Vargu biblik i ditës

[toni77_toni]

Ungjilli ynë nuk erdhi ndër ju vetëm me anë të fjalës, por edhe i përcjellë me fuqi dhe me Shpirt Shenjt!


Sepse, o vëllezërit e dashur prej Hyjit, e dimë se jeni të zgjedhur, pasi Ungjilli ynë nuk erdhi ndër ju vetëm me anë të fjalës, por edhe i përcjellë me fuqi dhe me Shpirt Shenjt dhe me mbushmendje të plotë. Të tillë, pra, siç e dini, kemi qenë ndër ju për ju. Edhe ju u bëtë ndjekësit tanë dhe të Zotit duke e pranuar Fjalën me gëzimin që jep Shpirti Shenjt edhe pse në vështirësi të madhe... (1 e Sel 1; 4-7)

www.bibla.net

vazhdon-->

[toni77_toni]

Ai më dërgoi t’u kumtoj të vobektëve Ungjillin..!

‘Shpirti i Zotit është mbi mua sepse Ai më shuguroi! Ai më dërgoi t’u kumtoj të vobektëve Ungjillin, t’u shpall robërve çlirimin, të verbërve dritën e syve; t’i lëshoj në liri të ndrydhurit, të shpall vitin e hirit të Zotit.’ (Lk 4,16-21)

www.bibla.net

vazhdon-->

[toni77_toni]

‎fjalët e mia nuk do të bien.!

"Qielli e toka do të zhduken, por fjalët e mia nuk do të bien poshtë.” thot Jezusi (Mt 24;35)

www.bibla.net

vazhdon-->

[toni77_toni]

"Qoftë me anë të fjalës qoftë me anë të Letrës sonë.."!

Prandaj, o vëllezër, jini të qëndrueshëm dhe mbajini porositë që i morët prej nesh qoftë me anë të fjalës qoftë me anë të Letrës sonë.

Dhe vetë Zoti ynë Jezu Krishti dhe Hyji, Ati ynë, që na dëftoi dashuri dhe na dhuroi me anë të hirit të vet ngushëllimin e amshuar dhe shpresën e lume, Ai i ngushëlloftë zemrat tuaja dhe i forcoftë në çdo vepër dhe fjalë të mirë. (2 e Sel 2; 15-17)

www.bibla.net

vazhdon-->

[toni77_toni]

"...Ai më dërgoi t’u kumtoj të vobektëve Ungjillin.."!

Jezusi erdhi në Nazaret, atje ku ishte rritur dhe, sipas zakonit të vet, të shtunën hyri në sinagogë dhe u ngrit për të lexuar. I dhanë librin e Isaisë profet. Kur e hapi librin, gjeti vendin ku shkruan:

Shpirti i Zotit është mbi mua sepse Ai më shuguroi! Ai më dërgoi t’u kumtoj të vobektëve Ungjillin, t’u shpall robërve çlirimin, të verbërve dritën e syve; t’i lëshoj në liri të ndrydhurit, të shpall vitin e hirit të Zotit.’

E mbylli librin, ia dha shërbëtorit dhe u ul. Të gjithë në sinagogë i drejtuan sytë në të. Atëherë u tha: “Sot shkoi në vend kjo pjesë e Shkrimit të shenjtë që e dëgjuat me veshët tuaj.” (Luk 4; 16;21)

www.bibla.net

vazhdon-->

[toni77_toni]

Izraeli dhe Ungjilli..!

Çka të themi atëherë?
Paganët që nuk e kërkuan drejtësinë, e fituan drejtësinë ‑ mendoj drejtësinë që vjen prej besimit ‑; ndërsa Izraeli, që kërkon një farë Ligji që mund të japë drejtësinë, i kaloi përbri.

Përse?
Sepse drejtësinë nuk e priti prej besimit, por mendonte se do të rridhte nga veprat. Zunë në thua në gurin e pengesës, siç është në Shkrimin e shenjtë:

‘Ja po vë në Sion gurin e pengesës
dhe qetën në të cilën thyhet qafa.
Porse ai që të besojë në të, nuk do të turpërohet.’"! (Rom 9;30-33)

www.bibla.net

vazhdon-->

[toni77_toni]

"Dilni në mbarë botën e predikojani Ungjillin të gjithë njerëzve.."!

Në fund iu dëftua të Njëmbëdhjetëve ndërkohë që po ndodheshin në tryezë. I qortoi për pabesimin e tyre dhe për ngurtësinë e zemrës, pse s’u besuan atyre që e kishin parë të ngjallur prej së vdekuri. Dhe u tha:

“Dilni në mbarë botën e predikojani Ungjillin të gjithë njerëzve. Kush do të besojë e do të pagëzohet, do të shëlbohet, ndërsa kush s’do të besojë, do të dënohet. (Mk 16; 14-16)

www.bibla.net

vazhdon-->

[Margarit]

Gjoni1:14 E Fjala u bë njeri e banoi ndër ne. Ne e pamë lavdinë e tij,atë lavdi që prej Atit i përket Birit të vetëm plot hir e të vërtetë.

[toni77_toni]

"popujt ta kenë provën e së vërtetës së zbuluar"!

"Ky Ungjill i Mbretërisë do të shpallet në mbarë botën, që kështu të gjithë popujt ta kenë provën e së vërtetës së zbuluar. Atëherë do të vijë mbarimi” (Mt 24; 14)


www.bibla.net


vazhdon-->

[toni77_toni]

"por hiq keq bashkë me mua për Ungjill duke u mbështetur në fuqinë e Hyjit"



Prandaj mos të të vijë turp ta dëshmosh Zotin tonë, as mua të burgosurin e tij, por hiq keq bashkë me mua për Ungjill duke u mbështetur në fuqinë e Hyjit, i cili na shëlboi dhe na grishi me thirrje të shenjtë – jo në saje të veprave tona, por në saje të vullnetit të vet dhe të hirit, që na u dha që prejamshimit në Jezu Krishtin dhe u dëftua tani me Ardhjen e Shëlbuesit tonë Jezu Krishtit. Ky e asgjësoi vdekjen dhe bëri të shndrisë jeta dhe pavdekësia me anë të Ungjillit, për të cilin Hyji më caktoi të jem predikatar, apostull dhe mësues. (2 Tim 1; 8-11)


www.bibla.net

vazhdon-->