EBA pranoi Republiken e Kosoves

[xemanuel]

Nismen e njohjeve te Kosoves Tani e ka radhen edhe Bota Arabe , kjo e fundit ka ngecur shume duke na bere nje pengese per te hecur me hapa te shpejta drejt antarsimit ne Kombet e Bashkuara , per ti dhene edhe nje here Serbise mundesine per tu ankuar ne Gjykaten nderkombetare nepermjet Kombeve te bashkuara . Presim edhe shtete te tjera nga bota arabe per te na pranuar si shtet por se sa do te vonohen nuk kemi ndonje informacion , por do te ishte e mire qe te shpejtojne sepse do te ishte nje lehtesi per ne .

kosova live :

Emiratet e Bashkuara Arabe njohën pavarësinë e Kosovës
14.10.2008 19:09 ET Prishtinë (KosovaLive)

Republika e Kosovës ka pranuar të martën në mbrëmje njohjen e parë nga një vend arab, pasi që Emiratet e Bashkuara Arabe vendosën që ta njohin shtetin e Kosovës dhe të lidhin marrëdhënie diplomatike me Prishtinën zyrtare

[white_snake]

Lajm shume i mire,
suksese te me tejshme

[Llapi]

Kryeministri Thaçi falënderon Qeverinë e Emirateve të Bashkuara për njohjen e Republikës së Kosovës, shtet të pavarur, sovran dhe demokratik







Prishtinë, 15 tetor 2008

Me rastin e njohjes së pavarësisë së Kosovës nga Emiratet e Bashkuara Arabe, kryeministri Hashim Thaçi në konferencën e sotme për shtyp, ka deklaruar:

Në emër të Qeverisë së Republikës së Kosovës falënderoj Qeverinë e Emirateve të Bashkuara për njohjen e Republikës së Kosovës, shtet të pavarur, sovran dhe demokratik. Ky falënderim dhe respekt shkon në emër të Qeverisë së Republikës së Kosovës dhe në emër të qytetarëve të saj.

Njohjeve të njëpasnjëshme, dhe të fuqishme, të Republikës së Kosovës, po ju bashkohen tani edhe shtetet arabe. Ne fuqishëm besojmë, që njohja nga Emiratet e Bashkuara Arabe do të vazhdojë edhe me njohjet nga vendet tjera arabe.

Ky është edhe një rezultat i përpjekjeve të suksesshme diplomatike të institucioneve të Republikës së Kosovës dhe e mbështetjes së partnerëve dhe miqve tanë. Kjo tregon se Kosova ka vizion të qartë dhe ndikim diplomatik.

Republika e Kosovës do të ndërtojë raporte bilaterale me Emiratet e Bashkuara Arabe dhe bashkëpunim të gjithanshëm për interesat e të dy vendeve dhe popujve tanë.

Pas njohjes nga fqinjët, Mali i Zi dhe Maqedonia, Republika e Kosovës pret njohje të reja në të ardhmen e afërt.

Vizoni i Kosovës është implementimi i reformave demokratike dhe integrimi i saj sa më i shpejtë dhe meritor në Bashkimin Evropian dhe në NATO. Gjithashtu, presim shpejtë edhe përgjigje për anëtarësim të plotë të Kosovës në Fondin Monetar Ndërkombëtar dhe në Bankën Botërore.