Vargu biblik i ditës

[toni77_toni]

"e vetëm nëpër Të fitohet shëlbimi..."!

"Sepse, për të vërtetë, s’ka asnjë person tjetër nën këtë kupë qielli që Hyji ua dha njerëzve me anën e të cilit do të mund të shëlbohemi.” (Vap 4,8-12).


www.bibla.net

vazhdon--->

[toni77_toni]

"Jezusi është Zot"!

"..kur erdhën në Antioki, filluan t’u predikojnë edhe grekëve e t’ju kumtojnë si Lajm të mirë: Jezusi është Zot. Dora e Zotit u ndihmonte e shumë njerëz besuan dhe u kthyen kah Zoti....! (Vap 11; 20-21)


www.bibla.net

vazhdon--->

[toni77_toni]

"Kemi parë me sytë tanë shkëlqimin e tij.."!

Sepse nuk ju shpallëm Fuqinë dhe Ardhjen e Zotit tonë Jezu Krishtit të bazuar në përralla të trilluara, por pse e kemi parë me sytë tanë shkëlqimin e tij. Sepse prej Hyjit Atë mori nder dhe lavdi, kur zëri që vinte nga Lavdia e madhërueshme, i tha: »Ky është Biri im, i Dashuri, në të cilin unë u kënaqa«. - zë të cilin, tek zbriste nga qielli e dëgjuam edhe ne që ishim bashkë me të në Malin e shenjtë. (2 e Pj 1; 16-18)


www.bibla.net

vazhdon--->

[toni77_toni]

"Bashkë me mua jepni lavdi Zotit"!

Përherë do ta bekoj Zotin, në gojën time përherë lavdi i tij. Shpirti im mburret në Zotin: le të dëgjojnë të përvuajturit e le të gëzohen. Bashkë me mua jepni lavdi Zotit, le ta lartësojmë së bashku Emrin e tij.

Sprovoni e shihni sa i mirë është Zoti! I lumi ai që shpreson në të! (Psa 34; 2-9).


www.bibla.net

vazhdon--->

[toni77_toni]

Ati e dërgoi Birin për Shëlbues të botës..!

Me këtë gjë e dimë se mbetemi në Të dhe Ai në ne; na e ka dhuruar Shpirtin e vet. Ne pamë dhe dëshmojmë se Ati e dërgoi Birin për Shëlbues të botës. Kush dëshmon se Jezusi është Biri i Hyjit, Hyji mbetet në të edhe ai në Hyjin. Ne e njohëm dashurinë që Hyji ka kundrejt nesh dhe i besuam asaj. (1 Gj 4,13-16)


vazhdon--->

[toni77_toni]

Atyre u qe zbuluar se, jo për ta, por për ju..!

Për këtë shëlbim kanë vëzhguar dhe kanë shqyrtuar profetët, të cilët e paralajmëronin hirin e caktuar për ju. Shqyrtonin cila ishte koha dhe rrethanat, që shënonte Shpirti i Krishtit që ishte në ta, kur paralajmëronte mundimet që do t’i vuante Krishti dhe lavditë që do të vinin pas mundiveve. Atyre u qe zbuluar se, jo për ta, por për ju, u treguan ato që tani juve u ungjillëzohen prej predikatarëve tuaj me anë të Shpirtit Shenjt të dërguar prej qiellit, të cilat edhe engjëjt dëshirojnë t’i vëzhgojnë. (1 Pt 1;10)


vazhdon--->

[toni77_toni]

Kush beson në Të nuk do të turpërohet..!

'E çka thotë, pra?
‘Afër e ke fjalën, në gojën tënde dhe në zemrën tënde.’d. m. th. fjalën e fesë që ne predikojmë.

Sepse, në qoftë se me gojë e dëshmon se Jezusi është Zot dhe në qoftë se në zemrën tënde e beson se Hyji e ka ngjallur prej të vdekurish, do të shëlbohesh. Pra, për të fituar drejtësinë duhet të besosh në zemër e për të fituar shëlbimin duhet ta dëshmosh fenë me gojë. Sepse, Shkrimi i shenjtë thotë:‘Kush beson në Të nuk do të turpërohet’.

Kështu, pra, nuk ka dallim mes hebreut e grekut: të gjithë kanë vetëm një Zot, të pasur kundrejt atyre që e thërrasin në ndihmë. Sepse: ‘Kushdo ta thërrasë Emrin e Zotit, do të shëlbohet’. (Rom 10;8-13)


vazhdon--->

[toni77_toni]

"Secili që beson në Të, të ketë jetën e pasosur"!


Vërtet, Hyji aq fort e deshi botën sa që dha një të vetmin Birin e vet kështu që, secili që beson në Të, të mos birret, por të ketë jetën e pasosur.

