Vargu biblik i ditës

[toni77_toni]

"Në qoftë, pra, se syri yt është i shëndoshë, i tërë trupi yt do të jetë i ndriçuar"

“Syri është dritëza e trupit. Në qoftë, pra, se syri yt është i shëndoshë, i tërë trupi yt do të jetë i ndriçuar.

Por në qoftë syri yt i sëmurë, i tërë trupi yt do të jetë i errët. Në qoftë, pra, se drita që është në ty është errësirë, sa terr i madh do të jetë!” (Mt 6; 22-23)



www.bibla.net


vazhdon-->

[toni77_toni]

"Mos u brengosni..."

“Prandaj po ju them: mos u brengosni për jetën tuaj se çka do të hani dhe çka do të pini, as për trupin tuaj se çka do të vishni: vallë a nuk është jeta më e vlefshme se ushqimi e trupi se petku?

Shikoni shpendët e qiellit! As nuk mbjellin, as nuk korrin, as nuk mbledhin në drithnikë, e Ati juaj qiellor i ushqen! A nuk jeni ju më të vlefshëm se ata?

E kush prej jush, me gjithë përpjekjet shqetësuese që mund të bëjë, është i zoti ta zgjasë sado pak jetën e vet?

E për veshje, përse brengoseni aq? Shikoni si rriten lilat e fushës: nuk heqin keq as nuk tjerrin!

E unë po ju them: as vetë Salomoni me tërë madhërinë e vet nuk është veshur si njëri nga ata!

Tashti, nëse Hyji e vesh kështu barin e tokës, që sot është e nesër hidhet në furrë, vallë, a nuk do t’ju veshë më me ëndje ju, o fepakët?

Mos u brengosni, prandaj, duke thënë: ‘Çka do të hamë?’ e ‘Çka do të pimë?’ ‘Me çka do të vishemi?’ ‑ këto gjëra i kërkojnë paganët ‑ sepse Ati juaj qiellor e di mirë se ju keni nevojë për të gjitha këto.

Kërkoni, pra, më së pari, Mbretërinë dhe drejtësinë e tij e të gjitha këto do t’ju jepen si shtesë!

Prandaj: mos u brengosni për të nesërmen, sepse e nesërmja do të kujdeset vetë për vete. Secilës ditë i del mjaft mundimi i vet!” (Mt 6; 25-34)


www.bibla.net


vazhdon-->

[toni77_toni]

"Unë jam i pari dhe unë i sprasmi"

Kështu thotë Zoti, Mbreti i Izraelit, Shpëtimtari i tij, Hyji i Ushtrive:

“Unë jam i pari dhe unë i sprasmi, përveç meje Hyj tjetër nuk ka!

Kush është porsi unë? le të dalë përpara e le të thotë, të ma shtjellojë!
(Is 44;6-7)

"Unë jam Alfa dhe Omega, i Pari dhe i Fundit"

Unë jam Alfa dhe Omega, i Pari dhe i Fundit, Fillimi dhe Mbarimi!

Të lumët ata që i lajnë petkat e veta për të pasur pjesë në pemën e Jetës për të hyrë nëpër dyer në qytet!

Përjashta mbesin qentë, shortarët, fëlligështarët, idhujtarët dhe të gjithë ata që e duan ose e vënë në zbatim gënjeshtrën.

Unë, Jezusi, e dërgova engjëllin tim t’jua sjellë këtë dëshmi kishave.

Unë jam rrënja edhe pinjolli i Davidit, Ylli i ndritshëm i mëngjesit!" (Zb 22; 13-16)


vazhdon-->

[toni77_toni]

"unë, unë jam i pari edhe unë jam i fundit"

Më dëgjo, Jakob, Izrael, që të kam thirrur:
unë, unë jam i pari edhe unë jam i fundit!

Dora ime e themeloi tokën, e djathta ime i shtrin qiejt;
unë vetëm i thërras, e njëherësh më vijnë përpara! (Isaia 48;12-13)

www.bibla.net

vazhdon-->

[toni77_toni]

"Unë jam Alfa dhe Omega - thotë Zoti Hyj, - Ai që është, që ishte dhe që po vjen"

"..Prej Jezu Krishtit, Dëshmitarit besnik, të Parëlindurit ndër të vdekur, Sunduesit të mbretërve të tokës!

Atij që na do, që na çliroi nga mëkatet tona me gjakun e vet, 6 që na bëri Mbretëri, priftërinj për Hyjin, Atin e vet,

- Atij i qoftë lavdi dhe pushtet në shekuj [të shekujve].
Amen

Ja, po vjen me re
dhe do ta shohë çdo sy
edhe ata që e shporuan
dhe të gjitha fiset e tokës do të vajtojnë për shkak të Tij.

Po! Amen!

Unë jam Alfa dhe Omega - thotë Zoti Hyj, - Ai që është, që ishte dhe që po vjen, i Gjithëpushtetshmi. (zb 1; 5-8)


www.bibla.net


vazjdon-->

[Noku Ymeri]

13 Sepse dy të këqija bëri populli im:
më la mua, burimin e ujit të gjallë,
që të hapë për vete puse,
puse të shpuara
JEREMIA 2:13

[toni77_toni]

13 Sepse dy të këqija bëri populli im:
më la mua, burimin e ujit të gjallë,
që të hapë për vete puse,
puse të shpuara
JEREMIA 2:13

"pse e lanë Burimin e ujit të gjallë, Zotin"

O Zot, shpresa e Izraelit, të gjithë ata që të lënë do të turpërohen,

pse e lanë Burimin e ujit të gjallë, Zotin.

Në pluhur do të shkruhen ata që nga ti largohen. (Jeremia 17; 13)


www.bibla.net


vazjdon-->

[toni77_toni]

"uji që unë do t’ia jap do të bëhet në të burim"

Jezusi iu përgjigj:
Kurse, kush do të pijë ujin që unë do t’ia jap, kurrë më nuk do të ketë etje, madje uji që unë do t’ia jap do të bëhet në të burim që rrjedh në jetën e pasosur.” (Gjn 4; 13-14)


www.bibla.net


vazjdon-->

[toni77_toni]

"Isha i vdekur dhe, ja, jam i gjallë për shekuj të shekujve"

Kur e pashë, rashë para këmbëve të tij porsi i vdekur. Ai vuri mbi mua të djathtën e vet e tha: »Mos u tremb! Unë jam i Pari dhe i Fundit, i Gjalli! Isha i vdekur dhe, ja, jam i gjallë për shekuj të shekujve dhe unë i kam çelësat e Vdekjes dhe të Nëntokës! (Zb 1; 17-18)


www.bibla.net


vazjdon-->

[simonpjetri]

jemi në paqe me Hyjin nëpër Jezu Krishtin, Zotin tonë, nëpër të cilin [me anë të fesë] fituam hirin

(Rom 5; 1-5)
Të shfajësuar, pra, me anë të fesë, jemi në paqe me Hyjin nëpër Jezu Krishtin, Zotin tonë, nëpër të cilin [me anë të fesë] fituam hirin, në të cilin tani jemi dhe me të cilin mburremi, sepse shpresojmë se do të kemi pjesë në lumturinë e Hyjit. Madje, jo vetëm kaq! Ne mburremi edhe për vuajtjet, sepse e dimë mirë se vuajtja sjell qëndresën, qëndresa na bën besnikë të sprovuar e besnikëria e sprovuar sjell shpresën, e shpresa nuk turpëron, sepse dashuria e Hyjit u ndikua në zemrat tona me anë të Shpirtit Shenjt që na u dhurua.