KF Elbasani, Tigrat verdh e blu në sezonin 2008-2009.

[King_Arthur]

Mbrojtësi peqinas, Daniel Ramazani, beson se skuadra e tij do të zërë minimalisht vendin e dytë

Në të kaluarën ka qenë skuadra e Elbasanit që furnizonte me lojtarë Shkumbinin, por tani duket se historia ka ndryshuar. Shkëmbimet nuk bëhen vetëm në këtë drejtim, por edhe në të kundërtin, pra nga Peqini në Elbasan. Së fundmi, nga Shkumbini erdhën te verdheblutë dy futbollistë me përvojë, Çapja dhe Dervishi, pavarësisht se i pari është elbasanas. Kurse para fillimit të këtij sezoni tek Elbasani erdhi mbrojtësi peqinas, Daniel Ramazani, një nga titullarët e trajnerit Dosti dhe autori i dy golave gjatë fazës së parë. Në intervistën e mëposhtme për “Sportin shqiptar” ai shprehet shumë i kënaqur me grupin cilësor të Elbasanit dhe thekson se kjo skuadër i ka mundësitë për t’u ngjitur direkt në superligë.

‑ Daniel, si po ecin përgatitjet e Elbasanit për fazën e dytë të kampionatit?

- Përgjithësisht, gjërat kanë shkuar mirë. Ndihem shumë mirë, pasi nuk kam pasur dëmtime dhe kjo është më e rëndësishme. Por edhe shokët e skuadrës po e përballojnë si duhet stërvitjen dy herë në ditë. Nuk kishim mundësi që në verë të punonim gjatë gjithë kohës bashkë, pasi skuadra u formua pak para nisjes së kampionatit. Them se është shumë pozitive që Çapja, Dervishi dhe Ferra kanë ardhur në kohë dhe deri në fillim të fazës së dytë grupi do të kolaudohet.

‑ Përmendët merkaton e Elbasanit. Cili është gjykimi juaj për futbollistët e ardhur?

- Roland Dervishin e njoh shumë mirë dhe e kam të qartë se ardhja e tij në skuadër është një plus i madh për sulmin e Elbasanit. Ai është një futbollist i dobishëm, sepse ka aftësi teknike të mira dhe eksperiencë të gjatë. Mendoj se do të jetë lider i sulmit. Edhe Çapja është një nga mesfushorët më të dalluar të viteve të fundit, ndërsa për Ferrën mund të them se është një i ri i talentuar, që duhet të punojë shumë.

‑ Drejtuesit e skuadrës suaj po kërkojnë ende një portier dhe një qendërmbrojtës. Ju çfarë mendoni?

- Eshtë e tepërt që të flas shumë për merkaton, pasi çdo gjë e dinë më mirë stafi teknik dhe drejtuesit e skuadrës. Mund të them se Kacollja, Bello dhe unë jemi munduar të bëjmë më të mirën e mundshme. Kushdo që të vijë në skuadër, është i mirëpritur, pasi askush nuk e ka vendin të sigurt. Secili do të stërvitet fort për ta bindur trajnerin.

‑ Duke parë lëvizjet e lojtarëve në skuadra të tjerë, çfarë do të thoshit për rivalët?

- Bylisi dhe Lushnja janë skuadra të forta edhe pa bërë lëvizje të shumta. Ne shohim vetëm punën tonë dhe nuk e mbajmë mendjen te përforcimet e rivalëve. Elbasani i ka “këllqet” ta arrijë superligën direkt dhe ne duhet të tregojmë se fatin e kemi në duart tona.

- Sipas jush, cili do të jetë pozicioni i Elbasanit në fund të këtij kampionati?

- Minimalja, sipas meje, është vendi i dytë, që gjithsesi të ngjit direkt në superligë. Mendoj se “beteja” do të jetë e fortë, por ne e përballojmë me këtë kontigjent. Objektivi ynë është të shpallemi kampionë të kategorisë së parë dhe për këtë po punojnë të gjithë në Elbasan.

