Vargu biblik i ditës

[xemanuel]

zbulesa 1 :8

"Unë jam Alfa dhe Omega, thotë Zoti "që është dhe që ishte dhe që vjen, i Plotfuqishmi".

[toni77_toni]

Ngjeshuni me armët e Hyjit që të mund t’u bëni ballë pritave të djallit


Kështu këndej forcohuni në Zotin dhe në fuqinë e pakufishme të tij! Ngjeshuni me armët e Hyjit që të mund t’u bëni ballë pritave të djallit. Sepse, nuk kemi luftë vetëm kundër njeriut, por kundër principatave, kundër pushteteve, kundër sunduesve të kësaj bote të errët, kundër shpirtrave të këqij të hapësirës qiellore. Prandaj ngjeshni të gjitha armët e Hyjit që të mund të qëndroni përballë në ditën e ligë e, pasi të ngadhënjeni mbi të gjitha, të qëndroni zotërues të fushës. (Efesianëve:6;10-13)


www.bibla.net

[toni77_toni]

"..rrini zgjuar me shumë qendresë dhe në lutje.."

Lutuni në bashkim me Shpirtin Shenjt me çdo uratë e lutje në çdo rast! Prandaj edhe rrini zgjuar me shumë qendresë dhe në lutje për të gjithë shenjtërit. (Efesianëve:6;18)


www.bibla.net

[zef malsia]

(Gj 5; 36-43)

Por unë e kam një dëshmi më të madhe se atë të Gjonit:

veprat që Ati m’i besoi për t’i kryer; pikërisht këto që unë kryej, dëshmojnë për mua se më dërgoi Ati.

Edhe Ai që më dërgoi ‑ Ati, vetë Ai dëshmoi për mua! Ju kurrë s’e dëgjuat zërin e tij, kurrë s’e patë fytyrën e tij; as fjala e tij nuk banon në ju, sepse nuk i besoni atij, që ai e dërgoi.

Ju i shqyrtoni Shkrimet sepse mendoni me anë të tyre të keni jetën e pasosur; edhe ato, pra, dëshmojnë për mua, e ju, prapë se prapë nuk doni të vini tek unë, që ta keni jetën.

Nuk kërkoj lavdi prej njerëzve, po ju njoha deri në palcë: nuk e keni në vetvete dashurinë e Hyjit.

Unë erdha në Emër të Atit tim e ju nuk më pranoni; po erdhi ndonjë tjetër në emër të vet, atë do ta pranoni!

[xemanuel]

psalmet 1 : 1

1 Lum njeriu që nuk ecën sipas këshillës të të pabesëve, që nuk ndalet në rrugën e mëkatarëve dhe nuk ulet bashkë me tallësit,
2 por që gjen kënaqësinë e tij në ligjin e Zotit, dhe që mendon thellë ditë e natë mbi ligjin e tij.
3 Ai do të jetë si një pemë e mbjellë gjatë brigjeve të ujit, që jep frytin e tij në stinën e tij dhe të cilit gjethet nuk i fishken; dhe gjithçka bën do të ketë mbarësi.
4 Të tillë nuk janë të pabesët; janë si byku që era e shpërndan.
5 Prandaj të pabesët nuk do të përballojnë gjykimin, as mëkatarët në kuvendin e të drejtëve.
6 Sepse Zoti njeh rrugët të drejtëve, por rruga e të pabesëve të çon në shkatërrim.

[toni77_toni]

"Unë dua t’i jap edhe këtij të fundit sa ty! A nuk kam të drejtë të bëj me pasurinë time si më pëlqen mua?"


”Mbretëria e qiellit është e ngjashme me atë zot shtëpie, i cili doli herët në mëngjes që të gjejë punëtorë për vreshtin e vet. E, si u mor vesh me punëtorët me nga një denarë në ditë, i çoi në vreshtin e vet.
Pastaj doli edhe rreth orës tre, pa disa të tjerë duke ndenjur të papunë në treg e u tha: ‘Shkoni edhe ju në vreshtin tim e do t’ju jap sa të jetë e drejtë.’ Shkuan edhe ata.
Prapë doli rreth orës gjashtë dhe orës nëntë e bëri ashtu.
Doli përsëri rreth orës njëmbëdhjetë, gjeti të tjerë që po rrinin të papunë dhe u tha: ‘Përse rrini këtu të papunë gjithë ditën?’ Ata iu përgjigjën: ‘Sepse askush nuk na mori në punë.’ Ai u tha: ‘Shkoni edhe ju në vresht!’

