Vargu biblik i ditës

[toni77_toni]

"Ungjill tjetër nuk ka!"

Fort po çuditem që kaq shpejt po e lini Atë, që ju thirri në hir [të Krishtit], për të kaluar në një Ungjill tjetër. E pra, Ungjill tjetër nuk ka! Por po, ka asi njerëzish që ju turbullojnë dhe që duan ta shndërrojnë Ungjillin e Krishtit. (Gal 1; 6-7)


www.bibla.net

vazhdon-->

[toni77_toni]

"Në Emër të tij do të predikohet ndër të gjithë popujt"!

dhe u tha Jezusi:
“Kështu është në Shkrimin e shenjtë: ‘Mesisë i duhet të pësojë e të ngjallet së vdekuri të tretën ditë. Në Emër të tij do të predikohet ndër të gjithë popujt, duke filluar prej Jerusalemit, kthimi dhe falja e mëkateve. Ju jeni dëshmitarët e kësaj gjëje. (Lk 24; 46-48)

www.bibla.net

vazhdon-->

[toni77_toni]

"Duke predikuar Ungjillin e Mbretërisë"!

Jezusi shkonte prej një vendi në një vend tjetër nëpër mbarë Galilenë, duke mësuar në sinagogat e tyre, duke predikuar Ungjillin e Mbretërisë e duke shëruar në popull çdo sëmundje e çdo pamundësi.

E u hap zëri për të anembanë Sirisë; i sillnin tek ai të gjithë ata që i mundonte ndonjë e keqe prej sëmundjesh e ndeshtrashash të larmishme ‑ të djallosur, epileptikë, të shituar; dhe i shëronte. (Mt 4;23-24)

www.bibla.net

vazhdon-->

[toni77_toni]

"Atje predikonte Ungjillin e Hyjit"!

Pasi e burgosën Gjonin, Jezusi shkoi në Galile. Atje predikonte Ungjillin e Hyjit. Thoshte: “Koha u plotësua e Mbretëria e Hyjit është afër! Kthehuni e besojini Ungjillit!” (Mk 1;14-15)

www.bibla.net

vazhdon-->

[toni77_toni]

"Ai më dha fuqi që predikimi i Ungjillit të kumtohej plotësisht.."!

"...të gjithë më lanë në baltë: mos iu marrtë askujt për të keq! Por Zoti qe me mua. Ai më dha fuqi që predikimi i Ungjillit të kumtohej plotësisht dhe ta dëgjonin të gjithë paganët. Hyji më shpëtoi nga goja e luanëve. Vetë Zoti do të më shpëtojë nga çdo vepër e keqe dhe do të më shëlbojë për Mbretërinë e vet qiellore. Lavdi Atij në shekuj të shekujve! Amen!" (2 Tim 4; 16-18)

www.bibla.net

vazhdon-->

[toni77_toni]

"Ungjilli është fuqia e Hyjit..."!

"Për të vërtetë, mua nuk më vjen turp prej Ungjillit, sepse Ungjilli është fuqia e Hyjit për shëlbimin e atij që beson.." (Rom 1; 16)

www.bibla.net

vazhdon-->

[toni77_toni]

"Turmat ua vinin veshin me kujdes mësimeve.."!

Ata, pra, të cilët qenë shpërndarë, shkonin prej një vendi në një vend tjetër dhe predikonin Fjalën. Kështu Filipi zbriti në qytet të Samarisë dhe filloi të predikojë Mesinë. Turmat ua vinin veshin me kujdes mësimeve të Filipit, sepse i dëgjonin dhe i shikonin shenjat e mrekullueshme që bënte. E njëmend, prej shumë të djallosurish dilnin shpirtrat e ndytë duke bërtitur me zë të lartë, shëroheshin shumë të paralizuar e të çalë. Dhe u bë gëzim i madh në atë qytet. (Vap; 8; 4-8)

www.bibla.net

vazhdon-->

[toni77_toni]

"..ia kumtoi Ungjillin e Jezusit.."!

Atëherë Filipi mori fjalën e, duke u nisur prej këtij teksti të Shkrimit të shenjtë, ia kumtoi Ungjillin e Jezusit. (Vap 8; 35)

www.bibla.net

vazhdon-->

[toni77_toni]

"Ta predikojmë Ungjillin e Hyjit ndër ju.."!

"Nga ana tjetër edhe ju vetë e dini mirë, o vëllezër, se ardhja jonë ndër ju nuk qe e kotë, por, përkundrazi edhe pse, siç e dini, qemë të salvuar e të poshtëruar në Filipe, prapë morëm guxim, me ndihmën e Hyjit tonë, ta predikojmë Ungjillin e Hyjit ndër ju sadoqë me luftë të madhe. Vërtet, predikimi ynë nuk vjen nga gabimi, as nuk ka qëllime të papastra, as nuk mbështetet në dinakëri, por, sikurse Hyji vendosi të na e besojë Ungjillin, ashtu ne edhe e predikojmë; jo, sikurse të donim t’u pëlqejmë njerëzve, por Hyjit që i shqyrton zemrat tona." (1 e Sel 2; 1-4)

www.bibla.net

vazhdon-->

[toni77_toni]

Ne predikojmë Krishtin e kryqëzuar!

E, ndërsa hebrenjtë kërkojnë mrekulli e grekët lypin urti, ne predikojmë Krishtin e kryqëzuar ‑ për hebrenj skandal e për paganë marri, kurse për të grishurit ‑ si për hebrenj si për grekë ‑ Krishtin ‑ fuqinë e Hyjit dhe dijen e Hyjit. (1 e Kor 1; 22-24)


www.bibla.net

vazhdon-->