Zgjedhjet parlamentare 2014 ne Kosove

[Llapi]

https://www.youtube.com/watch?v=wd06...ature=youtu.be

Fjalimi i Kryeministrit Hashim Thaçi para qytetarëve të Kosovës

[Llapi]

Jam i gatshëm të hyj në listën e PDK-së

Kryetari i Organizatës së Veteranëve të UÇK-së, Muharrem Xhemajli, ka thënë se është i gatshëm të jetë kandidat i PDK-së për deputet të Kuvendit të Kosovës.
Xhemajli ka thënë për “Epokën e re” se nuk do ta refuzojë kërkesën e PDK-së për të qenë pjesë e listës zgjedhore për zgjedhjet e parakohshme parlamentare, të cilat do të mbahen më 8 qershor. “Nuk kam nevojë të insistoj për të qenë në listë, por nëse PDK-ja vlerëson se duhet të jem pjesë e listës zgjedhore të PDK-së, atëherë unë jam i gatshëm të punoj dhe ta jap kontributin tim”, ka thënë Xhemajli.
Ai ka deklaruar se për këtë çështje ka biseduar edhe me zyrtarë të lartë të PDK-së, por ende nuk ka asgjë zyrtare. “Kemi biseduar sepse jemi shokë edhe me zyrtarë të PDK-së, edhe me liderin e PDK-së, z. Hashim Thaçi, por zyrtare ende nuk ka asgjë, të shohim”, ka thënë Xhemajli.
Xhemajli ka shprehur optimizëm se do të bëhet deputet në rast se do të jetë pjesë e listës zgjedhore të PDK-së. “Nuk do të kam përkrahje vetëm nga veteranët e UÇK-së, për të cilët jam angazhuar gjatë këtyre viteve, por edhe nga qytetarët e tjerë”, është shprehur Xhemajli.

[Lexuesi_]

Me Xhemajlin brenda nje arsye me pak me votu PDK-ne.

[Antiproanti]

Kosova feston, Evropa punon

E premtja e 9 majit ka qenë ditë e zakonshme për Evropën por jo edhe për Kosovën, raporton KTV.

E izoluar, larg të qenit pjesë e Bashkimit Evropian dhe me gjysmën e popullatës së papunë, kosovarët kanë gjetur megjithatë motiv për të festuar Ditën e Evropës.

Asnjë nga institucionet e Kosovës nuk ka punuar, ngase 9 maji vazhdon të jetë pjesë e kalendarit zyrtar të festave, edhe pse ka 2 vjet që është kërkuar largimi i saj.

Derisa më të vegjlit kanë shënuar Ditën e Evropës duke vallëzuar e kënduar, politikanët kanë luajtur futboll.
EULEX-i është përkujdesur të proklamojë punën e vet dhe të shteteve nga vijnë pjesëtarët e tij.

Ndërsa, studentët dhe qytetarët e zhgënjyer kanë vendosur dëshirat e tyre në një pemë dhe më pas i kanë mbledhur ato, për t’i dorëzuar në zyrën e BE-së në Kosovë.

Kosovarët madje kanë ironizuar institucionet shtetërore, të cilat kanë pushuar me këtë rast.

Sipas Ligjit për festat zyrtare, shteti laik i Kosovës ka gjithsej 11 festa zyrtare, 6 nga të cilat janë festa religjioze.
http://koha.net/?id=27&l=9432

[Antiproanti]

Limaj: PDK është shterur, dyshoj në LDK



Themeluesi i Nismës, Fatmirë Limaj, ka thënë se këtij subjekti më së paku i ka konvenuar të dalin në zgjedhjet e 8 qershorit.

“Kemi pas nevojë më tepër kohë”, ka thënë ai te “Zona e Debatit” në Klan Kosova. “Erdhëm në një situatë kur Parlamenti i Kosovës ishte para një situate të rëndë. Me shpresën që do të kemi lëvizje pozitive, që do ta ndryshonin vendin, kam votuar edhe për shpërbërjen e këtij Kuvendi”.

Sipas tij, qeverisja e tashme është e shterur, por ka dyshime edhe tek ata që mund të vijnë.

