Inva Mula

[shigjeta]

Inva Mula pushton "Campoamor" me tingujt shqiptarë

Sopranoja e njohur shqiptare rikthehet në skenën e teatrit "Campoamor" të Asturias. Koncerti i saj recital më 27 janar është pritur me entuziazëm nga publiku dhe mediat spanjolle. Sopranoja Inva Mula kishte zgjedhur që në këtë recital të shumëpritur për dashamirësit e saj në Spanjë të shoqërohej nga një tjetër shqiptar, pianisti Genc Tukiçi.

Mungesa e Mulës në stafin e interpretëve të "La Bohème"-ës së Puccini-t në sezonin e kaluar artistik në operën e Oviedos, mediat spanjolle e quajtën si borxh që ajo i kishte publikut asturian. Prezenca e shqiptares në rolin e Mimisë në këtë opera, garantonte sukses të plotë të pjesës. Dhe të mërkurën, kur ajo i 'lau borxhin' që i kishte Oviedos, u demonstrua përse prania e saj do të thotë sukses. Dy ariet që i përkasin kësaj opere e që ishin në pjesën e parë të programit të recitalit të saj, e bënë për vete publikun i cili kishte mbushur vendet e sallës.

Me sfond të së kaluarës së "Campoamor" dhe kostum të zi, Mula e hapi programin e recitalit me "Tri sonetet e Petrarch", që mbajnë firmën e Franz Liszt. Në repertorin e këngëve ndër të tjera kishte zgjedhur dhe "Pace non trovo", "Benedetto sia'l giorno", "I'vidi in terra angelici costumi". "D'onde lieta usci", aria qendrore e Mimit në aktin e tretë të "La Bohème", mbylli pjesës së parë të koncertit. Pas pushimit, pianisti shqiptar Genc Tukiçi luajti disa "Variacione mbi një temë shqiptare", duke paralajmëruar kështu muzikën popullore, me të cilën Mula, tashmë e veshur me rroba ngjyrë bezhë, habiti, surprizoi dhe bëri për vete audiencën. Pesë këngët me të cilat sopranoja jonë përshkroi në Asturias folklorin e vendit tonë, i paraprinë "Variacioneve me temë spanjolle", përsëri të luajtura nga Genc Tukiçi. Pas muzikës popullore Mula iu rikthye edhe njëherë klasikes, duke interpretuar pesë këngë të tilla tashmë në spanjisht. Ky është koncerti i fundit recital në Operan e Oviedos, në pritje të sezonit të ardhshëm të Inva Mulës.

GSH/BalkanWeb

[Brari]

a mund te dime se cileve artiste (15 thote Inva) zoti ramadani u ka dhene cmime dhe cfar kuptojne keto cmime?

suksese Inves..

do ishte mire qe ajo te dije te trajtoje nje problem qe lind mbas ndarjes se saje me cakon..

qe femija e saje.. te kete mundesi te ledhatohet edhe nga cakua vete.. po dhe nga gaqua me grua sikurse nga avniu me grua..

kjo eshte art me vehte..

[shigjeta]

Sopranoja Inva Mula, dirigjenti Ermir Krantja, tenori Josif Gjipali janë disa nga artistët e njohur shqiptarë, me të cilët Teatri Kombëtar i Operës dhe Baletit do të hapë siparin e sezonit artistik tetor-dhjetor 2010. Nga data 1 deri më 6 tetor në skenën e këtij teatri do të ngjitet premiera e operës "Përrallat e Hoffmanit" me libret të Jacques Offenbach. Kjo do shënoje edhe një rikthim të sopranos së njohur Inva Mula në skenën shqiptare, e cila këtë radhë do jetë edhe regjisorja e kësaj pjese. Një tjetër figurë e artit shqiptar, që do të ngjitet në skenën e Teatrit të Operës gjatë këtij sezoni, do të jetë edhe dirigjenti Ermir Krantja, i cili do të vijë në Tiranë për të drejtuar orkestrën për një koncert që do të mbahet për nder të sopranos Tefta Tashko Koço në 100-vjetorin e lindjes së saj. Ky koncert i parashikuar të mbahet më 25 tetor, do të ketë në program repertorin e sopranos së madhe lirike shqiptare. Kalendari artistik i Teatrit të Operës dhe Baletit deri më dhjetor të këtij viti parashikon edhe aktivitete të tjera si premierën e operës "Othello", një bashkëpunim ndërmjet Teatrit "Verdi" të Triestes, Operës së Splitit dhe TOB-it.

