Vargu biblik i ditës

[PrisHtiNa-Lee]

Pershnetje Ton (me kangen 'mori cike..')! Qka je tui ba?

Jakobi 2

14 Ç’dobi, o vëllezërit e mi, nëse ndokush thotë se ka fe, në qoftë se nuk i ka veprat? A thua mund ta shpëtojë vetëm feja?

Kush do jepe pergjegje per kete sepse edhe une jam kurioz ta di sinqerisht po.

[toni77_toni]

Postuar më parë nga Seminarist
Pershnetje Ton (me kangen 'mori cike..')! Qka je tui ba?

Jakobi 2

14 Ç’dobi, o vëllezërit e mi, nëse ndokush thotë se ka fe, në qoftë se nuk i ka veprat? A thua mund ta shpëtojë vetëm feja?

Kush do jepe pergjegje per kete sepse edhe une jam kurioz ta di sinqerisht po.

Është e vertetë se feja pa vepra është mashtrim i vetvetit, por veprat nuk janë meritë e njeriut, as shpetim. Merita eshte e Zotit, Shpetimi është dhuratë e Zotit.

Si e shpjegon Kisha katolike këtë?

Merita e njeriut te Zoti në jetën e krishterë rrjedh nga fakti se Zoti lirisht ka vendosur ta bashkojë njeriun në veprën e HIRIT TË VET.
Veprimi atëror i Zotit jep shtytjen e PARË, kurse të vepruarit e lirë të njeriut vjen në radhë TË DYTË në bashkëpunimin e tij, kështu që meritat e veprave të mira i duhen dhënë para së gjithash HIRIT TË ZOTIT, pastaj besimtarit. Merita e njeriut, ndërkaq, KTHEHET edhe kjo te ZOTI me qenë se veprimet e tij të mira e kanë zanafillën e tyre, në Krishtin, nga frymëzimet dhe nga NDIHMAT e Shpirtit Shenjt. (kat 2008)

[torrkerry]

ZEMERIMI

“Keni dëgjuar se u qe thënë të vjetërve: ‘Mos vra!’ Kush vret do të jetë përgjegjës para gjyqit.

E unë po ju them: Kushdo zemërohet kundër vëllait të vet, do të jetë përgjegjës para gjyqit; e kush t’i thotë vëllait të vet: ‘Budalla’, do të jetë përgjegjës para Sinedrit; kush t’i thotë: ‘I marrë’, do të përgjigjet në zjarrin e ferrit.

Pra, nëse e sjell dhuratën tënde për ta kushtuar në lter e aty të bie në mend se yt vëlla ka diçka kundër teje, lëre dhuratën tënde aty para lterit, shko e pajtohu më parë me vëllain tënd e pastaj eja e kushtoje dhuratën tënde!

Rregullohu shpejt me kundështarin tënd sa të jesh ende në udhëtim me të, që kundërshtari të mos të të dorëzojë te gjykatësi e ky te rojtari i gjyqit, që të mos të ndryejnë në burg. Për të vërtetë po të them: s’do të dalësh prej andej para se ta paguash edhe paranë më të fundit.”

[toni77_toni]

"Sepse Hyji ka thënë; Jo, nuk do të të lë, unë nuk do të të braktis.."!

Dashuria vëllazërore le të jetë e qëndrueshme! Mos e lini pas dore mikpritjen, sepse me anë të saj, disa, pa ditur, pritën miq engjëjt! Kujtoni të burgosurit, si të ishit edhe ju të burgosur me ta; të salvuarit - sepse edhe ju jeni ende në trup.

Martesa le të jetë plot nder ndër të gjithë dhe shtrati martesor i panjollë, sepse Hyji do t’i gjykojë fëlligështarët dhe kurorëthyesit.

