Lumturia...

[sirena_adria]

5 tipare që kanë të përbashkëta të gjitha gratë e lumtura

Edhe pse konsumizmi përpiqet të na bindë të kundërtën, lumturia nuk varet vërtet nga gjërat materiale. Pyesni veten se cili është sekreti i një jete të lumtur?

Njerëzit e lumtur kanë prioritete specifike mbi të tjerët: ata zgjedhin njerëz, marrëdhënie dhe situata që nxjerrin në pah më të mirën e tyre. Nëse doni të përmbushni dëshirat tuaja, të arrini qëllimet tuaja dhe atë që dëshironi, konsiderojini këto cilësi të përbashkëta për të gjitha gratë e lumtura.


1. Mund t’u thonë JO gjërave që nuk i duan pa ndjerë faj

Të gjithë jemi përballur me këtë situatë: Kur kemi një zgjedhje, është më e lehtë të pranojmë diçka që nuk e duam, sesa të luftojmë fajin për të thënë JO.

Nëse ky është rasti për ju ose shpesh keni frikë se mos humbisni diçka, është koha për të patur një mënyrë të re të të menduarit. Gratë më të lumtura i japin përparësi vetes duke mos pranuar diçka që nuk e duan. Nuk u intereson çfarë thonë apo mendojnë njerëzit e tjerë.

2. Kujdesen për veten dhe shëndetin e tyre

Gratë e lumtura pushojnë, hanë mirë, pinë mjaftueshëm lëngje dhe e dinë se për çfarë ka nevojë trupi i tyre.

Ato nuk janë të prirura të prishin rutinën e tyre, veçanërisht jo me sjellje të dëmshme. Është e rëndësishme që ato të ushqehen shëndetshëm, të jenë aktive dhe të kujdesen për shëndetin e tyre mendor.

3. Ato nuk i përjetojnë gjërat personalisht

Gratë më të lumtura rrallë i përjetojnë gjërat personalisht. Nëse shpesh shqetësoheni se mos dikush është i zemëruar me ju ose nëse thjesht nuk ju pëlqen, është koha të ndryshoni sjelljen tuaj. Gratë e lumtura nuk do të bien kurrë në grackën e të menduarit dhe kërkimit të arsyeve për humorin dhe veprimet e njerëzve të tjerë.

Kjo mënyrë e të menduarit i çliron ato nga shqetësimet e panevojshme dhe zemrat e thyera. Nëse i përjetoni gjërat personalisht, ju kujtojmë se sjellja e të tjerëve është përgjegjësi e tyre dhe në shumicën e rasteve varet nga personi tjetër, jo nga ju.

4. Ato përballen me problemet e tyre

Biseda të pakëndshme, ditë të vështira dhe situata të vështira – shpesh është më e lehtë për ne që t’i shmangim ato sesa t’i trajtojmë. Megjithatë, gratë më të lumtura e kanë më kollaj ta trajtojnë problemin menjëherë kur ai lind.

Ato janë të përgatitura për biseda të vështira pavarësisht nga rezultati, sepse e dinë se është më mirë të mos shqetësohen sesa të ngarkohen me pasiguri dhe çështje të pazgjidhura.

5. Ato nuk krahasohen dhe nuk konkurrojnë me askënd përveç vetvetes

Gratë më të lumtura nuk konkurrojnë me të tjerët. Ato përpiqen të jenë më të mira se sa ishin dje, jo më të mira se dikush tjetër.


Bota.al

https://bota.al/5-tipare-qe-kane-te-...ate-e-lumtura/

[sirena_adria]

A është lumturia ngjitëse? - Studimet thonë, Po!

https://gazetasi.al/a-eshte-lumturia...imet-thone-po/

[sirena_adria]

Çfarë na bën të lumtur në punë?

Shumica prej nesh kalojnë pjesën më të madhe të jetës së tyre në punë. Në fakt, studimet tregojnë se mesatarisht një person shpenzon rreth 45 orë në javë në zyrë.

Edhe kur jemi jashtë orarit, shumë prej nesh ende nuk largohen nga puna. Falë smartphone-ave, është i lehtë kalimi i mbrëmjeve dhe fundjavave duke kontrolluar email-et apo përgjigjet e thirrjeve telefonike. Pra, me kaq shumë përkushtim të jetës tonë në punë, duket se më shumë se kurrë punët tona na bëjnë të lumtur. Por, ashtu si në jetën e përditshme, receta për lumturinë nuk është gjithmonë e lehtë për t’u kuptuar.

Mikkel Hundborg, një “Konsulent i Lartë në Institutin e Kërkimeve për Kënaqësinë në Punë” brenda Krifa, me bazë në Danimarkë ka zbuluar çfarë mund të na bëjë të lumtur në punë. Ata specializohen për të ndihmuar njerëzit të ndihen të lumtur dhe të plotësuar në punë.

Pra, çfarë na bën ne në të vërtetë të lumtur?

“Ka një gjë që qëndron mbi çdo gjë tjetër, kur bëhet fjala për t’i bërë njerëzit të lumtur në punë – dhe kjo është të paturit një qëllim”, thotë Mikkel. “Kjo nuk do të thotë vetëm gjetja e një qëllimi të lartë, të tilla si shpëtimi i planetit apo ndihma e njerëzve në nevojë.”

“Këto lloj gjëra janë të rëndësishme, sigurisht. Por edhe më e rëndësishme është që të ketë një qëllim personal, të brendshëm. Kjo me të vërtetë drejton lumturinë në punë.”

