OKB voton pro referimit te pavaresise se Kosoves ne Gjykaten Nderkombetare

[Guri i Kuq]

A ka mundesi ndonjeri te me tregoje mua se c'kuptim ka ky post-gjykim i se drejtes se Kosoves per te qene e pavarur?

Nuk shikoj te jene hedhur ne gjygj Kroacia, Maqedonia, Mali i Zi, Bosnja? Perse Koosva duhet te marre pjese ne nje sharade te tille, ne nje nje process sharlatan te nxitur nga forcat regresive ne bote si Kina/Rusia/India?

Për mendimin tim,për ta mbajtur edhe një kohë Kosovën në këtë gjendje "shoku" dhe për t\ia "ruajtur" fytyren Serbisë dhe atyre miqëve të saj që i ke renditur aq mirë,por që ke harruar edhe Spanjen,Greqinë,Sllovakinë e shumë të tjerë,sidomos të "vëllezërve" arabë...

[Llapi]

Kosova e dorëzoi deklaratën në GJND

Nga Express më 17.04.2009 në ora 14:50
Institucionet e Republikës së Kosovës i kanë dorëzuar të premten paradite, Gjykatës Ndërkombëtare të Drejtësisë (GJND) një deklaratë prej 200 faqesh, në të cilat argumentojnë legjitimitetin e pavarësisë së Kosovës, deklaroi të premten, ministri kosovar i Punëve të Jashtme, Skënder Hyseni.

Ai i bëri këto komente në një konferencë për media, mbajtur menjëherë pasi që institucionet e Kosovës dorëzuan deklaratën në GJND. Hyseni tha se kjo deklaratë është e mbushur me detaje dhe argumente, dhe në mënyrën më të mirë të mundshme, mbron të drejtën e Kosovës për shtet të pavarur.

“Republika e Kosovë saktësisht në ora 11:00 e ka arkivuar deklaratën e saj prej rreth 200 faqesh, në mbrojtje të pavarësisë së Kosovës. Kjo deklaratë është shumë dinamike, koncize, një deklaratë e cila nuk e lë indiferentë edhe vëzhguesin dhe lexuesin edhe më indiferentë”, tha ministri Hyseni. (KosovaLive)

[Llapi]

Në pritje të gjykimit në Hagë!



NË PRITJE TË „GJYKIMIT“ PËR „PALIGJSHMËRINË“ E

SHPALLJES SË PAVARËSISË SË KOSOVËS



Nuk mund të mos thuhet që nisja e procesit në Hagë është një spektakël i rradhës së politikës nacionaliste serbe. Por, gjithashtu nuk mund të mos vihet në dukje dhe të theksohet që përballja e Kosovës me Serbinë në GjND në Hagë është një përballje e madhe ligjore e politike, që nuk mund të anashkalohet nga opinioni botëror.



Shkruan: Xhavit Haliti - Prishtinë, 17. 04. 2009

_____________________________



17 prilli shënon afatin e fundit për dorëzimin e dokumentacionit nga Prishtina zyrtare në Gjykatën Ndërkombëtare të Drejtësisë në Hagë në mbrojtje të Pavarësisë së Kosovës. Materiali, i kërkuar dhe i domosdoshëm për përballjen ligjore të shtetit të Kosovës me Serbinë në Hagë, është i përfunduar, i argumentuar, i konsultuar me ekspertë ligjorë dhe i gatshëm të ndeshet me argument dhe pikëpamjet e Beogradit, që kanë të njëjtin afat për t’u paraqitur.

Shqyrtimi i Pavarësisë së Kosovës nga Gjykata Ndërkombëtare e Drejtësisë u miratua më 8 tetor 2008 nga Asambleja e Përgjithshme e OKB-së pas investimit e lidhjeve tradicionale politike e diplomatike të Beogradit, si kryeqendra e ish-Jugosllavisë. Për këto arsye Asambleja e Përgjithshme miratoi kërkesën e Serbisë që GjND-ja e Hagës të japë një opinion (nënvizim i im) për Pavarësinë e Kosovës. Beogradi e cilësoi menjëherë këtë miratim si fitore diplomatike e politike të Presidentit Tadiç dhe ekzekutivit qendror të Sërbisë. Kjo u etiketua si arritje e një prej objektivave të premtuar prej tyre gjatë fushatës zgjedhore për marrjen e votës së ekstremistëve nacionalistë dhe këta të fundit, me këtë “arritje” u ndjenë “të fuqishëm” dhe të motivuar shtetërisht.