Në sjelljen tuaj të mos ndikojë paraja! Jini të kënaqur me aq sa keni, sepse Hyji ka thënë: »Jo, nuk do të të lë, unë nuk do të të braktis në ditë të ngushtë!«

Këndej të mund të themi plot besim: »Zotin e kam ndihmë dhe nuk kam frikë: çka mund të më bëjë njeriu?« (Hebr 13; 2-6)


www.bibla.net


vazhdon-->

[toni77_toni]

"popujt ta kenë provën e së vërtetës së zbuluar"!

"Ky Ungjill i Mbretërisë do të shpallet në mbarë botën, që kështu të gjithë popujt ta kenë provën e së vërtetës së zbuluar. Atëherë do të vijë mbarimi” (Mt 24; 14)


www.bibla.net


vazhdon-->

[toni77_toni]

"Breznia e prapë dhe lavire shenjë kërkon"!

Një herë disa skribë e disa farisenj morën fjalën e i thanë Jezusit: “Mësues, prej teje duam të shohim një shenjë.”

Ai u përgjigj:

“Breznia e prapë dhe lavire shenjë kërkon! Shenjë tjetër s’do t’i jepet përveç shenjës së Jonës profet! Sikurse Jona qe në barkun e përbindëshit të detit tri ditë e tri net, ashtu edhe Biri i njeriut do të jetë në zemrën e tokës tri ditë e tri net." (Mt 14; 38-40)

www.bibla.net


vazhdon-->

[toni77_toni]

"E unë i kisha shëruar"!

“Jezus, pse po u flet me shëmbëlltyra?”

Ai u përgjigj:

“Sepse ju e morët dhuratën t’i njihni fshehtësitë e Mbretërisë së qiellit, ndërsa ata nuk e morën. ..."

"Për këtë arsye atyre u flas në shëmbëlltyra, sepse shikojnë e nuk shohin, dëgjojnë e nuk ndiejnë as nuk kuptojnë. Mbi ta plotësohet profecia e Isaisë që thotë:

“Mirë do të dëgjoni ‑ por s’do të kuptoni, mirë do të shikoni ‑ por nuk do të shihni. Vërtet zemra e këtij populli s’ka më ndjenja, u bë i rëndë ndër veshë, sytë i janë mbyllur, që të mos shohë me sy, të mos dëgjojë me veshë, që të mos kuptojë shpirti i tyre e të mos kthehen. E unë i kisha shëruar!” (Mt 13; 10 - 15)


www.bibla.net


vazhdon-->

[toni77_toni]

"Po të ishit bijtë e Abrahamit, do të bënit veprat e Abrahamit"

Ata iu përgjigjën:

“Ati ynë është Abrahami.”

Jezusi u tha:

“Po të ishit bijtë e Abrahamit, do të bënit veprat e Abrahamit! Dhe, ja, kërkoni të më vritni mua, që ju fola të vërtetën, që e dëgjova prej Hyjit.

Një gjë të tillë Abrahami s’e bëri kurrë. Ju bëni veprat e babait tuaj.” (Gjn 8; 39-41)


www.bibla.net


vazhdon-->

[toni77_toni]

"Për të fituar jetën e pasosur"!

“Mësues, çka duhet të bëj për të fituar jetën e pasosur?”

“Çka shkruan në Ligj? ‑ iu përgjigj Jezusi ‑ Si lexon atje?”

Djaloshi iu përgjigj:

“‘Duaje Zotin, Hyjin tënd, me gjithë zemrën tënde, me gjithë shpirtin tënd, me gjithë fuqinë tënde, dhe me gjithë mendjen tënde edhe ‘të afërmin tënd porsi vetveten!’“

Jezusi i tha:

“Mirë u përgjigje! Vepro kështu dhe do të jetosh!” (Lk 10; 25-28)


www.bibla.net

vazhdon-->

[toni77_toni]

"Merrni në pronë Mbretërinë që u bë gati për ju.."!