Por si mund të krijosh një ndjenjë qëllimi?

Për Mikkel, kjo ka të bëjë me të qenit në rolin e duhur dhe të bërit një punë, në të cilën ju jeni të aftë. “Qëllimi është krijuar kur ju jeni krenarë për punën tuaj dhe ndiheni se jeni një pjesë e rëndësishme dhe e nevojshme e kompanisë.”

“Pasi të keni qëllimin, ju keni themelin për lumturinë në punë.”

Mikkel ndihmoi në kërkimet e “Indeksi i kënaqësisë në punë (Job Satisfaction Index)” në partneritet me “Happiness Research Institute”. Raporti heton atë që i bën të lumtur njerëzit në punë.

“Hulumtimi që bëmë vuri së bashku raportin dhe na tregoi se faktori i dytë më i rëndësishëm kur bëhet fjalë për t’u ndjerë i lumtur në punë është ajo që ne e quajmë “zotërim”,” shton Mikkel.

“Mjeshtëria ka të bëjë me t’u ndjerit element thelbësor në rolin tuaj – por edhe se ju keni mësuar dhe jeni zhvilluar. Është e lidhur ngushtë me ndjenjën se ka një përputhje mes detyrave, me të cilat punoni dhe talenteve tuaja.”

Përbërësi i tretë në recetën e Mikkel për lumturinë për punë është lidershipi.

“Lumturia jonë në punë është e lidhur direkt me marrëdhëniet tona me njerëzit apo personin që na udhëheq”, thotë Mikkel. “Është e domosdoshme që ne t’u besojmë shefave tanë dhe të shkojmë mirë me ta.”

Ndërsa gjëra të tilla si udhëheqja e mirë kanë treguar se bëjnë ndryshim drejt lumturisë në punë, por ka dhe gjëra që disa shefa mendojnë se bëjnë një ndryshim – por në të vërtetë ndodh e kundërta.

“Një bonus, një rritje në detyrë apo një event social mund t’i japin punonjësit një nxitje afat-shkurtër, por kjo nuk do ketë ndonjë ndikim të vërtetë në lumturinë, sepse kjo nuk iu ndalon nga stresi dhe nuk do e bëjë punën që ju keni më kuptimplotë,” thotë ai.

Duket sikur gjërat që janë të nevojshme për të na bërë të lumtur në punë janë shumë të ngjashme me ato që na bëjnë të lumtur si qenie njerëzore: besimi, drejtësia, mirënjohja, qëllimi dhe marrëdhëniet e mira.

Ndoshta është koha për të ndaluar së menduari në lidhje me rritjen e ardhshme të pagës dhe të filloni të mendoni për të shtuar kuptimin e roleve tuaja dhe të njihni më mirë kolegët tuaj.


Gazeta EXPRESS

https://www.gazetaexpress.com/cfare-...umtur-ne-pune/

[sirena_adria]

Mos e ëndërroni lumturinë, thjesht punoni shumë për ta arritur

Nga Arthur C. Brooks


Në “shënimet” e tij amerikane të vitit 1851, Nataniel Houthorn shkroi: “Lumturia në këtë botë vjen rastësisht. Nëse e bëjmë atë objekt të një kërkimi të qëllimtë, kjo do të na çonte në një kërkim të pashpresë për diçka të pa arritshme”.

Ky është në thelb një riformulim i “paradoksit të lumturisë” të filozofëve stoikë: për të arritur lumturinë, ne duhet të përpiqemi të mos e arrijmë atë. Studiues të ndryshëm janë përpjekur që ta verifikojnë këtë pretendim.

Për shembull në vitin 2011, studiuesit shkruan në revistën “Emotion” se në kushtet e një niveli stresi të ulët, dhënia rëndësi e arritjes së lumturisë shoqërohej me një gjendje shpirtërore më të keqe, më pak mirëqenie emocionale, dhe me simptoma më të theksuara të depresionit.

Kjo do të duket se e konfirmon paradoksin e lumturisëra të mendosh për të, e bën më të vështirë arritjen e saj. Por ka edhe shpjegime alternative. Për shembull, njerëzit e palumtur mund të thonë se “e vlerësojnë lumturinë” më shumë sesa që tashmë e kanë atë, ashtu siç njerëzit e uritur e vlerësojnë më shumë ushqimin, sesa ata që janë tashmë të ngopur.

Në mënyrë të veçantë, vetëm fakti që doni të jeni më të lumtur, nuk do të thotë se po përpiqeni të jeni të tillë. Mjafton të mendoni pak miqtë tuaj që ankohen çdo ditë për punën e tyre, por që nga ana tjetër nuk përpiqen asnjëherë të gjejnë një punë tjetër.

Askush nuk dyshon se ata dëshirojnë të jenë më të lumtur, por për disa arsye nuk po bëjnë atë që është e nevojshme për të përmirësuar gjendjen e tyre. Kjo nuk është ndonjë provë se ata nuk mund të bëhen më të lumtur, apo se janë dëshirat e tyre, ato që po i ulin shumë gjendjen shpirtërore.

E vërteta është se lumturia kërkon përpjekje, dhe jo vetëm një dëshirë. Në rast se nuk ndërmerrni hapa për të nisur një rrugëtim më të mirë, fokusimi vetëm tek pakënaqësia jonë, dhe dëshira që gjërat të jenë ndryshe në jetë, është një recetë për pa lumturinë.