Nuk mund të mos thuhet që nisja e procesit në Hagë është një spektakël i rradhës së politikës nacionaliste serbe. Por, gjithashtu nuk mund të mos vihet në dukje dhe të theksohet që përballja e Kosovës me Serbinë në GjND në Hagë është një përballje e madhe ligjore e politike, që nuk mund të anashkalohet nga opinioni botëror. Këtë e dinë shtetarët e Beogradit, që nuk i kanë rreshtur përpjekjet diplomatike e politike për ta ndikuar opinionin shoqëror e shtetëror botëror në favor të Serbisë.

Shtetarët e Serbisë e dinë mirë (nuk mund të them se sa është i qartë për këtë populli serb) që vendimi i pritshëm i Gjykatës Ndërkombëtare të Drejtësisë për ligjshmërinë e shpalljes së Pavarësisë së Kosovës nuk është i detyrueshëm për zbatim, por është vetëm një mendim, një opinion rreth kësaj çështjeje. Ata e dinë që pavarësia e shtetit tonë nuk mund të zhbëhet, që Kosova nuk mund t’i rrikthehet më kurrë si koloni ose si pjesë krahinore Serbisë. Me çuarjen për gjykim në Hagë të “ligjshmërisë” së Pavarësisë sonë, udhëheqësit serbë synojnë frenimin ose, më së paku ngadalësimin (të cilin deri diku e kanë arritur) e njohjes ndërkombëtarisht të Kosovës shtet dhe qetësimin e mbështetjen “shpirtërore” të politikës së inicuar e të mbajtur gjallë nga ekstremistët nacionalistë serbë.

Këto kanë qenë objektivat e drejtuesve serbë, që e çuan për votim Asamblenë e Përgjithshme të OKB-së kërkesën për shqyrtim nga GjND-ja të ligjshmërisë së pavarësisë sonë. Por, me afrimin e shqyrtimit të kësaj çështjeje në Hagë, të shqetësuar se Gjykata mund të mos shprehet në favor të kërkesës së tyre, fillimisht disa media të shkruara dhe, menjëherë, politika shtetërore serbe parashtruan dhe amplifikuan “akuzën” që “ish-Ushtria Çlirimtare e Kosovës ka shkelur të drejtat e civilëve në Kosovë, ka keqtrajtuar, në disa raste, edhe ka vrarë pjesëtarë të komuniteteve të ndryshme”. “Akuzë” kjo e montuar “me mençuri” për të ndikuar mbi opinionin botëror demokratik dhe në opinionin serb e atë të kombësive të ndryshme, të pranishme në shtetin e Kosovës. Akuzë, që bëhet nga shteti serb, që u njoh në mbarë botën për genocidin, për përdhunimin dhe dëbimin masiv të shqiptarëve nga trojet dhe shtëpitë e tyre.

[Llapi]

Argumentet tona
Kosova dorëzoi deklaratën e saj në ICJ të premten në mesditë. Në 200 faqe janë renditur mijëra argumente që mbrojnë pavarësinë e Kosovës. Krahas Kosovës, deklaratë në ICJ ka dorëzuar edhe Serbia, ashtu sikurse edhe shumë vende tjera që janë pro apo kundër pavarësisë. Ministri i Jashtëm, Skënder Hyseni, thotë se Kosova beson në paanshmërinë e ICJ’së.

Nga Leonard Kerquki më 18.04.2009 në ora 8:16
Kosova ka dorëzuar të premten në mesditë deklaratën e saj në Gjykatën Ndërkombëtare të Drejtësisë (ICJ).

Në 200 faqet e kësaj deklarate, institucionet e Prishtinës kanë renditur mijëra argumente që mbrojnë fuqishëm vendimin e Kosovës për ta shpallur pavarësinë e vendit më 17 shkurt 2008.
Krahas Kosovës, edhe Serbia ka deponuar deklaratën e saj në ICJ, ashtu sikurse edhe dhjetëra vende të tjera, të cilat kanë renditur argumente pro dhe kundër pavarësisë së Kosovës.

Në një konferencë për media, ministri i Punëve të Jashtme, Skënder Hyseni ka thënë se deklarata është e mbushur me detaje dhe argumente, duke mbrojtur kështu në mënyrën më të mirë të mundshme pavarësinë e Kosovës.