Si u bë mbrëmje, i zoti i vreshtit i tha kujdestarit të vet: ‘Thirri punëtorët dhe jepu pagën ‑ fillo prej atyre të fundit e deri në të parët.’ Erdhën kështu ata të të njëmbëdhjetës orë e morën secili nga një denar. Kur erdhën të parët, menduan se do të merrnin më shumë. Por edhe ata morën nga një denar. Duke e marrë i ankoheshin të zotit të shtëpisë e thoshin: ‘Këta të fundit punuan vetëm një orë e ti i barazove me ne që mbartëm mundin e ditës e vapën.’

E ai iu përgjigj njërit prej tyre: ‘Mik, s’po të bëj padrejtësi! A nuk u more vesh me mua për nga një denar? Merr sa të përket e nisu! Unë dua t’i jap edhe këtij të fundit sa ty! A nuk kam të drejtë të bëj me pasurinë time si më pëlqen mua? Vallë a duhet të jesh ti smirëzi pse jam unë i mirë?’

Kështu të fundit do të jenë të parët, e të parët të fundit!” (Mat 20;1-16)


www.bibla.net

[alibaba]

34 O pjellë nepërkash! Si mund të flisni mirë, kur jeni të këqij? Sepse ç'ka zemra qet goja.

[toni77_toni]

“Ti je Mesia ‑ Biri i Hyjit të gjallë!”

“Kur Jezusi arriti në krahinën e Cezaresë së Filipit, i pyeti nxënësit e vet:

“Ç’thonë njerëzit, kush është Biri i njeriut?”

Ata u përgjigjën:

“Disa thonë se është Gjon Pagëzuesi; disa të tjerë Elia; do të tjerë Jeremia ose një ndër profetët.”

“Po ju ‑ u tha atyre ‑ ç’thoni: kush jam unë?”

Iu përgjigj Simon Pjetri:

“Ti je Mesia ‑ Biri i Hyjit të gjallë!”

Atëherë Jezusi i tha:

“I lumi ti, o Simon, biri i Jonës, sepse këtë nuk ta zbuloi mishi e gjaku, por Ati im që është në qiell! Edhe unë po të them: Ti je Pjetër‑Shkëmb dhe mbi këtë shkëmb unë do ta ndërtoj Kishën time dhe dyert e ferrit s’do të ngadhënjejnë kundër saj! (Mt 16; 13-18)


www.bibla.net

[xemanuel]

Psalmi 9 vargu 1 dhe 2


Unë do të të kremtoj, o Zot, me gjithë zemër, do të tregoj tërë mrekullitë e tua.
Unë do të gëzohem dhe do të kënaqem me ty; do t`i këndoj lëvdime në emrin tënd, o Shumë i Larti.

[simonpjetri]

Dëshmia e Gjon Pagëzuesit

(Gj 1; 19-27 )

Dhe, ja, dëshmia e Gjonit!

Kur judenjtë nga Jerusalemi dërguan (tek ai) priftërinj dhe levitë për ta pyetur: “Kush je ti?” 20 ai pranoi, nuk e mohoi, por dëshmoi:

“Unë nuk jam Mesia!”

“Kush, pra? ‑ e pyetën ata ‑ A mos je Elia?”

“Nuk jam! ‑ u përgjigj.”

“A je Profeti?”

“Jo!” ‑ ua ktheu.

Atëherë i thanë:

“Kush je, që t’u kthejmë përgjegje atyre që na dërguan?”

Ai tha:

“Unë jam zëri i atij që bërtet në shkretëtirë:

‘rrafshoni udhën e Zotit!’

siç tha Isaia profet.”

“Pse, atëherë, pagëzon, kur s’je as Mesia, as Elia, as Profeti?”

Gjoni u përgjigj:

“Unë pagëzoj me ujë. Në mesin tuaj është një që ju nuk e njihni. Është ai që po vjen pas meje, por të cilit [unë] nuk jam i denjë t’ia zgjidh as rripat e sandaleve.”