Mbërrijnë tapetet e kalçetove në Elbasan

Të hënën pasdite kanë mbërritur në Elbasanit dy tapetet me bar sintetik, që do të përdoren për përmirësimin e kushteve stërvitore nga klubi verdheblu. Këto tapete do të vendosen në dy fusha kalçetoje të përmasave të vogla, që ndodhen në kompleksin “Shefqet Lamçe”. Ato janë ngjitur me fushën stërvitore moderne, që po bëhet në këto ambiente. Tapetet sintetike do të shtrohen shumë shpejt dhe janë të përshtatshëm për stërvitje në ditët me shi. Edhe në fushën e madhe po punohet me ritme të kënaqshme.

[Mr_Elbasanlliu]

Po teshti mer ca ash duke u ba anej a kemi ble ndonje lojtar a si na jepni nai informacion per vitin 2010 o cuna.

[King_Arthur]

Çapja: Jam rikthyer për një Elbasan superlige

Mesfushori elbasanas, Hetlem Çapja, e mendon të sigurt kalimin në elitë sezonin e ardhshëm

Hetlem Çapja është blerja e parë e Elbasanit në merkaton e dimrit, një blerje mjaft e çmuar, që më pas u hapi rrugën të tjerave. Te verdheblutë erdhi pas pak ditësh një shok skuadre i Çapjes te Shkumbini, pikërisht sulmuesi Roland Dervishi, ndërsa blerja e tretë është ajo e sulmuesit Ferra. Ky është një rikthim për Çapjen, pasi është rritur dhe formuar si futbollist tek Elbasani, me fanellën e të cilit është shpallur kampion i vendit në vitin 2006.

Pas eksperiencave në kryeqytet me Tiranën dhe Dinamon, mesfushori kaloi te Shkumbini verën që shkoi, por nuk arriti ta gjente plotësisht veten në atë skuadër, ndaj dhe nuk ngurroi ta pranonte ofertën e drejtuesve verdheblu. “E vërteta është se ambienti në Peqin ishte i mirë dhe për këtë i falënderoj të gjithë,” - thotë mesfushori elbasanas, për të vazhduar: “Atje kam shumë miq dhe sigurisht që kam respekt për drejtuesit dhe tifozët e Shkumbinit. U përpoqa të bëja më të mirën, por tani nuk më mbetet gjë tjetër, veçse t’i uroj suksese në kampionat asaj skuadre.”

Çapja thekson se tani mendon vetëm për skuadrën e vendlindjes dhe them se gjërat do të shkojnë mbarë. “Kur mora ofertën e Elbasanit, më të cilin jam i lidhur shpirtërisht, pata emocione dhe, pasi Shkumbini më dha leje, nuk pata asnjë vështirësi për të arritur marrëveshjen me drejtuesit verdheblu. Kuptohet që mjedisin elbasanas e njoh mirë dhe nuk kam probleme me përshtatjen. Nuk kanë shumë rëndësi detajet financiare apo dhe fakti që do të luaj në kategorinë e parë. Për mua është kënaqësi të jem këtu, pranë njerëzve që më kanë mbështur shumë në karrierën time. Do të përpiqem të jem në nivelin e duhur dhe për këtë jam i motivuar shumë në stërvitje.

Erdha në Elbasan me dëshirën e vetme për të qenë në superligë bashkë me këtë skuadër sezonin e ardhshëm. Këtë do ta arrijmë me çdo kusht dhe në fund do të festojmë me tifozët elbasanas për superligën,” - u shpreh më tej Çapja.

I pyetur për mundësinë e kalimit direkt në superligë, mesfushori elbasanas thekson: “Skuadra është e fortë, me futbollistë vërtet cilësorë, të cilët mund të bëjnë një fazë të dytë shumë të mirë. Me një pjesë të futbollistëve jam rritur dhe i njoh shumë mirë cilësitë e tyre. Duke shtuar këtu edhe të rinjtë e talentuar, siç janë Hyshmeri, Gava dhe Kaçuli, apo dhe blerjen e Dervishit, mendoj se grupi është mjaft i fortë dhe do ta arrijë me siguri superligën pa ndeshje shtesë. Mund të vijnë edhe futbollistë të tjerë, por tani duhet të punojmë sa më shumë për të qenë sa më kompaktë në lojë.