“Republika e Kosovë saktësisht në ora 11:00 e ka arkivuar deklaratën e saj prej rreth 200 faqesh në mbrojtje të pavarësisë së Kosovës. Kjo deklaratë është shumë dinamike, koncize, një deklaratë e cila nuk e lë indiferent edhe vëzhguesin dhe lexuesin edhe më indiferent”, tha ai.

ICJ kishte vënë datën 17 prill si afatin e fundit për shtetet që dëshirojnë t’i dorëzojnë deklaratat e tyre në lidhje me kërkesën e Serbisë që gjykata ta japë mendimin e saj rreth ligjshmërisë së shpalljes së pavarësisë. Përveç Kosovës dhe Serbisë, këtij procesi iu kanë bashkuar edhe shumë vende tjera, mbështetëse të kauzës së Kosovës apo asaj të Serbisë.

Ministri Hyseni nuk ka përmendur shtetet mbështetëse të Kosovës që kanë deponuar deklaratat e tyre në ICJ.

“Më lejoni të them se të gjithë vendet e Quin’it dhe pjesa dërrmuese e anëtarëve të Bashkimit Europian i kanë dorëzuar deklaratat e tyre në ICJ. Diku ishte në media se Italia nuk ka bërë deklaratë, por unë mund të ju them se edhe Italia e ka bërë deklaratën e saj”, tha Hyseni.

Megjithëkëtë, shefi i diplomacisë kosovare nuk ka dashur ta paragjykojë vendimin e ICJ’së.

“Do të ishte krejtësisht e pavend të spekulonim ose të paragjykonim se cili do të ishte vendimi i gjykatës. Madje do të ishte edhe e dëmshme. Ajo që duam të ritheksojmë është se ne kemi besim të plotë në paanshmërinë e gjykatës, kanë besim të plotë në forcën e argumentit që përmban deklaratat e Kosovës”, tha ministri Hyseni.

“Rrjedhimisht institucionet kanë besim të plotë që rezultati ose gjykimi final nuk do ta dëmtojë në asnjë mënyrë të sotmen e as të ardhmen e Republikës së Kosovës”, shtoi ai.
Më pas, ministri Hyseni ka shpjeguar procedurat e ICJ’së.

Sipas tij, pas deponimit të deklaratave, gjykata do të vendosë kur do të fillojë e të shqyrtojë të gjitha deklaratat që kanë arritur të premten. Ndërkaq nga dita e hënë, ICJ sipas procedurës, do të fillojë të shpërndajë deklaratat me shkrim të secilit vend që ka bërë deklaratë.

“Edhe Republika e Kosovës që nga e hëna do të fillojë t’i shqyrtojë me kujdes të gjitha deklaratat që janë deponuar në favor të kundërshtarëve të Kosovës, në mënyrë që deri më 17 korrik të japë përgjigje në secilën nga këto deklarata”, tha ministri i Punëve të Jashtme.

Pas tre muajve, saktësisht deri më 17 korrik, siç tha Hyseni, ICJ në një seancë të veçantë do të deklarohet se a do të ketë seancë dëgjimore të palëve apo jo. Nëse shkohet me seancë të hapur, atëherë, sipas tij, vendimi final i ICJ’së do të ndodhë në prill ose maj të vitit tjetër.

Menjëherë pasi që Asambleja e Përgjithshme e Kombeve të Bashkuara miratoi kërkesën e Qeverisë së Serbisë që legjitimiteti i pavarësisë së Kosovës të shkojë në Gjykatën Ndërkombëtare të Drejtësisë në Hagë, institucionet e Kosovës, më 15 tetot të vitit të kaluar, emëruan juristin britanik Michael Wood që ta përfaqësojë Kosovën në Hagë.

Në fund, ministri Hyseni ka falënderuar ekipin që ka përgatitur deklaratën e Kosovës, në krye me juristin Michael Wood.

“Mendojmë se është bërë punë shumë e madhe. Dhe gjatë tre muajve të ardhshme na pret një punë akoma më e madhe, sidomos për të trajtuar dhe për të bërë reagimet e duhura në deklaratat e deponuara, kushtimisht po them, kundër Kosovës”, tha ai.

Dikush do të na njohë...

Ministri kosovar i Punëve të Jashtme, Skënder Hyseni, konfirmoi të premten se brenda një periudhë shumë të shkurtër, Republikën e Kosovës do ta njohë njëri nga shtetet më me ndikim në rajon, edhe pse ai nuk e publikoi se cili është ai shtet, duke mos dashtë t’ia marrë “sensacionin” këtij shteti.