“Në LDK-në kam dilemat e mia se a mund të paraqes ndryshim. Nuk e di se sa janë të përgatitur për një gjë të tillë. Nuk dua ta marrë rolin për të konstatuar gatishmërinë e secilës parti, por mund të them se këtij vendi i duhet ndryshimi”, ka thënë Limaj, i cili thekson se Nisma do të jetë parti e qendrës së majtë.

“Kosova ka probleme ekonomike e sociale e krejt shkuan në të djathtë pa e ditë se çka është kjo”, ka thënë ai. /Telegrafi/
http://www.telegrafi.com/lajme/limaj...k-2-44586.html

[Antiproanti]

PDK-ja pagoi për fjalimin e kryeministrit Thaçi

Fjalimi më shumë se 8-minutash i kryeministrit Hashim Thaçi është transmetuar në televizionet më kryesore të Kosovës, pikërisht ditën kur është dekretuar data 8 qershor për organizim të zgjedhjeve të parakohshme nacionale, shkruan sot Koha Ditore.

Së paku në disa televizione transmetimi është lejuar me pagesë. E, kompensimi monetar për kohën e transmetimit është sponsorizuar nga PDK-ja.

Kryeministri Hashim Thaçi është denoncuar të premten në Panelin Zgjedhor për Ankesa dhe Parashtesa (PZAP) për promovimin që i ka bërë nga zyrat e Qeverisë projektit më kapital me të cilin synon mandatin e tretë, “Misioni i ri”
(Detajet lexoni sot në Koha Ditore)
http://koha.net/?id=27&l=9442

[Antiproanti]

Kosova feston, Evropa punon

...
http://koha.net/?id=27&l=9432

Festë e protestë në “geto”!



Në shtetet anëtare të Bashkimit Evropian, e premtja ka qenë një ditë normale pune. Askush s’ka mundur t’i gëzohet Ditës së Evropës, për t’iu shmangur rutinës së punës. Punonjësit e 27 vendeve që sot e përbëjnë familjen evropiane, mund t’u kenë marrë lakmi vetëm banorëve të shtetit që ka mbetur më i izoluari në kontinent, atyre në Kosovë.

Në këtë vend, me pozitë gjeografike në Evropë, por që qytetarët e të cilit nuk mund të lëvizin jashtë kufijve të tij pa viza, jo vetëm që është festuar, por edhe është pushuar. Festimi i kësaj dite, në fakt ka nisur një natë përpara.

Shefi i Zyrës së Bashkimit Evropian në Prishtinë, Samuel Zbogar, duke e ditur që data 9 Maj është ditë pushimi për kosovarët, i ka mbledhur zyrtarët e lartë të shtetit, por edhe politikanë e intelektualë të këtij vendi, për t’i qerasur për Ditën Evropiane.

Aty, ai ka shfrytëzuar rastin t’u tregojë vendësve se koha nuk është për pushim. “Mendoj se nuk do të ketë kohë për pushim. Siç e dini, për ne Dita e Evropës gjithmonë ka qenë një prej periudhave më dinamike dhe të ngarkuara me punë”, ka thënë Zbogar. ()

Slloveni, që përfaqëson BE-në në Kosovë, ka shtuar se tani është koha për të menduar dhe ëndërruar se çfarë do të ndodhë me disa institucione, atëherë kur prania e BE-së do të ndryshojë. /Tribuna/

http://www.telegrafi.com/lajme/feste...o-2-44595.html

[Antiproanti]

Teuta Rugova e Valon Murtezaj aderojnë sot në LDK



Lidhja Demokratike e Kosovës, nëpërmjet një njoftimi për media ka treguar se kryetari i kësaj partie, Isa Mustafa, sot do të mbajë një konferencë për media me ç'rast do të prezantojë aderimet e reja në LDK.

Ndërsa, gazeta Botapress bën të ditur se sot në LDK do të aderojnë edhe Teuta (Ibrahim) Rugova, vajza e presidentit Ibrahim Rugova dhe profesori Valon Murtezaj.

Mbrëmë janë takuar lideri I LDK-së Isa Mustafa dhe Teuta Rugova dhe sot do të bëhet edhe ceremonia e pranimit zyrtar.

