Vargu biblik i ditës

[toni77_toni]

"por hiq keq bashkë me mua për Ungjill duke u mbështetur në fuqinë e Hyjit"

Prandaj mos të të vijë turp ta dëshmosh Zotin tonë, as mua të burgosurin e tij, por hiq keq bashkë me mua për Ungjill duke u mbështetur në fuqinë e Hyjit, i cili na shëlboi dhe na grishi me thirrje të shenjtë – jo në saje të veprave tona, por në saje të vullnetit të vet dhe të hirit, që na u dha që prejamshimit në Jezu Krishtin dhe u dëftua tani me Ardhjen e Shëlbuesit tonë Jezu Krishtit. Ky e asgjësoi vdekjen dhe bëri të shndrisë jeta dhe pavdekësia me anë të Ungjillit, për të cilin Hyji më caktoi të jem predikatar, apostull dhe mësues. (2 Tim 1; 8-11)



www.bibla.net

vazhdon-->

[toni77_toni]

"Hyji, autori i paqes, do ta dërrmojë për së shpejti djallin nën këmbët tuaja"

Zëri i dëgjesës suaj ka arritur gjithkund. Sa për ju, pra, jam shumë i gëzuar e dëshiroj të jeni të urtë për sa i përket së mirës e të jeni të pastër nga çdo e keqe.

Hyji, autori i paqes, do ta dërrmojë për së shpejti djallin nën këmbët tuaja.
Hiri i Jezusit, Zotit tonë, qoftë me ju! (Rom 16;20)


www.bibla.net

vazhdon-->

[toni77_toni]

Qëndroni në dashurinë e Hyjit

Por, ju o të dashur, ndërtojeni veten mbi themelin e fesë suaj tejet të shenjtë duke u lutur në
Shpirtin Shenjt. Qëndroni në dashurinë e Hyjit duke pritur mëshirën e Zotit tonë Jezu Krishtit për jetën e pasosur. (Jud 1; 20-21)


www.bibla.net

vazhdon-->

[toni77_toni]

Hyji është një i vetëm

Kjo gjë është e mirë dhe e pëlqyeshme para Hyjit, Shëlbuesit tonë, vullneti i të cilit është që të shëlbohen të gjithë njerëzit dhe ta arrijnë njohjen e së vërtetës. Sepse,
Hyji është një i vetëm,
një i vetëm është edhe Ndërmjetësi mes Hyjit
e njerëzve:
Njeriu Jezu Krishti, i cili e flijoi vetveten si shpërblim për të gjithë njerëzit. (1 Tim 2; 3-6)


www.bibla.net

vazhdon-->

[toni77_toni]

"vuajmë dhe luftojmë pse shpresojmë në Hyjin e gjallë"

Në qoftë se ua mëson vëllezërve këto të vërteta do të jesh mbarështues i mirë i Krishtit Jezus, i ushqyer mirë me fjalë feje dhe me mësimin e mirë që vazhdimisht e ndjek. Hiqju përrallave të shekullit e të plakave! Më mirë ushtrohu në përshpirtëri! Vërtet, ushtrimi trupor pak ka vlerë, kurse përshpirtëria është e dobishme për gjithçka, sepse sjell me vete premtimin e jetës së tashme dhe të asaj të ardhshmes. Kjo fjalë është e denjë të besohet dhe të pranohet prej të gjithëve: prandaj vuajmë dhe luftojmë pse shpresojmë në Hyjin e gjallë që është Shëlbuesi i të gjithëve, sidomos i besimtarëve. Këto gjëra urdhëroj dhe mësoj! (1 eTi, 4; 6-11)



www.bibla.net

vazhdon-->

[toni77_toni]

"Vaj për ju...!"

Vaj për ju, skribë e farisenj, shtiracakë, sepse pastroni anën e jashtme të gotës e të enës, ndërsa përbrenda janë plot rrëmbime e papërkormëri! Farise i verbër! Pastroje më parë brendinë e gotës, që edhe përjashta të jetë e pastër! (Mt 23; 25-26)


www.bibla.net

vazhdon-->

[toni77_toni]

"Vaj për ju..."

Vaj për ju, skribë e farisenj, shtiracakë, që lani të dhjetën e mendrës, të murajës e të kimit, por lini pas dore atë që është më e rëndësishme në Ligj: drejtësinë, mëshirën e besnikërinë! Këtë është dashur ta bëni e nga ajo e para, s’është dashur të hiqni dorë. Udhëheqës të verbër! Ju shtrydhni mushkonjën e kapërdini gamilen! (Mt 23; 23-24)



www.bibla.net


vazhdon-->

[toni77_toni]

Nuk po jua shkruaj këto që t’ju turpëroj, por që t’ju qortoj si fëmijët e mi të dashur

Tani u ngitë! Tani u bëtë të pasur! Pa ne u bëtë mbretër! Ku të merrej ai fat, të bëheshit vërtet mbretër, që të mbretëronim edhe ne me ju!

