Vargu biblik i ditës

[toni77_toni]

"Qëndroni në dashurinë e Hyjit"

Ju, o të dashur, kujtoni fjalët që ju paralajmëruan apostujt e Jezu Krishtit, Zotit tonë. Ata ju thoshin: »Në kohën e fundit do të ketë përqeshës që do të jetojnë sipas prirjeve të veta të ulëta«. Këta janë ata që mbjellin përçarje – njerëz thjesht shtazorë – që nuk e kanë Shpirtin Shenjt.

Por, ju o të dashur, ndërtojeni veten mbi themelin e fesë suaj tejet të shenjtë duke u lutur në Shpirtin Shenjt. Qëndroni në dashurinë e Hyjit duke pritur mëshirën e Zotit tonë Jezu Krishtit për jetën e pasosur. (Ju 1; 17-20)


www.bibla.net

[toni77_toni]

"..Hyji i gjithëpushtetshëm ‑ i shenjtë është Emri i tij"


Atëherë Maria tha:

“Shpirti im e madhëron Zotin, shpirti im me hare i brohorit Hyjit, Shëlbuesit tim, sepse shikoi me pëlqim mbi shërbëtoren e vet të përvuajtur: ja, që tani të gjitha breznitë do të më quajnë të lumtur, sepse punë të mëdha bëri për mua Hyji i gjithëpushtetshëm ‑ i shenjtë është Emri i tij!

Mëshira e tij brezni më brezni për ata që e druajnë. E tregoi fuqinë e krahut të vet: i hodhi poshtë qëllimet e krenarëve, i rrëzoi princat prej froneve të tyre e i lartësoi të përvuajturit. Me të mira i mbushi ata që s’kishin ç’të hanë e të pasurit i nisi duarthatë. I ndihmoi Izraelit, shërbëtorit të vet, duke e sjellë në mend mëshirën ‑ si ua pati premtuar etërve tanë ‑ në të mirën e Abrahamit e të pasardhësve të tij në amshim.” (Lk 1; 46-55)


www.bibla.net

[toni77_toni]

"..paraqitjani Hyjit nevojat tuaja"


Gëzohuni gjithmonë në Zotin, rishtas po ju them: gëzohuni! Mirësinë tuaj le ta njohin të gjithë njerëzit! Zoti është afër! Për asgjë mos u shqetësoni, por gjithçka me lutje dhe me lutja të përcjella me falënderim paraqitjani Hyjit nevojat tuaja! Dhe paqja e Hyjit, që është më e vlefshme se mund ta mendojmë, do t’i ruajë zemrat tuaja dhe mendimet tuaja në Krishtin Jezus. (Fil 4; 4-7)


www.bibla.net

[toni77_toni]

"Zoti është Bariu i mirë, Ai më prin shtigjeve të drejta në saje të dashurisë së Emrit të vet"

Zoti është bariu im, asgjë nuk më mungon. Më pushon kullotave të gjelbra, më prin në ujëra të qeta, shpirtin ma përtërin.

Ai më prin shtigjeve të drejta në saje të dashurisë së Emrit të vet.

Po edhe në kalofsha nëpër luginën e hijes së vdekjes, s’trembem nga e keqja sepse ti je me mua: thupra jote dhe kërraba për mua janë ngushëllim.

Ti ma shtron tryezën përpara ndër sy të armiqve të mi, me vaj erëmirë kokën ma lyen, gotën ma mbush plot e përplot.

Hiri dhe mirësia do të më përcjellin në të gjitha ditët e jetës sime, do të banoj në shtëpinë e Zotit derisa të jem gjallë. (PS 23 /22/: 1-6)


www.bibla.net

[toni77_toni]

"Jeni të zgjedhurit e Hyjit"


Vishuni, pra, pasi jeni të zgjedhurit e Hyjit, shenjtër e të dashur me zemër të dhimbshme, me mirësi, me përvujtëri, me butësi, me duresë. Durojeni njëri tjetrin dhe faleni njëri tjetrin në qoftë se ndokush ka ndonjë ankim kundër tjetrit. Sikurse Zoti ju fali ju, po ashtu bëni edhe ju! E pastaj, përmbi të gjitha vishuni me dashurinë! Ajo i mban së bashku të gjitha virtytet. Paqja e Krishtit mbretëroftë në zemrat tuaja në të cilën edhe jeni të grishur të jeni të gjithë një Trup i vetëm. Dhe jini mirënjohës!(Kol 3; 12 – 15)


www.bibla.net

[toni77_toni]

“Do t’ia rrëfej Zotit fajin tim”

Lum ai që iu fal mëkati, që iu mbulua faji!
Lum ai njeri që Zoti nuk e numëron ndër mëkatarë, në shpirtin e të cilit nuk ka dredhi.