“Dhe derisa jemi këtu, po ua jap një gjysmë lajmi. Brenda shumë pak ditësh, shumë pak kohë prej këtij momenti, ne mund të marrin lajm shumë të mira për njohjen e Kosovës nga një vend me ndikim të jashtëzakonshëm rajonal”, tha ministri Hyseni.

Në pyetjen e gazetarëve se cili është ai shtet dhe pse nuk përmendet emri, Hyseni tha se nuk do që t’ia marrë “ekskluzivitetin”.

“Nuk e themi nga mund të vijë ajo njohje, sepse është krejt e natyrshme që nuk duhet të prekim në sedrën e atyre kombeve që tashme kanë marrë vendim për Kosovën dhe ne të nxitojmë të japim lajmin në vend të tyre, para se ata të japin vendimin për këtë”, u shpreh shkurt Hyseni.

Ndërkaq, jozyrtarisht është thënë se shteti që ka parashikuar të njohë Republikën e Kosovës është Greqia, e cili ka një ndikim të jashtëzakonshëm në regjion. Madje Athina zyrtare ka më shumë se gjashtë muaj që ka njohur pasaportën e re të Republikës së Kosovës dhe ka refuzuar kërkesën e Serbisë për të deponuar në ICJ një dëshmi kundër legjitimitetit të shpalljes së pavarësisë së Kosovës.

Shefi i diplomacisë kosovare tha në vazhdim se procesi i legjitimitetit të pavarësisë së Kosovës, që ka filluar zyrtarisht në ICJ ka ndikuar që disa shtete të hezitojnë ta njohin Kosovën.
Pavarësisht që numri i këtyre shteteve është shumë i vogël, prapë, sipas ministrit kosovar, legjitimiteti në ICJ ka pasur refleksione negative. “…s’është hera e parë që e them publikisht se procesi në ICJ ka bërë që disa vende të mos marrin vendim për njohjen e Kosovës, edhe pse ky numër është shumë i vogël”, tha Hyseni.

Padia në ICJ, çështje procedurale

Ish përfaqësuesi amerikan ne bisedimet për pavarësinë e Kosovës, Frank Wisner shprehet se Kosova nuk mund t’i kthehet mbrapsht Serbisë, pavarësisht nga padia e bërë në Gjykatën Ndërkombëtare të Drejtësisë, në Hagë.

Në një takim me studentë dhe intelektualë në Tiranë, Wisner tha se procesi është më tepër një çështje procedurale, që në fakt do të kërkojë një kohe shtesë për argumentim, para se gjykata te dalë me një vendim.

[Liqvid]

Nuk shikoj te jene hedhur ne gjygj Kroacia, Maqedonia, Mali i Zi, Bosnja? Perse Koosva duhet te marre pjese ne nje sharade te tille, ne nje nje process sharlatan te nxitur nga forcat regresive ne bote si Kina/Rusia/India?

Faktikisht kesaj here Kina nuk e ka mbeshtet Serbine ne Gjykaten Nderkombetare.

[drenicaku]

qeshtja e pamvarsis eshte me teper pune e politikes se sa e drejtesis,pra nese arrin qe politika te triumfoj ateher drejtesia i pershtatet politikes.
Shpresoj qe miqet tan nderkombetar do te ndihmojn,se sa per politikaj tan macen prej persheshi nuk jan te zot me largu

[Llapi]

qeshtja e pamvarsis eshte me teper pune e politikes se sa e drejtesis,pra nese arrin qe politika te triumfoj ateher drejtesia i pershtatet politikes.
Shpresoj qe miqet tan nderkombetar do te ndihmojn,se sa per politikaj tan macen prej persheshi nuk jan te zot me largu

jo moreeeee halit terrnofci na e ka dhan

[Llapi]

16 me 15 në GJND

Nga Express më 09.10.2009 në ora 16:40
Gjykata Ndërkombëtare e Drejtësisë (GJND) ka publikuar sot zyrtarisht agjendën për seancën dëgjimore rreth ligjshmërisë së pavarësisë së Kosovës.

Seanca zgjat prej 1 deri më 11 dhjetor.

Dy palët kryesore në proces, Kosova dhe Serbia, kanë në dispozicion nga tri orë për të prezantuar argumentet e tyre, në ditën e parë të seancës, që mbahet në Pallatin e Paqes në Hagë. Sipas njoftimit nga GJND, Serbia do të flasë e para në seancën dëgjimore.