Në të vërtetë Hyji nuk e dërgoi Birin që ta dënojë botën, por që bota të shpëtojë nëpër të. (Gjn 3,16-21)

Vazhdon--->

[Shkoder Maj1478]

Me pelqen sidomos fjalimi i malit nga Jezusi.

[toni77_toni]

"Kush nuk e nderon Birin, nuk e nderon as Atin që e dërgoi"!

Dhe, sikurse Ati i ngjall të vdekurit e i bën të jetojnë, ashtu edhe Biri i bën të jetojnë ata që do. Ati në të vërtetë nuk gjykon askënd, pse krejt gjykimin ia la në dorë Birit, që të gjithë të nderojnë Birin siç e nderojnë Atin. Kush nuk e nderon Birin, nuk e nderon as Atin që e dërgoi.

Përnjëmend, përnjëmend po ju them: kush e dëgjon fjalën time dhe beson në atë që më dërgoi, ka jetën e pasosur dhe ai nuk del në gjyq, por tashmë kaloi prej vdekjes në jetë. (Gjn 5; 19-26)




vazhdon--->

[toni77_toni]

"Kush beson në Birin ka jetën e pasosur"!

“Kush vjen prej së Larti, ai është mbi të gjithë! Kush është nga toka, tokësor është dhe flet për gjërat e tokës. Ai që vjen prej qiellit ai është mbi të gjithë: dëshmon çka pa e çka dëgjoi.

Kush e pranon dëshminë e tij, pohon se Hyji është i vërtetë.
Vërtet, i dërguari i Hyjit flet fjalët e Hyjit ‑ sepse Hyji nuk e jep Shpirtin me masë. Ati e do Birin dhe atij i la në dorë gjithçka.

Kush beson në Birin ka jetën e pasosur, përkundrazi, ai që nuk beson në Birin nuk do ta shohë jetën: hidhërimi i Hyjit peshon mbi të.” (Gjn 3; 31-36)

[toni77_toni]

".. asnjë gënjeshtër nuk vjen prej së vërtetës.."!

"Ju keni Shugurimin prej Shpirtit Shenjt e keni edhe dijen. Nuk ju shkrova pse ju nuk e dinit të vërtetën, por pse e dinit dhe pse asnjë gënjeshtër nuk vjen prej së vërtetës. Kush është rrenacak në qoftë se nuk është ai që pohon se Jezusi nuk është Mesia.." ( 1 e Gjonit; 18-27)

[toni77_toni]

Nëse jeni të Krishtit, jeni pasardhësit e Abrahamit..!

Nuk ka më: hebre ‑ grek! Nuk ka më: skllav ‑ i lirë! Nuk ka më: mashkull ‑ femër! Të gjithë ju jeni NJË në Krishtin Jezus!
Nëse jeni të Krishtit, jeni pasardhësit e Abrahamit, trashëgimtarë në fuqi të premtimit.(Gal 3;18-29)

http://www.bibla.net/?cid=1,1104

[trony]

mos mendo per te nesermen sepse e nesermja mendon vete per vetveten

[toni77_toni]

mos mendo per te nesermen sepse e nesermja mendon vete per vetveten

"Prandaj: mos u brengosni për të nesërmen, sepse e nesërmja do të kujdeset vetë për vete. Secilës ditë i del mjaft mundimi i vet!” (Mt 6; 25-34)

[ribaldi]

"Qofte bekuar Hyji, Ati i Zotit tone Jezu Krishtit, i cili na bekoi me cdo bekim shpirteror ne qiell ne Krishtin"

[toni77_toni]

"Kush nuk është kundër nesh.."!

"Sepse s’ka njeri që të mund të bëjë mrekulli në Emrin tim e menjëherë pastaj të flasë keq për mua. Kush nuk është kundër nesh, është me ne." (Mk 9; 39-40)

vazhdon-->

[toni77_toni]

"Kini kripë në vetvete.."!

Kripa është gjë e mirë, porse, po qe se kripa e humb njelmësinë e vet, me çka do të kripet? Kini kripë në vetvete e jetoni në paqe me njëri-tjetrin!” (Mk 9; 50)


vazhdon-->

[toni77_toni]

"Sepse atyre u përket Mbretëria e Hyjit"!


“Lërini fëmijët të vijnë tek unë e mos i ndaloni; sepse atyre u përket Mbretëria e Hyjit! Përnjëmend po ju them: kush nuk e pranon Mbretërinë e Hyjit porsi fëmija i vogël, nuk do të hyjë në të.” (Mk 10; 14-15)

vazhdon-->

[toni77_toni]

"...por jo për Hyjin.."


“Sa për njerëz, njëmend, është punë që s’bëhet, por jo për Hyjin, Hyji mund të bëjë gjithçka.” (Mk 10 27)

vazhdon-->