Lumturia...

[symphony]

i Lumtur mund te jesh (kete e them me siguri te plote) kur kenaqesh me pak

Më pëlqeu ky mendim!

Njerëzit në përgjithësi mendojnë se paratë, fama ose bukuria do t`i bëjnë të lumtur. Prandaj rendin pas tyre, por lumturia gjithmonë u rrëshqet prej duarve.
Harrojnë të gjorët, se lumturia ndodhet përreth tyre, veç se duhet t`i përkushtojnë pak më shumë vëmendje përmes syrit të mendjes.

Lum ata që janë të vetëdijshëm t`i gëzohen të paktës - ku dhe ndodhet çelësi i lumturisë.

[Viola.V]

Lumturia eshte shkalla superlative e Kenaqesise .

Lumturia arrin kulmin e saj vetem kur gjen ate qe ke humbur , se vetem te kaluares i dihet vlera . E tashmja dhe e ardhmja te japin te provosh vetem nje shije te saj , por gjithesesi ngelet ne shkallen e kenaqesise . Kenaqesia nuk ka te njejten performance me Lumturine .

- Unless you know what exactly you're missing
then give to your Happiness a goodbye kissing

Ose ne fjale te tjera : - How you can recognize Happiness , if you have never met her ?!

Happiness is the active state when the smallest sparkle can trigger the big explosion . Later on , when you're going in a passive mode is called satisfaction .

[slogan]

Si te arrihet lumturia?

Mendoj qe menyra e vetme per te qene i lumtur eshte qe te menjanojme me nje ane idete dhe mendimet e te tjereve per ne, dhe ne te jetojme nje jete, ndoshta me shum "virtuale".

Padyshim, po te mos ishin te tjeret ne do te ishim te lumtur!

[zANë]

Suksesi eshte te arrish c'fare do. Lumturia eshte te duash c'fare ke arritur!

Une ndjek ket moto!

[mjergull]

Si te arrihet lumturia?

Mendoj qe menyra e vetme per te qene i lumtur eshte qe te menjanojme me nje ane idete dhe mendimet e te tjereve per ne, dhe ne te jetojme nje jete, ndoshta me shum "virtuale".

Padyshim, po te mos ishin te tjeret ne do te ishim te lumtur!

Do ishte akoma me mire sikur te mos ishim as ne.......sepse atehere do jemi dhe me te lumtur......

[sirena_adria]

Çfarë kanë të përbashkët njerëzit e lumtur

Studimet për rolin e lumturisë në mirëqenien e njeriut kanë marrë një hov të madh vitet e fundit.

Ekspertët janë veçanërisht të interesuar për sjelljet, qasjet dhe zgjedhjet që nxisin lumturinë tek njerëzit.

Deri më tani, ata kanë zbuluar se njeriu mund të ketë nën kontroll të paktën 40% të lumturisë së tij.

Pjesa tjetër kontrollohet nga genet dhe faktorët e jashtëm.

Në këtë artikull do të mësoni për 8 sjelljet dhe zgjedhjet që e bëjnë njeriun më të lumtur.


Marrëdhëniet shoqërore

Marrëdhëniet me njerëzit e tjerë janë thelbësore për lumturinë e individit.

Një studim specifik që u shtri në një periudhë kohore prej 70 vitesh zbuloi se njerëzit më të lumtur e më të shëndetshëm janë ata që kanë kultivuar marrëdhënie të forta e të shëndosha me njerëz tek të cilët kanë besim dhe gjejnë mbështetje.

Koha është flori

Studimet tregojnë se njerëzit e lumtur janë më të interesuar të kenë kohë se para.

Kjo qasje ndaj jetës se koha është flori, i bën njerëzit më të lumtur.

Paraja

Paraja është e rëndësishme për mirëqenien dhe lumturinë.

Megjithatë, studimet tregojnë se sa më të larta të jenë të ardhurat vjetore, aq më e madhe do të jetë lumturia.

Ndërgjegjësimi

Njerëzit që nuk e lënë rutinën dhe ditën t’i vëjë përpara janë më të ndërgjegjshëm për ambientin që i rrethon dhe bukuritë e tij.

Mjafton një gjest i vogël si nuhatja e një trëndafili që t’ju japë energji dhe kënaqësi.