E pra, unë mendoj se Hyji ne, apostujve, na ka vënë në vendin e fundit, si të dënuar për vdekje: lojë për botën, për engjëjt e për njerëzit;

ne të marrë për shkak të Krishtit, ju të urtë në Krishtin,

‑ ne të dobët, ju të fortë,

ju të nderuar e ne të përbuzur,

deri tani s’ngihemi me bukë as me ujë, jemi të zhveshur e të shtypur, të paplëng e të pashtëpi, lodhemi duke punuar me duart tona.

Na shajnë e ne flasim mirë për ta,

na salvojnë e ne durojmë;

na shpifen e ne ngushëllojmë.

U bëmë deri më sot porsi plehrat e botës, porsi mbeturinat e gjithkujt!

Nuk po jua shkruaj këto që t’ju turpëroj, por që t’ju qortoj si fëmijët e mi të dashur. Sepse, edhe po t’i kishit në Krishtin dhjetë mijë mësues, nuk do të kishit shumë etër, sepse, me anë të Ungjillit, unë ju linda në Jezu Krishtin. (1 e Kor 4; 8-15)


www.bibla.net


vazhdon-->

[toni77_toni]

"..më dërgoi që ta rifitosh dritën e syve e të mbushesh me Shpirtin Shenjt.."

Anania shkoi, hyri në shtëpi e, duke ia vënë duart, i tha: “Vëlla Saul, Zotëria Jezus, që t’u dëftua në udhë kur ishe duke ardhur këtu, më dërgoi që ta rifitosh dritën e syve e të mbushesh me Shpirtin Shenjt.”

Dhe aty për aty i ra diçka prej syve si pare peshku dhe menjëherë iu kthye drita e syve, u ngrit dhe qe pagëzuar, hëngri dhe u përtëri në fuqi. (Vap 9; 17-19)


vazhdon-->

www.bibla.net

[toni77_toni]

"kush nuk e do vëllain e vet që e sheh, Hyjin që nuk e sheh, s’mund ta dojë".

Nëse ndokush thotë: "E dua Hyjin", e këndej e urren vëllain e vet, është gënjeshtar. Sepse kush nuk e do vëllain e vet që e sheh, Hyjin që nuk e sheh, s’mund ta dojë. Prej tij e kemi edhe këtë urdhër: Kush e do Hyjin, duhet ta dojë edhe vëllain e vet. (1 e Gjn 4; 20-21)


vazhdon-->


www.bibla.net

[toni77_toni]

Të dashur, tani jemi fëmijët e Hyjit!

Shikoni ç’dashuri të madhe na dhuroi Ati sa që quhemi bijtë e Hyjit edhe jemi! Bota nuk na njeh sepse nuk e njeh Atë.

Të dashur, tani jemi fëmijët e Hyjit, por çka do të jemi ende nuk u zbulua. Kaq dimë: kur të shfaqet do të bëhemi të ngjashëm me Të, sepse do ta shohim ashut siç është.

Kush e ka këtë shpresë në Të, bëhet i pastër siç është Ai i pastër.

Kush bën mëkat, shkel Ligjin, sepse mëkati është shkelja e Ligjit.

Dhe e dini: Jezusi u shfaq për të hequr mëkatet, e mëkat në Të nuk ka. Kushdo qëndron në Të, nuk mëkaton. Kushdo mëkaton, nuk e pa as nuk e njohu Atë. (1 e Gjn 3; 1-6)


vazhdon-->


www.bibla.net

[toni77_toni]

Kush i mban urdhërimet e tij, mbetet në Hyjin dhe Hyji në të

Me këtë gjë e dimë a jemi prej së vërtetës. Dhe do ta qetësojmë zemrën tonë para Tij në qoftë se ajo na qorton për ndonjë gjë. Sepse Hyji është më i madh se zemra jonë dhe njeh gjithçka. Fort të dashur! Nëse zemra nuk na padit, mund të shkojmë me guxim te Hyji dhe çkado që kërkojmë, prej Tij e marrim, sepse i mbajmë urdhërimet e tij dhe bëjmë çka Atij i pëlqen. Ky është urdhri i tij: që të besojmë në Emrin e Birit të tij – në Jezu Krishtin dhe ta duam njëri-tjetrin, si Ai na urdhëroi. Kush i mban urdhërimet e tij, mbetet në Hyjin dhe Hyji në të. Me këtë e dimë se Ai mbetet në ne: me anë të Shpirtit që na e ka dhënë. (1 e Gjn 3 19-24)


vazhdon-->


www.bibla.net

[toni77_toni]

Jezusi të tretën herë paralajmëron vdekjen e të ngjallurit e vet!