BalkanWeb

[shigjeta]

TKOB, Inva Mula rikthehet magjishëm në shtëpi

Kur gjithë salla u ngrit në këmbë duke e duatrokitur, Inva Mula u gjunjëzua ne skenë dhe shijoi për disa sekonda atë reagim të publikut që duket se i kishte munguar për gati 20 vite. Sopranoja interpretoi me nivel artistik tre role në premierën absolute të operës “Përrallat e Hofmanit” , duke kapërcyer në këtë rikthim në Tiranë, një aventurë profesionale.
Inva Mula: “Jam shumë e lumtur që shijova duartrokitjet e ngrohta të publikut. Kjo ishte një aventurë për mua, por merita është e të gjithë stafit”.
Mula u shfaq në skenë me rolin e parë, atë të Olimpias, kulmin e tre kantatave e preku me rolin kryesor të Antonias, dhe e mbylli me kurtizanen Xhulieta, të treja të dashurat e poetit Hofman interpretuar nga Luka Lombardi. Një provë e kaluar me sukeses edhe për mexosopranon Vikena Kamenica, me një rol që e mbajti gjatë gjithë kohës në skenë. Bas baritone, Nikolas Kavalier u mirëprit gjithashtu nga publiku shqiptar. “Përrallat e Hofmanit” me regji të francezit Stefan Rosh, do të shfaqet deri më 7 tetor, ndërsa sopranoja Inva Mula do të interpretojë edhe të dielën. Opera e cila çeli sezonin në Tiranë, përveç muzikës së mrekullueshme të Zhak Ofenbah, dhe atmosferës të fillim shekullit të 19- të, ishte një risi sa i takon vënies së veprave franceze e mbështetur nga banka Societe Generale.
Hubert De Saint Jean: “Ishte një shkëlqim kjo vepër që erdhi në Tiranë. Këtë lloj shkëlqimi përpiqet të përcjellë në Tiranë “Societe General”.

Klan TV

[shigjeta]