Mos i angazhoni gjërat dhe gjestet e vogla, thonë ekspertët.

Mirësia

Një veprim i mirë ka ndikim mjaft pozitiv tek humori.

Vullnetarizmi, mirësia, bujaria, dashamirësia janë të gjitha tipare të njerëzve të lumtur.

Aktiviteti Fizik

Aktiviteti fizik është i rëndësishëm jo vetëm për djegien e kalorive.

Studimet tregojnë se aktiviteti fizik është i lidhur ngushtë me lumturinë, sepse pikë së pari, lufton stresin dhe largon barrën e mendimeve të këqija.

Më shumë eksperienca

Njerëzit kanë tendencën të jenë më të lumtur nëse shpenzojnë para për eksperienca dhe jo për gjëra materiale.

Studiuesit thonë se blerjet që ju mundësojnë eksperienca të reja do ju bëjnë më të lumtur.

Jeto çastin

Njerëzit e lumtur kanë tendencën të jenë të vetëdijshëm për çdo moment të ditës që kalojnë.

Ata meditojnë dhe vlerësojnë çdo moment, gjë që i bën të lumtur por edhe të shëndetshëm.

Kape çastin dhe jetoje.


/AgroWeb.org / Koha Jone

https://kohajone.com/cfare-kane-te-p...ezit-e-lumtur/

[sirena_adria]

Sa kohë e lirë na duhet për të qenë të lumtur, del studimi i ri

Shoqata Amerikane e Psikologjisë ka dashur të zbulojë se sa kohë e lirë na duhet për të qenë i lumtur. Me një kampion prej 35 375 amerikanësh, kjo shoqatë kreu një studim që u botua në “Journal of Personality and Social Psychology”.

Studiuesit arritën në përfundimin se kur keni më pak se 2 orë kohë të lirë, niveli i stresit akumulohet dhe rritet në trup, pasi koha e shpenzuar për detyrat e përditshme (punë, punë shtëpie, kujdes për fëmijët) rritet proporcionalisht me ulje në kohën e lirë. Prandaj, studimi pohon se me kohën e lirë më pak se 2 orë, ndjesia e nivelit të mirëqenies reduktohet.

Me më shumë se 5 orë kohë të lirë, sipas studiuesve, rritet ndjesia e produktivitetit të ulët dhe mërzitja.

Së fundi, hulumtimi përcakton një interval kohor të ndërmjetëm midis asaj që konsiderohet e pamjaftueshme (më pak se 2 orë) dhe asaj që konsiderohet shumë (më shumë se 5 orë) për të vendosur ekuilibrin e përsosur.


Koha Jonë

https://kohajone.com/sa-kohe-e-lire-...-studimi-i-ri/

[ATMAN]

Samádhi-lumturia apo eksatzia shpirterore

Për të kontrolluar prirjet e ndryshme të mendjes njerëzore ekzistojnë gjëndra dhe nën-gjëndra të ndryshme të cilat formojnë qendra cakra të caktuara nervore brenda shtyllës kurrizore. Keto qendra quhen pleksuse ne latinisht ose cakra ne gjuhen sanskrite në Tantra yoga. Çdo pleksus rregullon një numër të caktuar prirjesh. Hormonet e sekretuara nga këto gjëndra të veçanta ndikojnë në nëngjëndrat përkatëse, gjëndrat e tjera të poshtme dhe vrttis ose tendencat të kontrolluara nga gjëndrat e tyre përkatëse.

