Vargu biblik i ditës

[zef malsia]

Sepse, ju e njihni bujarinë e Zotit tonë Jezu Krishtit

(2 Kor 8;8-9)

Nuk po ju urdhëroj, por, duke ju treguar kujdesin e të tjerëve, ju jap mundësinë ta tregoni vërtetësinë e dashurisë suaj. Sepse, ju e njihni bujarinë e Zotit tonë Jezu Krishtit, i cili, duke qenë i pasur, u bë për ju i varfër, që ju të bëheni të pasur me anë të varfërisë së tij.

[toni77_toni]

Kini në ju po ato ndjenja që ishin në Krishtin Jezus

Nëse, pra, vlen gjë ngushëllimi në Krishtin, nëse qortimi me dashuri, nëse pjesëmarrja në Shpirtin Shenjt, nëse vlen gjë zemra e dhimbshme, atëherë ma plotësoni gëzimin: jetoni në marrëveshje, kini të njëjtën dashuri, jini një zemre, një mendimi! Mos bëni asgjë për kryelartësi, as për mendje të madhe, por, me përvujtëri mbajeni njëri tjetrin më të madh se veten. Mos kërkoni vetëm të mirën tuaj, por edhe të mirën e të tjerëve.

Kini në ju po ato ndjenja që ishin në Krishtin Jezus:

i cili, edhe pse me natyrë Hyj, barazinë e vet me Të nuk e çmoi si një visar që s’mundet pa të, por ia mohoi vetvetes e mori natyrën e shërbëtorit dhe u bë i ngjashëm me njerëz dhe, për kah pamja e jashtme, dukej vetëm njeri. (Fil 2; 1-7)


www.bibla.net


vazhdon-->

[Dielli_ime]

Ja edhe vazhdimi i ketij rreshti nga letra drejtuar filipianeve, qe per mua eshte nje prej kulmimeve me te bukura te Shen Palit.


Fil 2; 8-11
8 E përuli vetveten
duke u bërë i dëgjueshëm deri në vdekje,
mu deri në vdekjen në kryq.
9 Prandaj edhe Hyji e lartësoi tesve
dhe i dha emrin që është mbi çdo emër
10 që në Emër të Jezusit
të përkulet çdo gju
i atyre që janë në qiell, në tokë e në nëntokë
11 dhe çdo gjuhë të dëshmojë:
‘Jezu Krishti është Zot!’
Në nder të Hyjit Atë.

[toni77_toni]

Ja edhe vazhdimi i ketij rreshti nga letra drejtuar filipianeve, qe per mua eshte nje prej kulmimeve me te bukura te Shen Palit.


Fil 2; 8-11
8 E përuli vetveten
duke u bërë i dëgjueshëm deri në vdekje,
mu deri në vdekjen në kryq.
9 Prandaj edhe Hyji e lartësoi tesve
dhe i dha emrin që është mbi çdo emër
10 që në Emër të Jezusit
të përkulet çdo gju
i atyre që janë në qiell, në tokë e në nëntokë
11 dhe çdo gjuhë të dëshmojë:
‘Jezu Krishti është Zot!’
Në nder të Hyjit Atë.

Pershendetje

Rreshtin ne vzhdim e pata lanë per heren tjeter o Dielli, pasi qe t'i vjen radha.

Qoft lavduar Krishti

[toni77_toni]

"të Shpirtit Shenjt"
"se Shpirti i Hyjit "
"Shpirtin e Krishtit"

8 Ata që jetojnë nën ndikimin e trupit, nuk mund t’i pëlqejnë Hyjit. Ju nuk jeni nën ndikimin e mishit, por nën atë të Shpirtit Shenjt, në qoftë se Shpirti i Hyjit banon në ju. Nëse ndokush nuk e ka Shpirtin e Krishtit, ai nuk i përket Atij.


10 E nëse Krishti është në ju, trupi është patjetër i vdekur për shkak të mëkatit e Shpirti është jetë për shkak të drejtësisë.(Rom 8; 8-10 )



www.bibla.net


vazhdon-->

[Dielli_ime]

Epo nuk m'u durua, o Toni . C'pate qe ma qite ne shteg?

Gjithmone e jetes!

[toni77_toni]

"..njerëz thjesht shtazorë – që nuk e kanë Shpirtin Shenjt"

Ju, o të dashur, kujtoni fjalët që ju paralajmëruan apostujt e Jezu Krishtit, Zotit tonë. Ata ju thoshin: 'Në kohën e fundit do të ketë përqeshës që do të jetojnë sipas prirjeve të veta të ulëta'. Këta janë ata që mbjellin përçarje – njerëz thjesht shtazorë – që nuk e kanë Shpirtin Shenjt.

Por, ju o të dashur, ndërtojeni veten mbi themelin e fesë suaj tejet të shenjtë duke u lutur në Shpirtin Shenjt. Qëndroni në dashurinë e Hyjit duke pritur mëshirën e Zotit tonë Jezu Krishtit për jetën e pasosur. (Ju 1; 17-21)


www.bibla.net


vazhdon-->

[toni77_toni]

Ngjeshuni me armët e Hyjit që të mund t’u bëni ballë pritave të djallit

Kështu këndej forcohuni në Zotin dhe në fuqinë e pakufishme të tij! Ngjeshuni me armët e Hyjit që të mund t’u bëni ballë pritave të djallit. Sepse, nuk kemi luftë vetëm kundër njeriut, por kundër principatave, kundër pushteteve, kundër sunduesve të kësaj bote të errët, kundër shpirtrave të këqij të hapësirës qiellore. Prandaj ngjeshni të gjitha armët e Hyjit që të mund të qëndroni përballë në ditën e ligë e, pasi të ngadhënjeni mbi të gjitha, të qëndroni zotërues të fushës. (Efesianëve:6;10-13)


www.bibla.net


vazhdon-->

[toni77_toni]

"a e morët Shpirtin Shenjt në saje të veprave të Ligjit, apo pse e pranuat fenë?"

Po kush, o galatas të pamendë, jua mori mendtë, kurse para syve tuaj Jezu Krishti u përshkrua i kryqëzuar?

Vetëm kaq dua të di prej jush: a e morët Shpirtin Shenjt në saje të veprave të Ligjit, apo pse e pranuat fenë?

Po a kaq të marrë jeni?!

Filluat me Shpirtin Shenjt e të mbaroni me trup?!

Po a thua kot i përjetuat të gjitha këto gjëra?

Oh të kishin qenë kot!

Po a thua Ai që ju jep Shpirtin Shenjt dhe bën ndër ju vepra të mrekullueshme, i bën këto pse ju i kryeni veprat e Ligjit e jo pse e keni dëgjuar predikimin e besimit?


www.bibla.net

vazhdon-->

[simonpjetri]

kur ata vetë përsëri e kryqëzojnë Birin e Hyjit

Heb 6, 4-6
Vërtet, është e pamundur që ata njerëz, të cilët qenë njëherë të shndritur, që e shijuan dhuratën qiellore, që u bënë pjesëtarë të Shpirtit Shenjt, që e shijuan të bukurën Fjalë të Hyjit dhe fuqitë e jetës së ardhshme, dhe megjithatë e borën fenë, të përtërihen rishtas me kthim, kur ata vetë përsëri e kryqëzojnë Birin e Hyjit dhe botërisht e poshtërojnë.