Them se çdo gjë do të jetë gati për ndeshjen e parë, që do ta luajmë në Lezhë me Besëlidhjen,” - përfundoi Hetlem Çapja. Me ardhjen e tij, është shtuar shumë konkurrenca në mesfushë, ku të gatshëm janë Hyshmeri, Merxha, Kuçi, Gava, E.Dalipi dhe Xhika.

Largimi i shqiptaro‑maqedonasve shqetëson verdheblutë

Më parë kanë ikur sesa janë testuar nga stafi elbasanas lojtarët shqiptaro‑maqedonas. Pas 3 ditësh stërvitje, stafi teknik ka vendosur për largimin e këtyre lojtarëve, që ishin një portier, një mbrojtës dhe një sulmues. Asnjë nga ata nuk ka paraqitur vlera dhe drejtuesit verdheblu kanë mbetur të zhgënjyer, pasi shpresonin që të paktën portieri të kishte nivelin e duhur. Tani merkatoja është bërë më e vështirë, por drejtuesit e Elbasanit po bëjnë të gjitha përpjekjet për të gjetur një portier dhe një qendërmbrojtës.

“Regjim kazerme” në hotelin e klubit

Për gati 10 ditë, skuadra e Elbasanit do të qëndrojë e grumbulluar në hotelin e klubit, një mënyrë kjo për t’i mbajtur sa më të disiplinuar lojtarët gjatë minifazës. Ata po bëjnë dy seanca në ditë dhe pas seancës së pasdites grumbullohen në hotelin e klubit, që ka kushte komode. Lojtarët gjatë kësaj kohe do të monitorohen nga drejtuesit e tyre për të mbajtur një regjim sa më të mirë sportiv.

[Vinjol]

king me ate renditje qe ka elbasani perkohesisht luan per play in se ka te
siguruar Superioren

[King_Arthur]

Elbasani, në fazën e fundit të konturimit

Sekretari i klubit, Artin Kovaçi, pohon se kanë mbetur disa gjëra të vogla që gjithçka të jetë gati

Elbasanit i kanë mbetur edhe disa lëvizje të fundit me merkato, në mënyrë që ekipi të konsiderohet i kompletuar për fazën e dytë të kampionatit. Ky është konkluzioni i shefit te klubit elbasanas, Artin Kovaçi, i cili, duke analizuar disa aspekte të punës së deritanishme, thekson se ekipit nuk do t’i mungojë asgjë. Ai pohon se janë bërë të gjitha përpjekjet nga klubi dhe shprehet i kënaqur me merkaton e dimrit. “Ardhja në Elbasan e Dervishit dhe e Çapjes ishin shumë të rëndësishme për ne.

Tani ekipi ka në përbërje edhe dy lojtarë me eksperiencë dhe vërtet cilësorë, të cilët e kanë rritur optimizmin. Ka ardhur edhe Ferra, që është një i ri i talentuar dhe, nëse do të punojë sistematikisht, ka perspektivë. Kjo është edhe strategjia e klubit tonë, prandaj nuk kemi marrë vetëm lojtarë për një kohë të shkurtër. Duke synuar ngjitjen në superligë, kemi marrë edhe ndonjë element të ri, siç është Ferra. Bashkë me shumë lojtarë të rinj që ne kemi, do të na shërbejë për të ardhmen.

Nuk është pak për një ekip të kategorisë së parë të marrë tre lojtarë, të cilët gjatë fazës së parë luanin në superligë,” - ka theksuar sekretari i klubit verdheblu. Ai bën të ditur më tej se Elbasani është pranë marrëveshjes me një portier maqedonas, që është në provë. Vetëm një ditë më parë u tha se lojtarët e ardhur nga Maqedonia do të largoheshin të gjithë, por ka ndryshuar plani për portierin, që është paraqitur mirë në seancat e fundit dhe tani ka shanse të mëdha për të qëndruar.

