OKB voton pro referimit te pavaresise se Kosoves ne Gjykaten Nderkombetare

[RaPSouL]

Hagë: Arrin kërkesa serbe për Kosovën

Gjykata Ndërkombëtare e Drejtësisë ka bërë të ditur të premten se ka pranuar kërkesën e Asamblesë së Përgjithshme për të dhënë mendimin mbi ligjshmërinë e pavarësisë së Kosovës.

Gjykata tha se do të hartojë një listët të shteteve dhe organizatave, që do të mund t'i japin gjykatësve informacione relevante. Pas kësaj do të caktohet koha e dëshmive dhe e dëgjimeve publike.

Gjykata është trupi më i lartë juridik i OKB-së. Mendimet e saj nuk janë obligative.


/rel/

[Janaq Shimplaku]

njohja e rezolutes serbe ne kombet e bashkuar eshte nje humbje e dipllomacise shqiptare .Kjo tregon se diplomacia shqiptare nuk eshte ne gjendie qe te paraqese ara opinionit publik nderkombetare gjenocidun serb.Serbia arrine qe te mbushin mendien kombeve te bashkuara vetem me gjoja humbjen serbe ne kosove 600 vjet me pare ndersa diplomacia shqiptare nuk mundet qe te ritregoje faktet e gjenocidit serb gjate 1000 vjeteve ne kosove.ne serbine e sotme shtrihej nje pjese e ilirise se djeshme .keshtu qe expansioni serb nuk kenaqet me te qe ka okupuar perfundimisht por kerkon dhe te tjera qe nuk i takon atij.Pra bejne nje diplomaci te tille qe arrijne te bejne presin komitetit nderkombetare me politiken dhe ideologjine e helmet te serbise .
Asnjeri nuk duhet te mendoje se 77 vende te botes qe votuan pro rezolutes serbe jane antishqiptare.Une mendoj se ata nuk kane informacionin e nevojshem per rrjedhjen historike te ngjarjeve ne ballkan.
Sebet debun me force me shume se 1000000 shqiptare ne trojeet etnike shekullore ne prag te fillimit te shekullit 21 ,perdhunoi dhe masakroi ne repatet ushtarake femrat kosovare dhe kete e bente me moton se keto do te lindin Serbe .Keto nuk mjaftojne per diploomacine shqiptare qe te e paraqesin ne kombet e bashkuara.Internacionalia socialiste nuk eshte greke qe te degjohet vetem socialisti grek Papandreu.Atje duhet te ishte dhe Socialisti shqiptar Edi Rama ose perfaqesuesit e tij .Sa e kundershtuan keta propozimin papandreu.
E verteta eshte se Greqia ben nje politike te ashper me Shqiptaret ne pergjithesi ne ballkan.Kjo dihet nuk mundemi ne qe te ndryshojme kojceptet e greqise qe te na duan me zor
Qeveria shqiptare e detyruar dhe nga shume emigrante qe jetojne ne greqi ka bere shume leshime qeverise greke nersa ajo asnje leshim .Fale komitetit euopian qe mbane qendrim te drejte me shqiperin qe jane bere pak perpjekje ne dokumentacionin e emigranteve .Ligjishmeria e emiranteve ne greqi eshte shume e brishte Ligjet jane te tilla vetem per shqiptaret qe nga momenti ne moment mundet qe te e humbin ligjishmerine.e kete konteks diploomacia shqiptare duhet qe te veje gishtin kokes me qellim qe te gjeje tregje te reja pune dhe dalengadale te beje terheqien e emigranteve nga greqia drejt Vendeve miqdashese te botes.Vetem me kete menyre do te arrihet shkeputja e varesise se shqiperise nga Greqia.Eshte e vertet se ne qoftese ne nje dite largohen emigrantet nga grqia per ne vendet e tjera do te jete nje katostrofi per greqine se sot emigrantet kane kapur pozitat kyce te puneve me te veshtira dhe te pageses me te lire .
ne qoftese keta emigrante do ti braktisun keto vende pune menjehre do te behet greqia q varur nga shqiperia .Emigrantet shqiptare kane rreth 20 vjet qe punojne per shtetin grek si dhe papandreu ka nje rrjet socialistesh shqiptare qe e mbeshtesin per politiket qe ben .Dhe sikur te mos mjaftonte kjo ai nxjerr vetem helm ndaj kauzes shqiptare.nje emigrant shqiptare qe ka 20 vjet qe punon ne greqi do te e gjejme te punoje prape ne nje pune te veshtire ne ndertim,buqesi... ndersa nje emigrant serb qe nuk di as greqisht por pak anglisht do te gjendet i punesuar ne nje zyre psh ne agjenesine turistike..
Pytja shtrohet te jeshe apo t e mos jesh politikan ,Diplomat.Dhe qe te keshe kete titull se pari duhet te jesh shqiptar te perpunosh politiken e drejte ne njohjen e shqiptareve ne gjithe boten .Populli grek eshte mikprites i do shqiptaret se shqiptaret jane me duar te arta ndersa qeverit nuk i mbeshtsin emigrantet.pra populli grek e gjeti gjuhen e mirekuptimit me emigrantet shqiptare ndersa qeveria jo .
kjo tregon se qeveria shqiptare ka note pa kaluese me emigracionin dhe ceshtjen shqiptare
Uk mundet te njihet kosova pa dipllomacine e shqiperise .por dipllomacia jone eshte shume e varfer.
Me ben pershtypje kina ,nje vend qe ka lene gjurme ne ne shqiperi per me shume se 20 vjet ka qene i vetemi mik i shqiptareve sot bllokon cdo rezolute pro shqiptareve pra kundershton ceshtjen shqitare si dhe nuk e njeh kosoven
per mendimin tim kina do te ishte epara qe te eenjihte kosove ,ndersa ajo jo vetem qe nuk e njeh por e bllokon ate .Mire me te tjeret e ka fajin regjimi i Hoxhes se nuk kmi eksperience dipllomatike po me kinen .Kjo regon se ne nuk dime qe te mbajme miqte,nuk dime te percaktojme strategjiken e te ardhmes sone
Si perfundim dua te ritheksoj se miratimi i rezolutes serbe te sherbej si zgjim i shtreses diplomatike dhe intelektualeve shqiptare se armiqesite e vjetera mpleksen te kamufluara me te rejat ne rrugen etyre kundershqiptare dhe kur diplomacia jone pergjumet keto godasin me me force dhe kur ajo punon mundet qe te beje te mundur neutralizimin sa me te madh te saj