Pastaj i mori me vete të Dymbëdhjetët dhe u tha:

“Ja, po ngjitemi në Jerusalem dhe do të plotësohen të gjitha që u shkruan nga profetët për Birin e njeriut: sepse do t’u dorëzohet paganëve, të cilët do ta vënë në lojë, do ta salvojnë e do ta pështyjnë, e, pasi ta frushkullojnë, do ta vrasin. Ai veç do të ngjallet të tretën ditë.”( Lk 18: 31-33)


vazhdon-->

www.bibla.net

[toni77_toni]

"O po ta kuptoje edhe ti në këtë ditë çka ta sjell ty paqen! Por tashti është e fshehur për sytë e tu!"

"Kur u afrua dhe e pa qytetin, qau mbi të e tha: “O po ta kuptoje edhe ti në këtë ditë çka ta sjell ty paqen! Por tashti është e fshehur për sytë e tu! E do të vijë dita, kur armiqtë e tu do të të rrethojnë me llogore, do të bëjnë rrethim e do të të shtrëngojnë nga çdo anë. Do të të përplasin për tokë ty e fëmijët e tu në ty dhe s’do të lënë në ty as gur mbi gur, sepse nuk e bëre për gjë kohën kur Hyji erdhi të të ndihmojë.” (Lk 19; 41-44)

vazhdon-->

www.bibla.net

[toni77_toni]

“Edhe pak kohë e nuk do të më shihni, prapë edhe pak e do të më shihni.”

Atëherë disa nga nxënësit e tij i thanë njëri‑tjetrit:
“Çka është kjo që po na thotë: ‘Edhe pak kohë e nuk do të më shihni, prapë edhe pak e do të më shihni?’ dhe ‘Po shkoj tek Ati?’“ Thoshin, pra: “Çka është [ajo që thotë] ‘Edhe pak kohë?’. S’po e marrim vesh çka do të thotë!”

Jezusi e mori vesh se deshën ta pyesnin e u tha:

“Ju po e pyesni njëri‑tjetrin rreth asaj që thashë: ‘Edhe pak kohë e nuk do të më shihni më e prapë edhe disa kohë e do të më shihni’?

Për të vërtetë, për të vërtetë po ju them: ju do të qani e do të vajtoni e bota do të gëzojë.

Ju do të trishtoheni, por trishtimi juaj do të kthehet në gëzim. Gruaja, kur i lind fëmija, është në trishtim, sepse i erdhi ora e saj, porse, pasi i lind fëmija, nuk i bie më ndërmend vuajtja prej gëzimit që lindi një njeri në botë.

Kështu edhe ju: tani jeni të trishtuar, por unë prapë do të vij t’ju shoh e zemra juaj do të galdojë dhe askush s’do t’jua marrë gëzimin tuaj". (Gjn 19; 16-22)

vazhdon-->

www.bibla.net

[toni77_toni]

“Shkoni e na bëni gati Darkën e Pashkëve”

Erdhi dita e Bukëve të Pabrume, kur duhej të flijohej qengji i Pashkëve. Atëherë Jezusi dërgoi Pjetrin e Gjonin dhe u tha:

“Shkoni e na bëni gati Darkën e Pashkëve.”

“Ku dëshiron ta bëjmë gati” ‑ e pyetën ata.

“Posa të hyni në qytet ‑ u tha ai ‑ do t’ju takojë një njeri që mbart një katrovë me ujë. Shkoni pas tij. Në atë shtëpi që të hyjë ai, thuajini të zotit të shtëpisë: ‘Mësuesi të çon fjalë: ku është dhoma e bukës në të cilën do të mund të ha me nxënësit e mi Darkën e Pashkëve?’ Ai atëherë do t’jua tregojë në kat një sallon të madh të shtruar: aty na bëni gati.”

Ata shkuan e gjetën ashtu si u tha dhe e përgatitën Darkën e Pashkëve. (Lk 22; 7-13)


www.bibla.net

[toni77_toni]

“Ky kelk është Besëlidhja e Re në gjakun tim që derdhet për ju. ”


Kur erdhi koha, Jezusi u ul në tryezë e me të bashkë edhe apostujt. U tha:

“Me gjithë shpirt kam pasur dëshirë ta ha këtë Darkë të Pashkëve bashkë me ju para se të pësoj, sepse juve po ju them: nuk do ta ha më para se të marrë fund në Mbretërinë e Hyjit.”

Atëherë mori gotën, falenderoi e tha:

“Merreni e ndajeni mes jush! Vërtet, unë po ju them se prej këtij çasti s’do të pi më fryt hardhie derisa të vijë Mbretëria e Hyjit.”