“Kemi mendim pozitiv për portierin nga Maqedonia. E kemi vëzhguar me kujdes dhe mund ta kemi në ekip për fazën e dytë. Por dua të saktësoj se asgjë nuk është përfundimtare. Testi i fundit për të do të jetë miqësorja e së shtunës. Urojmë që ai të jetë në rregull, që ta mbyllim çështjen e portierit. Problemi i vetëm që na mbetet më pas është gjetja e një qendërmbrojtësi. Për këtë po punojmë në shumë drejtime, me disa menaxherë. Jemi në fazën e fundit të konturimit të ekipit për fazën e dytë. Tani mbetet pjesa tjetër profesionale, që lidhet me stërvitjen dhe me punën e stafit teknik,” - do të shprehej zyrtari i klubit elbasanas. Verdheblutë mbajnë vendin e

3-të, me pikë të barabarta me Lushnjën, por objektivi i tyre është ta shmangin ndeshjen shtesë për të hyrë në superligë, pse jo dhe titulli kampion i kategorisë së parë. Me lëvizjet e bëra në merkaton e dimrit, Elbasani mund të arrijë gjithçka fazën e dytë të kampionatit.


Sot vjen mbrojtësi kroat, Nikica Gacesa

Edhe pse mungon firma, portieri maqedonas, Mançevski, duket se është tashmë një lojtar i Elbasanit. Edhe për trajnerin Dosti, përshtypjet për portierin janë të mira. Së fundi, ai ka luajtur me Metalurgun e Shkupit në kampionatin maqedonas, por Elbasani mund të bëjë një surprizë të bukur në merkato. Pritet të vijë sot qendërmbrojtësi kroat, Nikica Gacesa, i datëlindjes 20.07.1983. Ai ka luajtur më parë me Nk Pomorac dhe, përveç mbrojtësit, mund të bëjë edhe mesfushorin shkatërrues.

Verdheblutë, miqësore në Ohër me Skënderbeun

Elbasani dhe Skënderbeu do të zhvillojnë një ndeshje miqësore në qytetin e Ohrit në Maqedoni. Duket një zgjedhje e çuditshme kjo e verdhebluve, pasi duhet të udhëtojnë jo pak përt të luajtur një miqësore, por pak a shumë kjo ishte e detyrueshme. Sekretari Kovaçi ka pohuar se do të luhej me Teutën, por kjo ka rënë poshtë për shkak të terreneve të rënduara. Kështu u zgjodh pista e Ohrit për një miqësore me korçarët të shtunën pasdite.


ps: ASSAS|NS ka kohe deri ne fund te kampionatit

[Vinjol]

ishalla ashtu eshte

[King_Arthur]

Besëlidhja i jep një leksion të mirë Elbasanit

Lezhjanët fitojnë 3 pikët në kohën shtesë ndaj një kundërshtari shumë të fortë

Besëlidhja - Elbasani 3-2

Besëlidhja: Dura, Noka, Toma, Danaj, Gruda, Gjyzeli (Kruja 64′), Rusti, Grishi, Përlleshi, Lamnica (Kulli 36′), Ivanaj (Haxhia 70′). Trajner: I.Gjyla.
Elbasani: Mançevski, Mehmetaj, Bello, Xhangarovski, Kaçuli, Merxha (Ibrahimi 86′), Dalipi, Çapja, Hyshmeri, Dervishi (Ferra 84′), Raboshta (Dushku 36′). Trajner: M.Dosti.
Shënues: Gruda 21′, Grishi 36′, Toma 90′ / Dervishi 10′, Hyshmeri 52′
Gjyqtarë: K.Meta, D.Rexha (Tiranë), F.Lame (Durrës)
Kartonë të verdhë: Gjyzeli, Noka, Toma, Raboshta, Hyshmeri
Karton i kuq: Mançevski

Një nga ndeshjet më të rëndësishme të javës së 16-të, ajo mes Besëlidhjes dhe Elbasanit, është mbyllur me fitoren e lezhjanëve. Këta të fundit kanë pasur edhe fat në këtë 90-minutësh, kur në minutat shtesë kanë shënuar golin e fitores me anë të Tomës. Me disa ndryshime në kontigjentin e lojtarëve, Besëlidhja ka përballuar mjaft mirë një ekip pretendent për superligën, siç është Elbasani, duke e nisur fazën e dytë me këmbë të mbarë. Trajneri Gjyla ka hedhur në fushë formacionin më të mirë, ndërsa mesfushorin Gruda e ka kthyer në të majtë të mbrojtjes.