Pse heshta, eshtrat m’u kalbën prej dënesës së vazhdueshme, sepse ditën, natën dora jote rëndonte mbi mua, fuqia më lëshonte porsi në vapë të verës.
Atëherë ta dëftova mëkatin tim, fajin tim më nuk e fsheha.

Thashë: “Do t’ia rrëfej Zotit fajin tim”, e ti ma fale fajësinë e mëkatit tim.
Prandaj le të lutet çdo besimtar në kohë të përshtatshme, kur të vërshojnë ujërat e shumta, atë s’do ta zënë.
Ti je strehimi im, ti më ruan prej vështirësisë, do të më rrethosh me këngë gëzimi. (PS 32 /31/: 1-7)


www.bibla.net

[toni77_toni]

"Ti je Hyji im, ty të falënderoj"

Hyji është Zot, ai na ndriçoi: rendituni të gëzuar në reshtin kremtor me rrema në dorë deri në ballë të lterit! Ti je Hyji im, ty të falënderoj, Ti je Hyji im, unë të madhëroj! Lavdërojeni Zotin, sepse është i mirë, sepse e amshuar është dashuria e tij! ( PSA 118 /117/:27-29)


www.bibla.net

[toni77_toni]

"Besnik është Hyji"

Paçi hir e paqe prej Hyjit, Atit tonë, dhe prej Zotit Jezu Krisht!
Përherë i falem nderit Hyjit tim për ju që ju dha hirin hyjnor me anë të Krishtit Jezus, sepse në Krishtin ju u bëtë të pasur me gjithçka në çdo fjalë e në çdo dije.

Kështu, aq u përforcua në ju dëshmia e Krishtit, sa që nuk ju mungon asnjë dhuratë juve që pritni Zbulimin e Zotit tonë Jezu Krishtit.

Por edhe Ai do t’ju forcojë deri në fund që të jeni pa mungesa në Ditën e Zotit tonë Jezusit (Krisht).

Besnik është Hyji që ju thirri në shoqërinë e Birit të vet, Jezu Krishtit, Zotit tonë.(1 e Kor 1; 2-9)


www.bibla.net

[toni77_toni]

"Zoti është mbrojtësi i jetës sime"


Zoti është drita ime dhe shpëtimi im, kë do të kem frikë?

Zoti është mbrojtësi i jetës sime, para kujt do të dridhem?
Kur më sulen keqbërësit për të më ngrënë gjallë, kundërshtarëve të mi e armiqve të mi, ora u liget dhe rrëzohen.

Le të çohet, në dashtë, edhe një ushtri e tërë kundër meje: zemra nuk më trembet, le të shpërthejë, në dashtë, edhe lufta kundër meje; edhe atëherë jam plot shpresë.

Për një gjë të vetme i lutem Zotit, vetëm atë ia kërkoj që të jetoj në Shtëpinë e Zotit të gjitha ditët e jetës sime, që ta shijoj kënaqësinë e Zotit e ta vërej Shtëpinë e Zotit. (PSA 27 /26/:1-4)


www.bibla.net

[toni77_toni]

"Hyji është më i madh se zemra jonë dhe njeh gjithçka"


(Dhe) Me këtë gjë e dimë a jemi prej së vërtetës. Dhe do ta qetësojmë zemrën tonë para Tij në qoftë se ajo na qorton për ndonjë gjë. Sepse Hyji është më i madh se zemra jonë dhe njeh gjithçka. Fort të dashur! Nëse zemra nuk na padit, mund të shkojmë me guxim te Hyji dhe çkado që kërkojmë, prej Tij e marrim, sepse i mbajmë urdhërimet e tij dhe bëjmë çka Atij i pëlqen. Ky është urdhri i tij: që të besojmë në Emrin e Birit të tij – në Jezu Krishtin dhe ta duam njëri-tjetrin, si Ai na urdhëroi. Kush i mban urdhërimet e tij, mbetet në Hyjin dhe Hyji në të. Me këtë e dimë se Ai mbetet në ne: me anë të Shpirtit që na e ka dhënë. (1 e Gj 3; 19-24)


www.bibla.net