Europa plakë na do me kostum e kollare
Ndaj hoqëm teshat kombëtare
Dhe më pass?...
Europa s’po na e var fare(!).
Në nderim të identitetit kombëtar
Bëra këngën “O sa mirë me kenë shqiptar!”
Më tregojnë me gisht e thonë: Ky asht gomar!
Ndaj veshun me kostum e kollare
Në bulevardet e poezisë patriotike
dola i veshur europioançe
pa u emocionuar fare!
Ama në kokë vura qeleshe *
Pa u menduar.
Nuk jam penduar!...
Kur më panë europianët
dhe “qytetarët” e saj duke kaluar
thanë me vehte:
”Po ky kokën ku e ka coptuar?!..”
Madje një më i guximshmi
shprehu habi
tha: Ky e ka vënë kokën në allçi....
Ndaj mbeta gjithë jetën Kokëkrisur në Poezi!
• - qeleshe (Shkodra)
• - takije (Myzeqeja)
• - ksulë (Dibra)
• - Plis (Kosova)
• - kapuç (Tropoja)
• - fes (Qytetet)
• - qylaf (Laberia)
Krijoni Kontakt