Besëlidhja luan mirë në fillim dhe mendon për sulmin, por ndëshkohet në minutën e 10-të, kur Dervishi shënon golin e parë për Elbasanin. Ky gol i pësuar i shkund lezhjanët, të cilët e shpërngulin lojën në gjysmëfushën mike. Ivanaj, Lamnica dhe Përlleshi shfaqen rrezikshëm përpara portës së Elbasanit, por nuk arrijnë ta barazojnë rezultatin. Miqtë mbrohen me të gjitha mënyrat dhe shpesh shkaktojnë faulla. Besëlidhja barazon në minutën e 21-të, me anë të një goditjeje dënimi.

Gruda mposht Mançevskin, pasi e kalon topin mbi murin. Lezhjanët inkurajohen nga ky gol dhe luajnë me ritëm të lartë, ndërsa elbasanasit vetëm mbrohen. Lamnica, falë shtatlartësisë së tij, e ndihmon ekipin vendës të rrezikojë në zonën e Elbasanit.

Në një aksion ai del përballë portierit Mançevski, që e ndalon në mënyrë të gabuar. Gjyqtari Meta jep goditje dënimi dhe karton të kuq për portierin maqedonas. Grishi shënon golin e dytë nga kjo goditje dënimi dhe lezhjanët shkojnë në dhomat e zhveshjes në avantazh. Elbasani, edhe pse me 10 lojtarë, përpiqet në pjesën e dytë, por janë lezhjanët ata që shfaqen më rrezikshëm. Dervishi dhe Hyshmeri provojnë të shënojnë dhe ia arrijnë qëllimit me anë të të dytit, duke barazuar rezultatin në minutën e 52-të. Hyshmeri shfrytëzon një gabim të lezhjanëve dhe të portierit Dura.

Iniciativa është e Besëlidhjes deri në fundin e ndeshjes, por sulmuesi Haxhia dhe mesfushori Përlleshi nuk arrijnë të shënojnë. Në minutat shtesë, përsëri me anë të një goditjeje dënimi, Besëlidhja shënon golin e fitores. Eshtë Toma, i cili realizon me kokë, duke i dhënë ekipit të tij 3 pikë shumë të rëndësishme, ndërsa Elbasani kthehet nga Lezha me humbje. Trajneri Gjyla u shpreh i kënaqur për këtë fitore të vështirë.

[King_Arthur]

KLASIFIKIMI KATEGORIA E I

Renditja e Kategorisë së Parë pas javës së 16-të

1. Bylis 40 pike
2. Lushnja 32 pike
3. Elbasani 32 pike
4. Ada 31 pike
5. Pogradeci 28 pike
6. Kamza 27 pike
7. Partizani (-1) 22 pike
8. Luftetari 22 pike
9. Bilisht Sport (-1) 20 pike
10. Burreli (-1) 19 pike
11. Gramshi 17 pike
12. Turbina 15 pike
13. Beselidhja 15 pike
14. Sopoti (-1) 10 pike
15. Memaliaj 10 pike
16. Skrapari 9 pike

[King_Arthur]