Por nëse bëjmë një përpjekje për ta kuptuar lumturinë njerëzore, hartojmë një plan për të zbatuar atë që mësojmë në jetën tonë, kuptojmë dhe e ndajmë me të tjerët atë që kemi mësuar, lumturia do të vijë thuajse me siguri.

Kur bëhet fjalë për lumturinë dhe pa lumturinë, njerëzit e ngatërrojnë shpeshherë reflektimin mbi të njëjta gjëra me vetë-vetëdijen. Për psikologët, në rastin e parë bëhet fjalë për “mendime të përsëritura për veten”, pa përdorur njohuri të reja. Shumë studime tregojnë se kjo mund t’i përkeqësojë mendimet e këqija dhe ta thellojë depresionin, për shkak se forcon statuskuonë tonë emocionale negative.

Anasjelltas, vetë-ndërgjegjësimi –të kushtuarit vëmendje proceseve tona të mendimit – çon në njohuri dhe zbulime të reja. Një studim i fundit i botuar në Shtetet e Bashkuara nga “Proceedings of the National Academy of Sciences”, arriti në përfundimin se vetë-ndërgjegjësimi na lejon që t’i identifikojmë shpërqendrimet dhe sinjalet emocionale, dhe ta ridrejtojmë trurin tonë në një mënyrë më produktive.

Në thelb, studimi i mendjes sonë, drejtpeshimi i mënyrës për ta përmirësuar lumturinë tonë, analizon ankthet dhe konfuzionin tonë mendor, dhe i shndërron ato në plane reale për përmirësimin e jetës tonë. Për të dhënë një shembull, le të imagjinojmë sikur sapo ka mbarruar marrëdhënia juaj me dikë.

Nëse do të mendoni vazhdimisht për rrethanat e dhimbshme, sitë shihnit vazhdimisht gjithmonë të njëjtën video për orë dhe ditë të tëra, kjo është pikërisht ripërtypja e të njëjtave gjëra të së kaluarës. Por për ta thyer këtë rreth civioz, dhe për të filluar procesin e introspeksionit, është e nevojshme që ta shoqëroni kujtesën e dhimbshme me pyetje të thella. Për shembull:“A është ky një model i përsëritur në jetën time? Dhe nëse po, pse?”. “Nëse do të kisha mundësi ta rijetoja, çfarë do të bëja ndryshe?”. “Çfarë mund të lexoj për të kuptuar më mirë atë që sapo kam provuar, dhe ta përdor atë në mënyrë konstruktive?”

Vetë-ndërgjegjësimi i zhvendos ndjenjat e pakënaqësisë nga funksionet reaktive të trurit tonë tek ato ekzekutive, të cilat na lejojnë t’i menaxhojmë ndjenjat përmes veprimeve konkrete. Vetë veprimi është jetik në këtë situatë. Ekziston një anektodë e vjetër, me një burrë që i kërkonte Zotit çdo ditë që ta bënte atë të fitojë lotarinë.

Pas shumë vitesh lutje, ai më në fund merr një përgjigje nga qielli:”Ejani të më takosh” i thotë Zoti “Por bli të paktën një biletë!”. Nëse duam lumturi, të menduarit se përse nuk e kemi atë, dhe kërkimi i informacionit se si ta arrijmë atë, është një fillim i mirë. Por nëse nuk e përdorim atë informacion, është sikur të mos blejmë një biletë.

Unë e kuptoj se kjo është më lehtë të thuhet sesa të bëhet. Kur jemi të lumtur, ne inkurajohemi të veprojmë. Ndërkaq pa lumturia na nxit shpesh të izolohemi më një qoshe. Dhe mënyra për t’i luftuar të gjitha këto, është të bëjmë të kundërtën e asaj që do të dëshironim:kur jemi të palumtur, duhet të mos mbyllemi në shtëpi duke parë filma dramatikë.

Është më mirë të ushtroheni fizikisht, të telefononi miqtë në kohë nevoje, dhe të lexoni mbi lumturinë. Kështu do t’iu lindë dëshira të veproni. Pasi të reflektoni (por jo të ripërtypni të kaluarën), të mësoni, veproni dhe të merrni shpërblimin e lakmuar, është koha ajo që do të sigurojë që përfitimet tuaja të mos jenë të përkohshme.

Pra që të mos rikthehemi thjesht tek një gjendje shprese. Kryesorja është t’i ndajmë njohuritë tona të reja me njerëzit e tjerë. Kur e bëjmë këtë bëhemi më të lumtur, bindim të tjerët por edhe veten tonë. Ndarja e sekreteve të lumturisë do të na bëjë më të lumtur, sepse ky është një akt dashurie. Dhe siç e kemi mësuar tashmë, dashuria është gjeneruese:sa më shumë që jepni, aq më shumë fitoni.


/ “Intenazionale” – Bota.al

https://bota.al/mos-e-enderroni-lumt...er-ta-arritur/

[ATMAN]

Studimet e lumturisë kanë treguar se ka një ndikim të rëndësishëm të faktorëve të ndryshëm në nivelin e lumturisë personale. Megjithatë, për sa i përket pyetjes së lumturisë ngjitëse, nuk ka një përgjigje të qartë dhe të përgjithshme nga studimet aktuale.

Disa studime kanë gjetur një ndikim të rëndësishëm të lidhjeve shoqërore në nivelin e lumturisë personale. Për shembull, ka pasur zbulime që tregojnë se njerëzit që kanë lidhje të forta dhe të shëndetshme me miqtë, familjen dhe partnerin e tyre janë më të lumturë. Në këtë kuptim, mund të argumentohet se lumturia e një personi mund të ndikojë në lumturinë e të tjerëve në rrethin e tij shoqëror.