[shigjeta]

Profesori i të drejtës ndërkombëtare në Universitetin e Cambridge-it, Mark Weller, thotë se një vendim negativ për Kosovën i Gjykatës Ndërkombëtare të Drejtësisë nuk do ta bënte Kosovën një shtet të paligjshëm

Në një intervistë për BBC-në ai tha se një vendim i tillë do t’ia vështirësonte Kosovës mundësinë për t’u anëtarësuar në organizatat ndërkombëtare, përfshirë Kombet e Bashkuara.

Por, autori i librit “Shtetësia e kontestuar”, Mark Weller, tha se shpallja e pavarësisë së Kosovës është plotësisht e justifikuar me të drejtën ndërkombëtare si dhe me historinë e rëndë që Kosova ka përjetuar në 20 vitet e fundit.

Gjykata Ndërkombëtare e Drejtësisë do të pranojë argumentet e Kosovës dhe Serbisë më 17 prill, pasi u autorizua nga Asambleja e Përgjithshme e OKB-së vitin e kaluar, që votoi me shumicë për një Rezolutë të Serbisë me të cilën kërkohej mendim këshilldhënës për shpalljen e pavarësisë së Kosovës.

Autoritetet në Kosovë kanë thënë se kanë përgatitur qindra faqe argumente me të cilën do të mbrojnë të drejtën e shpalljes, ndërkohë që zyrtarët serbë pohojnë se pavarësia e Kosovës është e jashtëligjshme dhe shkel të drejtën ndërkombëtare.

Korrespondenti i BBC-së në Prishtinë, Arbër Vllahiu, zhvilloi një bisedë me profesorin Weller.

Ai fillimisht argumenton ligjshmërinë e vendimit të institucioneve të Kosovës për shpalljen e pavarësisë.

