Albania ESC 2023

[sirena_adria]

LUAN ZHEGU - A do të vish

Kompozimi: OSMAN MULA - Poezia: AGIM DOÇI


NËN - KAMPIONË ---- FEST ' 26

[sirena_adria]

Eda Zari me kompleksin e te rinjve. Festivali i 1987-s Rtsh.

[sirena_adria]

LUAN ZHEGU & LEDINA ÇELO - A do të vish

Kompozimi: OSMAN MULA - Poezia: JORGO PAPINGJI


NËN - KAMPIONË ---- FEST ' 34, Dhjetor 1995.

[sirena_adria]

EVIS MULA - E Dua Këngën

Kompozimi: OSMAN MULA & LUAN ZHEGU - Poezia: JORGO PAPINGJI


VENDI I TRETË - FEST ' 44, Dhjetor 2005.

[sirena_adria]

ARSI BAKO - Sonte dua të jem me ty

Kompozimi: OSMAN MULA - Poezia: EVIS MULA


JO FINALISTE - FEST' 61, Dhjetor 2022.

[sirena_adria]

Albina, me këngën e Petritit - Jericho konkurron në Voice of Albania, 4 Finale me Trajnere Elsa Lilën......... sot të 3 Konkurrent të FEST' 61 !




Finale - Albina, Kënga 1 + Klipi, Skuadra Elsa Lila - The Voice of Albania - Sezoni 4

Janar 2015


Trainerët e THE VOICE ALBANIA - Elton Deda, Alma Bektashi & Genc Salihu kë vlerësojnë me ÇMIM TË PARË :

Kolegen, ELSA LILA apo Nën - Kampionen Sezoni 4, ALBINA KELMENDI ?

[sirena_adria]

Anëtarët e JURISË që do të përzgjedhin këngën fituese të Festivalit të Këngës në RTSH !

* Genc Saliu

* Alma Bektashi

* Zhani Ciko

* Rita Petro

* Elton Deda

[sirena_adria]

Polemika/ Nata e nostalgjisë në Festivalin e Këngës, Luan Rama: Si mund të përmendet ai që e këndoi, por jo Autori dhe Kompozitori?


Nata e tretë e Festivalit të 61-të të Këngës në RTSH, e konceptuar si një mbrëmje ku në skenë vijnë këngët që kanë bërë historinë e Festivalit ndër Vite, ka shkaktuar polemika të shumta në publik.

Pas kompozitorit të këngës “Pyes lotin”, që e konsideroi një version të shëmtuar atë të kënduar nga Elsa Lila dhe Capital T, ka reaguar edhe Luan Rama.

Sipas tij organizatorët teksa kanë rikthyer këngët në skenë me këngëtarët që i kanë kënduar, nuk përmendin emrat e autorëve dhe të kompozitorëve.


Shkrimi i Luan Ramës

Një vëzhgim dhe një këshillë miqësore duke ndjekur Festivalin e 61-të të këngës në RTSH:

Meqenëse organizatorët e Festivalit të 61-të të këngës në Radio Televizionin Shqiptar zgjodhën të na ofronin në natën e tretë të Festivalit një shfaqje me këngë nga historia e kësaj ngjarjeje të madhe të muzikës shqiptare (ah sikur festivali të ishte edhe tani ngjarje e madhe e këngës tonë!), edhe unë vendosa ta ndjek këtë natë këngësh të zgjedhura, për t’u ritakuar me këngë dhe këngëtarë që kanë shenjuar rrugëtimin e këngës tonë prej festivalit në festival, i bindur se përzgjedhja do të ishte edhe një moment nderimi, homazhi e vëmendjeje për krijuesit e atyre këngëve, pra edhe për kompozitorët, për poetët, për këngëtarët dhe brezat e tyre.

Mirëpo, më bëri përshtypje një “harresë” e shëmtuar e organizatorëve, të cilët, për një pjesë të këngëve, nuk i përmendën as kompozitorët dhe as poetët e këngëve të përzgjedhura.

Shumë bukur për shembull që ndër këngët e zgjedhura ishte edhe kënga “Ne jemi tre” e kënduar nga Qemal Kërtusha. Shumë mirë që u kujtua me nderim edhe këngëtari aq i njohur për zërin melodioz dhe aq të veçantë. Po përse nuk iu tha publikut që atë këngë e ka kompozuar kompozitori ynë i madh Agim Krajka mbi poezinë e Haxhi Ramës dhe të Koçi Petritit?!

Po kështu, prania dhe interpretimi i Luan Zhegut i bëri një nder të veçantë festivalit dhe risjella e këngës “ A do vish?” jo rastësisht ndezi të gjithë sallën, po përse nuk iu tha publikut që tekstin e kësaj kënge e ka bërë një prej poetëve më të pranishëm në festivalet tona, Agim Doçi dhe muzikën aq të bukur e ka kompozuar Osman Mula?!

Pa sjellë më shumë fakte me këngë dhe autorë të tjerë, dua të them se jo vetëm është detyrim formal në respekt të të drejtës së autorit përmendja e autorëve të këngës, por më shumë se kaq, është detyrim njerëzor, është detyrim etik, është shenjë vëmendjeje dhe respekti.


Kënga nuk është vetëm e këngëtarit. Madje, më parë se të jetë e tija, kënga është e kompozitorit dhe e poetit.