Një tjetër aspekt që ka ndikim në lumturinë personale është zhvillimi personal dhe arritja e qëllimeve. Studimet kanë treguar se njerëzit që punojnë për qëllime personale dhe arrijnë sukses në to kanë tendencë të jenë më të lumturë. Në këtë rast, mund të supozohet se ndoshta lumturia personale mund të sjellë një ndikim pozitiv në lumturinë e të tjerëve nëpërmjet frymëzimit dhe motivimit që mund të japë.

Megjithatë, është e rëndësishme të theksohet se studimet mbi lumturinë janë të ndërlikuara dhe rezultatet ndryshojnë në varësi të shumë faktorëve. Lumturia është një përvojë subjektive dhe varion nga individi te individi. Prandaj, është vështirë të përcaktohet me saktësi nëse lumturia është një gjendje ngjitëse që mund të përhapet nga një person te tjetri.

Në përgjithësi, mund të thuhet se lidhjet shoqërore dhe arritja e qëllimeve personale kanë ndikim në nivelin e lumturisë personale. Si rezultat, kur një person është i lumtur, ka mundësi që të çaktivizojë një efekt pozitiv në rrethin e tij shoqëror dhe të ndihmojë të tjerët të jenë më të lumturë.

Por ka disa faktorë tjerë të cilët kanë një ndikim të rëndësishëm në nivelin e lumturisë personale. Këtu janë disa prej tyre:

- Shëndeti fizik: Shëndeti i mirë fizik është një faktor kyç për lumturinë personale. Studimet kanë treguar se njerëzit që kanë një gjendje të mirë shëndetësore kanë tendencë të jenë më të lumturë se ata që vuajnë nga sëmundjet ose problemet shëndetësore të tjera. Kujdesi për veten, ushtrimi i rregullt, një dietë e shëndetshme dhe marrja e kujdesit mjekësor janë faktorë të rëndësishëm që ndikojnë në lumturinë personale.

- Stabiliteti financiar: Një nivel i mirë i stabilitetit financiar mund të ndikojë në nivelin e lumturisë personale. Kur një person ka mundësi të plotësojë nevojat e tij financiare, të krijojë siguri dhe të realizojë qëllimet financiare, ka tendencë të ndjehet më i lumtur. Mungesa e kujdesit për aspektet financiare dhe presioni i vazhdueshëm financiar mund të shkaktojë stres dhe të ndikojë negativisht në lumturinë personale.

- Marrëdhënia dashurore: Një marrëdhënie të shëndetshme dhe të kënaqshme dashurore mund të kontribuojë në nivelin e lumturisë personale. Njerëzit që kanë një partner të dashuruar dhe të përkushtuar kanë tendencë të jenë më të lumturë se ata që vuajnë nga mungesa e një marrëdhënie të tillë. Një ndjenjë e sigurisë, përkrahja emocionale dhe harmonia në marrëdhënie janë faktorë që mund të ndikojnë pozitivisht në lumturinë personale.

- Njohja dhe zhvillimi personal: Njerëzit kanë nevojë për rritje personale dhe zhvillim të vazhdueshëm. Kur një person ka mundësi të kultivojë interesat e tij, të përfitojë nga eksperiencat e reja dhe të arrijë qëllime personale, ka tendencë të ndjehet më i lumtur. Puna në fushën e preferuar, zhvillimi i aftësive të reja, edukimi dhe eksplorimi i botës janë faktorë që mund të kontribuojnë në nivelin e lumturisë personale.

Këto janë vetëm disa prej faktorëve të rëndësishëm që mund të ndikojnë në nivelin e lumturisë personale. Është e rëndësishme të kuptoni se secili individ është unik dhe faktorët që ndikojnë në lumturinë e tyre mund të ndryshojnë. Çështja e lumturisë është komplekse dhe ndikohet nga shumë elemente të jetës së një personi.

[sirena_adria]

Për 5 vite rresht njerëzit më të lumtur në botë/ 3 “sekretet” e jetës së finlandezëve

Njerëzit në Finlandë ciëlsohen si më të lumturit në botë, por për këtë ata i ndihmojnë 3 gjëra

Aleksandra Peshtani


Për pesë vjet me radhë, Finlanda është renditur si vendi më i lumtur në botë, sipas Raportit të Lumturisë Botërore.

Por çfarë i bën njerëzit në Finlandë kaq të kënaqur me jetën e tyre?

Për të mbajtur një cilësi të lartë të jetës, këto janë tre “sekretet” e finlandezëve, që i ndihmojnë ata të jenë të lumtur me jetën e tyre:

1. Ata nuk e krahasojnë veten me njerëzit e tyre të afërt

Ekziston një varg i famshëm i një shkrimtari finlandez që thotë: “Mos e krahaso lumturinë tënde me atë të të tjerëve”.

Finlandezët besojnë vërtet në këtë, veçanërisht kur bëhet fjalë për gjërat materiale dhe pasurinë. Këshilla nga një ekspert i lumturisë: Përqendrohuni më shumë në atë që ju bën të lumtur dhe më pak në shfaqjen e suksesshme. Hapi i parë drejt lumturisë së vërtetë është të vendosni standardet tuaja, në vend që të krahasoni veten me njerëzit e tjerë.

2. Nuk e ndajnë veten nga natyra

Sipas sondazheve të vitit 2021, 87 për qind e finlandezëve besojnë se natyra është e rëndësishme për ta sepse u jep paqe, energji dhe relaksim. Në Finlandë, punonjësit kanë të drejtë për katër javë pushime verore. Shumë prej tyre e përdorin këtë kohë për të arritur në fshat dhe për të shijuar natyrën.