Z. Weller: Deklarata ishte plotësisht e justifikuar edhe me të drejtën ndërkombëtare por edhe për shkak të historisë së vështirë që Kosova e ka patur në 20 vjetët e fundit. Rasti i Kosovës është i veçantë, është një rast i një entiteti që kishte një status federal sipas Kushtetutës së vitit 1974 të ish-Jugosllavisë, prandaj kishte të drejtën të bëhej shtet, pasi u shpërbë Jugosllavia. Kjo u bë edhe më e fuqishme pas keqtrajtimeve të cilave iu nënshtrua gjatë viteve të intervenimit dhe shkeljes së madhe të të drejtave të njeriut e deri tek zhvendosja e pothuaj gjysmës së popullatës së saj në vitin 1999.

BBC: Zoti Weller, ky është hapi i parë tani në Gjykatë. A ishin Institucionet e Përkohshme të Kosovës të ligjshme për ta shpallur pavarësinë?

Z. Weller: Pozita e Kosovës, megjithëse unë nuk jam i përfshirë në këtë, do të jetë se shpallja e pavarësisë është bërë nga përfaqësuesit e Kosovës, të zgjedhur në mënyrë të lirë, por që nuk kanë vepruar si Institucione të Përkohshme të Vetëqeverisjes. Prandaj shpallja e pavarësisë nuk ishte një akt që do të mund të zhbëhej nga UNMIK-u. UNMIK-u nuk provoi ta shpallte atë të pavlefshme, dhe nuk mund t[ë thuhet se me shpalljen e pavarësisë përfaqësuesit e qytetarëve të Kosovës vepruan jashtë kësaj kornize duke krijuar një shtet të ri. Thelbi i Deklaratës së Pavarësisë është, natyrisht, heqja e Kosovës nga zbatimi i Institucioneve të Përkohshme të Vetqeverisjes.

BBC: Pra, ju mendoni se Kosova ka respektuar edhe Rezolutën 1244 duke e shpallur pavarësinë?

Z. Weller: Ka kundërthënie për kuptimin e Rezolutës 1244, për disa pika që i referohen tërësisë tokësore të Jugosllavisë në këtë Rezolutë. Por, mund të argumentohet fuqishëm kundër kësaj duke thënë se tërësia tokësore, që është vendosur në Rezolutën 1244, ka të bëjë vetëm për një periudhë të përkohshme. Mbi të gjitha vetë Rezoluta 1244 i referohet procesit përfundimtar të statusit që duhet të zhvillohet mëpastaj. Nuk do të kishte nevojë për një proces përfundimtar të statusit nëse do të bëhej e qartë nga fillimi, sipas Rezolutës 1244, se pavarësia nuk ishte një opsion.

BBC: Zoti Weller, ka deklarata me të cilat thuhet se vendimi i Gjykatës nuk do të jetë i detyrueshëm për asnjë shtet. Çfarë pasojash ka ky vendim?

Z. Weller: Rasti është i rëndësishëm. Do ta formësojë qëndrimin e disa vendeve që, aktualisht, po e shqyrtojnë nësë do ta pranojnë ose jo Kosovën. Ky rast tashmë i ka shkaktuar disa dëme pozicionit të Kosovës, në kuptimin se disa shtete e kanë shtyrë marrjen e vendimit derisa të mos merret mendimi i Gjykatës, dhe që për këtë duhet pak kohë. Por, ju e thoni me të drejtë se vendimi nuk është i detyrueshëm dhe një vendim kundër interesave të Kosovës nuk do ta bëjë Kosovën një shtet të paligjshëm.

BBC: Nëse vendimi, po supozojmë, do të jetë negativ për Kosovën, cilat do të jenë pasojat për të. Do të ketë bisedime të reja?

Z. Weller: Jo! Pozicioni i Kosovës mbetet ai që është për shkak të fakteve, pavarësisht nga mendimi i Gjykatës. Me një fjalor praktik, një vendim i Gjykatës kundër Kosovës do t’ia vështirësonte asaj mundësinë për t’u anëtarësuar në organizatat ndërkombëtare e, në veçanti, në familjen e OKB-së. Dhe pastaj disa shtete do të vazhdojnë të mbajnë qëndrimin se ato nuk mund dhe nuk duhet ta njohin Kosovën, pra janë këto shtete që ende nuk e kanë njohur.