Edhe profesor Valon Murtezaj është emër I njohur për opinionin kosovar. Mendohet se që të dy do të jenë kandidat të listës së LDK-së për deputetë, shkruan Botapress.

Ndryshe LDK-së dje i është bashkuar edhe analisti i njohur Bardhyl Meta. /Telegrafi/

http://www.telegrafi.com/lajme/teuta...k-2-44593.html

[Antiproanti]

80 mijë € pa e çelë gojën



Morën paga të majme më shumë se nga 2 mijë euro brenda muajit, por asnjëherë askush nuk mundi t’iu dëgjojë zërin. Janë më shumë se 10 deputetë të Kuvendit të Kosovës të legjislaturës së fundit që përgjatë tri viteve të mandatit të tyre morën nga buxheti i Kosovës deri në 80 mijë euro, por, që asnjëherë në asnjë rrethanë nuk morën mundin që të flasin në seanca plenare.

Në këtë mes hyjnë deputetët e të gjitha subjekteve politike pa përjashtim, të cilët morën besimin e qytetarëve që të ulën në Kuvend, por që patën fatin vetëm të marrin paga të majme dhe të gëzojnë shumë privilegje, por jo edhe të flasin për hallet dhe problemet e qytetarëve..(Shkrimin e plotë mund ta lexoni në numrin e sotëm të gazetës Zëri)

[Antiproanti]

Visar Ymeri deputeti më aktiv



Instituti Demokratik i Kosovës (KDI), e ka vlerësuar me shumë kritika punën e legjislaturës së Kuvendit të Kosovës që nuk arriti ta përfundojë mandatin e rregullt. Sipas KDI-së në bazë të statistikave të tyre deputeti më aktiv në këtë legjislaturë ishte Visar Ymeri nga Vetëvendosje ndërsa, deputeti më pasivë ishte deputeti Etem Arifi nga Partia e Ashkalive për Integrim.
...

“Deputetët më aktiv gjatë kësaj legjislature dalin të jenë.
Visar Ymeri me 4.40 për qind,
Alma Lama me 3.54 për qind,
Halit Krasniqi me 2.97 për qind, Myzejene Selmani 2.91 për qind,
Ardian Gjini 2.53 për qind, Albulena Haxhiu 2.27 për qind,
Time Kadrijaj 2.24 për qind,
Bekim Haxhiu 2.20 për qind,
Sabri Hamiti 2.09 për qind dhe
Shapi Muja 2.07 për qind.

Ndërsa, deputetët më pasiv janë,
Sreten Ivanoviç -0.29 për qind,
Rada Trajkoviq -0.20 për qind,
Ukë Rugova -0.20 për qind,
Florin Krasniqi -0.18 për qind,
Vesimir Saviç -0.16 për qind,
Azem Syla -0.13 për qind,
Sasa Dokiç, -0.12 për qind,
Justina Shiroka Pula -0.07 për qind,
Boban Todoroviç -0.07 për qind dhe
Etem Arifi -0.03 për qind”, ka theksuar Masolli.

Ndryshe, KDI vlerëson rre th 83 deputet të Kuvendit të Kosovës kanë qenë për herë të parë pjesë e legjislativit, prandaj kjo e ka penguar edhe vazhdimësinë e punës së Kuvendit. Sipas KDI-së, në shembujt e demokracisë ndodh që 1/3 e deputetëve mund të jenë strukturë tjetër por jo më shumë se 2/3 siç ka ndodhur në këtë mandat.

Gjithashtu, në raportin e KDI-së thuhet se asnjë subjekt politik nuk e ka përfunduar mandatin me numra të njëjtë me të cilin e ka filluar këtë legjislaturë. PDK ka hyrë me 34 deputet ka përfunduar me 30, LDK-ja ka hyrë me 27 ndërkohë ka përfunduar me 29 deputet, Lëvizja Vetëvendosje ka hyrë me 13 ka përfundua mandatin me 12 deputet, Koalicioni për Kosovë të Re ka pasur 8 deputet në fund të mandatit ka pasur 7, dhe AAK ka filluar me 12 dhe ka përfunduar me 13 deputetë.
http://www.zeri.info/artikulli/33915...uteti-me-aktiv