Sa më pak ambiente, qoftë edhe mungesa e energjisë elektrike apo e ujit në shtëpi, aq më mirë për ta. Shumë prej qyteteve të Finlandës janë gjithashtu të ndërtuara në atë mënyrë që të mos shqetësojnë natyrën, që do të thotë se shumë njerëz kanë qasje në natyrë sapo dalin nga dera e tyre.

3. Nuk e tradhtojnë besimin e komunitetit tuaj

Sipas hulumtimeve, sa më i madh të jetë besimi në vendin tuaj, aq më të lumtur janë qytetarët. Eksperimenti i “portofolit të humbur” në vitin 2022 testoi besimin dhe ndershmërinë e qytetarëve duke humbur një portofol në 16 qytete të botës. Në Helsinki, 11 nga 12 kuletat iu kthyen pronarëve të tyre.


Gazeta SHQIP

https://gazeta-shqip.com/ndryshe/per...-finlandezeve/

[ATMAN]

Finlanda ka vazhduar të renditet si një nga vendet më të lumtura në botë sipas raporteve të World Happiness Report, i cili është një studim vjetor i Kombeve të Bashkuara që vlerëson mirëqenien dhe lumturinë në vendet e ndryshme. Finlanda ka marrë shpesh vendin e parë ose të dytë në këtë listë.

Ka disa faktorë që ndikojnë në lumturinë e popullsisë finlandeze. Një prej tyre është mirëqenia sociale. Finlanda ka një sistem mirëqenie sociale të zhvilluar, që ofron mbrojtje sociale të gjerë dhe shërbime publike cilësore. Edukimi dhe shëndetësia janë prioritare për qeverinë finlandeze dhe janë të arritshme për të gjithë qytetarët.

Një tjetër faktor është stabiliteti politik dhe ekonomik. Finlanda është një vend me një ekonomi të qëndrueshme dhe me një sistem politik të qëndrueshëm. Korrupsioni është i ulët dhe ka një nivel të lartë të besimit publik në institucionet shtetërore.

Një aspekt tjetër që ka ndikuar në lumturinë e finlandezëve është natyra dhe jeta e jashtëzakonshme natyrale që ofron vendi. Finlanda është e njohur për peisazhet e saj të mahnitshme natyrale, pyjet e gjelbra, liqenet dhe mundësitë e shumta për aktivitete natyrore.

Këto janë disa nga faktorët që kanë kontribuar në renditjen e lartë të Finlandës si një vend i lumtur. Mirëpo, është e rëndësishme të theksohet se lumturi është një ndjenjë subjektive dhe varion nga individët. Çdo vend dhe kultura ka faktorë të ndryshëm që ndikojnë në mirëqenien dhe lumturinë e tyre.

Përveç faktorëve që përmenda më sipër, ka disa faktorë tjerë që kanë ndikuar në lumturinë e popullsisë finlandeze:

1. Ekuilibër mes punës dhe jetës private: Finlanda ka një kulturë të mirëfilltë të balancës së punës dhe jetës private. Punëdhënësit ofrojnë shpesh fleksibilitet në oraret e punës dhe kanë politika të mira për pushimet dhe kohën e lirë. Kjo lejon që njerëzit të kenë më shumë kohë për të investuar në marrëdhëniet personale, familjen, hobitë dhe aktivitetet e tyre të preferuara.

2. Niveli i lartë i barazisë gjinore: Finlanda ka arritur një nivel të lartë të barazisë gjinore dhe përfshirjes së grave në të gjitha sferat e jetës sociale dhe ekonomike. Kjo ka kontribuar në ndjenjën e barazisë dhe drejtësisë sociale, duke ndikuar në lumturinë e grave në veçanti.

3. Siguria dhe besimi në shoqëri: Finlanda është një vend me një nivel të lartë të sigurisë publike dhe besimin e lartë në institucionet shoqërore. Një atmosferë e sigurt dhe besimi në drejtësinë dhe sistemin e drejtësisë ndikojnë në ndjenjën e sigurisë dhe lumturisë së popullsisë.

4. Kulture e aktiviteteve të jashtme: Finlanda ka një traditë të fortë të aktiviteteve në natyrë dhe sporteve të jashtme. Kjo përfshin aktivitete si skijimi, ecja në natyrë, peshkimi, kampingu dhe shumë të tjera. Kjo kulture e aktiviteteve të jashtme dhe lidhja me natyrën ka një ndikim pozitiv në mirëqenien dhe lumturinë e finlandezëve.

5. Kujdesi për mjedisin: Finlanda ka një përkushtim të madh ndaj qëndrueshmërisë dhe mbrojtjes së mjedisit. Popullsia finlandeze ka ndërgjegjësim të lartë për rëndësinë e ruajtjes së natyrës dhe kujdesit ndaj mjedisit. Kjo ndjenjë e kontribon në ndjenjën e lumturisë dhe përkatësisë me ambientin ku jetojnë.

Këto janë disa nga faktorët tjerë që kanë ndikuar në lumturinë e popullsisë finlandeze. Është e rëndësishme të theksohet se secili individ ka preferenca dhe vlera të ndryshme, kështu që faktorët që ndikojnë në lumturinë mund të ndryshojnë nga një person në tjetrin.