BBC: Zoti Weller, sa e ka penguar ecjen përpara të Kosovës fakti se 5 nga 27 vendet anëtare të BE-së nuk e kanë njohur ende atë?

Z. Weller: Është një fakt i dhimbshëm se BE-ja nuk kishte mundësi të fliste me një zë. Por, duke marrë parasysh se pjesa më e madhe e vendeve anëtare të BE-së e kanë njohur, ky nuk ishte një faktor vendimtar, megjithëse do të ishte shumë më lehtë për Kosovën sikur të gjithë anëtarët e BE-së ta kishin pranuar së bashku.

http://www.bbc.co.uk/albanian/region...t_weller.shtml

[Dita]

Ah moj Shigjeta, kujtova se ky ishte rezultati nga Gjykata.

[shigjeta]

Dita, shpresojme qe vertet ta degjojme nje vendim te tille.
Intervista me pelqeu se adreson rastin ku qendron statusi i Kosoves edhe ne nje vendim qe mund te mos na pelqej, si edhe pse gjykata duhet te jap nje vendim pozitiv per Kosoven. Le te urojme suksese neser!

[Llapi]

Sot nisë ballafaqimi i Kosovës dhe Serbisë në Gjykatën Ndërkombëtare të Drejtësisë

Sot Kosova do të prezantojë argumentet në Gjykatën Ndërkombëtare të Drejtësisë rreth ligjshmërisë së pavarësisë së saj. Autoritetet vendore kanë përgatitur dokumente në rreth 1000 faqe me të cilat do të mbrohet legjitimiteti i pavarësisë së vendit. Ndërkaq, sot ministri i Jashtëm Skënder Hyseni bën publike hollësi rreth dosjes që Kosova ka përgatitu për Hagë.
Kosova do të paraqesë sot para Gjykatës Ndërkombëtare të Drejtësisë argumentet e saj për ligjshmërinë e pavarësisë së Kosovës. Në Hagë nuk është paraparë që të udhëtojë ndonjë përfaqësues i institucioneve të Kosovës. Por, vendi do të përfaqësohet nga ekipi i ekspertëve ndërkombëtar, i prirë nga avokati Majkëll Vud.
Institucionet Kosovare shprehen të bindura se Kosova do ta fitojë këtë betejë përballë Serbisë. Zëvendës Kryeministri i Kosovës Hajredin Kuçi ka thënë se “Kosova ka angazhuar një ekip të ekspertëve më të mirë në botë. Është e përgatitur ta bëjë prezentimin edhe politik edhe juridik të shpalljes së pavarësisë. Dua të them se Kosova ka argumentet e saj legale, politike, historike dhe argumentet tjera që i takojnë një vendi dhe një populli që të jetë shtet sovran dhe i pavarur”, ka cekur Kuçi.

Krahas palës kosovare sot në Hagë materialet e tyre me shkrim do t`i dorëzojnë edhe Serbia dhe shtetet e ndryshme të botës. Verdikti final i Gjykatës pritet të jepet më së largu deri në dhjetor të 2010-ës.


| s.b & RTK staff |

17 prill 2009 - 08:55:59

[Llapi]

Plotësisht të përgatitur
Të gjitha shtetet e interesuara, përfshirë Kosovën, do të dorëzojnë sot në Gjykatën e Drejtësisë, raporte me shkrim rreth legalitetit të shpalljes së pavarësisë së Kosovës. Kryeministri Hashim Thaçi thotë se Kosova është qind për qind e përgatitur. Në favor të pavarësisë së Kosovës, një deklaratë do ta deponojnë edhe Italia.

Nga Express më 17.04.2009 në ora 8:51
Një ditë para dorëzimit të raportit me shkrim në Gjykatën Ndërkombëtare të Drejtësisë në Hagë, Kryeministri Hashim Thaçi ka deklaruar se janë bërë përgatitjet e duhura për këtë proces.
“Kosova është plotësisht, qind për qind, e përgatitur në kuptimin profesional, politik, vendor, institucional dhe ndërkombëtar”, ka thënë ai, për Radio Kosovën.

