Çiftit I Kerkohen Analizat Para Martese!!

[Shpirt Njeriu]

Një projektligj racist, që nuk mund të përfaqësojë zgjidhjen e dëshiruar për parandalimin e sëmundshmërisë së trashëguar. Mjekët kanë kundërshtuar propozimin e Komisionit të Shëndetësisë për një ndryshim në ligjin "Për Kodin e Familjes".



Të dy bashkëshortët duhet t'i paraqesin nëpunësit të Gje-ndjes Civile analizën e elektroforezës së hemoglobinës me qëllim parandalimin e hemogobinopative congenitale". Ky është propozimi i fundit për Kodin e Familjes që ka ndezur debate të ashpra në rrethet e shëndetësisë shqiptare. Historia ka zanafillën jo më larg se 10 ditë më parë, kur Komisioni i Shëndetësisë në Parlament njoftoi hartimi e këtij projektligji. Sipas hartuesve ky ndryshim në Kodin e Familjes synon parandalimin e sëmundjeve të gjakut, kryesisht talaseminë, e cila në vendin tonë është problematike në shifra. Domethënë të gjitha çiftet shqiptare duhet të bëjnë analizën e elektroforezës së hemoglobinës (lloj analize gjaku) para se të vendosin të lidhin kurorë dhe ta dorëzojnë atë te nëpunësi i gjendjes civile. Martesa mund të anullohet nëse konstatohet tendenca për të patur, ta zëmë (se mund të ketë dhe probleme të tjera), fëmijë talasemikë. Por ende pa u marrë në shqyrtim nga Komisioni i Ligjeve, ky projekt i bërë publik në media është kundërshtuar hapur nga mjekët, ata që janë pranë këtyre sëmundjeve. Sipas mjekëve kjo është një zgjidhje kryekëput e gabuar. Dhe se ligji ka përmbajtje raciste. "Me këtë ligj nënkuptohet zhdukja e "racës" së talasemikëve me të tillë mekanizma që na kujtojnë Hitlerin. Nuk është kjo zgjidhja", u shprehën mjekët. Për të ulur shifrat e talasemisë nuk mund t'u mohohet absolutisht e drejta për të patur fëmijë asnjë çifti pavarësisht problemeve të tyre gjenetike. Pa llogaritur këtu faktin që talasemia nuk është 100 për qind e kontrollueshme duke u nisur vetëm nga të dhënat e prindërve. Mjekët që janë specializuar përtej kufijve thonë se të tilla fushata kundër sëmundshmërisë nuk mund të jenë kurrsesi të ligjëruara dhe se nuk kanë gjetur një model të tillë në vendet ku janë shkolluar, në Francë a Itali për shembull, ku talasemia është e përhapur (përmendim këtë sëmundje meqë kjo është problematike dhe në vendin tonë dhe qëllimi i parë i këtij amendimi ligjor). Sipas specialistëve masat parandaluese të sëmundjes do të ishin të pranueshme, nëse njerëzit do të njoftoheshin në rrugë të tjera përmes shpërndarjes së informacionit në qendra shëndetësore apo me fushata të ndryshme ndërgjegjësimi. Dhe kjo është krejt e bëshme, përderisa në vend zoant e talasemisë janë tashmë të identifikuara dhe s'ka nevojë që nisma të përfshijë gjithë vendin. Sipas mjekut Arben Ivanaj trajtimi i vërtetë i talasemisë dhe hemoglobinopative në përgjithësi fillon në 6-7 javëshin e parë të fetusit me diagnozën prenatale dhe pastaj vazhdon me marrjen në ngarkim psikologjik dhe klinik të bartësve (çiftit). "E theksoj psikologjik, se vetëm prindërit janë ata që do të vendosin nëse një fetus me anomali duhet të jetojë apo jo dhe se shoqëria duket të jetë larg të qenit e emancipuar në këto probleme. Pasi një nga kriteret e emancipimit të një shoqërie është mënyra e trajtimit të kategorive në nevojë", përfundoi Ivanaj.


Maksim Cikuli: Ja përse jam kundër

Parandalimi i hemogobinopative nuk mund të bëhet me ligj. Kjo punë mund të zgjidhet së pari me një depistim në zonat e identifikuara me probleme tilla, si Lushnja, Fieri apo Durrësi. Së dyti duhet të bëhet sensibilizimi i popullatës në këto zona, gjë që s'është e nevojshme me ligj që është i njëjtë dhe i zbatueshëm për të gjithë shtetasit. Dhe së treti përse të shkojmë direkt e te analiza e elektroforezës së hemoglobinës, që për momentin bëhet vetëm në Tiranë. Edhe një analizë gjaku e thjeshtë do t'i identifikonte problemet.