Inva Mula, sukses me Violetën në Kinë

Sopranoja me famë botërore Inva Mula ka korrur përsëri duartrokitjet dhe admirimin e artdashësve kinezë, këtë herë me interpretimin e shkëlqyer në rolin e Violetës, në operën “Traviata” të Xhuzepe Verdit. Vënë në skenë nga Teatri Nacional i Artit në Pekin, në një version krejt të ri, nga Henning Brokhaus, regjisor dhe dramaturg i famshëm gjerman, opera e njohur e Verdit ka qenë një surprizë e bukur për sopranon shqiptare, e cila përveç një skene moderne dhe origjinale, ka gjetur si pjesë të ekipit edhe mjeshtrin e madh të këngës lirike, baritonin spanjoll Huan Pons, me të cilin ka pasur disa bashkëpunime. Inva Mula ka performuar në rolin e Violetës në dy shfaqje, ku natën e parë ka pasur si partner në rolin e Alfredos, tenorin e ri, por të spikatur italian, Leonardo Caimi dhe Huan Pons në rolin e babait të Alfredos. Ndërsa në natën e dytë, përkrah Inva Mulës kanë interpretuar dy nga artistët më të shquar kinezë të Teatrit të Operës, Ding Yi dhe Liao Chaoyong. Siç është shprehur vetë Inva për shtypin e këtushëm, produksioni i “Traviatës” nga Teatri Nacional i Pekinit ka qenë një ndër më të mirët që janë vënë në skenat botërore. Një ndër risitë e tij ka qenë efekti i veçantë vizual, me skenën që ndryshohej si në një prodhim kinematografik, ndërsa një pasqyrë 246 m2 në sfond, siç thotë Inva, për herë të parë i ka dhënë mundësinë që njëkohësisht me spektatorët, të shikojë edhe interpretimin e saj, duke krijuar një kontakt më të afërt me publikun. Por Inva Mula flet me admirim edhe për nivelin e lartë të interpretimit të korit të Teatrit të Operës kineze, për ekzekutimin perfekt të orkestrës dhe dirigjentin e saj, bashkëpunimi me të cilët bëri të mundur triumfin e padiskutueshëm si protagoniste kryesore në këtë eveniment të rrallë artistik. Në fund të dy shfaqjeve, sopranoja jonë është duartrokitur gjatë nga publiku jo vetëm për vokalin e shkëlqyer, por edhe interpretimin dramatik dhe plot ndjenjë të Violetës.
Media kineze e ka vlerësuar si surprizën më të madhe dhe më të bukur pjesëmarrjen e sopranos shqiptare në rolin e Violetës në operën “Tranviata” dhe është ndalur gjatë në karrierën e saj artistike, duke theksuar faktin se Inva Mula ka lindur dhe është formuar si artiste në Shqipëri, në një familje artistësh, ndërsa sot, në gati 30 vjet të jetës artistike, ajo ka arritur majat më të larta të operës botërore, duke interpretuar përkrah artistëve më të mëdhenj në skenat më të famshme të botës. Por artistja shqiptare gjatë ditëve të qëndrimit në Pekin ka treguar edhe për ndjenjat e miqësisë që ushqen për popullin kinez, aq sa gjatë një konference shtypi i ka habitur gazetarët e pranishëm kur ka filluar të këndojë një këngë kineze të viteve ‘60, të cilën e kishte mësuar nga babai i saj, Avni Mula. Për më tepër, ajo tregoi se sot ka një mik kinez, babai i të cilit gjithashtu dikur kishte qenë mik me babanë e saj dhe që ajo e mësoi rastësisht nga një fotografi që i tregoi miku i saj kinez. Një miqësi, që siç u tha Inva gazetarëve, ka vazhduar nga njëri brez tek tjetri. Kjo është hera e tretë që artistja shqiptare Inva Mula vjen në Pekin dhe performon për publikun kinez. Për herë të parë, në vitin 2003, ka marrë pjesë në një festival ndërkombëtar të muzikës dhe një vit më vonë po në një tjetër festival ka qenë protagoniste kryesore në operën “Romeo dhe Zhuljeta”, me rolin e Zhuljetës. Inva Mula ka vendosur tashmë një bashkëpunim konstant me institucionet artistike në Kinë, duke prezantuar tek artdashësit kinezë, jo vetëm një artiste shqiptare të përmasave ndërkombëtare, por edhe duke ringjallur traditën e shkëmbimeve artistike mes dy vendeve.

Përgatiti Iljaz Spahiu
Pekin, më 20 shkurt 2011

Panorama

[shigjeta]

Inva Mula: Për 100-vjetorin e Pavarësisë do bëj një aktivitet madhështor

Pasi ka bërë një vizitë disa ditore në Shqipëri, artistja e famshme Inva Mula nuk e ka lënë pas dore edhe Kosovën, sidomos tani që ka edhe një arsye më shumë, të takojë miqtë edhe familjarët e z.Ramadani siç e thërret dhe ajo vetë. Në intervistën e mëposhtme artistja shpreh këndvështrimin e saj mbi nivelin e artit shqiptar dhe tregon për dashurinë që ka për Kosovën…
Zonja Inva, cilat janë arsyet e qëndrimit tuaj në Kosovë?
Në fakt kam ardhur thjesht për një vizitë, ose për një detyrim miqësor dhe për të takuar disa miq. Gjithmonë kur jam në Shqipëri kam dëshirë të vij edhe në Kosovë.

Po raportet tuaja me Kosovën cilat janë?
Raportet e mia me Kosovën janë raporte që kanë ekzistuar gjithnjë. Ju e dini që babai im është gjakovar dhe unë që e vogël kam dëgjuar për Kosovën. Një pjesë të familjes e kam pasur në Gjakovë, një pjesë në Prishtinë dhe kam pasur një hallë, e cila ma ka ushqyer këtë dashuri dhe që pos kësaj dashurie, ajo kishte edhe një mall të madh për Kosovën, sepse gjysma e familjes i kishte ngelur këtu. E mbaj mend hallën time, e cila gjithnjë me lot në sy më ka folur për Kosovën dhe kjo ishte pjesë e fëmijërisë sime, sot jam e lumtur që nuk ka më lot mes njerëzve të Shqipërisë dhe të Kosovës. Komunikimi mes nesh sot është i mrekullueshëm, falë edhe kësaj rruge që kemi. Lidhja ime me Kosovën është një lidhje që është brenda vetes sime.