Raporti qindra faqesh me argumentet kosovare, do të deponohet sot nga përfaqësuesi i autorizuar i Kosovës, juristi britanik Michael Wood. Përmbajtja e dosjes kosovare ende mbetet e panjohur.
Argumente në favor të Kosovës do të dërgojnë edhe SHBA, Japonia dhe shtete evropiane që kanë njohur pavarësinë e Kosovës.

“Edhe Italia do të deponojë një deklaratë me shkrim në favor të pavarësisë së Kosovës në Gjykatën Ndërkombëtare të Drejtësisë në Hagë”, ka thënë të enjten për Express, një diplomat perëndimorë në Prishtinë duke plotësuar një zyrtar tjetër ndërkombëtar, i cili një ditë më herët ka pohuar për gazetën se Italia nuk ka dhënë sinjale se do të marrë pjesë në këtë proces.
Nga ana tjetër, edhe Beogradi ka bërë të ditur se ka përgatitur një material voluminoz ku janë përfshirë harta të Kosovës që nga koha e Perandorisë Osmane e deri në ditët e sotme, pjesë të kushtetutës dhe ligjeve serbe, një material rreth bombardimeve të NATO’s, si dhe një dosje rreth krijimit të UÇK’së.

Profesori i të drejtës ndërkombëtare në Universitetin e Cambridge’it, Mark Weller, thotë shpallja e pavarësisë së Kosovës ka qenë plotësisht legale. “Deklarata ishte plotësisht e justifikuar edhe me të drejtën ndërkombëtare por edhe për shkak të historisë së vështirë që Kosova e ka pasur në 20 vjetët e fundit”, ka thënë ai në një intervistë për BBC’në.
Në rast të një vendimi negativ, për Kosovën në Gjykatës Ndërkombëtare të Drejtësisë ai vlerëson se kjo “nuk do ta bënte Kosovën një shtet të paligjshëm, por do t’ia vështirësonte Kosovës mundësinë për t’u anëtarësuar në organizatat ndërkombëtare, përfshirë Kombet e Bashkuara.

Profesori britanik thotë se rasti i Kosovës është i veçantë, është një rast i një entiteti që kishte një status federal sipas Kushtetutës së vitit 1974 të ish-Jugosllavisë, prandaj kishte të drejtën të bëhej shtet, pasi u shpërbë Jugosllavia. “Kjo u bë edhe më e fuqishme pas keqtrajtimeve të cilave iu nënshtrua gjatë viteve të intervenimit dhe shkeljes së madhe të të drejtave të njeriut e deri tek zhvendosja e pothuaj gjysmës së popullatës së saj në vitin 1999”, ka thënë Wood.

[Llapi]

Wisner: Pavarësisht nga padia në Hagë Kosova nuk mund t’i kthehet Serbisë

Ish përfaqësuesi amerikan ne bisedimet për pavarësinë e Kosovës, Frank G. Wisner shprehet se Kosova nuk mund t’i kthehet mbrapsht Serbisë, pavarësisht nga padia e bërë në Gjykatën Ndërkombëtare të Drejtësisë, në Hage.
Në një takim me studentë dhe intelektualë në Tirane, Uisner tha se procesi është më tepër një çështje procedurale, që ne fakt do të kërkojë një kohe shtesë për argumentim, para se gjykata te dalë me një vendim.


| s.b & RTK staff |
17 prill 2009 - 10:15:34

[mondishall]

Serbia nuk duhet te shkoje ne Hage si pale qe kerkon nje te drejte, por si pale qe ka shkelur rende te drejtat e pales tjeter.

[javan]

A ka mundesi ndonjeri te me tregoje mua se c'kuptim ka ky post-gjykim i se drejtes se Kosoves per te qene e pavarur?

Nuk shikoj te jene hedhur ne gjygj Kroacia, Maqedonia, Mali i Zi, Bosnja? Perse Koosva duhet te marre pjese ne nje sharade te tille, ne nje nje process sharlatan te nxitur nga forcat regresive ne bote si Kina/Rusia/India?