Në seancë marrin pjesë 29 shtete të tjera. Përfaqësuesit e tyre mund të flasin nga 45 minuta.

Pavarësinë e Kosovës do të mbrojnë:

Shqipëria, Austria, Bahraini, Bullgaria, Kroacia, Danimarka, Finlanda, Franca, Gjermani, Jordania, Holanda, Norvegjia, Arabia Saudite, Britania e Madhe, SHBA si dhe delegacioni i Kosovës.

Ndërkaq, argumente kundër ligjshmërisë së pavarësisë së shtetit të ri do të paraqesin:

Argjentina, Azerbajxhani, Bjellorusia, Bolivia, Brazili, Burundi, Kina, Qipro, Lao, Rumania, Rusia, Spanja, Venezuela, Vietmani si dhe delegacioni serb.

[Llapi]

Çitaku: E drejta është në anën tonë

Nga Express më 08.11.2009 në ora 13:23
Përgatitjet e palës kosovare për prezantim të argumenteve në seancat gojore para Gjykatës Ndërkombëtare të Drejtësisë në Hagë, kanë hyrë në fazën finale, ka bërë të ditur për të përditshmen Koha Ditore, zv/ministrja e Punëve të Jashtme, Vlora Çitaku.

“Jemi në fazën finale të përgatitjeve tona për fillimin e seancave gojore në GJND. Mund të them se ka ekzistuar një koordinim shumë i fuqishëm edhe vendor, edhe ndërkombëtar për një paraqitje sa më të suksesshme”, ka thënë Çitaku.

Sipas saj, për shkak të rregullave të gjykatës ekzistojnë kufizime në deklaratat publike rreth procesit, por megjithatë Çitaku ka siguruar se “institucionet kanë bërë gjithçka që këto përgatitje dhe ky përfaqësim të jetë sa më dinjitoz”.

Çitaku po ashtu ka thënë se nuk mund të paragjykohet vendimi i GJND-së, megjithatë ka shtuar se, pritet që vendimi të merren në bazë të argumenteve të ofruara dhe – siç u shpreh ajo: “Si Kosovë fuqimisht besojmë se e drejta është në anën tonë”. Telegrafi

[Llapi]

Paqartësia e opinionit të GJND-ës nuk do të jetë e dëmshme për Kosovën

Mendimi i Gjykatës Ndërkombëtare të Drejtësisë për ligjshmërinë e shpalljes së pavarësisë së Kosovës, që pritet të publikohet diku në prill të vitit 2010, nuk do të jetë shumë i qartë dhe kjo duhet parë si pozitive sepse në këtë mënyrë do të krijonte mundësi midis vendeve evropiane që nuk e kanë njohur ende pavarësinë e Kosovës, që të mendojnë pozicionin e tyre rreth kësaj çështje, u tha në konferencën me titullin “ Debati mbi kufijtë e BE-së dhe të Ardhmen e Zhvillimit”. ...
Postuar: 14:00:04 / 25.11.2009
Miratimi i rezolutës nga Këshilli për Politikë të jashtme i Parlamentit Evropian, me të cilën u bëhet thirrje vendeve të Ballkanit të zgjidhin të gjitha problemet me fqinjët e tyre, të cilat janë pengesë në rrugën e tyre për anëtarësim në Bashkimin Evropian, u vlerësua sot si pozitiv nga ana e drejtorit të Fondacionit Kosovarë për Shoqëri të Hapur, Luan Shllaku.

Ndërsa, duke komentuar opinionin e Gjykatës Ndërkombëtare të Drejtësisë, Xhudi Bat nga Universiteti i Birmingamit, në Angli, pohoi se paqartësia e opinionit të GJND-ës nuk do të jetë e dëmshme për Kosovën.

”Nuk mendoj se Kosova duhet të pret që ndonjë iniciativë nga jashtë. Është e qartë që BE-ja do të mendojë diçka për ndonjë formë të dialogut. Beogradi po ashtu është duke folur për një formë të dialogut pas mendimit të GJND-ës. Unë mendoj se Kosova duhet të jetë gati me agjendën e saj se për çfarë duhet të jetë ai dialog”, ka thënë Xhudi Bat.

”Debati mbi kufijtë e BE-së dhe të Ardhmen e Zhvillimit” është organizuar nga Fondacioni Kosovar për Shoqëri të Hapur dhe Fondacioni Kosovar për Shoqëri Civile.


| s.b & RTK staff |