Pastaj mori bukën, u falënderua, e theu, ua dha e tha:

“Ky është trupi im që flijohet për ju. Bëni këtë në përkujtimin tim!”

E mori gjithashtu edhe kelkun, pasi u krye darka, e tha:

“Ky kelk është Besëlidhja e Re në gjakun tim që derdhet për ju. ”

“Por, ja, dora e atij që po më tradhton është me mua në tryezë! Biri i njeriut njëmend po shkon ashtu siç u caktua, porse, i mjeri ai njeri që po e tradhton!”

Ata zunë ta pyesnin njëri‑tjetrin cili prej tyre do të ishte ai që do ta bënte këtë gjë. (Lk 22; 14-23)


www.bibla.net

[toni77_toni]

"Porse, kur të ngjallem, do të shkoj para jush në Galile.”



Atëherë Jezusi u tha:
]“Të gjithë ju sonte do ta humbni besimin në mua. Sepse Shkrimi i shenjtë thotë:

‘Do t’i bie bariut e delet e tufës do të shpërndahen!’

Porse, kur të ngjallem, do të shkoj para jush në Galile.”

Atëherë Pjetri iu përgjigj:
“Po qe se edhe të gjithë do ta bjerrin besimin në ty, unë assesi nuk do ta bjerr besimin në ty!”

Jezusi i tha:
“Për të vërtetë po të them: pikërisht sonte, para se të këndojë gjeli, tri herë do të më mohosh!”

Pjetri i tha:
“Po edhe në qoftë se duhet të vdes bashkë me ty, nuk do të të mohoj!” Kështu thanë edhe të gjithë nxënësit e tjerë. (Mt 26; 31-35)


www.bibla.net

[toni77_toni]

"Kur, pra, Jezusi u tha: “UNË JAM!”, ata u zmbrapsën dhe ranë përdhe"



Jezusi, si i tha këto fjalë, kaloi bashkë me nxënësit e vet përtej përroit Cedron. Aty ishte një kopsht, në të cilin hyri ai e nxënësit e tij. Edhe Juda, tradhtari i tij, e dinte atë vend, sepse Jezusi shpeshherë shkonte atje bashkë me nxënësit e vet.

Atëherë Juda mori një kompani ushtarësh dhe disa rojtarë të Tempullit që ia dhanë kryepriftërinjtë e farisenjtë dhe ia behu atje me pisha të ndezura, me dritëza e me armë.

Jezusi, që e dinte mirë çka kishte për t’i ndodhur, u doli para dhe u tha:

“Kë kërkoni?”

“Jezu Nazarenin!” ‑ iu përgjigjën ata.

“UNË JAM.” ‑ u tha Jezusi.

Me ta ishte Juda që po e tradhtonte. Kur, pra, Jezusi u tha: “UNË JAM!”, ata u zmbrapsën dhe ranë përdhe. Atëherë i pyeti përsëri:

“Kë kërkoni?”

“Jezusin Nazarenas!” ‑ iu përgjigjën ata. Jezusi u tha: “Ju thashë: ‘UNË JAM’. Nëse, pra, më kërkoni mua, lërini këta të shkojnë!”

Ndodhi kështu që të shkonte në vend fjala që pati thënë: “Nuk bora asnjë prej atyre që më dhe.”

Atëherë Simon ‑ Pjetri nxori shpatën, që e kishte me vete, i ra shërbëtorit të kryepriftit dhe ia preu veshin e djathtë. Shërbëtori quhej Malk. Atëherë Jezusi i tha Pjetrit:

“Shtjere shpatën në mill! A të mos e pi gotën që ma dha Ati?” (Gjn 18; 1-11)


www.bibla.net

[toni77_toni]

“Ju thoni të vërtetën! UNË JAM”


Kur zbardhi drita u mblodhën krerët e popullit, kryepriftërinjtë e skribët, e çuan Jezusin në Këshillin e Lartë të vetin dhe i thanë:

“Nëse ti je Mesia, na thuaj!”

Ai u përgjigj:
“Nëse ju them, s’do të më besoni; nëse ju pyes, nuk do të më përgjigjeni. Por pas këtij momenti, Biri i njeriut do të rrijë në të djathtën e Hyjit të gjithëpushtetshëm.”

Atëherë i thanë të gjithë: “Ti, pra, qenke Biri i Hyjit?!”

Ai u përgjigj:
“Ju thoni të vërtetën! UNË JAM!”

Atëherë ata thanë:
“Ç’dëshmi tjetër na duhet? Ne vetë e dëgjuam prej gojës së tij!” (Lk 22; 66-71)


www.bibla.net