Arben Ivanaj: Nuk ka ligj para dashurisë

Nuk jam në dijeni për këtë, por nëse ekziston ky është një projektligj racist. Problemet e talasemisë në Shqipëri nuk zgjidhen duke zhdukur talasemikët. Në qoftë se aktualisht ka vështirësi praktike në ardhjen në ndihmë të këtyre të sëmurëve, kjo ndoshta për faktin se asnjëherë nuk janë marrë seriozisht me këtë problem. Na mungon një Institut i Hemoglobinopatisë, ide që e viteve '70. Përse na duhet ky ligj??? Nuk ka asnjë ligj para dashurisë. Bashkëshortët vendosin vetë për fëmijët e tyre, pa patur nevojën e një punonjësi bashkie.


Anila Godo: Na duhet jo ligji, po një rregullore

Nuk mund të ndërhyhet me ligj për një problem të tillë. Unë mendoj se më e përshtatshme do të ishte shpërndarja e një rregulloreje në zonat me risk. Domethënë konsultoret e qendrave shëndetësore në këto zona të informonin njerëzit për këtë rrezik potencial, siç veprohet aktualisht me gratë shtatzëna të ndërgjegjësuara tashmë për të bërë analizën e rezusit që të kenë një fëmijë normal. Por nuk mund të mos them se ky është një rregull i domosdoshëm në kushtet tona, ku talasemia vazhdon të jetë në nivele të larta.


Gjergji Koja: Na duhej domosdo ky ligj

Ne e hartuam këtë ligj duke u mbështetur në përvojën ndërkombëtare, por duke u nisur dhe nga kushtet aktuale në vend, ku shifrat e talasemisë vazhdojnë të jenë në rritje. Ky ligj do të shërbejë si masë parandaluese. Trajtimi i kësaj sëmundjeje të pashërueshme ka dhe një kosto të lartë ekono-mike, që është një tjetër shtysë e cila na ka çuar drejt këtij vendimi. Por, mbetemi në nivelin e projektligjit, meqë ende s'është miratuar. Megjithatë, deri në këto momente nuk është depozituar asnjë ankesë apo pretendim.


Kreu i talasemikëve: Jam dakord me ligjin

Ishte një ndërhyrje e domosdoshme për të mbajtur nën kontroll talaseminë. Në vendin tonë gjërat nuk mund të bëhen ndryshe përveçse me ligj. Po të presim deri kur të sensibilizohemi me shoqata, kushedi sa kohë do të duhen. Unë vetë jam prind i një fëmije të sëmurë me talasemi (për këtë arsye nuk dua të identifikohem) dhe ky ligj para shumë vitesh do të më shërbente dhe mua. Unë kam dhe dy fëmijë të tjerë normalë. Para disa vitesh gruaja ime ka abortuar, pasi kur qemë në Itali mësuam me anë të diagnozës prenatale se fëmija ynë do të ishte talasemik.

Shpirt Njeriu

[Jonian]

Nuk e di se si eshte ligji tamam, por nje lloj rregulluesi duhet te ekzistoje. Une njoh njerez qe kane femije talasemike, dhe sado te duam te dukemi te dhembshur, nuk eshte gje e lehte te rrish e te kujdesesh per ta gjate gjithe jetes tende.
Ketu ne Amerike, kur dy veta vendosin te martohen, gjeja e pare qe bejne jane analizat e gjakut. (besoj ketej e kane marre idene dhe ata ne Shqiperi) Ajo cfare nuk kuptoj une eshte; Ku qendron racizmi ne kete mes? Nuk po flet njeri per shfarosje te talasemikeve duke i vrare e futur neper dhoma gazi, por per uljen e shifrave te tyre duke parandaluar talasemine. Shprehjeve shabllon te tipit "Nuk ka ligj perpara dashurise" u ka ikur koha. Mospatja e nje rregullatori te tille, shtyn drejt nje krimi akoma dhe me te madh, kur nenat vendosin te abortojne kur marrin vesh se femija qe do te lindin do te kete talasemi. Ky doktor Ivanaj, nuk besoj te kete vete ndonje femije talasemik, prandaj flet kodra pas bregut, por sic thote edhe populli: "1000 hunj ne b*the te tjetrit nuk te bejne gje, por nje ne b*then tende te dhemb".
Nejse, per mendimin tim mire eshte te kete nje lloj rregullatori te tille, qofte ligj qofte rregullore, por jo deri ne masen sa te mos lejoje martesen. Me teper te sherbeje si mjet informues per t'u thene bashkeshorteve te ardhshem "Ju keni predispozita per te patur femije talasemike" dhe pastaj vendimin ata le ta marrin vete.

[S`ka Lezet]

Ato jane gjera qe vetem te dy palet mund te vendosin dhe asnjeri tjeter...Po do isha dakort nqs shteti na mban si femijet ne kopesht....por jo kur shteti as do t`ja dije nqs ti ekziston...S`ka gje se po i vjen fundi ketyre sistemeve...

[XimiD]

Nje ligj idiot qe hyn thellesisht ne jeten private te njeriut !
Ligji nr 1 ne nje lidhje martesore eshte dashuria dhe asgje nuk duhet te nderhyje ne te !