Kjo më shumë ndoshta tani që keni krijuar dhe një lidhje të rëndësishme, ose të them ndryshe jeni bërë nuse e Kosovës?
Sigurisht që kjo shton atë intensitetin e miqësisë që ne kemi, por nuk është ajo kryesorja. Nuk është që kjo lidhje e ka krijuar, por ndoshta e ka shtuar këtë dashuri për Kosovën. Unë sot kam më shumë miq. Zoti Ramadani, ka një rend të gjerë shoqëror dhe familjar dhe më vjen shumë mirë që ajo dashuri që unë kam pasur, është intensifikuar edhe me këtë lidhje.
Sa mendoni që njiheni në Kosovë?
Kudo që jam unë kam edhe fansat e mi, në mesin e të cilëve janë edhe shumë të rinj kosovarë. Unë nuk e kam ndarë asnjëherë publikun nga Shqipëria dhe publikun nga Kosova. Ai është tepër i pranishëm. Mendoj se në Kosovë njerëzit vërtet më çmojnë dhe unë ju detyrohem. Prezenca ime artistike është pak e mangët këtu...

Ndoshta kjo edhe për shkak të mungesës së një tradite në muzikën klasike?
Kërkesa kam pasur, por ndoshta kjo ka ndodhur më shumë për shkak të axhendës sime të ngjeshur. Unë edhe në Shqipëri kur kam pasur aktivitete, gjithmonë kam thënë se vepra ime është ajo që unë bëj jashtë vendit. Në këtë rast edhe emocioni dhe përjetimi është gjithmonë më i madh dhe edhe shqiptarët ndjehen më krenarë. Në konceptin tim është që shqiptarët të ndjehen krenarë më atë që unë krijoj në botë, sikurse edhe unë ndjehem krenare me të arriturat e shqiptarëve të tjerë në botë.

Zonja Inva, më thoni cilat janë projektet tuaja sot?
Gjatë këtij muaji do të qëndroj pak më gjatë në Shqipëri dhe në Kosovë. Është një lloj pushimi që i kam dhënë vetës. Këtë herë do të jem më shumë me familjen. Nëse dikur kam qëndruar më së gjati pesë ditë, tani do të rri gati një muaj. Por i kam realizuar tashmë dy projekte në Francë, të cilat qenë të gjata e të vështira dhe më kanë kërkuar shumë mund. Njëra në operën e Parisit dhe tjetra në operën e Avinjonit të Francës.
Në janar sërish i filloj aktivitetet, duke nisur me operën e Vjenës, atë të Barcelonës dhe në operën e Parisit, për t'i vazhduar aktivitetet në muajt e verës, me festivalet e rëndësishme të Dubrovnikut dhe Lubjanës, në shtator jam në operën e Bolonjës e kështu me radhë. Pa harruar sigurisht se viti i sivjetshëm është një vit i rëndësishëm, një vit jubilar. Nëntori është muaji i 100-vjetorit të pavarësisë dhe këtë muaj e kam lënë të lirë për t'iu kushtuar aktiviteteve të shënimit të kësaj date, në Shqipëri dhe pse jo edhe në Kosovë. Dua të bëj një aktivitet madhështor që do të përfshijë edhe artistë të tjerë. Një prodhim timin jo vetëm si interprete, por edhe si koncept, kjo për të bërë detyrën dhe borxhin që unë kam ndaj kombit.