Ushqimi dhe pijet që marrim çdo ditë shndërrohen në rasa (lëng), gjak, mish, yndyrë, palcë kockore dhe limfatike etj. Në fund limfa shndërrohen në hormone të llojeve të ndryshme. Hormoni i veçantë i sekretuar nga gjëndra pineale e aspirantit shpirtëror rrjedh në pleksusin e hipofizës. Në atë kohë, nëse mendja e dikujt mbetet e angazhuar në mendime të pastra shpirtërore, hormoni rrjedh nga gjëndra pineale në anën e majtë në gjëndrën e hipofizës dhe më pas në pleksuset e tjera, gjëndrat dhe nëngjëndrat, fijet nervore, qelizat nervore, venat dhe arteriet, etj. Ky fluks i tepërt i hormonit te gjendres pineale rigjallëron të gjithë pleksiet e poshtme. Nga ana tjetër, nëse mendja e dikujt mbetet e preokupuar me mendime të papërpunuara dhe materjale, atëherë hormoni pineal shperdorohet ose harxhohet kot pa dobi në pleksusin e hipofizës. Plekset dhe gjëndrat e poshtme, për shkak të mungesës së furnizimit me hormonin pineal, nuk gëzojnë asnjë lumturi shpirtërore. Por kur hormoni pineal rrjedh nëpër plexusin e hipofizës në pleksin më të ulët, pleksuset e pazhvilluar të trupit bëhen më të shëndetshëm dhe të rigjallëruar. Si rregull, çakrat e sipërme kontrollojnë ato të poshtme. Pra, chakra svadhistána kontrollon chakra múládhára, chakra manipura kontrollon chakras svadhistána dhe múladhára, anáhata kontrollon chakras mańipura, svadhistána dhe muladhára, dhe ájiṋá kontrollon të gjitha cakrat e poshtme.

Në kohën e prodhimit te hormonit pineal I njohur edhe amrta ne gjuhen sanskrite, nëse një sádhaka apo aaspirant shpirteror shkon në samádhi lumturi apo eksatzi shpirterore - ai ose ajo vizualizon ose përjeton një lloj atmosfere hyjnore rreth çakrës anáhata. Sádhaka kupton se ai ose ajo po përjeton një zhytje hyjnore në atmosferën e shenjtë dhe ndjen një lumturi të papërshkrueshme në zemër. Në atë gjendje të lartë të realizimit, çdo objekt i këtij universi duket jashtëzakonisht i ëmbël dhe njeriu përfiton lumturi të pamasë që asnjë object materjal i kësaj bote nuk mund ta sigurojë kurrë. Rrezet e diellit, rrezet e hënës, toka, uji, në fakt gjithçka buron nga nje një rrjedhë e vazhdueshme e nektarit të lumtur hyjnor te entitetit kozmik.

Idaḿ mánusaḿsarveśáḿ bhútánáḿ

Madhvasyá mánúśasya sarváni bhútáni madhuh

Ayámátmá sarveśám bhútánáḿ madhvasya átmanah

Sarvani bhútáni madhuh.

Edhe një armik i betuar te duket dhe behet shumë i ëmbël në atë moment lumturie . Gjithçka është e ëmbël. Në filozofinë Vaesnava kjo fazë e samádhi quhet madhura bháva. Në Tantra quhet anindyánanda rasa samádhi.

Karakteristikat e Anindyánanda Rasa Samádhi

Plekset e ndryshme të trupit rigjallërohen për shkak të sekretimit të bollshëm të hormoneve dhe bëhen më aktive se më parë. Sádhaka gëzon lumturi të pamasë. Për shkak të ndjenjave të tepërta të gëzimit, qelizat nervore dhe fibrat nervore bëhen të paefektshme. Krijohet një marrëdhënie shumë e ëmbël dashurie midis devotit dhe Parama Puruśa apo ZOTIT. Gjatë gjithë përvojës së lumtur ndihet një shije e ëmbël. Kjo gjendje është një nga tridhjetë e dy gjendjet e shquara të lumturisë shpirterore që përjetohen nga sadhakat aspirantet shpirterore shumë të avancuar. Karakteristikat e veçanta të këtij samádhi apo realizimi shpirteror eshte se ai nuk mund të arrihet me përpjekjet personale të dikujt, por vetëm nëpërmjet hirit të Guru-së.