Finlanda ka zbatuar politika të tjera që kanë ndikuar në lumturinë e popullsisë. Disa prej tyre janë:

1. Edukimi i lartë dhe investimet në dije: Finlanda ka një sistem arsimor të shkëlqyer dhe ka investuar shumë në arsimin publik. Një arsim i lartë i qasshëm dhe i mirëfilltë ka ndihmuar në përgatitjen e të rinjve për të patur një karrierë të suksesshme dhe për të arritur njohuritë dhe aftësitë e tyre të plota. Kjo ka ndikuar në ndjenjën e suksesit dhe kënaqësisë në jetën e tyre.

2. Kujdesi shëndetësor i aksesueshëm: Finlanda ka një sistem shëndetësor të mirëorganizuar dhe të aksesueshëm për të gjithë qytetarët. Kujdesi shëndetësor i lartë cilësor dhe i drejtësuar drejtpërdrejtë në nevojat e pacientëve ka ndikuar në ndjenjën e sigurisë dhe mirëqenies së popullsisë.

3. Mbështetja për familjen: Finlanda ka politika dhe masa mbështetëse për familjet. Këto përfshijnë leje prindërorë të gjata dhe pagesa të siguruara gjatë kohës së lejes prindërore, si dhe shërbime kujdesi për fëmijët e vegjël. Kjo ka ndihmuar në ndjenjën e sigurisë dhe harmonisë së familjeve dhe ka ndikuar në lumturinë e prindërve.

4. Politika e përkujdesjes sociale: Finlanda ka një sistem të zhvilluar të përkujdesjes sociale, duke përfshirë shërbimet për personat e moshuar, personat me aftësi të kufizuara dhe personat në nevojë. Kjo politikë ka ndihmuar në ndjenjën e përkujdesjes, ndihmës dhe përfshirjes sociale, duke kontribuar në lumturinë e atyre që përfitojnë nga këto shërbime.

5. Politika e qeverisjes dhe përfshirjes së qytetarëve: Finlanda ka një traditë të fortë të demokracisë dhe përfshirjes së qytetarëve në proceset vendimmarrëse. Konsultimet publike dhe transparenca e lartë në politikat vendimmarrëse kanë krijuar një ndjenjë të besimit dhe përkrahjes së qytetarëve ndaj qeverisë, duke ndikuar në ndjenjën e përfshirjes dhe ndikimin pozitiv në lumturinë.

Këto politika kanë kontribuar në ndikimin pozitiv në lumturinë e popullsisë finlandeze dhe janë shembuj të marrjes së vendimeve politike që kanë parasysh mirëqenien dhe mirëqenien e qytetarëve.

[sirena_adria]

Shkenca tregon se cilët ushqime ua nxitin lumturinë!

Ne e kalojmë pjesën më të madhe të jetës duke kërkuar lumturinë. Qoftë terapi, rutina ushtrimesh apo meditime, ne të gjithë duam të sjellim më shumë paqe dhe gëzim në jetën tonë. Por kur mendojmë për gjërat që na bëjnë të lumtur, dieta jonë zakonisht nuk është në krye të listës.

Megjithatë, ushqimi që hamë luan një rol të madh në mënyrën se si ndihemi. Në dekadën e fundit, janë shfaqur kërkime që lidhin dietën me mirëqenien mendore dhe disa ushqime janë të lidhura me rritjen e serotoninës në trurin tonë. Serotonina, e njohur edhe si “hormoni i lumturisë”, luan një rol të rëndësishëm në rregullimin e humorit tonë. Nivelet e ulëta të serotoninës mund të shkaktojnë paqëndrueshmëri në disponimin tonë.

Më poshtë ju ofrojmë një listë të ushqimeve që do t’ju bëjnë të lumtur, sipas shkencës.

1. Çokollata e zezë

Ju e dini skenën tipike në filma ku një vajzë është ulur në divan e veshur me pantallona sportive dhe duke ngrënë akullore me çokollatë. Rezulton se Hollywood-i ka të drejtë për diçka. Hulumtimet kanë treguar se çokollata e zezë mund të ndikojë pozitivisht në disponimin e dikujt. Janë tre përbërës kryesorë që gjenden në çokollatë që lidhen me ndjenjën e lumturisë: triptofani, teobromina dhe feniletilalanina. Triptofani është një aminoacid që truri e përdor për të prodhuar serotonin. Teobromina është një stimulues i butë që mund të përmirësojë disponimin tonë. Ndërkohë, feniletilalanina është një tjetër aminoacid që trupi përdor për të prodhuar dopaminë, e cila vepron si një antidepresant.

2. Banane

Nëse ka një ushqim me humor të mirë, është banania. Por ndoshta jo në mënyrën se si mendoni. Megjithëse bananet ruajnë serotoninën, ajo nuk mund të kalojë barrierën gjak-tru. Por bananet mund të luajnë një rol kyç në rregullimin e disponimit tuaj në një mënyrë më indirekte. Trupi juaj ka nevojë për vitaminë B6 për të prodhuar serotonin, dhe bananet janë veçanërisht të pasura me këtë lëndë ushqyese. Një banane e mesme përmban deri në 0,4 miligramë vitaminë B6, që është afërsisht 25 për qind e marrjes së rekomanduar ditore.

3. Kokosi

Nëse humori juaj ka rënë gjatë ditëve të dimrit dhe ëndërroni ditë të ngrohta, kokosi mund t’ju sjellë humor të mirë. Kokosi është plot me trigliceride që mund të ndihmojnë në rritjen e energjisë tuaj. Një tjetër arsye pse kokosi konsiderohet një ushqim që përmirëson humorin është se një studim i vitit 2017 zbuloi se trigliceridet që gjenden në qumështin e kokosit mund të reduktojnë ankthin. Nevojiten më shumë kërkime për të kuptuar plotësisht marrëdhënien midis ankthit dhe kokosit.

