DR-ja e Imer Selmanit votoi kunder paraburgimit te 2 deputetve te BDI-se

[Progres]

Demokracia e Re e Imer Selmanit dje ne parlamentin maqedon,votoi kunder paraburgimit te 2 deputeteve shqiptar Hisen Xhemaili dhe Hajrulla Misini.
Ndërkaq, deputeti i partisë shqiptare Demokracia e Re, Abedin Zymberi tha se hapja e këtyre proceseve, do të ketë efektin domino sepse sipas tij, në të ardhmen duhet të shqyrtohen e rastet që kanë dëmtuar popullatën civile gjatë periudhës së luftës në vitin 2001.

Deputeti i DR-së Zyberi tha se, gjatë luftës ka humbur 10 anëtarë të familjes dhe 26 të tjerë kanë qenë të plagosur. Ai tha se për 3 muaj me rradhë fëmijë, gra, të moshuar kanë qëndruar të mbyllur nëpër bodrume në kushte mizore dhe nën presionin e bombardimeve të Ushtrisë së Maqedonisë.

Sipas tij, këto çështje deri më tani nuk janë hapur për hirë të përmirsimit të klimës politike në Maqedoni.

Ndërsa, kreu i partisë Demokracia e Re, Imer Selmani theksoi hapja e këtyre rasteve është në disfavor të proceseve eurointegruese të Maqedonisë.


Selmani:Rastet e Hagës në disfavor të Maqedonisë 26/09/2008 20:14:39

Procedimi i lëndëve të kthyera nga Haga është një lojë e rrezikshme e Qeverisë e aktuale e cila mund të rëndoj situatën politike edhe ashtu të brisht në Maqedoni.

Këto komente i bëri kryetari i Partisë Demokracia e Re, Imer Selmani, në një takim me anëtarësinë e re të kësaj partie me rastin e muajit të shenjtë të Ramazanit.

Selmani theksoi se hapja e këtyre proceseve gjithashtu është në kundërshtim të hapur me Ligjin për amnisti dhe rëndon zhvillimin e marrëdhënieve ndëretnike në Maqedonisë.

Selmani tha se synimi parësor i subjektit të ri është realizimi i plotë i Marrëveshjes së Ohrit dhe presioni politik ndaj qeverisë së Maqedonisë, që sa më shpejtë të njihet pavarësia e Kosovës.

“Sepse vetë zvarritja e aktit të pranimit të Kosovës, po i kushton edhe marrëdhënieve bilaterale, fqinjësore si dhe atyre ekonomike, ngase lidhjet tona me vëllezërit tanë kosovarë, janë edhe familjare, edhe politike, por edhe ekonomike”, deklaroi kryetari i DR-së, Imer Selmani duke përmendur edhe prioritetet e tjera që kanë të bëjnë me ruajtjen e vlerave kombëtare dhe kultivimin e tyre.

Ai bëri të ditur se kësaj parti dita ditës po i bashkangjiten anëtarë të partive të tjera, por edhe ata që deri tani nuk janë ky[ur në asnjë parti politike. Selmani paralajmëroi edhe hapat e mëtejshme për krijimin e strukturave organizative, funksionale, debatet brendapartiake dhe forumet e ndryshme, etj. (INA)