Natyrisht, për të arritur realizimin suprem shpirtëror, nuk është e nevojshme që një sádhaka të përjetojë fare samádhi. Për shembull, pasagjerët që udhëtojnë në një tren për në Kalkutë mund ose nuk mund të jenë në gjendje të shohin pamjet e qyteteve Jamalpur ose Bhagalpur nëse dyert dhe grilat e dritareve janë të mbyllura. Edhe pse pasagjerët nuk janë në dijeni të qyteteve nëpër të cilat po kalojnë, ata ende arrijnë në destinacionet e tyre. Në botën shpirtërore gjithashtu, sádhaka, ndërkohë që mediton me ideacion mbi Lartësinë, sigurisht që do të kalojë nëpër faza të ndryshme të realizimit pa qenë domosdoshmërisht i vetëdijshëm për këtë. Kur Táraka Brahma apo entiteti suprem ZOTI vjen fizikisht në Tokë në formën e një Sadguru, Ai i ndihmon sadhakat aspirantet shpirterore te cilet e meritojne me punen e tyre dhe perpjekjet e tyre te praktikes shpirterore të arrijnë këtë lloj samádhi. Edhe kur Ai mungon fizikisht në këtë botë, Ai i ndihmon personat që e meritojnë ta arrijnë këtë samádhi nëpërmjet guruve të tjerë.


Burimi: Anindyánanda Rasa Samádhi

Publikuar ne:

Ananda Marga Filozofia Pjesa 4

SHRI SHRI ANANDAMURTIJI

[sirena_adria]

Një mjeke 102 vjeçare ka zbuluar se cili është thelbi i lumturisë për të.

“Zakoni që më ka sjellë shëndet dhe lumturi ndër vite është aftësia për të ndërtuar gjërat nga e para, qoftë kjo një marrëdhënie, një rrugë karriere apo ndonjë projekt”, thotë Dr. Gladys McGarey, mjeke dhe autore e “Jeta e jetuar mirë: 6 sekretet e një mjeku 102-vjeçar për shëndetin dhe lumturinë në çdo moshë”.

Në librin e saj, ajo vetë përqendrohet në të vetmen gjë që duhet të bëjmë për t’u ndjerë më të lumtur, por edhe për të qëndruar të shëndetshëm: Të lëmë pas gjërat që nuk kanë më rëndësi dhe që na e shterojnë energjinë.



Koha Jonë

https://kohajone.com/nje-mjeke-102-v...i-i-lumturise/

[ATMAN]

Kjo është një këshillë e rëndësishme që mund të ndihmojë në përmirësimin e shëndetit dhe lumturisë së një personi. Shumë herë ne mund të jemi të ngarkuar me gjëra të vogla dhe të padobishme që na shtypin energjinë dhe kohën tonë, duke na bërë të ndjehemi të stresuar dhe të lodhur. Duke u fokusuar në gjërat më të rëndësishme dhe duke lënë pas gjëra që nuk kanë më rëndësi, mund të ndihmojë në zvogëlimin e stresit dhe në rritjen e ndjesës së lumturisë.

Ka studime që tregojnë se ndryshimi i fokusit nga përvojat negative dhe mendimet negative në ato pozitive mund të ndihmojë në rritjen e lumturisë dhe shëndetit. Duke u përqendruar në gjërat pozitive dhe duke u larguar nga mendimet negative, mund të ndihmojë në zvogëlimin e stresit dhe nëpërmirësimin e kualitetit të jetës.

Në librin e saj, Dr. Gladys McGarey thekson se ndërtimi i diçkaje nga e para, qoftë një marrëdhënie, një rrugë karriere, apo një projekt, mund të ndihmojë në rritjen e ndjesës së lumturisë dhe krenarisë. Kjo për shkak se ndërtimi i diçkaje nga e para mund të jetë një sfidë emocionuese dhe mund të sjellë një ndjesi të madhe arritjeje dhe krenarieje.

Përveç kësaj, në librin e saj, Dr. Gladys McGarey flet edhe për rëndësinë e ushqimit të shëndetshëm, ushtrimeve fizike të rregullta, dhe kujdesit të duhur ndaj trupit dhe mendjes. Këto janë faktorë të rëndësishëm në mbajtjen e një shëndeti të mirë fizik dhe emocional.

Në përgjithësi, këshilla e Dr. Gladys McGarey për të lënë pas gjërat që nuk kanë më rëndësi dhe për të ndërtuar gjërat nga e para, janë këshilla të rëndësishme që mund të ndihmojnë në përmirësimin e shëndetit dhe lumturisë sonë. Duke u fokusuar në gjërat pozitive, ndërtimi i diçkaje nga e para dhe kujdesi i duhur ndaj trupit dhe mendjes, mund të ndihmojnë në rritjen e ndjesës së lumturisë dhe në mbajtjen e një shëndeti të mirë në çdo moshë.