Ejani të bekuarit e Atit tim! Merrni në pronë Mbretërinë që u bë gati për ju që prej fillimit të botës! Sepse pata uri e më dhatë të ha, pata etje e më dhatë të pi, isha shtegtar e më përbujtët, isha i zhveshur e më veshët, i sëmurë e erdhët të më shihni, isha në burg e erdhët tek unë.’

‘Zotëri, kur të pamë të uritur e të dhamë të hash, të etshëm e të dhamë të pish? Kur të pamë shtegtar e të përbujtëm, të zhveshur e të veshëm? Ose, kur të pamë të sëmurë ose në burg e erdhëm te ti?’

Mbreti do të përgjigjet: ‘Për të vërtetë po ju them: çkado bëtë për njërin ndër këta vëllezërit e mi më të vegjël, e bëtë për mua." thot ZOTI (Mt 25; 35-40)

www.bibla.net

vazhdon-->

[toni77_toni]

"..të drejtët në jetën e pasosur"!

Pastaj do t’u thotë edhe atyre që do të jenë në të majtën: ‘Ikni prej meje, të mallkuar, në zjarr të pasosur, të përgatitur për djallin e për engjëjt e tij! Sepse isha i uritur e nuk më dhatë të ha, isha i etshëm e nuk më dhatë të pi, isha shtegtar e nuk më përbujtët, isha i zhveshur e nuk më veshët, i sëmurë dhe në burg e nuk erdhët tek unë.’

Këta do të shkojnë në mundim të përjetshëm, kurse të drejtët në jetën e pasosur.” (Mt 25 41 - 46)



www.bibla.net

vazhdon-->

[toni77_toni]

"....fëlligështarët, shortarët dhe idhujtarët..."!

"U bënë! Unë jam Alfa dhe Omega! Fillimi dhe Mbarimi! Atij që ka etje unë do t’i jap falas nga burimi i jetës.

Ngadhënjyesi do t’i trashëgojë këto edhe unë do të jem Hyji i tij e ai biri im.

Kurse frikacakët, të pafetë dhe të ndytët, vrastarët e fëlligështarët, shortarët dhe idhujtarët dhe të gjithë rrenacakët trashëgimin e kanë në liqenin që digjet me zjarr dhe me sulfur".

Kjo është vdekja e dytë. (Zbul 21; 6 - 8)


www.bibla.net

vazhdon-->

[toni77_toni]

"Po të më mungonte dashuria, nuk do të më vlente asgjë"!

Po t’i flisja gjuhët e njerëzve e të engjëjve, por po të mos kisha dashurinë, do të isha porsi bronzi që kumbon e porsi cimbali që tingëllon.

Po ta kisha dhuratën e profecisë e t’i dija të gjitha misteret e të gjitha dituritë; po ta kisha edhe fenë e plotë, me të cilën të mund t’u ndërroja vend maleve, por po të më mungonte dashuria, s’do të isha asgjë!

Po ta ndaja lëmoshë mbarë pasurinë time dhe po ta jepja trupin tim të digjej, por, po të më mungonte dashuria, nuk do të më vlente asgjë! (1 e Kor 13; 1 - 3)

www.bibla.net

vazhdon-->

[toni77_toni]

"Dashuria nuk mbaron kurrë..."!

Dashuria është zemërgjerë, është e dhimbshme, dashuria, nuk ka smirë, nuk mbahet me të madh, nuk krenohet nuk është e panjerëzishme, nuk kërkon interesin e vet, nuk hidhërohet, nuk e mban mend të keqen, nuk i kënaqet padrejtësisë, por i gëzohet të vërtetës.

Arsyeton gjithçka, beson gjithçka, shpreson gjithçka, duron gjithçka. Dashuria nuk mbaron kurrë. Profecitë mbarojnë, gjuhët shuhen, njohuritë marrin fund. Sepse njohuria jonë është e kufizuar dhe e kufizuar është profecia jonë.

Por, kur të arrijë përsosmëria, çka është e kufizuar do të marrë fund. (1 e Kro 13; 4 - 10)


www.bibla.net

vazhdon-->

[toni77_toni]

"Tani, veç, mbetet feja, shpresa e dashuria.."!