KATEGORIA E PARE

JAVA e 17-të

06.02.2010

MEMALIAJ-SKRAPARI 1-0

Gjyqtar: Alla

GRAMSHI-B.SPORT 2-0

Gjyqtar: Rama

ELBASANI-SOPOTI 3-0

Gjyqtar: Breshani

PARTIZANI-BYLIS 1-1

Gjyqtar: Beqiri

KAMZA-BESLIDHJA 3-1

Gjyqtar: Hakrama

BURRELI-ADA 2-1

Gjyqtar: Sino

LUSHNJA-TURBINA 1-0

Gjyqtar: Dervishi


KLASIFIKIMI KATEGORIA E I

Renditja e Kategorisë së Parë pas javës së 17-të

1. Bylis 41 pike
2. Lushnja 35 pike
3. Elbasani 35 pike
4. Ada 31 pike
5. Kamza 30 pike
6. Pogradeci (-1) 28 pike
7. Partizani (-1) 22 pike
8. Luftetari (-1) 22 pike
9. Burreli (-1) 22 pike
11. Gramshi 20 pike
12. Turbina 15 pike
13. Beselidhja 15 pike
14. Memaliaj 14 pike
15. Sopoti (-1) 10 pike
16. Skrapari 9 pike

[King_Arthur]

Bylisi nuk ndalet, Lushnja bie në Velipojë, Partizani fiton

Java e 18-të e kategorisë së parë ka luajtur të shtunën katër ndeshjet e para të saj, ndërkohë që të tjerat janë shtyrë për shkak të kushteve të terreneve përkatëse, ose janë të planifikuara për të dielën. Konkretisht, nga ato ndeshje që ishin fiksuar të luheshin të shtunën, nuk janë ezauruar dot për shkak se në Cërrik (Turbina-Elbasani) dhe në Bilisht (Bilisht Sport-Skrapari) nuk mund të luhej futboll, si rezultat i shirave dhe borës që ka rënë ditët e fundit. Fusha e qytezës juglindore të Bilishtit është e mbuluar me borë, në të cilën nuk u luajt edhe para dy javësh, për të njëjtin shkak, ndaj Partizanit. Sa i takon fushës së Cërrikut, ajo ka qenë e përmbytur nga shirat e rëna gjatë tërë natës, duke qenë e paaplikueshme për një futboll sadopak normal. Në këtë mënyrë, si edhe ndeshje të tjera gjatë kësaj kohe, këto dy sfida të javës së 18-të janë shtyrë për një datë tjetër. Katër ndeshjet e luajtura sot, të shtunën, kanë dhënë deri diku rezultate të pritshme. Ka fituar pastër, 3-0, Bysli në shtëpi, ndaj Burrelit, duke marshuar i qetë në krye të renditjes, madje duke e thelluar javë pas jave diferencën. Sepse, Lushnja, që vjen pas ballshiotëve, është ndalur në Velipojë, ku ka humbur 1-0. Ada vendase, edhe pse me një gol, ka dominuar ndeshjen, e ka fituar atë dhe me të drejtë ruan pozitat e saj pretenduese, të paktën për t’u bërë pjesë e “play-out”-it në fund të kampionatit, për të luajtur shanset e saj, për t’u ngjitur në superligë. Fitore të çmuar ka arritur edhe Partizani në librazhd. Një ndeshje që edhe mund të shtyhej, për shkak të terrenit të rënduar, por që në fund, përfaqësuesit e të dyja klubeve, por edhe të FSHF-së, kanë vendosur zhvillohej. Dhe ka triumfuar Partizani, me dy gola të Mahos, në pjesën e dytë, që “përkthehen” në 3 pikë të arta, në përpjekjet e sforcuara të të kuqve për t’u renditur mes katër skuadrave të kategorisë së parë në fund të garës, me shpresën se “play-out”-i do të jetë fatsjellës për ta, në funksion të rikthimit në superligë. Besëlidhja dhe Gramshi kanë ndarë nga një pikë të Lezhë, duke fiksuar rezultatin 1-1. Të dielën, sipas programit, do të luhen dy sfidat e tjera të javës së 18-të të kategorisë së parë. Ajo mes kamzës dhe pogradecit pritet me mjaft interes, për vetë pretendimet që kanë të dyja skuadrat, por jo më pak emocionuese duhet të rezultojë edhe sfida Luftëtari-Memaliaj, ku gjirokastritet, në dukje, janë më të favorizuar.