe drejtuesit kryesorë të kompanisë "Colacem".


Berisha: Taksat e biznesit të vogël, jo më shumë se 10%


Kryeministri Berisha ka theksuar në mënyrë të prerë dje se të gjitha tarifat dhe taksat e përkohshme ndaj biznesit të vogël, të marra së bashku, nuk do të mund të jenë më shumë se 10 përqind e nivelit të përcaktuar me ligj "për taksimin e biznesit të vogël". Duke i qëndruar premtimit të tij se qeveria do të ndërhyjë në mbrojtje të biznesit të vogël, ndaj të cilit disa nga njësitë e qeverive vendore kanë rritur taksat në mënyrë të ndjeshme, kryeministri Berisha zhvilloi dje një konsultë të gjerë me ministrin e Financave, Ridvan Bode dhe me zyrtarë të lartë të këtij sektori mbi këtë çështje. Gjatë konsultës është diskutuar për zbatimin e direktivës së tij për kufizimin e abuzimeve që qeveritarët vendorë po bëjnë në kurriz të biznesit të vogël me tarifat dhe taksat e përkohshme, me të cilat po rrisin barrën mbi këtë biznes, që përballon gjeneratën kryesore të punësimit në vend. Kreu i qeverisë theksoi se tendenca e taksimit të biznesit të vogël, në një kohë kur qeveria ka pakësuar me 50 përqind barrën fiskale për këtë biznes dhe në një kohë kur, për shkak të krizës ekonomike botërore, vendet po ulin taksat, është e rrezikshme për punësimin dhe mbarëvajtjen e biznesit në vend. Ai u bëri thirrje autoriteteve vendore që të rishikojnë këtë problematikë dhe të mos lejojnë më abuzime të tilla.

Blerina TOSLLUKU





Transformim rrënjësor sistemit të shëndetësisë gjatë mandatit të dytë


Kryeministri Berisha siguroi të hënën, gjatë një vizite në Qendrën Spitalore Universitare "Nënë Tereza" në Tiranë, se "gjatë mandatit të dytë qeverisës do të arrihet me shpejtësi dhe vendosmëri një transformim tërësor i sistemit shëndetësor në Shqipëri". Kreu i qeverisë vizitoi dje Qendrën Spitalore Universitare "Nënë Tereza" në Tiranë, ku u njoh nga afër me gjendjen e pacientes 20-vjeçare, e cila në 26 mars iu nënshtrua transplantit të parë të veshkës në shërbimin shëndetësor publik shqiptar. Numri një i ekzekutivit shprehu mirënjohjen ndaj ekipit shqiptar të mjekëve, të cilët në bashkëpunim me klinikën e Barit të Italisë, realizuan një operacion jashtëzakonisht të rëndësishëm për jetën e dhjetra dhe qindra qytetarëve. Kryeministri i uroi shëndet dhe jetë të gjatë pacientes që iu nënshtrua për herë të parë kësaj ndërhyrjeje, ndërsa babain e saj, dhuruesi i veshkës, e konsideroi një hero të vërtetë. "Transplanti i veshkave është një nga transplantët më jetëshpëtues dhe një nga transplantët më të shpeshtë", u shpreh kryeministri, ndërsa nënvizoi se ky operacion kërkon një parapërgatitje dhe ndjekje shumë komplekse, pasi aq sa ndërhyrja është klinike, është edhe kirurgjikale, imunologjike dhe laboratorike. Gjatë vizitës në QSUT, Berisha u njoh edhe me disa zhvillime të reja shumë pozitive, ku vlerësoi veçanërisht rritjen e numrit të personave që i nënshtrohen hemodializës, që para 3 viteve ka qenë 60 veta dhe tani ka arritur në 310 persona. Kreu i qeverisë kërkoi që ky shërbim të garantohet për çdo të sëmurë në Shqipëri, që ka nevojë për këtë proçedurë. "Janë arritur një seri zhvillimesh të tjera pozitive, por e kuptoj se për qytetarin pretendimi kryesor ka të bëjë me cilësinë e shërbimit, sepse ajo është përparësuese për jetën, shëndetin dhe shumë probleme të tij", u shpreh kreu i qeverisë. Ai tha se hapa shumë të rëndësishme janë hedhur gjatë këtyre 4 viteve për sa i përket reformës shëndetësore, që siç tha ai, ka ndryshuar tërësisht jetën dhe gjendjen e infermierëve dhe mjekëve. "Infermierët janë shtylla verterbrale e sistemit të shëndetësisë, po kështu edhe mjekët. Krahas kësaj, këtë vit ka filluar raporti blerës dhe shitës i shërbimeve. Instituti i Sigurimeve Shëndetësore blen shërbimet, klinikat prodhojnë shërbime dhe i kostojnë ato", tha kryeministri, duke e vlerësuar këtë si një raport jashtëzakonisht të rëndësishëm për zhvillimin e mëtejshëm të shëndetësisë. "Unë takova prindin e një djali që ishte marrë me helikopter nga Peshkopia dhe ai nuk gjente fjalë për të shprehur mirënjohjen dhe gëzimin. Ky është një detyrim që kjo qeveri do të përcaktojë për t'i shërbyer qytetarëve shqiptarë. Flota e parë e helikopterëve do të jetë ajo për të sëmurët", tha më tej numri një i ekzekutivit. Në këtë drejtim, ai veçoi një projekt të përbashkët me qeverinë japoneze, i cili kushton disa milionë dollarë për sektorin e urgjencës kombëtare. "Natyrisht nuk do të jetë vetëm urgjenca kombëtare ajo që do t'i nënshtrohet një reforme të thellë, por do të jetë i tërë sistemi i shëndetësisë", tha Berisha, duke përgëzuar edhe njëherë ekipin e mjekëve për suksesin e madh që arritën me këtë ndërhyrje dhe ndryshimin e madh që realizuan në sektorin e nefrologjisë.

--


bravo kryetari socialist i bashkise.. lezhe.. si burrat e falenderoj berishen per investimet pa dallime partiake qe u ka bere berisha krejt komuno bashkive..

[arberi_fr]

Te lumte lorik
Se luan topi qe eshte keshtu si ke shkruar.
Si kam pare kaq te sintetizuara bemat e Sali kriminelit e antishqiptarit.
Mjere ata qe skane dy pare mend ta kuptojne e na shkruajne brockulla pa fund.
Jemi ne nje situate historike se Kosova ka dale shtet me vehte dhe sduhet ti leme keta Salite e agjentet e UDB te na prishin punet e kombit tone.

Në këtë kuadër nga mbeturinat e mësipërme ngelën edhe në Shqipëri disa familje të rusëve të emigruar, ku një prej tyre është familja Sali Berisha (mbiemri i të cilit është i huazuar dhe i marrë si më i përdorshmi në Kosovë dhe Shqipëri, për shkak se mbiemri i tyre ka qenë sllav ….? ).
.................................................. .............................................

Ti zotri nuk ja dine se çfare mbiemri sllave paska Sali Berisha ,ske te drejte te shkruan fraza

[Endri_UCK]

Una nje gje di qe dhe po iku Berisha dhe futet krymenister tjeter per PD-en ...
Fjala Berishes do flitet na mrapa dhe na para do flasi i riu me gojen Berishes...
Ky eshte mendimi im por ishalla te largohet Berisha asjgje tjeter!