Në 1991-shin u quajt “diktator”, por duket se 17 vjet më pas, njerëzit kanë filluar të “ndryshojnë mendje”. Në prag të 100-vjetorit të lindjes së Enver Hoxhës, “traktet” komuniste dhe mbishkrimet në mure po “pushtojnë” Gjirokastrën.
THIRRJA/ Partia Komuniste në Gjirokastër ka shpërndarë trakte për 100-vjetorin e lindjes së diktatorit
Në trakte komunistët ftojnë për të festuar në një ceremoni modeste të gjithë “adhuruesit” gjirokastritë
GJIROKASTËR- Në 1991-shin u quajt “diktator”, por duket se 17 vjet më pas, njerëzit kanë filluar të “ndryshojnë mendje”. Në prag të 100-vjetorit të lindjes së Enver Hoxhës, “traktet” komuniste dhe mbishkrimet në mure po “pushtojnë” Gjirokastrën. Përveç yjeve të kuq dhe mbishkrimeve “Lavdi Enver Hoxhës”, që ditë pas dite po shtohen si kërpudhat pas shiut, veçanërisht në pjesën muzeale, këto ditë është vënë re ngjitja në mure e disa thirrjeve që të kujtojnë traktet e që mbajnë për firmëtare degën lokale të Partisë Komuniste në Gjirokastër. Nëpërmjet tyre, u bëhet thirrje të gjithë banorëve të qytetit të lindjes së Enver Hoxhës, që të marrin pjesë në ceremonitë që komunistët organizojnë në 100-vjetorin e tij.
Thirrja
“Në 100-vjetorin e lindjes së figurës së ndritur, komandantit tonë legjendar Enver Hoxhës, u bëjmë thirrje gjithë bashkëqytetarëve të tij, bashkëkohësve, banorëve të qytetit të Gjirokastrës, të rinjve e të rejave, studentëve dhe nxënësve që e adhurojnë, të marrin pjesë në ceremoninë modeste që Partia Komuniste organizon përpara shtëpisë së lindjes”. Janë këto fjalët me të cilët komunistët ftojnë komunitetin gjirokastrit të bëhet pjesë e organizimeve dhe festimeve, të kthyera tashmë në një ritual që zhvillohet dy herë në vit në qytetin e lindjes së Enver Hoxhës, e para në 11 prill dhe tjetra në 16 tetor.
Por duket se ardhja e familjes Hoxha dhe organizimet private në shtëpinë e lindjes, që shërben si muze etnografik, i kanë nxitur edhe më shumë idhtarët e figurës së njeriut që tani historia shkollore po e quan diktator dhe po ashtu, edhe krerët e vendit.
Zhvillimet
Hapësira përpara shtëpisë së lindjes së Enver Hoxhës në lagjen “Palorto”, po kthehet në vendin ku komunistët dëgjojnë këngë kushtuar tij, fjalime dhe po mbajnë fjalët e rastit. Vazhdimisht ata kanë kërkuar që shtëpia e lindjes të kthehet ashtu si ka qenë, muze i luftës antifashiste. Kështu, përveç kërkesës për rikthimin e shtëpisë së lindjes së Enver Hoxhës në muze armësh, sikurse ka ekzistuar deri në vitin 1991, komunistët kanë ribërë publike edhe kërkesën tjetër, që lidhet me vendosjen e emrit të tij rrugës që të çon në lagjen “Palorto”, ku edhe ka lindur. Madje, ata u shprehen se kjo çështje kaq e rëndësishme të zgjidhet me anë të një referendumi popullor, ku njerëzit me votën e tyre do të vendosin.
Familjarët
Edhe familjarët e Enver Hoxhës kanë bërë kërkesa të ndryshme lidhur me njeriun që prej 17 vjetësh ka marrë mbi “shpatulla” emrin “diktator”. Muajin e kaluar ata kërkuan shtëpinë e Enver Hoxhës për të festuar në të 100-vjetorin e lindjes së tij dhe për të zhvilluar ceremonitë e rastit. Kërkesa e familjes Hoxha iu drejtua kryetarit të bashkisë së Gjirokastrës, Flamur Bime, i cili e pranoi kërkesën e tyre duke u shprehur: “Do të jetë një ceremoni shumë private dhe familjarët e Enver Hoxhës, me të drejtë kanë kërkuar të përdorin shtëpinë e lindjes së tij për zhvillimin e aktiviteteve në kuadër të 100- vjetorit. Po e theksoj se ky është një festim familjar, privat dhe nuk kemi asnjë arsye që t’u mbyllim dyert.”
Shekulli
Përgjigju Duke Cituar
me kryetar HYSNI MILLOSHIN por kjo sdo te thote qe populli i gjirokastres i ka mbeshtetur ato trakte mund ti kene shperndare HYSNIU me shoke qe ja ne shqiperi kujtohen akoma per xhaxhin enver qe ka kohe qe ka ik per lesh .
Postuar më parë nga landi45
Krijoni Kontakt