4. Kafe

Tani mund të justifikoni marrjen e kafesë (me moderim sigurisht) sepse kafeja e bën botën një vend më të lumtur. Një meta-analizë e vitit 2016 arriti në përfundimin se konsumimi i kafesë ishte i lidhur ndjeshëm me një rrezik të reduktuar të depresionit. Një studim tjetër arriti në përfundimin se kafeja (si me kafeinë ashtu edhe pa kafeinë) përmirësoi ndjeshëm gjendjen shpirtërore të subjekteve në krahasim me ata që konsumonin një pije placebo.

5. Avokado

Një gjë është e sigurt: avokadot na bëjnë më të lumtur. Ky frut është i mbushur me lëndë ushqyese, duke përfshirë kolinën, të cilën trupi e përdor për të rregulluar sistemin nervor dhe disponimin. Një studim i vitit 2020 zbuloi se yndyrat e shëndetshme në avokado ishin të lidhura me reduktimin e ankthit tek gratë. Një arsye tjetër e madhe për të konsumuar më shumë avokado është se ato janë të pasura me vitamina B, të cilat lidhen me nivele më të ulëta të stresit.

6. Manaferrat

A e dini se konsumimi i më shumë frutave lidhet edhe me një shëndet më të mirë mendor? Një meta-analizë e vitit 2016 zbuloi se marrja e frutave dhe perimeve lidhej me përmirësimin e shëndetit mendor. Manaferrat në veçanti janë të pasura me antioksidantë, të njohur edhe si flavonoidë, të cilët mund të zvogëlojnë simptomat e depresionit. Një studim tjetër ku subjekteve iu dha lëng boronicë tregoi rezultate premtuese që lidhin marrjen e boronicës me rënien më të ngadaltë njohëse të lidhur me moshën.

7. Ushqimet e fermentuara

Ushqimet e fermentuara si lakra turshi, kefiri, kombucha dhe kosi ndihmojnë në mbajtjen e zorrëve të shëndetshme dhe gjithashtu mund të ndihmojnë në përmirësimin e humorit. Procesi i fermentimit krijon probiotikë, të cilët nga ana tjetër mbështesin bakteret e shëndetshme në zorrë. Por çfarë lidhje ka zorra juaj me disponimin tuaj? I madh. Deri në 90 për qind të serotoninës së prodhuar nga trupi juaj prodhohet nga qelizat e zorrëve. Kështu, ngrënia e ushqimeve të fermentuara nxit prodhimin më të mirë të serotoninës.

8. Kërpudha

Kërpudhat janë të mbushura me vitaminë D, e cila ka veti anti-depresive dhe mund të përmirësojë disponimin tuaj. Nëse jeni vegan ose vegjetarian, keni fat sepse kërpudhat janë i vetmi burim ushqimi jo shtazor me sasi të konsiderueshme të vitaminës D (trupi mund ta absorbojë lehtësisht atë). Për të përfituar sa më shumë vitaminën D nga kërpudhat, ekspozojini ato në rrezet e diellit për disa orë para gatimit.


Gazeta EXPRESS

https://www.gazetaexpress.com/shkenc...tin-lumturine/

[ATMAN]

Ka disa ushqime që shpesh i lidhohet ndjenjës së lumturisë dhe që mund t'ju sjellin kënaqësi. Këtu janë disa prej tyre:

1. Çokollata: Çokollata është një ushqim që shumë njerëz e përfytyrojnë si një "ushqim të lumturisë". Ajo përmban substanca kimike që stimulojnë prodhimin e serotoninës, një neurotransmetues që ndikon në ndjenjën e lumturisë.

2. Mjalti: Mjalti është i njohur për aftësinë e tij për të rritur nivelin e serotoninës në tru dhe për të sjellë ndjenjën e kënaqësisë.

3. Arra: Arrat janë të pasura me acide yndyrore omega-3 dhe triptofan, i cili është përbërësi themelor për prodhimin e serotoninës. Konsumimi i arrave mund të ndihmojë në rritjen e nivelit të serotoninës dhe ndjenjën e lumturisë.

4. Molla: Mollat janë një burim i mirë i vitaminës C dhe antioksidantëve. Disa studime kanë treguar se konsumimi i mollave mund të rrisë nivelin e serotoninës dhe të ulë nivelet e ankthit.

5. Peshku: Peshku si salmoni, lakri, sardi, dhe toni janë burime të mira të acidit yndyrore omega-3. Omega-3 kanë lidhje me funksionimin e trurit dhe mund të ndikojnë në ndjenjën e kënaqësisë dhe lumturisë.

6. Bananet: Bananet janë të pasura me triptofan, vitaminën B6 dhe fibra. Triptofani ndihmon në prodhimin e serotoninës, ndërsa vitamina B6 ndihmon në transformimin e triptofanit në serotoninë. Gjithashtu, bananet mund të jenë një burim energjie dhe mund të ndihmojnë në rritjen e nivelit të lumturisë.


Përveç ushqimeve të përmendura më lart, ka edhe disa ushqime të tjera që mund të ndihmojnë në rritjen e nivelit të serotoninës në tru. Këtu janë disa prej tyre:

7. Prodhimet e qumështit: Prodhimet e qumështit të pasura me kalcium, si qumështi, djathi dhe kos, janë burime të mira të triptofanit. Këto produkte qumështi gjithashtu përmbajnë edhe vitaminën D, e cila mund të ndikojë në prodhimin e serotoninës.