Ata që kanë organizuar dhe që drejtojnë Festivalin e 61-të të Këngës në RTSH, me sa duket nuk e dinë se pa kompozitorët dhe poetët, këngëtarët nuk do të kishin se çfarë të këndonin.

Por, meqë festivali ende vazhdon, organizatorët janë në kohë t’u kërkojnë ndjesë autorëve të “harruar”, anipse një pjesë prej tyre nuk janë gjallë.

Është gjallë emri i tyre, janë gjallë këngët e tyre, është e gjallë kujtesa e publikut dhe nderimi për artin që ata dhuruan.

Radiotelevizioni shqiptar e ka detyrim nderimin dhe mirënjohjen për të gjithë ata artistë që i dhanë jetë dhe shpirt Festivalit të Këngës në 61 vite me rradhë!


Ballkanweb.com

https://www.balkanweb.com/polemika-n...e-kompozitori/

[sirena_adria]

Elsa e Capital T rikthyen këngën, kompozitori i “Pyes lotin”: Mos ma bëni pis, variant i shëmtuar.

Mbrëmjen e djeshme është mbajtur nata e tretë e edicionit të 61-të Festivalit të Këngës në Radio Televisionin Shqiptar, ku këngëtarët konkurentë kënduan me një artist shoqërues. Të njëjtën gjë bëri edhe këngëtarja e njohur, Elsa Lila, e cila riktheu këngën e saj “Pyes lotin”, këtë herë në bashkëpunim me reperin Capital T.

Ndonëse kjo këngë u prit shumë mirë nga publiku dhe mori pafund duartrokitje, duket se kompozitori i saj, Valentin Veizi ka reaguar i indinjuar.

Përmes një postimi në Facebook, ai i ka kërkuar RTSH ta heqë nga transmetimi këtë variant, të cilin e ka konsideruar të “shëmtuar”. Ndër të tjera, Veizi ka bërë thirrje që të mos ja bëjnë pis këngën.

Postimi i plotë:

MOS MA BENI PIS KENGEN!

Sot kam marr shumë mesazhe e telefonata nga shokë e miq, dashamires e simpatizantë të muzikës sime të indinjuar në lidhje të një varianti të këngës “Pyes Lotin” që është kënduar nga Elsa Lila edhe Capital T në natën e tretë Festivali 61 i RTSH-së, duke qenë se s'kam patur mundësi të ndjek festivalin e kërkoj edhe e dëgjoj në YouTube këngën, më bën përshtypje (indinjuan) dy gjëra:
E para nuk e di kush ka marrë guximin e ka pasur kurajon të ma bëj “pis” këngën time, mirë që nuk kane aftësine profesionale për të “rifreskuar” apo të sjellin ndryshe një këngë, por këta nuk kanë as edukatën edhe as respektin të paktën të kontaktojnë për të marrë lejen e autorit.

Së dyti: Ti (kushdo) mund të rikëndosh një këngë, por nuk ke asnjë të drejtë të ndryshosh e të denigrosh këngën pa lejen e autorit, (kompozitorit). Më lini t'ja u them troc edhe njëherë Liles edhe Capitalit, modeli i këngës që ju sollet është modeli se si mund të denigrosh, shpërfytyrosh një këngë aq të bukur si kënga “Pyes Lotin” , prandaj do ti lutem Radio televizionit Shqiptar ta heqi nga cdo lloj transmetimi këtë variant të shëmtuar!/


/ abcnews.al / Gazeta Express

https://www.gazetaexpress.com/elsa-e...nt-i-shemtuar/

[sirena_adria]

Aurela Gaçe: Me fshinë nga Festivali me shumë dashuri!

Në natën e tretë e tretë të Festivalit të Këngës në RTSH, që i kushtohej këngëve më të famshme ndër vite në Festival, mungoi Aurel Gaçe. Ndër vite pjesëmarrëse me këngë që kanë bërë bujë dhe kanë mbetur në memorien e shqiptarëve, njëkohësisht edhe pjesmarrëse në Eurovizion duke përfaqësuar Shqipërinë në vitin 2011.

Sigurisht që mungesa e saj, u vu re. Së pari ishte Aulona Musta që shkroi në rrjetet sociale për mungesën e Gaçes në Festival.

“Moj Aurela, prita deri tani që të të shikoja dhe dëgjoja ty në festival. Këngët e tua janë himne të Festivalit të Fundvitit! Aurela, pse ma bëre këtë,” shkroi Aulona Musta.

Në përgjigje të saj këngëtarja tha mungesa e saj në Festival ishte për shkak të pamundësisë për të qenë pjesë, ndërsa ftesa i ishte bërë. Ajo që Aurela Gaçe e thekson, është mungesa e këngëve të saj ndër vite në Festival, në promon.

“Hmm, në siglat promovuese të Festivalit, asnjë video e këtyre këngëve nuk ishte. Paçka se Aulona thotë se këto këngë janë…pse asnjë prej këngëve, për 3 sekonda, nuk ishte pjesë e promos? Në fakt, ftesa ishte për të marrë pjesë. Fakti që nuk munda të jem në skenë, mbase bëri që të më fshijnë edhe nga videot promovuese. Më thanë që më duan, por në momentin që unë s’kam mundësi të shfaqem, prej angazhimeve sigurisht, ndodh të të fshihet dhe historia. Me shumë dashuri”, shkruan Gaçe.


/L.F-dritare.net

https://dritare.net/shqiptar/aurela-...ashuri-i736000