Edhe një pyetje për nivelin e kulturës shqiptare në përgjithësi, si iu duket?
Koncepti i kulturës shqiptare është shumë i gjerë. Unë them se ne duhet të analizojmë, të studiojmë se pse kultura shqiptare ka pësuar kaq dëme, në përgjithësi. Nëse do të flas për kulturën shqiptare në përgjithësi, duhet të flas për kulturën që zhvillohet jo vetëm në Shqipëri, por edhe për atë që zhvillohet jashtë trojeve shqiptare. Vetë historia jonë ka qenë një histori e dhimbshme që e ka ndarë kombin. Kultura në Shqipëri ka pësuar një goditje të madhe në kohën e diktaturës, duke qenë e orientuar nga realizmi socialist dhe në atë kohë, shumë artistë detyroheshin që të krijonin sipas diktateve.
Tani është momenti që shqiptari të shprehet lirshëm. Unë kujtoj se shqiptarët në përgjithësi janë shumë të talentuar. Ndoshta populli shqiptar do të rimëkëmbët edhe nga ana financiare, të jetojë më mirë dhe ta shprehë talentin e tij, pa censurë, ashtu siç e meriton.
Gjatë kohëve të fundit ka pasur disa artistë që me vlerat e tyre kanë depërtuar suksesshëm në botë, duke e kthyer vëmendjen e opinionit botëror për vlera të qëndrueshme të kulturës shqiptare.
Artisti ka një rol shumë të rëndësishëm dhe nuk përfaqëson vetëm vetveten, por edhe kulturën e kombit të vet. Artisti ka një detyrim, i cili i kthehet në pasqyrë si vlerë e kombit të vet. Unë e kam provuar mbi supet e mia. Kam pasur shumë paragjykime, sepse bota nuk e njihte artin shqiptar. Kam marrë mbi supe diçka për të cilën nuk isha e përgatitur, por që mu vu mbi supe dhe jam shumë e lumtur që sot ka artistë nga Shqipëria dhe nga Kosova, që i përfaqësojnë denjësisht vlerat e artit shqiptar në botë. Ne jemi ambasadorët e kulturës shqiptare dhe ata që e përçojmë mesazhin shumë shpejt. Arti e ka këtë veti, që është një mesazh imediat, i momentit. Atë që politika duhet ta bëjë për vite për kombin e vet, një artist e bën vetëm me një performancë.
Marrë nga "Zëri i Kosovës".- GSH

[shigjeta]

Inva Mula, Rikthimi në skenë1 muaj pas lindjes

Sopranoja Inva Mula edhe pse është duke pritur ardhjen në jetë të vajzës së saj të parë me bashkëshortin Et’hem Ramadani, nuk i ka lënë pas angazhimet e karrierës artistike. Vetëm një muaj pas lindjes, ajo do të ngjitet në skenën e Festivalit të Muzikës Klasike “Choregies Orange” që zhvillohet në teatrin antik “Orange”, në një nga monumentet më të bukura në Francë, që vjen si dëshmi e epokës romake. Në këtë skenë do të shfaqen në fillim të muajit korrik dy nga operat më të famshme të Puçinit, “La Boheme” dhe “Turandot”. Sipas AFP-së, sopranoja shqiptare Inva Mula do të interpretojë rolin e saj më të dashur, Mimi në operan “La Boheme” që çel dhe festivalin më 7 korrik. Programi i festivalit është bërë publik pak ditë më parë, çka do të thotë dhe rikonfirmim nga ana e Inva Mulës që do të jetë pjesë e projektit të vënies në skenë të kësaj opere. Ndërkohë që duket se sopranoja edhe pse shtatzënë, është e angazhuar në provat e koreanit Myung-Whun Chung që do të vërë në skenë këtë opera. “Ylli i skenave operistike, sopranoja Inva Mula është mësuar tashmë me rolin e Mimi-t te opera ‘La Boheme”, – shkruan AFP. Kjo opera i është besuar dirigjentit Jugut Myung-Whun Chung nga Koreja e Jugut, i cili do të drejtojë Orkestrën Filarmonike të Radio-Francës. “Kjo opera që ndërthur gëzimin, dashurinë dhe dëshpërimin, do të ngjisë në skenën e teatrit antik sopranon shqiptare Inva Mula në krah të baritonit Tézier Ludovic, si dhe bas-baritonin italian Marco Spotti, i cili për herë të parë merr pjesë në këtë festival dhe përkrah dy yjeve si Inva Mula dhe Tézier Ludovic”, – shkruan AFP. Festivali operistik “Choregies Orange” zhvillohet nga data 7-31 korrik, por biletat për publikun janë shitur tashmë dhe programi i festivalit është publikuar pak ditë më parë në një konferencë për shtyp. Opera tjetër e Puçinit “Turandot” do të drejtohet nga Michel Plasson dhe Orkestra Kombëtare e Francës. Programi i festivalit përfshin dhe vepra të tjera nga Mozarti, Rossini, por dhe koncerte të muzikës lirike. Rezervimet e biletave për këtë festival janë mbyllur që në tetor të 2011-ës. Ky festival është ndër ngjarjet më të rëndësishme që daton që në vitin 1860 dhe është festivali më i vjetër në Francë. Skena antike ku zhvillohet ky festival mban rreth 9.000 spektatorë dhe është një nga skenat që renditet në vendet e para për sa i përket akustikës. Përdorimi i kësaj skene për shfaqje muzikore filloi të përhapej aty rreth vitit 1971 dhe në këtë skenë janë ngjitur këngëtarët më të mëdhenj lirikë të të gjitha kohërave.