8. Orizi i plotë: Orizi i plotë dhe produktet e bërë me grurë të plotë (si buka e grurit të plotë) janë burime të mira të karbohidrateve komplekse. Këto ushqime rrisin nivelin e triptofanit në tru dhe ndihmojnë në rritjen e prodhimit të serotoninës.

9. Vezët: Vezët janë një burim i mirë i triptofanit dhe vitaminës D. Ata mund të jenë një zgjedhje e mirë për të rritur nivelin e serotoninës.

10. Kajsi: Kajsi janë fruta të pasura me triptofan dhe vitaminë B6, e cila ndihmon në prodhimin e serotoninës. Konsumimi i kajsive mund të ndihmojë në rritjen e nivelit të serotoninës në tru.

11. Lëngjet e frutave të freskëta: Lëngjet e frutave të freskëta, si portokalli dhe grepi, janë burime të mira të vitaminës C dhe triptofanit. Konsumimi i tyre mund të ndihmojë në stimulimin e prodhimit të serotoninës.

12. Kerpudhat: Disa kerpudha, si kerpudhat e portobellos dhe kerpudhat e shitake, janë burime të mira të triptofanit. Ata gjithashtu përmbajnë vitamina B dhe selen, të cilat mund të ndikojnë në prodhimin e serotoninës.

Është e rëndësishme të kuptoni se ndjenja e lumturisë është komplekse dhe ndikohet nga shumë faktorë, duke përfshirë gjendjen emocionale, shëndetin dhe kontekstin personal. Ushqimi vetëm nuk mund të sjellë lumturinë, por mund të kontribuojë në ndjenjën e mirëqenies fizike dhe emocionale.


Kujdesni që të përfshini këto ushqime në një dietë të shëndetshme dhe të balancuar. Ndërsa këto ushqime mund të ndihmojnë në rritjen e nivelit të serotoninës, është e rëndësishme të konsultoheni gjithashtu me një dietolog për ushqimin dhe shëndetin tuaj në përgjithësi.

[sirena_adria]

Për lumturinë tuaj duhet të dinë sa më pak njerëz…

Mënyra më e mirë për të ruajtur suksesin tuaj është të mos i tregoni askujt.

Kur gjërat e mira fillojnë të ndodhin në jetën tonë, shumë prej nesh e kanë zakon t’i përhapin ato tek të gjithë rreth e rrotull. Ne japim detaje, përmendim kush na ndihmoi dhe flasim për gjithçka që kemi bërë për të ndryshuar realitetin tonë.

Pavarësisht nëse arritjet tona lidhen me marrëdhëniet romantike, vetëvlerësimin ose punën, ne gjithashtu ndajmë informacionin më të vlefshëm dhe kuptimplotë, duke besuar se janë të lumtur që na shohin të përmbushim ëndrrat tona.

Ja pse mund të tërheqim shumë negativitet:

Kur bëhet fjalë për ndarjen e informacionit të vlefshëm për realitetin tonë, duhet të ndjekim gjithmonë këshillat e nënave dhe gjysheve tona për të “mbajtur gojën mbyllur”.

Sado që besojmë në mirësinë e botës, e vërteta është se është shumë më e lehtë të gjesh njerëz që janë ziliqarë dhe të pakënaqur me fitoret tona sesa njerëz zemërmirë, vërtet të lumtur për të parë suksesin e të tjerëve.

Meqenëse nuk mund t’i dimë qëllimet e të gjithëve rreth nesh, gjëja më e mirë që mund të bëjmë është të zvogëlojmë zhurmën kur festojmë arritjet tona. Kur lumturia jonë hesht, duke mbetur vetëm mes nesh dhe atyre që janë pjesë e udhëtimit tonë, ne mund të festojmë çdo ditë në mënyrë të plotë, pa frikë nga pasojat e thashethemeve dhe negativitetit.

Duke kufizuar numrin e njerëzve që dinë për lumturinë tonë, ne gjithashtu zvogëlojmë numrin e njerëzve të pakënaqur dhe të paaftë për të qenë të lumtur, e që janë të interesuar të na sabotojnë.

Sigurisht, është mirë të jemi në gjendje të ndajmë momentet e mira në jetë me të tjerët, por zilia mund të na dëmtojë në mënyra që as nuk mund t’i imagjinojmë.

Pra, gjëja më e mirë për të bërë është të ruani të drejtën për të qenë të lumtur, dhe një nga mënyrat më të mira për të ushqyer ditët e mira është të flisni më pak për to. Nëse keni vuajtur ndonjëherë nga prania e një personi toksik dhe ziliqar, të gjithë jeni shumë të njohur me dëmin e të qenit shumë i hapur me ta.

Mësoni të mos e përhapni lumturinë tuaj në ajër. Ruajeni atë, ashtu siç ruani të gjitha gjërat tuaja që nuk doni të vidhen. Lumturia dhe suksesi juaj janë pasuritë tuaja më të mëdha, mësoni t’i ruani ato në mënyrë që të zgjasin më shumë.


Ekonomia Online

https://ekonomiaonline.com/per-lumtu...me-pak-njerez/

[Jetmiraaa]

Lumturia nuk ka një koncept të caktuar.
Ajo është universale.
Mua më bën të lumtur familja ime.
Kur unë shikoj se sakrifica që po bëj për familjen time ja vlen.