Kur isha fëmijë flisja si fëmijë, mendoja si fëmijë, arsyetoja si fëmijë. Kur u bëra njeri i pjekur, flaka çka i përket fëmijërisë.

Vërtet, tani shikojmë si në pasqyrë e në mënyrë të errët, por atëherë do të shohim faqe‑faqas! Tani njohuria ime është e kufizuar, atëherë do të njoh plotësisht, siç jam i njohur.

Tani, veç, mbetet feja, shpresa e dashuria ‑ këto të tria ‑ porse më e madhja ndër to është dashuria. (1 Kor 13; 11 - 13)


www.bibla.net

vazhdon-->

[toni77_toni]

"Krishti ‑ Qengji ynë i Pashkëve..."

Nuk ju vlen gjë krenaria! Po a nuk e dini se pak tharm e brumos mbarë brumin?

Pastrohuni prej tharmit të vjetër që të bëheni brumë i ri, sikurse edhe jeni të pabrumë, sepse Krishti ‑ Qengji ynë i Pashkëve ‑ tanimë është flijuar.

Andaj, le të kremtojmë, jo me tharmin e vjetër, as me tharmin e zemrës së keqe e të ligësisë, por me bukën e pabrumë të pastërtisë e të së vërtetës. (1 e Kor 5; 6 - 8)

www.bibla.net

vazhdon-->

[toni77_toni]

“Gjithçka u krye!”

Në këmbë, përbri kryqit të Jezusit, qëndronin nëna e tij, pastaj motra e nënës së tij, Maria e Klopait edhe Maria Magdalenë. Jezusi, kur pa nënën e vet dhe, pranë saj, nxënësin që donte, i tha nënës:

“Grua, ja, yt bir!” Pastaj i tha nxënësit: “Ja, nëna jote!”

Prej asaj ore nxënësi e mori me vete.

Pastaj, Jezusi, i vetëdijshëm se u krye gjithçka, që të shkojë në vend fjala e Shkrimit të shenjtë, tha: “Kam etje!” Aty ishte një enë plot me uthull. Në majë të kallamit të hisopit vunë një sfungjer plot me uthull e ia afruan te goja. Jezusi, posa e kërkoi uthullën, tha:

“Gjithçka u krye!” Uli kokën e dha shpirt. (Gjn 19; 25-30)


www.bibla.net

vazhdon--->

[toni77_toni]

"Ai s’është këtu! U ngjall"!

“Pse e kërkoni të Gjallin ndër të vdekur? Ai s’është këtu! U ngjall! Le t’ju bjerë në mend çka ju pati thënë kur ishte në Galile: ‘Duhet ‑ thoshte ai ‑ që Biri i njeriut t’u dorëzohet njerëzve mëkatarë; ta kryqëzojnë dhe të tretën ditë të ngjallet!"


www.bibla.net

vazhdon--->

[toni77_toni]

Pse po dyshoni në zemrat tuaja?

“Pse po trembeni? Pse po dyshoni në zemrat tuaja? Shikojini duart e mia e këmbët e mia: unë jam! Vetë! Më prekni e vërtetojeni! Shpirti s’ka mish e eshtra, si po shihni se unë kam"! Si u tha kështu, u dëftoi duart e këmbët...."(Lk 24; 38 - 40)

www.bibla.net

vazhdon--->

[toni77_toni]

U ngjall sikurse tha!

“Ju mos u trembni! E di se kërkoni Jezusin e kryqëzuar! Ai nuk është këtu! U ngjall sikurse tha! Ejani e shikoni vendin ku qe vënë e pastaj nxitoni të shkoni e t’ua tregoni nxënësve të tij: u ngjall së vdekuri dhe, ja, po shkon para jush në Galile. Atje do ta shihni. Ja, ju tregova!” (Mt 28; 5 - 7)


www.bibla.net

vazhdon--->