MAPO

[shigjeta]

Inva Mula sjell në jetë Ninën e vogël në klinikën ku lindi Karla Bruni

Sopranoja shqiptare me famë botërore Inva Mula u bë nënë ditën e djeshme. Në orët e paradites erdhi në jetë vajza e çiftit Mula-Ramadani, që trashëgon emrin e së gjyshes, e larguar nga jeta në funddhjetori të vitit të kaluar. Inva ka bërë një lindje normale dhe Nina e vogël gëzon shëndet të plotë. Mësohet se spitali në të cilin sopranoja ka sjellë në jetë të bijën ka qenë ai ku ka lindur edhe gruaja e Presidentit francez, Carla Bruni, në tetor të vitit 2011. Bashkëshorti i sopranos, Ethem Ramadani, i cili kishte kohë që e priste me emocion këtë lindje, i ka qëndruar pranë gjatë lindjes. Miqtë francezë dhe shqiptarë të çiftit i kanë kënduar vajzës: “Elle est neé la petite Nina”, një këngë e improvizuar që në shqip përkthehet “Lindi Nina e vogël”. Nina, është fëmija i dytë i sopranos, pas djalit që ka nga martesa e parë me kompozitorin dhe këngëtarin Pirro Çako.

Shtatzënia e Inva Mulës

Vetëm në muajin e pestë të shtatzënisë u bë publik lajmi se çifti i ri, Mula-Ramadani, do të bëheshin prindër. Kjo sepse Inva përherë ka preferuar t’i mbajë të fshehta ngjarjet në jetën e saj private. Nga shumë njerëz, po edhe nga vetë çifti, shtatzënia në moshën 49-vjeçare u konsiderua si një mrekulli. Inva Mula dhe Ethem Ramadani janë martuar në vitin 2009, në Kështjellën e Davidit, një nga më të bukurat në Jerusalem, një ngjarje e cila edhe pse u përpoq të ishte e fshehtë, nuk kaloi pa vëmendjen e duhur në media. Vetëm një muaj pas lindjes, ajo do të ngjitet në skenën e Festivalit të Muzikës Klasike “Chorégies d’Orange”. Në këtë skenë do të shfaqen në fillim të muajit korrik dy nga operat më të famshme të Puçinit, “La Boheme” dhe “Turandot”. Sopranoja shqiptare Inva Mula do të interpretojë rolin e saj më të dashur, Mimi, në operan “La Boheme”, që çel dhe festivalin më 7 korrik.

MAPO

[goldian]

E la PIRRON per leket e atij
pfffffff e pash te opinion tamam si kurve bordellosh tregonte lidhjen e saj
zoti ramadani thoshte fevziu
zoti ramadani thoshte dhe kjo
jepna nji pasaporte kosovet kares

[PINK]

Pse flet/shkruan ne kete menyre ti ore?! Pirro je ti? Ncuq?! Dhe keep your mouth shut ! Shif punen tende e ska cte duhet se cben tjetra. Ne nje teme tjeter ku martoheshin me serb- predikoje qe eshte jeta e tyre.... Kshuqe mos u merr me llafe per jeten e tjetres! Kapish ?!